လံာ်တၢ်ကဲထီၣ်အခီၣ်ထံး 32:9 - Sgaw Karen Common Bible

⁹ ဒီးစီၤယၤကိာ်ဃ့ဘါထုကဖၣ်တၢ်, “ယဖုစီၤအၤဘြၤဟၣ်အကစၢ် ယွၤ, ယပၢ်စီၤအံၤစဲးအကစၢ်ယွၤဧၢ, ဒိကနၣ်လၢ်ယၤတက့ၢ်. ယွၤဧၢ, နတဲယၤလၢယဘၣ်က့ၤဆူ ယကီၢ်ဒီးယဘူးယတံၢ်သ့ၣ်တဖၣ်အအိၣ်ဒီးနကမၤတၢ်ကိးမံၤဒဲးဂ့ၤ ဂ့ၤဘၣ်ဘၣ်လၢယဂီၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 32:9 Iomraidhean Croise

လံာ်တၢ်ကဲထီၣ်အခီၣ်ထံး 17:7

ယကဟံးဃာ်ယတၢ်အၢၣ်လီၤအီလီၤဒီးနၤ, ဒီးနစၢၤနသွဲၣ်လၢခါဆူညါအစိၤသ့ၣ်တဖၣ်ဒ်တၢ်အၢၣ်လီၤအီလီၤ အထူအယိာ်တမံၤအသိးန့ၣ်လီၤ. ယမ့ၢ်နကစၢ်ယွၤဒီးပှၤလီၤစၢၤလီၤသွဲၣ်လၢနၤတဖၣ်အကစၢ်ယွၤန့ၣ် လီၤ.

လံာ်တၢ်ကဲထီၣ်အခီၣ်ထံး 28:13

ဒီးယွၤအိၣ်ဆၢထၢၣ်လၢအကပၤဒီးစံးဝဲ, “ယမ့ၢ်ယွၤ, စီၤအၤဘြၤဟၣ်ဒီးစီၤအံၤစဲးအကစၢ်ယွၤန့ၣ်လီၤ. ယကဟ့ၣ်နၤဒီးနစၢၤနသွဲၣ်တဖၣ်လၢကီၢ်အံၤလၢနမံလီၤလၢအဖီခိၣ် အံၤန့ၣ်လီၤ.

လံာ်တၢ်ကဲထီၣ်အခီၣ်ထံး 28:15

ဒီးသ့ၣ်နီၣ်လၢယကအိၣ်ဒီးနၤဒီးဒီဒၣ်အိၣ်ပှိၤနၤဖဲနလဲၤတၢ် တပူၤလၢ်လၢ်, ဒီးယကဟဲက့ၤစိာ်နၤဆူကီၢ်အံၤတက့ၢ်. ကယဲၢ်တၢ်လၢယအၢၣ်လီၤနၤတဖၣ်န့ၣ်တချုးယမၤလၢထီၣ်ပှဲၤထီၣ်ဒံး ဘၣ်ဒီးယတလဲၤသဒၣ်ဘၣ်နၤဘၣ်.”

လံာ်တၢ်ကဲထီၣ်အခီၣ်ထံး 31:13

ယမ့ၢ်ကစၢ်ယွၤလၢအလီၣ်ဖျါထီၣ်အသးဒီးနၤလၢဘ့ၤသ့လးဖဲနပာ် စီဆှံလၢၢ်တဖျၢၣ်လၢတၢ်သ့ၣ်နီၣ်အဂီၢ်ခီဖျိနလူလီၤသိလၢနမၤ တၢ်အၢၣ်လီၤအီလီၤတမံၤဒီးယၤန့ၣ်လီၤ. ခဲကနံၣ်အံၤ, ကတဲာ်ကတီၤနသးဒီးက့ၤဆူကီၢ်လၢနအိၣ်ဖျဲၣ်ထီၣ် န့ၣ်တက့ၢ်.’ ”

လံာ်တၢ်ကဲထီၣ်အခီၣ်ထံး 31:29

ယအိၣ်ဒီးတၢ်စိတၢ်ကမီၤလၢယကမၤဆါနၤလီၤ. ဘၣ်ဆၣ်ဒီးမုၢ်နၤကၢၣ်န့ၣ်နပၢ်အကစၢ်ယွၤဟ့ၣ်ပလီၢ်ယၤဒ်သိး ယသုတမၤပျံၤမၤဖုးနၤလၢကျဲနီတဘိတဂ့ၤအဂီၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 31:3

အန့ၣ်ဒီးယွၤစံးဘၣ်စီၤယၤကိာ်, “က့ၤကဒါက့ၤဆူနပၢ်ဒီး နဘူးနတံၢ်တဖၣ်အကီၢ်တက့ၢ်. ယကအိၣ်ဒီးနၤလီၤ.”

