လံာ်တၢ်ကဲထီၣ်အခီၣ်ထံး 33:11 - Sgaw Karen Common Bible

¹¹ ဝံသးစူၤတူၢ်လိာ်တၢ်ဟ့ၣ်လၢယဟဲစိာ်လၢနဂီၢ်န့ၣ်တက့ၢ်. ကစၢ်ယွၤသူၣ်ကညီၤသးကညီၤတ့ၢ်ယၤဒီးဟ့ၣ်တ့ၢ်ယၤကယဲၢ်တၢ်လၢ ယလိၣ်ခဲလၢာ်န့ၣ်လီၤ.” စီၤယၤကိာ်ဃ့ကညးအီၤသပှၢ်ပှၢ်တုၤလၢစီၤဧ့ၡီၤတူၢ်လိာ်ဝဲ န့ၣ်လီၤ.

လံာ်တၢ်ကဲထီၣ်အခီၣ်ထံး 33:11 Iomraidhean Croise

လံာ်တၢ်ကဲထီၣ်အခီၣ်ထံး 30:43

လၢကျဲဒ်အံၤန့ၣ်, စီၤယၤကိာ်ထူးတီၤထီၣ်ဝဲအါအါကလဲာ်လီၤ. အဝဲအိၣ်ဒီးအသိအဖုတဖၣ်, အကုၢ်သ့ၣ်တဖၣ်, ကီၤလၤအူးတဖၣ်, ဒီးကသ့ၣ်ယီၤတဖၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 32:21

စီၤယၤကိာ်ဆှၢလီၤဆိတၢ်ဟ့ၣ်ကနၢၤသ့ၣ်တဖၣ်လၢအမဲာ်ညါဒီးမုၢ် တနၤန့ၣ်အဝဲအိၣ်ဝဲဆိးဝဲလၢအဒဲပူၤန့ၣ်လီၤ.

လံာ်တၢ်ကဲထီၣ်အခီၣ်ထံး 33:10

စီၤယၤကိာ်စံးဝဲ, “တမ့ၢ်ဘၣ်. နမ့ၢ်သးကညီၤကွၢ်မဲာ်ယၤဒီး ဝံသးစူၤတူၢ်လိာ်ယတၢ်ဟ့ၣ်တက့ၢ်. တၢ်ထံၣ်ဘၣ်နမဲာ်ဒ်လၢအခဲအံၤဖျါပှဲၤဒီးတၢ်သးကညီၤကွၢ်မဲာ် န့ၣ်, လၢယဂီၢ်လီၤဂာ်ဒ်တၢ်ထံၣ်ဘၣ်ကစၢ်ယွၤအမဲာ်အသိးလီၤ.

လံာ်တၢ်ကဲထီၣ်အခီၣ်ထံး 33:12

စီၤဧ့ၡီၤစံးဝဲ, “မ်ပကတဲာ်ကတီၤပသးလၢပကဟးထီၣ်တက့ၢ်. ယကလဲၤဆိတၢ်လၢနမဲာ်ညါလီၤ.”

လံာ်တၢ်ကဲထီၣ်အခီၣ်ထံး 33:9

ဘၣ်ဆၣ်ဒီး, စီၤဧ့ၡီၤစံးဝဲ, “ယပုၢ်ဧၢ, ယတၢ်အိၣ်လၢလၢပှဲၤပှဲၤလီၤ. ပၢၤဃာ်နတၢ်အိၣ်ဒီးနၤတက့ၢ်.”

လံာ်စီၤပၤခံဘ့ၣ်တဘ့ၣ် 2:17

ဘၣ်ဆၣ်အဝဲသ့ၣ်တဲအီၤသပှၢ်ပှၢ်တုၤစီၤအလံၤၡါဟ့ၣ်အဝဲသ့ၣ်တၢ် ပျဲလၢကလဲၤဝဲဒၣ်န့ၣ်လီၤ. ပှၤအဂၤယဲၢ်ဆံန့ၣ်လဲၤဒီးဃုတၢ်လၢကစၢၢ်ကလိအဒီခိၣ်မ့ၢ်ဂ့ၤ, လၢတြီၤခိၣ်တြီၤလာ်မ့ၢ်ဂ့ၤလၢသၢသီအတီၢ်ပူၤဘၣ်ဆၣ်ဒီးတထံၣ် ဘၣ်စီၤအ့ၤလံယၤန့ၣ်ဘၣ်.

လံာ်စီၤပၤခံဘ့ၣ်တဘ့ၣ် 5:23

စီၤနဧၤမၣ်စံးဆၢဝဲ, “ဝံသးစူၤက့ၤစိာ်စ့အဘ့ၣ်ဃုကထိတ က့ၢ်.” အဝဲတဲတၢ်ဂ့ၢ်န့ၣ်သပှၢ်ပှၢ်, ဒီးစၢဃာ်စ့န့ၣ်လၢထၢၣ်ခံဖျၢၣ် အပူၤအိၣ်ဒီးတၢ်ကူတၢ်သိးအဂ့ၤလၢပှၤကလံၤကလဲအသးခံဘျီအ ဂီၢ်, ဒီးဟ့ၣ်လီၤဝဲဆူအခ့အပှၤခံဂၤ, ဒီးမၢအလဲၤတၢ်လၢစီၤက့ၤ ဃစံအမဲာ်ညါဒီးစိာ်န့ၢ်အီၤန့ၣ်လီၤ.

လံာ်လူၤကၣ် 14:23

လၢတၢ်န့ၣ်အဃိကစၢ်စံးဘၣ်အတၢ်ခ့တၢ်ပှၤ, ‘လဲၤဆူဒူသဝီကျဲမုၢ်ဒီးကျဲဖိတဖၣ်, ဒီးမၢပှၤဟဲဒ်သိးယဟံၣ်ကပှဲၤအဂီၢ်န့ၣ်တက့ၢ်.

