လံာ်တၢ်ကဲထီၣ်အခီၣ်ထံး 32:7 - Sgaw Karen Common Bible

⁷ စီၤယၤကိာ်ပျံၤတၢ်ဒီးဘၣ်ကိၢ်ဘၣ်ဂီၤဝဲလီၤ. ဒီးနီၤဖးလီၤဝဲပှၤလၢအအိၣ်ဒီးအီၤတဖၣ်န့ၣ်ခံဖုဒီးပှၤလၢ အကွၢ်ထွဲသိ, မဲာ်တဲးလဲး, ဒီးဂီၤဘုၣ်ဂီၤဖံးဒီးကီၤလၤအူးတဖၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 32:7 Iomraidhean Croise

လံာ်တၢ်ကဲထီၣ်အခီၣ်ထံး 32:11

ယဃ့ထုကဖၣ်လၢနကအုၣ်က့ၤခီၣ်က့ၤယၤလၢယဝဲၢ်စီၤဧ့ၡီၤအစု ပူၤလီၤ. ယပျံၤတၢ်, ယပျံၤလၢအဝဲကဟဲဒုးပှၤဒီးမၤဟးဂီၤကွံာ်ပှၤတုၤ ဒၣ်လဲာ်ဖိသၣ်ဒီးပှၤပိာ်မုၣ်တဖၣ်ခဲလၢာ်န့ၣ်လီၤ.

လံာ်တၢ်ကဲထီၣ်အခီၣ်ထံး 32:3

စီၤယၤကိာ်မၢပှၤစိာ်တၢ်ကစီၣ်တဖၣ်လဲၤဆိလၢအမဲာ်ညါဆူ အဒီပုၢ်ဝဲၢ်ခွါစီၤဧ့ၡီၤအအိၣ်ဖဲကစၢၢ်စံဧ့ၢ်လၢကီၢ်အဒိၣ် အပူၤန့ၣ်လီၤ.

လံာ်တၢ်ကဲထီၣ်အခီၣ်ထံး 32:8

အဝဲဆိကမိၣ်ဝဲဒၣ်, “စီၤဧ့ၡီၤမ့ၢ်ဟဲဒုးပှၤအခီၣ်ထံးတဖု ဒီးအဂၤတဖုပူၤဖျဲးဝဲကသ့န့ၣ်လီၤ.”

လံာ်တၢ်ကဲထီၣ်အခီၣ်ထံး 33:1

စီၤယၤကိာ်ထံၣ်ဃီၤစီၤဧ့ၡီၤဟဲဝဲဒီးအပှၤလွံၢ်ကယၤဂၤန့ၣ် လီၤ. လၢတၢ်န့ၣ်အဃိအဝဲနီၤဖးလီၤန့ၢ်နီၢ်လ့ၤအၤ, နီၢ်ရၤဃ့လးဒီးအသံၣ်မါခံဂၤလၢအဖိဒၣ်ဝဲတဖၣ်စုာ်စုာ်လီၤ.

လံာ်တၢ်ကဲထီၣ်အခီၣ်ထံး 35:3

ပကဘၣ်ဟးထီၣ်ကွံာ်ဖဲအံၤဒီးလဲၤဆူဝ့ၢ်ဘ့ၤသ့လးဖဲယကဘှီ ထီၣ်တၢ်လုၢ်လီၢ်တခါလၢကစၢ်ယွၤအဂီၢ်, လၢကစၢ်ယွၤလၢအမၤစၢၤတ့ၢ်ယၤဖဲယအိၣ်လၢတၢ်ကိၢ်တၢ်ဂီၤအကတီၢ် ဒီးအိၣ်တ့ၢ်ဒီးယၤဖဲယလဲၤတပူၤလၢ်လၢ်အဂီၢ်န့ၣ်လီၤ.”

စံးထီၣ်ပတြၢၤ 107:6

အန့ၣ်ဒီးအဝဲသ့ၣ်ကိးထီၣ်ယွၤလၢ အတၢ်ကီတၢ်ခဲအပူၤ ဒီးအဝဲမၤပူၤဖျဲးအဝဲသ့ၣ်လၢ အတၢ်ကိၢ်တၢ်ဂီၤန့ၣ်လီၤ.

စံးထီၣ်ပတြၢၤ 112:5

ပှၤလၢအသူၣ်အိၣ်သးအိၣ်တၢ်ဒီးဟ့ၣ်လိၢ်တၢ်, ပှၤလၢမၤအတၢ်ဖံးတၢ်မၤလၢ တၢ်စံၣ်ညီၣ်တီအပူၤန့ၣ်ဘၣ်ဆိၣ် ဂ့ၤဝဲလီၤ.

စံးထီၣ်ပတြၢၤ 142:4

တုၤယကွၢ်တၢ်လၢယကပိာ်ကပၤန့ၣ်ဒီး ယတထံၣ်န့ၢ်ဘၣ်ပှၤလၢကမၤစၢၤယၤနီတဂၤဘၣ်. ပှၤမၤပူၤဖျဲးယၤတအိၣ်ဘၣ်. ပှၤကွၢ်ထွဲယၤတအိၣ်ဘၣ်.

စံးထီၣ်ပတြၢၤ 31:13

ယနၢ်ဟူယဒုၣ်ယဒါအါဂၤကတိၤကသွံတၢ်, တၢ်လီၤပျံၤအိၣ်ဝးတရံးယၤလီၤ. အဝဲသ့ၣ်မၤထီၣ်တၢ်ကူၣ်တဖၣ်လၢအထီဒါယၤ, ကူၣ်ထီၣ်လၢကမၤသံယၤလီၤ.

