လံာ်တၢ်ကဲထီၣ်အခီၣ်ထံး 33:13 - Sgaw Karen Common Bible

¹³ စီၤယၤကိာ်စံးဆၢဝဲ, “နသ့ၣ်ညါလၢဖိသၣ်တဖၣ်အဂံၢ်စၢ်ဘါစၢ် ဝဲ, ဒီးယကဘၣ်ဆိကမိၣ်တၢ်လၢသိ, ဂီၤဘုၣ်ဂီၤဖံးဒီးအဖိတဖၣ်အဂီၢ် လီၤ. အဝဲသ့ၣ်မ့ၢ်ဘၣ်တၢ်မိၤဆူၣ်အီၤလၢတနံၤဃီအတီၢ်ပူၤန့ၣ်, ဆၣ်ဖိကီၢ်ဖိဒီတဖုကသံဝဲလီၤ.

လံာ်တၢ်ကဲထီၣ်အခီၣ်ထံး 33:13 Iomraidhean Croise

လံာ်တၢ်ကဲထီၣ်အခီၣ်ထံး 33:12

စီၤဧ့ၡီၤစံးဝဲ, “မ်ပကတဲာ်ကတီၤပသးလၢပကဟးထီၣ်တက့ၢ်. ယကလဲၤဆိတၢ်လၢနမဲာ်ညါလီၤ.”

လံာ်တၢ်ကဲထီၣ်အခီၣ်ထံး 33:14

ဝံသးစူၤလဲၤဆိတၢ်လၢယမဲာ်ညါ, ဒီးယကပိာ်ထွဲထီၣ်ကယီ ကယီ, လဲၤတၢ်တချ့ဖဲအချ့ဒ်ယသ့ဃုာ်ဒီးယဂီၤဘုၣ်ဂီၤဖံးဒီး ဖိသၣ်တဖၣ်တုၤယချုးန့ၢ်နၤလၢကီၢ်အဒိၣ်အပူၤန့ၣ်တက့ၢ်.”

လံာ်ကွဲးနီၣ်တၢ်အခီၣ်ထံးတဘ့ၣ် 22:5

စီၤဒၤဝံးဆိကမိၣ်ထီၣ်ဝဲ, “တၢ်လုၢ်ဟံၣ်လၢယဖိခွါစီၤၡလိၤမိၤကသူၣ်ထီၣ်န့ၣ်, ကဘၣ်လီၤဘီလီၤမုၢ်ဒီးမံၤဟူသၣ်ဖျါလၢဟီၣ်ခိၣ်ဒီဘ့ၣ်ညါလီၤ. ဘၣ်ဆၣ်အဝဲအသးစၢ်ဒံး, ဒီးအတၢ်လဲၤခီဖျိ စှၤဒံးမးန့ၣ်လီၤ. လၢတၢ်န့ၣ်အဃိ, ယကဘၣ်ကတဲာ်ကတီၤဆိတၢ် တဖၣ်လၢတၢ်န့ၣ်အဂီၢ်လီၤ.” သတးဒီးတချုးလၢအဝဲသံဒံးဘၣ်န့ၣ်, စီၤဒၤဝံးကတဲာ်ကတီၤပာ်စၢၤတၢ်ပီးတၢ်လီအါအါဂီၢ်ဂီၢ်န့ၣ်လီၤ.

စံးထီၣ်ပတြၢၤ 78:71

ဖဲအကွၢ်ထွဲအသိအဖုအဂီၢ်တဖၣ် ဒီးဒုးကဲထီၣ်အီၤလၢ အံၣ်စရ့လးအစီၤပၤ, ကစၢ်ယွၤအပှၤဂီၢ်မုၢ်အပှၤကွၢ်သိန့ၣ်လီၤ.

တၢ်ကတိၤဒိ. 12:10

ပှၤအဂ့ၤတဂၤကဟုကယာ်အဆၣ်ဖိကီၢ်ဖိတဖၣ်လီၤ. မ့မ့ၢ်, ပှၤအၢပှၤသီတဖၣ်အၢသီလၢအဆၣ်ဖိကီၢ်ဖိအဖီခိၣ်န့ၣ် လီၤ.

လံာ်ယၡါယၤ 40:11

အဝဲကဟုကယာ်အသိတဖုဒ်ပှၤကွၢ်သိတဂၤ အသိးလီၤ. ကပာ်ဖှိၣ်သိဖိတဖၣ်တပူၤဃီ ဒီးစိာ်ထီၣ်အီၤလၢအစုဒုၣ်စုတီၤအလိၤ ဒီးကဆှၢအသိအမိၢ်တဖၣ်ကယီကယီလီၤ.

လံာ်စီၤၡမူၤအ့လးအခီၣ်ထံးတဘ့ၣ် 6:10

အဝဲသ့ၣ်မၤဝဲဒ်တၢ်စံးဘၣ်တဲဘၣ်တ့ၢ်အီၤအသိးန့ၣ်လီၤ. အဝဲသ့ၣ်ဟံးန့ၢ်ဂီၤဖံးမိၢ်ခံဒုဒီးစၢထီၣ်အီၤလၢလ့ၣ်ကဟၣ် ဒီးကးတံာ်ဂီၤဖံးသးစၢ်ဖိတဖၣ်လၢဘုဖီပူၤန့ၣ်လီၤ.