1 ကရံၣ်သူး 3:21

လၢတၢ်န့ၣ်အဃိ, မတၤတဂၤမးတကြၢးကတိၤပာ်ကဖၢလၢ အသးဘၣ်ဃးဒီးတၢ်လၢပှၤကညီမၤဝဲသ့န့ၣ်ဘၣ်. အနီၢ်နီၢ်န့ၣ်, တၢ်ခဲလၢာ်ခဲဆ့မ့ၢ်ဒၣ်သုတၢ်

၂ ကရံၣ်သူး 6:10

တၢ်မၤသးအုးပှၤဘၣ်ဆၣ်ဒီး ပသးခုပဝဲထီဘိလီၤ. ပအိၣ်ဖျါဖှီၣ်ယာ်ဘၣ်ဆၣ်ဒီးပဒုးထူးဒုးတီၤထီၣ်ပှၤအါဒံ အါဂၤလီၤ. အိၣ်ဖျါလၢတၢ်တအိၣ်ဒီးပှၤနီတမံၤ, ဘၣ်ဆၣ်ဒီးအနီၢ်နီၢ်တခီပအိၣ်ဒီးတၢ်ခဲလၢာ်ခဲဆ့န့ၣ်လီၤ.

ဖံလံးပံၤ 4:18

မ်ဒ်န့ၣ်ဒီး, အအံၤမ့ၢ်ယလံာ်ဒိးန့ၢ်ဘၣ်လၢသု တၢ်ဟ့ၣ်တ့ၢ်ယၤခဲလၢာ်အဂီၢ်, ဒီးမ့ၢ်တၢ်လၢအအါန့ၢ်ဒံးတၢ် လၢယလိၣ်ဘၣ်အီၤတက့ၢ်လီၤ. အခဲအံၤ, မ့ၢ်လၢစီၤအ့းပၤဖရီးဒံတူးဟဲစိာ်န့ၢ်ယၤသုတၢ်ဟ့ၣ်တဖၣ်ခဲ လၢာ်လံအဃိ, ယအိၣ်ဒီးတၢ်လၢယလိၣ်ဘၣ်အီၤခဲလၢာ်လီၤ. တၢ်သ့ၣ်တဖၣ်အံၤမၤအသးဒ်တၢ်လုၢ်နၢမူဆူကစၢ်ယွၤအအိၣ်, တၢ်လုၢ်လၢအဘၣ်အသးမၤမုာ်အသးန့ၣ်လီၤ.

၁ တံၤမသ့း 4:8

နီၢ်ခိအတၢ်ဟူးတၢ်ဂဲၤအိၣ်ဒီးအဘျုးအဖှိၣ်တနီၤ, မ့မ့ၢ်သးအတၢ်ဟူးတၢ်ဂဲၤအဘျုးအဖှိၣ်အိၣ်ဝဲလၢကျဲခဲလၢာ်, မ့ၢ်လၢအအိၣ်ဒီးတၢ်အၢၣ်လီၤအီလီၤဘၣ်ဃးတၢ်မူလၢဆၢ ကတီၢ်ခဲအံၤအဂီၢ်မ့ၢ်ဂ့ၤ, တၢ်မူလၢခဲကိာ်တဃၣ်အဂီၢ်မ့ၢ်ဂ့ၤ အဃိန့ၣ်လီၤ.

လံာ်စီၤယိၤၡူ 15:19

အဝဲစံးဆၢဝဲ, “ယသးလီထံမူအပူၤတနီၤလီၤ. စံာ်ပျီလၢနဟ့ၣ်လီၤယၤန့ၣ်အိၣ်လၢတၢ်ဃ့ထီအလီၢ်န့ၣ်လီၤ.” အန့ၣ်ဒီးစီၤကၤလ့းဟ့ၣ်လီၤအီၤထံထီၣ်ပၢၢ်လၢထးဒီးလၢလာ်တဖၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 1:15

ဒီးအဝဲစံးဘၣ်အီၤ, “ယသးလီထံပူၤတနီၤလီၤ. တၢ်လီၢ်လၢနဟ့ၣ်တ့ၢ်ယၤန့ၣ်အိၣ်လၢကီၢ်အဃ့ထီတဘ့ၣ်အပူၤလီၤ.” မၤသးဒ်န့ၣ်ဒီးစီၤကၤလ့းဟ့ၣ်အီၤလၢထံထီၣ်ပၢၢ်လၢထးခီဒီး လာ်ခီတဖၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 25:27

တၢ်ဒိၣ်ဧၢ, ဝံသးစူၤတူၢ်လိာ်တၢ်ဟ့ၣ်ကနၢၤလၢယဟဲစိာ်ဆူန အိၣ်, ဒီးဟ့ၣ်လီၤနပှၤတဖၣ်တက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 30:26

ဖဲစီၤဒၤဝံးဟဲက့ၤဆူဝ့ၢ်စံကလးန့ၣ်အဝဲဆှၢလီၤ, တၢ်ဂုာ်န့ၢ်တနီၤဆူအတံၤသကိးပှၤခိၣ်ပှၤနၢ်တဖၣ်လၢကီၢ်ယူဒၤ အအိၣ်ဃုာ်ဒီးတၢ်ကစီၣ်စံးဝဲ, “အအံၤမ့ၢ်တၢ်ဟ့ၣ်တမံၤလၢသုဂီၢ်လၢပဟဲက့ၤစိာ်အီၤလၢ ယွၤအဒုၣ်အဒါတဖၣ်အအိၣ်န့ၣ်လီၤ.”