စံးထီၣ်ပတြၢၤ 61:2

လၢတၢ်သးဟးဂီၤဒီး တၢ်အိၣ်ယံၤဒီး ဟံၣ်အပူၤန့ၣ်ယကိးထီၣ်နၤလီၤ. ဆှၢယၤဆူတၢ်ပူၤဖျဲးအလီၢ်တတီၤန့ၣ်တက့ၢ်.

လံာ်တၢ်ဟးထီၣ်ကွံာ် 14:10

ဖဲပှၤအံၣ်စရ့လးဖိတဖၣ်ထံၣ်ဘၣ်စီၤပၤဒီးအသုးမုၢ်ဟဲဘူး ထီၣ်ဒ်သိးကထီဒါအီၤန့ၣ်, အဝဲသ့ၣ်ပျံၤတၢ်နးနးကလဲာ်ဒီး ကိးပသူထီၣ်ဆူယွၤအအိၣ်လၢတၢ်မၤစၢၤအဂီၢ်န့ၣ်လီၤ.

တၢ်ကတိၤဒိ. 2:11

နတၢ်ထံၣ်တၢ်လၢသးအမဲာ်ဒီးနတၢ်သူၣ်ဆးသးဆးကအိၣ်ပှိၤနၤ,

လံာ်ယၡါယၤ 28:26

ကဘၣ်မၤအတၢ်မၤဒ်လဲၣ်န့ၣ်အဝဲသ့ၣ်ညါဝဲ, မ့ၢ်လၢကစၢ်ယွၤ သိၣ်လိတ့ၢ်အီၤအဃိလီၤ.

လံာ်မးသဲ 10:16

ကနၣ်တက့ၢ်. ယဆှၢလီၤသုဒ်သိအသိး ဆူထွံၣ်မံၤတဖၣ်အကျါလီၤ. လၢတၢ်န့ၣ်အဃိသုကဘၣ်ကူၣ်သ့ဒ်ဂုၢ် ဒီးတကူၣ်အၢဘၣ်တၢ်ဒ်ထိၣ်လွံၢ်အသိးလီၤ.

လံာ်မးသဲ 8:26

ယ့ၣ်ၡူးစံးဆၢအဝဲသ့ၣ်, “ဘၣ်မနုၤလၢသုဘၣ်ပျံၤတၢ်ထဲန့ၣ် ညါလဲၣ်. သုတၢ်နာ်စှၤမးလဲၣ်.” ဝံၤအဝဲဂဲၤဆၢထၢၣ်ဒူကလံၤဒီးလပီအလိၤ, ဒီးကလံၤအိၣ်က့ၤမးဝဲဂၢၢ်တပၢၢ်လီၤ.

လံာ်ယိၤဟၣ် 16:33

ယစံးဘၣ်တ့ၢ်သုတၢ်အံၤဒ်သိးသုကအိၣ်ဒီးတၢ်ဃူတၢ်ဖိးလၢ ယပူၤအဂီၢ်လီၤ. ဟီၣ်ခိၣ်ကမၤနးမၤဖှီၣ်သုလီၤ. ဘၣ်ဆၣ်ဒီး, ပာ်သုသးဒူဒူတက့ၢ်. ယမၤနၢၤလံဟီၣ်ခိၣ်လံ.

မၤတၢ် 14:22

အဝဲသ့ၣ်ဟ့ၣ်ဆူၣ်ထီၣ်ပှၤစူၢ်က့ၤနာ်က့ၤတၢ်တဖၣ်အဂံၢ်အဘါ ဒီးဟ့ၣ်သဆၣ်ထီၣ်အခံဒ်သိးအကအိၣ်ဂၢၢ်ဆိးကျၢၤလၢ အတၢ်စူၢ်တၢ်နာ်အပူၤန့ၣ်လီၤ. အဝဲသ့ၣ်သိၣ်လီၤသီလီၤတၢ်ဒီးစံးဝဲ, “လၢပကနုာ်လီၤဆူကစၢ်ယွၤအဘီအမုၢ်အဂီၢ်န့ၣ်, ပကဘၣ်လဲၤခီဖျိတၢ်ကီတၢ်ခဲအါမးလီၤ.

၂ ကရံၣ်သူး 1:4

အဝဲဒၣ်တိစၢၤမၤစၢၤပှၤလၢကယဲၢ်ပတၢ်ကီတၢ်ခဲအပူၤ, ဒ်သိးပမၤစၢၤပှၤဂုၤပှၤဂၤလၢအအိၣ်ဒီးတၢ်ကီတၢ်ခဲအကလုာ် ကလုာ်ကသ့ဝဲအဂီၢ်, အိၣ်ဒီးတၢ်သူတၢ်မၤစၢၤတမံၤဃီလၢ ပနီၢ်ကစၢ်ဒၣ်ပဝဲ ပဒိးန့ၢ်တ့ၢ်လၢကစၢ်ယွၤအအိၣ်န့ၣ်လီၤ.

၂ တံၤမသ့း 3:12

ပှၤကိးဂၤဒဲးလၢအသးအိၣ်အိၣ်မူတၢ်အဲၣ်ထူအဲၣ်ယွၤ အတၢ်အိၣ်မူလၢယ့ၣ်ၡူးခရံာ်အပူၤန့ၣ်, ကဘၣ်တၢ်မၤအၢမၤနးအီၤလီၤ.