လံာ်တၢ်ကဲထီၣ်အခီၣ်ထံး 32:30 - Sgaw Karen Common Bible

³⁰ စီၤယၤကိာ်စံးဝဲ, “ယထံၣ်ဘၣ်လံကစၢ်ယွၤမဲာ်သကိးမဲာ်, ဒီးယမူဒံးယဲလီၤ.” အန့ၣ်ဒီးကိးန့ၢ်တၢ်လီၢ်န့ၣ်အမံၤလၢ ပနံၤအ့လးလီၤ.

လံာ်တၢ်ကဲထီၣ်အခီၣ်ထံး 32:30 Iomraidhean Croise

လံာ်တၢ်ကဲထီၣ်အခီၣ်ထံး 16:13

ဒီးနီၢ်ဟၤကၢ်သံကွၢ်လီၤက့ၤအသး, “မ့ၢ်ယထံၣ်နီၢ်နီၢ်လံ ယွၤဒီးအိၣ်မူဘၣ်ဒံးလၢကတဲတၢ်ဂ့ၢ်အံၤန့ၣ်ဧါ.” မၤသးဒ်န့ၣ်ဒီးအဝဲကိးယွၤလၢအကတိၤတၢ်ဒီးအီၤလၢ, “ကစၢ်ယွၤတဂၤလၢအထံၣ်တၢ်” န့ၣ်လီၤ.

လံာ်တၢ်ကဲထီၣ်အခီၣ်ထံး 28:19

ဒီးကိးဝဲတၢ်လီၢ်အံၤလၢဝ့ၢ်ဘ့ၤသ့လးန့ၣ်လီၤ. (ဝ့ၢ်လၢအအိၣ်ဖဲအံၤန့ၣ်တဘျီဘၣ်တၢ်သ့ၣ်ညါတ့ၢ်အီၤဒ်ဝ့ၢ်လူး စးအသိးန့ၣ်လီၤ.)

လံာ်တၢ်ကဲထီၣ်အခီၣ်ထံး 35:9

ဖဲစီၤယၤကိာ်ဟဲက့ၤကဒါက့ၤလၢကီၢ်မ့းစပတၤမံန့ၣ်, ကစၢ်ယွၤလီၣ်ဖျါထီၣ်ကဒီးအသးလၢအီၤဒီးဆိၣ်ဂ့ၤအီၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 12:25

ကီၢ်အံၣ်စရ့လးအစီၤပၤစီၤယၤရၤဘၣ်မၤဂၢၢ်ထီၣ်ကျၢၤထီၣ်က့ၤ ဝ့ၢ်ၡက့ၣ်လၢအအိၣ်လၢကစၢၢ်အ့ဖရဲၣ်အတၢ်လူၢ်တၢ်တြီၤတဖၣ်အပူၤ ဒီးအိၣ်ဆိးဝဲဖဲန့ၣ်, တစိၢ်တလီၢ်န့ၣ်လီၤ. အန့ၣ်ဝံၤ, အဝဲဟးထီၣ်ကွံာ်ဒီးမၤဂၢၢ်ထီၣ်ကျၢၤထီၣ်က့ၤဝ့ၢ် ပနံၤအ့လးန့ၣ်လီၤ.

လံာ်တၢ်ဟးထီၣ်ကွံာ် 33:14

ယွၤစံးဝဲဒၣ်, “ယကလဲၤဃုာ်တၢ်ဒီးနၤဒီးယကဟ့ၣ်နၤလၢတၢ်မၤနၢၤန့ၣ်လီၤ.”

