လံာ်တၢ်ကဲထီၣ်အခီၣ်ထံး 33:10 - Sgaw Karen Common Bible

¹⁰ စီၤယၤကိာ်စံးဝဲ, “တမ့ၢ်ဘၣ်. နမ့ၢ်သးကညီၤကွၢ်မဲာ်ယၤဒီး ဝံသးစူၤတူၢ်လိာ်ယတၢ်ဟ့ၣ်တက့ၢ်. တၢ်ထံၣ်ဘၣ်နမဲာ်ဒ်လၢအခဲအံၤဖျါပှဲၤဒီးတၢ်သးကညီၤကွၢ်မဲာ် န့ၣ်, လၢယဂီၢ်လီၤဂာ်ဒ်တၢ်ထံၣ်ဘၣ်ကစၢ်ယွၤအမဲာ်အသိးလီၤ.

လံာ်တၢ်ကဲထီၣ်အခီၣ်ထံး 33:10 Iomraidhean Croise

လံာ်တၢ်ကဲထီၣ်အခီၣ်ထံး 19:19

နမၤတ့ၢ်တၢ်ဘျုးတၢ်ဖှိၣ်ဖးဒိၣ်တမံၤဒီးအုၣ်က့ၤခီၣ်က့ၤယသး သမူလီၤ. ဘၣ်ဆၣ်ဒီးတၢ်လူၢ်တဖၣ်န့ၣ်ယံၤဒိၣ်မးလီၤ. တၢ်တတၢးတနါကချုးန့ၢ်ယၤဒီးတချုးယတုၤဒံးဘၣ်ဖဲန့ၣ်ဒီးယကသံလီၤ.

လံာ်တၢ်ကဲထီၣ်အခီၣ်ထံး 32:30

စီၤယၤကိာ်စံးဝဲ, “ယထံၣ်ဘၣ်လံကစၢ်ယွၤမဲာ်သကိးမဲာ်, ဒီးယမူဒံးယဲလီၤ.” အန့ၣ်ဒီးကိးန့ၢ်တၢ်လီၢ်န့ၣ်အမံၤလၢ ပနံၤအ့လးလီၤ.

လံာ်တၢ်ကဲထီၣ်အခီၣ်ထံး 33:11

ဝံသးစူၤတူၢ်လိာ်တၢ်ဟ့ၣ်လၢယဟဲစိာ်လၢနဂီၢ်န့ၣ်တက့ၢ်. ကစၢ်ယွၤသူၣ်ကညီၤသးကညီၤတ့ၢ်ယၤဒီးဟ့ၣ်တ့ၢ်ယၤကယဲၢ်တၢ်လၢ ယလိၣ်ခဲလၢာ်န့ၣ်လီၤ.” စီၤယၤကိာ်ဃ့ကညးအီၤသပှၢ်ပှၢ်တုၤလၢစီၤဧ့ၡီၤတူၢ်လိာ်ဝဲ န့ၣ်လီၤ.

လံာ်တၢ်ကဲထီၣ်အခီၣ်ထံး 33:9

ဘၣ်ဆၣ်ဒီး, စီၤဧ့ၡီၤစံးဝဲ, “ယပုၢ်ဧၢ, ယတၢ်အိၣ်လၢလၢပှဲၤပှဲၤလီၤ. ပၢၤဃာ်နတၢ်အိၣ်ဒီးနၤတက့ၢ်.”

လံာ်တၢ်ကဲထီၣ်အခီၣ်ထံး 43:3

စီၤယူဒၤစံးဘၣ်အီၤ, “ပှၤတဂၤန့ၣ်ဟ့ၣ်ပလီၢ်တ့ၢ်ပှၤဆူၣ်ဆူၣ် လၢမ့တမ့ၢ်ဘၣ်လၢပဒီပုၢ်ဝဲၢ်ခွါလဲၤဃုာ်တၢ်ဒီးပှၤန့ၣ်, တမ့ၢ်ပကဘၣ်တၢ်ပျဲနုာ်ပှၤဆူအမဲာ်ညါန့ၣ်ဘၣ်.