လံာ်တၢ်ကဲထီၣ်အခီၣ်ထံး 31:42

ယပၢ်တဖၣ်အကစၢ်ယွၤ, စီၤအၤဘြၤဟၣ်ဒီးစီၤအံၤစဲးအက စၢ်ယွၤမ့ၢ်တအိၣ်ဒီးယၤဘၣ်ဒီးနကဆှၢဖျိးကွံာ်ယၤစုယၢ်ခီ န့ၣ်လီၤ. ဘၣ်ဆၣ်ကစၢ်ယွၤထံၣ်တ့ၢ်လံယတၢ်ကိၢ်တၢ်ဂီၤဒီးတၢ်လၢ ယမၤတ့ၢ်ယဲလီၤ. ဒီးဖဲမုၢ်နၤကၢၣ်န့ၣ်အဝဲစံၣ်ညီၣ်တီလံတၢ်လံ.”

လံာ်တၢ်ကဲထီၣ်အခီၣ်ထံး 31:53

စီၤအၤဘြၤဟၣ်အကစၢ်ယွၤဒီးစီၤနၤဃိာ်အကစၢ်ယွၤကစံၣ်ညီၣ်တၢ် လၢပဘၢၣ်စၢၤန့ၣ်လီၤ.” တုၤနုၤတစုစီၤယၤကိာ်မၤတၢ်အၢၣ်လီၤသညူးသပှၢ်လၢကပၢၤဃးဝဲ လၢကစၢ်ယွၤလၢအပၢ်စီၤအံၤစဲးဘူၣ်ထီၣ်ဘါထီၣ်ဝဲတဂၤအမံၤ အပူၤန့ၣ်လီၤ.

လံာ်တၢ်ကဲထီၣ်အခီၣ်ထံး 32:8

အဝဲဆိကမိၣ်ဝဲဒၣ်, “စီၤဧ့ၡီၤမ့ၢ်ဟဲဒုးပှၤအခီၣ်ထံးတဖု ဒီးအဂၤတဖုပူၤဖျဲးဝဲကသ့န့ၣ်လီၤ.”

လံာ်တၢ်ကဲထီၣ်အခီၣ်ထံး 49:25

အအံၤမ့ၢ်နပၢ်အကစၢ်ယွၤလၢအမၤစၢၤနၤ, သ့တၢ်လၢာ်ကစၢ်ယွၤလၢအဆိၣ်ဂ့ၤနၤ, လၢတၢ်ဆိၣ်ဂ့ၤတဖၣ်အတၢ်စူၤ ထံလၢအဟဲလၢထး, လၢတၢ်ယိာ်ပူၤအထံတဖၣ်လၢအဟဲထီၣ်လၢဟီၣ်ခိၣ်လာ်, တၢ်ဆိၣ်ဂ့ၤတဖၣ်လၢဂီၤဘုၣ်ဂီၤဖံးဒီးဖိတဖၣ်အါအါဂီၢ်ဂီၢ်,

လံာ်ကွဲးနီၣ်တၢ်ခံဘ့ၣ်တဘ့ၣ် 20:12

နမ့ၢ်ပကစၢ်ယွၤလီၤ. စံၣ်ညီၣ်အဝဲသ့ၣ်တက့ၢ်. အဂ့ၢ်ဒ်အံၤ, လၢသုးမုၢ်ဖးဒိၣ်လၢအဟဲထီၣ်ဒုးပှၤအမဲာ်ညါန့ၣ်, ပမၤစၢၤလီၤက့ၤပသးတဘၣ်ဘၣ်. ပကဘၣ်မၤတၢ်မနုၤလဲၣ်န့ၣ်ပတသ့ၣ် ညါဘၣ်. မ့မ့ၢ်ပကွၢ်ထီၣ်တၢ်ဆူနအိၣ်လၢတၢ်မၤစၢၤအဂီၢ်န့ၣ်လီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 20:6