လံာ်ယၡါယၤ 6:5

ဒီးယစံး, “လၢယဂီၢ်တၢ်မုၢ်လၢ်တအိၣ်ဘၣ်. ယဘၣ်တၢ်စံၣ်ညီၣ်ဃါမနၤလီၤ. အဂ့ၢ်ဒ်အံၤ, တၢ်ကတိၤကိးထံၣ်ဒဲးလၢအဟဲထီၣ်လၢ ယထးခိၣ်န့ၣ်ပှဲၤဒီးတၢ်ဒဲးဘးလီၤ. ဒီးယအိၣ်ယဆိးလၢပှၤတကလုာ်လၢအတၢ်ကတိၤကိးထံၣ်ဒဲး ပှဲၤဒီးတၢ်ဒဲးဘးအကျါန့ၣ်လီၤ. ဒီးခဲကနံၣ်အံၤတခီ, ယထံၣ်ဘၣ်လံစီၤပၤ တဂၤ, ယွၤသ့တၢ်လၢာ်ကစၢ်လၢယမဲာ်ချံ ဒၣ်ယဲလီၤ.”

လံာ်ယၡါယၤ 9:5

သုးမုၢ်လၢအဟဲထီၣ်ဒုးတၢ်တဖုအသုးခီၣ်ဖံးတဖၣ် ဒီးအကူအသိးလၢအဘၣ်အၢဒီးတၢ်သွံၣ်တၢ်စီၤခဲလၢာ်, ကဘၣ်တၢ်မၤဟးဂီၤကွံာ်အီၤလၢမ့ၣ်အူန့ၣ်လီၤ.

လံာ်တၢ်ဂံၢ် 12:8

မၤသးဒ်န့ၣ်ဒီးယကတိၤတၢ်ဒီးအီၤမဲာ်သကိးမဲာ်, ဖျိဖျိဖျါဖျါဒီးတမ့ၢ်လၢတၢ်ပှိၤပှံပှိၤပှီၢ်တဖၣ်အပူၤဘၣ်. အဝဲထံၣ်ဘၣ်ဒၣ်လဲာ်ယက့ၢ်ယဂီၤန့ၣ်လီၤ. သုကတိၤထီဒါယခ့ယပှၤစီၤမိၤၡ့န့ၣ်ဘူၣ်ဝဲဒ်လဲၣ်.”

လံာ်ယိၤဟၣ် 1:18

ပှၤတထံၣ်ဘၣ်ကစၢ်ယွၤနီတခီၣ်နီတဂၤဘၣ်. အဖိခွါထဲတဂၤဧိၤလၢအမ့ၢ်တၢ်တမံၤဃီဒီးအီၤ ဒီးအိၣ်ဘူးဒီးအီၤန့ၣ်, လီၣ်ဖျါထီၣ်အီၤလံန့ၣ်လီၤ.

1 ကရံၣ်သူး 13:12

တၢ်လၢပထံၣ်ပဝဲခဲကနံၣ်အံၤ, မၤအသးဒ်တၢ်အက့ၢ် အဂီၤလၢအအိၣ်ဖျါထီၣ်ကဒုကယီၢ်လၢမဲာ်ထံကလၤတဘ့ၣ် အပူၤန့ၣ်လီၤ. မ့မ့ၢ်ဖဲဆၢကတီၢ်အဝဲန့ၣ်, ပကထံၣ်လိာ်ပသးလၢမဲာ်သကိးမဲာ်လီၤ. တၢ်လၢယသ့ၣ်ညါယဲခဲကနံၣ်အံၤမ့ၢ်ဒၣ်တၢ်တဖှံၣ် တဝာ်, မ့မ့ၢ်ဖဲဆၢကတီၢ်အဝဲန့ၣ်ကမ့ၢ်တၢ်လၢတၢ်ပှဲၤ, ကလၢပှဲၤဝဲဒ်ကစၢ်ယွၤအတၢ်သ့ၣ်ညါယၤအသိးန့ၣ်လီၤ.

၂ ကရံၣ်သူး 3:18

လၢတၢ်န့ၣ်အဃိ, ပဝဲကိးဒံကိးနီၢ်ဂၤဒဲးပမၤဖျါထီၣ်က့ၤကစၢ် အလၤကပီၤ, တအိၣ်ဒီးတၢ်မၤဘၢပမဲာ်ဘၣ်. ဒီးတၢ်လၤကပီၤ တမံၤဃီအဝဲန့ၣ်, ပျိာ်လဲလိာ်ကွံာ်ပှၤဆူတၢ်လီၤဂာ်ဒီးအီၤ, လၢအအိၣ်ဒီးတၢ်လၤကပီၤဒိၣ်ဒံးတက့ၢ်န့ၣ်လီၤ.