လံာ်တၢ်ကဲထီၣ်အခီၣ်ထံး 47:29

ဖဲတၢ်ဆၢကတီၢ်ဘူးထီၣ်လၢအဝဲကသံန့ၣ်, အဝဲမၢပှၤကိးန့ၢ်အီၤအဖိခွါစီၤယိၤသးဒီးစံးဘၣ်အီၤ, “ပာ်နစုလၢယကံၣ်ဒုၣ်ကဆူးဒီးမၤတၢ်ဆိၣ်သညူးသပှၢ်တမံၤဒီး ယၤလၢ, နတခူၣ်လီၤယၤလၢကီၢ်အဲၤကူပတူးအပူၤဘၣ်န့ၣ်တက့ၢ်.

လံာ်တၢ်ကဲထီၣ်အခီၣ်ထံး 50:4

တုၤဟီၣ်တၢ်ယၢၤတၢ်အဆၢကတီၢ်ပူၤကွံာ်ဝဲန့ၣ်, စီၤယိၤသးစံးဘၣ်စီၤပၤအပဒိၣ်ပပှၢ်တဖၣ်, “ဝံသးစူၤလဲၤ စိာ်တၢ်ကစီၣ်အံၤဆူစီၤပၤအအိၣ်န့ၣ်တက့ၢ်.

လံာ်စီၤၡမူၤအ့လးခံဘ့ၣ်တဘ့ၣ် 14:24

ဘၣ်ဆၣ်ဒီးစီၤပၤဟ့ၣ်လီၤအကလုၢ်လၢစီၤအးဘၡါလိၣ်တဘၣ်အိၣ်လၢနူၢ်ပူၤစီၤပူၤဘၣ်. စီၤပၤစံးဝဲဒၣ်, “ယတအဲၣ်ဒိးထံၣ်အီၤဘၣ်.” လၢတၢ်န့ၣ်အဃိစီၤအးဘၡါလိၣ်အိၣ် လၢအဟံၣ်ဒၣ်ဝဲအပူၤဒီးတပာ်ဖျါထီၣ်အသးလၢစီၤပၤအမဲာ်ညါန့ၣ်ဘၣ်.

လံာ်စီၤၡမူၤအ့လးခံဘ့ၣ်တဘ့ၣ် 14:28

စီၤအးဘၡါလိၣ်အိၣ်ဝဲလၢဝ့ၢ်ယရူၤၡလ့ၣ်အပူၤခံနံၣ် ဒီးတထံၣ်လိာ်စီၤပၤနီတဘျီဘၣ်.

လံာ်စီၤၡမူၤအ့လးခံဘ့ၣ်တဘ့ၣ် 14:32

စီၤအးဘၡါလိၣ်စံးဆၢဝဲဒၣ်, “အဂ့ၢ်ဒ်အံၤ, ဖဲယမၢပှၤလဲၤကိးနၤန့ၣ်နတဟဲဘၣ်. ယအဲၣ်ဒိးလၢနကလဲၤဆူ စီၤပၤအအိၣ်လၢယဂီၢ်ဒီးသံကွၢ်န့ၢ်ယၤ, ဘၣ်မနုၤလၢယဟးထီၣ်လၢဝ့ၢ်ကၡူၢ်ဒီးဟဲဆူအံၤန့ၣ်လဲၣ်. ယအိၣ်ဖဲန့ၣ်န့ၣ်, ဂ့ၤဒိၣ်ဒၣ်တၢ်တက့ၢ်လၢယဂီၢ်န့ၣ်လီၤ.” ဒီးစီၤအးဘၡါလိၣ်စံးအါထီၣ်ကဒီးဝဲ, “ယအဲၣ်ဒိးလၢနကသုးကျဲၤတၢ်လၢယဂီၢ်ဒ်သိးယကထံၣ်ဘၣ်စီၤပၤ, ဒီးယတၢ်ကမၣ်မ့ၢ်အိၣ်န့ၣ်, မ်အမၤသံကွံာ်ယၤတက့ၢ်.”

လံာ်စီၤၡမူၤအ့လးခံဘ့ၣ်တဘ့ၣ် 3:13

စီၤဒၤဝံးစံးဆၢဝဲ, “ဂ့ၤလံ. ယကမၤတၢ်အၢၣ်လီၤအီလီၤဒီး နၤသန့ၤထီၣ်အသးလၢတၢ်ဂ့ၢ်တမံၤအဖီခိၣ်န့ၣ်လီၤ. နကဘၣ်ဟဲကိးဃုာ်စီၤစီလူးအဖိမုၣ်နီၢ်မံၤကၤလးဆူယအိၣ်ဖဲ နဟဲထံၣ်လိာ်နသးဒီးယၤန့ၣ်လီၤ.”