ဒီးဘါထုကဖၣ်လၢအကလုၢ်ဖးဒိၣ်စံးဝဲ, “အိယွၤ, ပမိၢ်ပၢ်ဖံဖုလၢပျၢၤတဖၣ်အကစၢ်ယွၤဧၢ, နပၢတၢ်လၢမူခိၣ်, လၢကယဲၢ်ပှၤကလုာ်တဖၣ်လၢဟီၣ်ခိၣ်အံၤအဖီခိၣ်န့ၣ်လီၤ. နအိၣ်ဒီးတၢ်စိတၢ်ကမီၤဒီးနဂံၢ်ဆူၣ်ဘါဆူၣ်, ဒီးပှၤထီဒါနၤတသ့ဘၣ်နီတဂၤဘၣ်.

လံာ်ကွဲးနီၣ်တၢ်ခံဘ့ၣ်တဘ့ၣ် 32:20

အန့ၣ်ဒီးစီၤပၤဃံးစကံယၤဒီးစီၤအၤမိးအဖိခွါဝံယၡါယၤ ဘါထုကဖၣ်တၢ်ဆူကစၢ်ယွၤအအိၣ်ဒီးကိးထီၣ်အီၤလၢတၢ်မၤစၢၤ အဂီၢ်န့ၣ်လီၤ.

စံးထီၣ်ပတြၢၤ 50:15

လၢတၢ်ကိၢ်တၢ်ဂီၤအမုၢ်တနံၤန့ၣ်ကိးထီၣ်ယၤတက့ၢ်. ယကမၤပူၤဖျဲးနၤ ဒီးနကမၤလၤကပီၤယၤလီၤ.

စံးထီၣ်ပတြၢၤ 91:15

တုၤအကိးထီၣ်ယၤန့ၣ်ယကစံးဆၢအီၤ, ယကအိၣ်ဒီးအီၤလၢတၢ်ကိၢ်တၢ်ဂီၤအပူၤ, ယကမၤပူၤမၤဖျဲးအီၤဒီးမၤလၤကပီၤအီၤလီၤ.

လံာ်တၢ်ဟးထီၣ်ကွံာ် 3:6

ယမ့ၢ်နပၢ်တဖၣ်အကစၢ်ယွၤ, စီၤအၤဘြၤဟၣ်အကစၢ်ယွၤ, စီၤအံၤစဲးအကစၢ်ယွၤဒီး, စီၤယၤကိာ်အကစၢ်ယွၤလီၤ.” ဒီးစီၤမိၤၡ့ကးဘၢအမဲာ်မ့ၢ်လၢအပျံၤဝဲဒၣ်လၢကကွၢ်ထီၣ်ဘၣ် ယွၤအဃိန့ၣ်လီၤ.

လံာ်ယံးရမံယၤ 32:16

ဖဲယဟ့ၣ်လီၤတၢ်ပှ့ၤတၢ်အလံာ်အုၣ်သးဆူ စီၤဘၤရူး အစုပူၤဝံၤဒီး, ယဃ့ထုကဖၣ်ဒီးစံး,

လံာ်စီၤၡမူၤအ့လးအခီၣ်ထံးတဘ့ၣ် 30:6

ခဲအံၤစီၤဒၤဝံးန့ၣ်အိၣ်လၢတၢ်ကီတၢ်ခဲဖးဒိၣ်အပူၤလီၤ. အဂ့ၢ်ဒ်အံၤ, အပှၤခဲလၢာ်အသးဆါခၣ်ဒိၣ်ဒိၣ်ကလဲာ်လၢအဖိအမါတဖၣ် လီၤမၢ်ကွံာ်အဃိန့ၣ်လီၤ. ဒီးအဝဲသ့ၣ်မၤပျံၤမၤဖုးစီၤဒၤဝံးလၢကကွံာ်သံအီၤလၢလၢၢ်လီၤ. ဘၣ်ဆၣ်ဒီးယွၤ, အကစၢ်ယွၤဟ့ၣ်အီၤလၢတၢ်သူၣ်ဒူသးဒူန့ၣ်လီၤ.