၂ ကရံၣ်သူး 4:6

ကစၢ်ယွၤလၢအစံးဝဲ, “လၢတၢ်ခံးတၢ်နၤအပူၤန့ၣ်, တၢ်ကပီၤ ကကပီၤထီၣ်ဝဲ” န့ၣ်မ့ၢ်ကစၢ်ယွၤတဂၤဃီလၢအဒုးကပီၤလီၤအတၢ်ကပီၤလၢပသူၣ် ပသးတဖၣ်အပူၤ, ဒ်သိးအကဟဲစိာ်န့ၢ်ပှၤတၢ်သ့ၣ်ညါဘၣ်ဃး ဒီးယွၤအလၤကပီၤလၢအကပီၤထီၣ်လၢခရံာ်အမဲာ်အလိၤန့ၣ်လီၤ.

ကလၤတံ 1:6

ယကမၢကမၣ်လၢသုဃိလီၤ. လၢတစိၢ်ဖိအတီၢ်ပူၤသုညိကွံာ် ကစၢ်ယွၤလၢအကိးတ့ၢ်သုခီဖျိခရံာ်အဘျုးအဖှိၣ်, ဒီးတူၢ်လိာ်တၢ်သးခုကစီၣ်အဂၤတခါအဃိန့ၣ်လီၤ.

အ့းဖ့းစူး 1:17

ဒ်သိးပကစၢ်ယ့ၣ်ၡူးခရံာ်အပၢ်, ပၢ်လၢအလၢပှဲၤဒီးတၢ်လၤကပီၤတဂၤကဟ့ၣ်လီၤသု သးစီဆှံလၢအကဒုးကူၣ်ဘၣ်ကူၣ်သ့သုဒီးလီၣ်ဖျါထီၣ် န့ၢ်သုလၢယွၤဒ်သိးသုကသ့ၣ်ညါအီၤအဂီၢ်န့ၣ်လီၤ.

လံာ်သိၣ်လီၤသီလီၤတၢ် 34:10

လၢကီၢ်အံၣ်စရ့လးအပူၤဝံတဂၤဒ်စီၤမိၤၡ့အသိးလၢယွၤကတိၤ တၢ်ဒီးအီၤမဲာ်သကိးမဲာ်န့ၣ်တအိၣ်ဘၣ်နီတစုနီတဂၤဘၣ်.

လံာ်သိၣ်လီၤသီလီၤတၢ် 5:24

ယွၤ, ပကစၢ်ယွၤဒုးနဲၣ်ပှၤလၢအတၢ်ဒိၣ်တၢ်မုၢ်ဒီးအလၤကပီၤ, ဖဲပနၢ်ဟူဘၣ်အဝဲကတိၤတၢ်ဒီးပှၤလၢမ့ၣ်အူအကျါန့ၣ်လီၤ. တနံၤအံၤပထံၣ်ဘၣ်လံလၢ, ကစၢ်ယွၤမ့ၢ်ကတိၤတ့ၢ်တၢ်ဒီးပှၤတဂၤ ဒၣ်လဲာ်န့ၣ်, အဝဲအိၣ်မူဝဲဆူညါသ့ဒံးကစီဒီန့ၣ်လီၤ.

ကလီးစဲ 1:15

ခရံာ်မ့ၢ်ကစၢ်ယွၤလၢပထံၣ်အီၤတသ့ဘၣ်တဂၤအက့ၢ်အဂီၤလီၤ. အဝဲမ့ၢ်ယွၤအဖိဝဲၢ်ကိလၢအအိၣ်ဆိဒီးအတီၤထီန့ၢ်တၢ်ဘၣ်တ့ အဂုၤအဂၤခဲလၢာ်န့ၣ်လီၤ.

