လံာ်တၢ်ကဲထီၣ်အခီၣ်ထံး 32:5 - Sgaw Karen Common Bible

⁵ ယအိၣ်ဒီးဂီၤဘုၣ်ဂီၤဖံး, ကသ့ၣ်ယီၤ, သိဒီးမဲာ်တဲးလဲးဒီး ကုၢ်သ့ၣ်တဖၣ်လီၤ. တၢ်ဒိၣ်ဧၢ, ယဆှၢလီၤတၢ်ကစီၣ်လၢတၢ်မုၢ်လၢ်အပူၤဒ်သိးယကဒိး န့ၢ်ဘၣ်နတၢ်သးကညီၤကွၢ်မဲာ်ယၤလီၤ.”

လံာ်တၢ်ကဲထီၣ်အခီၣ်ထံး 32:5 Iomraidhean Croise

လံာ်တၢ်ကဲထီၣ်အခီၣ်ထံး 30:43

လၢကျဲဒ်အံၤန့ၣ်, စီၤယၤကိာ်ထူးတီၤထီၣ်ဝဲအါအါကလဲာ်လီၤ. အဝဲအိၣ်ဒီးအသိအဖုတဖၣ်, အကုၢ်သ့ၣ်တဖၣ်, ကီၤလၤအူးတဖၣ်, ဒီးကသ့ၣ်ယီၤတဖၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 31:16

ကယဲၢ်တၢ်ထူးတၢ်တီၤခဲလၢာ်အံၤလၢကစၢ်ယွၤဟံးထီၣ်ကွံာ်လၢပပၢ် အအိၣ်န့ၣ်, ဘၣ်ဃးဒီးပှၤဒီးပဖိပလံၤတဖၣ်လီၤ. မၤတၢ်တမံၤလၢ်လၢ်ဒ်ကစၢ်ယွၤစံးတ့ၢ်နၤအသိးတက့ၢ်.”

လံာ်တၢ်ကဲထီၣ်အခီၣ်ထံး 31:3

အန့ၣ်ဒီးယွၤစံးဘၣ်စီၤယၤကိာ်, “က့ၤကဒါက့ၤဆူနပၢ်ဒီး နဘူးနတံၢ်တဖၣ်အကီၢ်တက့ၢ်. ယကအိၣ်ဒီးနၤလီၤ.”

လံာ်တၢ်ကဲထီၣ်အခီၣ်ထံး 33:11

ဝံသးစူၤတူၢ်လိာ်တၢ်ဟ့ၣ်လၢယဟဲစိာ်လၢနဂီၢ်န့ၣ်တက့ၢ်. ကစၢ်ယွၤသူၣ်ကညီၤသးကညီၤတ့ၢ်ယၤဒီးဟ့ၣ်တ့ၢ်ယၤကယဲၢ်တၢ်လၢ ယလိၣ်ခဲလၢာ်န့ၣ်လီၤ.” စီၤယၤကိာ်ဃ့ကညးအီၤသပှၢ်ပှၢ်တုၤလၢစီၤဧ့ၡီၤတူၢ်လိာ်ဝဲ န့ၣ်လီၤ.

လံာ်တၢ်ကဲထီၣ်အခီၣ်ထံး 33:15

စီၤဧ့ၡီၤစံးဝဲ, “ပမ့ၢ်မၤဒ်န့ၣ်ဒီးပျဲယပာ်တီၢ်ယပှၤတနီၤ ဒီးနၤတက့ၢ်.” ဘၣ်ဆၣ်စီၤယၤကိာ်စံးဆၢဝဲ, “အဝဲန့ၣ်အလီၢ်တအိၣ်ဘၣ်. အဂ့ၢ်ဒ်အံၤ, ယအဲၣ်ဒိးထဲနတၢ်သးကညီၤကွၢ်မဲာ်ဧိၤလီၤ.”