လံာ်စီၤယိၤဘး 33:26

တုၤအဝဲဃ့ဘါထုကဖၣ်တၢ်ဒီးကစၢ်ယွၤကစံးဆၢအီၤ, ဒီးကဘူၣ်ထီၣ်ဘါထီၣ်ကစၢ်ယွၤလၢတၢ်သူၣ်ဖှံသးညီအပူၤလီၤ. ကစၢ်ယွၤကမၤဘၣ်လီၢ်ဘၣ်စးက့ၤတၢ်လၢ အဂီၢ်လီၤ.

စံးထီၣ်ပတြၢၤ 41:11

လၢယဒုၣ်ယဒါတဖၣ်တမၤနၢၤယၤလၢၤဘၣ်အဃိ, ယကသ့ၣ်ညါလၢနဘၣ်သူၣ်ဘၣ်သးလၢယၤလီၤ.

လံာ်ယံးရမံယၤ 31:2

လၢပှၢ်မုၢ်ကနၢအပူၤန့ၣ်, ယဒုးနဲၣ်တ့ၢ်တၢ်သးကညီၤဆူ ပှၤဂီၢ်မုၢ်န့ၣ်လၢ အမၤထူၣ်ဖျဲးထီၣ်တ့ၢ်လၢ တၢ်သံအပူၤလီၤ. ဖဲကီၢ်အံၣ်စရ့လး အပှၤဂီၢ်မုၢ်သးအိၣ်အိၣ်ဘှံးန့ၣ်,

လံာ်မးသဲ 18:10

ပလီၢ်သုသးဒ်သိးသုသုတမၤတရီတပါဘၣ်ဖိသၣ်ဆံးဒ်အံၤတဖၣ်နီ တဂၤတဂ့ၤ. အဂ့ၢ်ဒ်အံၤ, ယစံးဘၣ်သု, အဝဲသ့ၣ်အမူခိၣ်ကလူးအိၣ်တထံၣ်ဃီလၢပၢ်အိၣ်လၢ မူခိၣ်အမဲာ်ညါလီၤ.

လံာ်လီၣ်ဖျါ 22:4

အဝဲသ့ၣ်ကထံၣ်ဘၣ်အမဲာ်သၣ်, ဒီးအဝဲဒၣ်အမံၤကအိၣ်ကွဲးအသးလၢအဝဲသ့ၣ်အခိၣ်တိသၣ်တဖၣ် အလိၤလီၤ.

လံာ်နီၢ်ရူၤသး 2:10

တုၤနုၤတစု, နီၢ်ရူၤသးထိၣ်လီၤပှီၤအသးဒီးကျးလီၤအမဲာ် ပၢၢ်တုၤလၢဟီၣ်ခိၣ်ဒီးစံးဘၣ်စီၤဘိၤဧး, “ဘၣ်မနုၤအဃိန သူၣ်အိၣ်သးအိၣ်ယၤလၢအမ့ၢ်ဒၣ် ပှၤတခီဘီမုၢ်ဖိအံၤန့ၣ်လဲၣ်.”

လံာ်စီၤၡမူၤအ့လးအခီၣ်ထံးတဘ့ၣ် 20:3

ဘၣ်ဆၣ်ဒီးစီၤဒၤဝံးဆိၣ်တၢ်ဒီးစံးဝဲဒၣ်, “နပၢ်သ့ၣ်ညါဝဲဂ့ၤဂ့ၤကလဲာ်လၢနအဲၣ်ယၤထဲလဲၣ်ထဲလဲၣ်အဂ့ၢ်လီၤ. ဒီးအဝဲပာ်လီၤအသးလၢအတပျဲဒုးသ့ၣ်ညါနၤအတၢ်တိာ်ကျဲၤလၢ ကမၤဝဲအဂ့ၢ်န့ၣ်ဘၣ်. အဂ့ၢ်ဒ်အံၤ, ကမၤဘၣ်ဒိဘၣ်ထံးနသးဒိၣ်မးအဃိလီၤ. ယဆိၣ်တၢ်လၢနၤလၢယွၤလၢအမူဝဲတဂၤအမဲာ်ညါလၢယပူၤဖျဲးဒီး တၢ်သံထဲခီၣ်ကါတခါဧိၤန့ၣ်လီၤ.”