၂ တံၤမသ့း 1:10

ဘၣ်ဆၣ်ဒီးခဲကနံၣ်အံၤတၢ်ဘျုးတၢ်ဖှိၣ်အံၤဘၣ်တၢ်လီၣ် ဖျါထီၣ်န့ၢ်ပှၤခီဖျိပပှၤအုၣ်က့ၤခီၣ်က့ၤတၢ်, ယ့ၣ်ၡူးခရံာ် အတၢ်ဟဲန့ၣ်လီၤ. အဝဲဒၣ်မၤကတၢၢ်ကွံာ်တၢ်သံအစိကမီၤ ဒီးခီဖျိတၢ်သးခုကစီၣ်န့ၣ်, လီၣ်ဖျါထီၣ်တ့ၢ်တၢ်အိၣ်မူလၢ အသံတသ့ဘၣ်န့ၣ်လီၤ.

ဧ့ၤဘြံၤ 11:27

လၢတၢ်စူၢ်တၢ်နာ်န့ၣ် စီၤမိၤၡ့ဟးထီၣ်ကွံာ်လၢအဲၤကူပတူး အပူၤဒီးတပျံၤဘၣ်စီၤပၤအတၢ်သးဒိၣ်ထီၣ်န့ၣ်ဘၣ်. အဝဲအိၣ်ဂၢၢ်ဆိးကျၢၤဒီးတက့ၤကဒါက့ၤဝဲဘၣ်န့ၣ်, မၤအသးဒ်အထံၣ်ဘၣ်ကစၢ်ယွၤလၢတၢ်ထံၣ်အီၤတသ့ဘၣ် တဂၤအသိးန့ၣ်လီၤ.

လံာ်စီၤယိၤၡူ 5:13

ဖဲစီၤယိၤၡူလဲၤဘူးဒီးဝ့ၢ်ယရံၤဃိန့ၣ်, သတူၢ်ကလာ်အဝဲထံၣ်ပှၤတဂၤဆၢထၢၣ်လၢအမဲာ်ညါ, ဟံးဃာ်ဒီးနးတဘ့ၣ်န့ၣ်လီၤ. စီၤယိၤၡူလဲၤဆူအအိၣ်ဒီးသံကွၢ်အီၤ, “နမ့ၢ်ပပှၤဧါ, မ့တမ့ၢ်ဘၣ်ဒီးပဒုၣ်ပဒါအပှၤဧါ.”

လံာ်ပှၤစံၣ်ညီၣ်ကွီၢ် 13:17

စီၤမၤနိစံးဆၢဝဲ, “တဲပှၤလၢနမံၤဒ်သိးဖဲနတၢ်ကတိၤလၢထီၣ်ပှဲၤထီၣ်ဝဲန့ၣ် ပမၤလၤကပီၤနၤကသ့အဂ့ၢ်တက့ၢ်.”

လံာ်ပှၤစံၣ်ညီၣ်ကွီၢ် 13:18

ကလူးန့ၣ်သံကွၢ်ဝဲဒၣ်, “ဘၣ်မနုၤလၢနအဲၣ်ဒိးသ့ၣ်ညါယမံၤလဲၣ်. တၢ်န့ၣ်မ့ၢ်မံၤတဖျၢၣ်လၢတၢ်လီၤလးအပူၤလီၤ.”

လံာ်ပှၤစံၣ်ညီၣ်ကွီၢ် 8:17

ဒီးအဝဲမၤလီၤပှီၢ်ကွံာ်စ့ၢ်ကီးတိာ်အိၣ်လၢပနံၤအ့လးဒီးမၤသံကွံာ်ပှၤပိာ်ခွါတဖၣ်လၢအအိၣ်လၢဝ့ၢ်ပူၤ တဖၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 8:8

စီၤကံးဒဧိၣ်လဲၤဆူညါဆူပနံၤအ့လးဒီးဃ့တၢ်တမံၤဃီလၢ ပှၤအိၣ်ဖဲန့ၣ်တဖၣ်န့ၣ်လီၤ. ဘၣ်ဆၣ်ဒီးပှၤပနံၤအ့လးဖိတဖၣ်စံးဆၢတၢ်တမံၤဃီဒ်ပှၤစူးကိၤသးဖိတဖၣ် အသိးန့ၣ်လီၤ.