လံာ်တၢ်ကဲထီၣ်အခီၣ်ထံး 33:8

စီၤဧ့ၡီၤသံကွၢ်ဝဲ, “ဆၣ်ဖိကီၢ်ဖိလၢနဟဲနီၣ်ဃုာ်ဒီးနၤ တဖၣ်တခီ, အခီပညီဒ်လဲၣ်.” စီၤယၤကိာ်စံးဆၢဝဲ, “တၢ်န့ၣ်မ့ၢ်လၢယက ဒိးန့ၢ်နတၢ်သးကညီၤကွၢ်မဲာ်ယၤအဂီၢ်လီၤ.”

လံာ်တၢ်ကဲထီၣ်အခီၣ်ထံး 47:25

အဝဲသ့ၣ်စံးဆၢဝဲ, “ကစၢ်ဧၢ, နအုၣ်က့ၤခီၣ်က့ၤတ့ၢ်ပသးသမူ လံ. နဂ့ၤတ့ၢ်လၢပဖီခိၣ်လီၤ. ဒီးပကကဲထီၣ်စီၤပၤအကုၢ်အပှၤတဖၣ် လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 16:4

စီၤပၤစံးဘၣ်စီၤစံဘၤ, “ကယဲၢ်တၢ်ကိးမံၤဒဲးလၢအဘၣ်ဃး ဒီးစီၤမဖံဘိၤၡ့းန့ၣ်မ့ၢ်နတၢ်လီၤ.” စီၤစံဘၤစံးဆၢဝဲဒၣ်, “ယမ့ၢ်နခ့နပှၤလီၤ. မ်ထီဘိယဒိးန့ၣ်ဘၣ်တၢ်ဒိၣ်ကစၢ်စီၤပၤအတၢ်ကွၢ်မဲာ်တက့ၢ်.”

လံာ်စီၤယိၤဘး 6:22

မ့ၢ်ယဃ့တ့ၢ်လံသုလၢသုကဟ့ၣ်ယၤတၢ်ဟ့ၣ်တမံၤမ့တမ့ၢ် လၢသုကဟ့ၣ်ခိၣ်ဖးလာ်ဆှိးဆူပှၤတဂၤဂၤလၢယခၢၣ်စးမ့ၢ်ဂ့ၤ,

လံာ်လူၤကၣ် 12:45

ဘၣ်ဆၣ်ဒီးတၢ်ခ့တၢ်ပှၤအဝဲန့ၣ်မ့ၢ်စံးလီၤက့ၤအသး, ‘ယကစၢ်ကဟဲက့ၤအဆၢကတီၢ်ယံာ်ဒံးဝဲလီၤ. ဒီးဒိတီၢ်တၢ်ခ့တၢ်ပှၤပိာ်မုၣ်ပိာ်ခွါခဲလၢာ်, ဒီးအီၣ်တၢ်ဒီးအီတၢ်ဒီးအီမူၤအသးန့ၣ်,

လံာ်နီၢ်ရူၤသး 2:2

ပှၤမိၤအးမုၣ်ဖိနီၢ်ရူၤသးစံးဘၣ်နီၢ်နၤဧမံ, “ပျဲယလဲၤဆူစံာ်ပျီတဖၣ်အပူၤဒ်သိးယကထၢဖှိၣ်ဘုအစဲၤတဖၣ် လၢပှၤကူးဘုတဖၣ်ပာ်လီၤတဲာ်န့ၣ်တက့ၢ်. ယနာ်လၢယကထံၣ်န့ၢ်ပှၤတဂၤဂၤလၢအကပျဲ ယမၤတၢ်အံၤန့ၣ်လီၤ.” ဒီးနီၢ်နၤဧမံစံးဆၢဝဲ, “ယဖိမုၣ်ဧၢ, လဲၤတက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 1:18

ပိာ်မုၣ်န့ၣ်စံးဆၢအီၤ, “မ်နဆိကမိၣ်တၢ်လၢယဂ့ၢ်လၢတၢ်သူၣ် ကညီၤသးကညီၤအပူၤထီဘိတက့ၢ်.” အန့ၣ်ဝံၤဒီးပိာ်မုၣ်န့ၣ်ဟးထီၣ်ဝဲဒီးအီၣ်တၢ်ဒီးအသးတအုးလၢၤဘၣ်ဝဲဘၣ်.