လံာ်တၢ်ကဲထီၣ်အခီၣ်ထံး 32:3 - Sgaw Karen Common Bible

³ စီၤယၤကိာ်မၢပှၤစိာ်တၢ်ကစီၣ်တဖၣ်လဲၤဆိလၢအမဲာ်ညါဆူ အဒီပုၢ်ဝဲၢ်ခွါစီၤဧ့ၡီၤအအိၣ်ဖဲကစၢၢ်စံဧ့ၢ်လၢကီၢ်အဒိၣ် အပူၤန့ၣ်လီၤ.

လံာ်တၢ်ကဲထီၣ်အခီၣ်ထံး 32:3 Iomraidhean Croise

လံာ်တၢ်ကဲထီၣ်အခီၣ်ထံး 14:6

ဒီးပှၤဃိၢ်ဖိအိၣ်လၢကီၢ်အဒိၣ်အကစၢၢ်ကလိတဖၣ်အကျါ, ဒီးလူၤထွဲအဝဲသ့ၣ်ယံၤတုၤဆူဝ့ၢ်အ့လးဖရၣ်အိၣ်လၢမဲးမုၢ် ခိၣ်အဃၢၤန့ၣ်လီၤ.

လံာ်တၢ်ကဲထီၣ်အခီၣ်ထံး 25:30

ဒီးစံးဘၣ်စီၤယၤကိာ်, “ယသၣ်ဝံၤလီၤဒိလၢာ်လံ. ဟ့ၣ်ယၤလၢတၢ်အီၣ်ဖါဂီၤအံၤတနီၤတက့ၢ်.” (မၤသးဒ်န့ၣ်ဒီးပှၤကိးအမံၤလၢအဒိၣ်လီၤ.)

လံာ်တၢ်ကဲထီၣ်အခီၣ်ထံး 32:11

ယဃ့ထုကဖၣ်လၢနကအုၣ်က့ၤခီၣ်က့ၤယၤလၢယဝဲၢ်စီၤဧ့ၡီၤအစု ပူၤလီၤ. ယပျံၤတၢ်, ယပျံၤလၢအဝဲကဟဲဒုးပှၤဒီးမၤဟးဂီၤကွံာ်ပှၤတုၤ ဒၣ်လဲာ်ဖိသၣ်ဒီးပှၤပိာ်မုၣ်တဖၣ်ခဲလၢာ်န့ၣ်လီၤ.

လံာ်တၢ်ကဲထီၣ်အခီၣ်ထံး 32:7

စီၤယၤကိာ်ပျံၤတၢ်ဒီးဘၣ်ကိၢ်ဘၣ်ဂီၤဝဲလီၤ. ဒီးနီၤဖးလီၤဝဲပှၤလၢအအိၣ်ဒီးအီၤတဖၣ်န့ၣ်ခံဖုဒီးပှၤလၢ အကွၢ်ထွဲသိ, မဲာ်တဲးလဲး, ဒီးဂီၤဘုၣ်ဂီၤဖံးဒီးကီၤလၤအူးတဖၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 33:14

ဝံသးစူၤလဲၤဆိတၢ်လၢယမဲာ်ညါ, ဒီးယကပိာ်ထွဲထီၣ်ကယီ ကယီ, လဲၤတၢ်တချ့ဖဲအချ့ဒ်ယသ့ဃုာ်ဒီးယဂီၤဘုၣ်ဂီၤဖံးဒီး ဖိသၣ်တဖၣ်တုၤယချုးန့ၢ်နၤလၢကီၢ်အဒိၣ်အပူၤန့ၣ်တက့ၢ်.”

လံာ်တၢ်ကဲထီၣ်အခီၣ်ထံး 33:16

ဒီးလၢတနံၤဃီန့ၣ်စီၤဧ့ၡီၤစးထီၣ်က့ၤကဒါက့ၤဝဲဆူကီၢ် အဒိၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 2:8

သုးခိၣ်ကျၢၢ်လၢစီၤစီလူးအသုးမုၢ်အပူၤ, စီၤန့ၢ်အဖိခွါစီၤအဘံန့ၢ်ဃ့ၢ်ပူၤဖျဲးကွံာ်ဒီးစီၤစီလူး အဖိခွါစီၤအံၤၡဘိၡ့းခီဂာ်ကွံာ်ထံကျိယၢ်ဒ့ၣ်ဆူဝ့ၢ်မၤ ဃန့ၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 6:17

အန့ၣ်ဝံၤဒီးအဝဲဘါထုကဖၣ်တၢ်စံးဝဲ, “အိယွၤဧၢ, အိးထီၣ်အမဲာ်ချံတဖၣ်ဒီးဒုးထံၣ်အီၤတၢ်တက့ၢ်.” ယွၤစံးဆၢအဝဲအတၢ်ထုကဖၣ်, ဒီးစီၤအလံၤၡါအခ့အပှၤကွၢ်ထီၣ် တၢ်, ဒီးထံၣ်ဘၣ်တၢ်လူၢ်အကပၤပှဲၤဝဲဒီးကသ့ၣ်မ့ၣ်အူ တဖၣ်လ့ၣ်ကဟၣ်မ့ၣ်အူတဖၣ်အိၣ်ဝးတရံးစီၤအလံၤၡါန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 12:23

ဖဲစီၤဒၤဝံးအိၣ်ဝဲဖဲဝ့ၢ်ဃ့ဘြိၣ်န့ၣ်, ပှၤသုးဖိလၢအသ့ အဘၣ်အါဂၤဟဲပာ်ဖှိၣ်အသးဒီးအဝဲအသုးမုၢ်လၢကမၤစၢၤတၢ်လၢအ ဝဲကကဲထီၣ်စီၤပၤလၢစီၤပၤစီၤစီလူးအလီၢ်အဂီၢ်ဒ်ယွၤအၢၣ်လီၤ တ့ၢ်ဝဲအသိးန့ၣ်လီၤ. အဝဲသ့ၣ်အတၢ်ဂံၢ်တဖၣ်မ့ၢ်ဒ်လၢလာ်အံၤအသိးလီၤ.

လံာ်တၢ်သးဝံၣ်တဖၣ်အတၢ်သးဝံၣ် 7:1

နမ့ၢ်ပိာ်မုၣ်ဖိလၢအလီၤလးတဂၤဒိၣ်မးလဲၣ် နခီၣ်လၣ်တဖၣ်လၢခီၣ်ဖံးအပူၤန့ၣ်ဃံလၤဝဲဆံးဒိၣ်လဲၣ် နကံၣ်ဒုၣ်အက့ၣ်ကွီၤတဖၣ်ဖျၢၣ်ဝဲ လီၤဂာ်ဒ်ပှၤစုသ့ တဂၤအတၢ်မၤလၢမၤဝဲအသိးလီၤ.

လံာ်ယၡါယၤ 21:11

အအံၤမ့ၢ်တၢ်ကစီၣ်ဘၣ်ဃးကီၢ်အဒိၣ်အဂ့ၢ်န့ၣ်လီၤ. ပှၤတဂၤကိးဃီၤတၢ်ဆူယအိၣ်လၢကီၢ်အဒိၣ်တခီဒီးစံး, “ပှၤခိးတၢ်ဖိဧၢ, မုၢ်နၤကလၢာ်ကွံာ်ဝဲဖဲလဲၣ်အခါလဲၣ်. ကကတၢၢ်အခါဖဲလဲၣ်န့ၣ်တဲဘၣ်ယၤတက့ၢ်.”

လံာ်ယံးရမံယၤ 49:7

အအံၤမ့ၢ် တၢ်လၢယွၤသ့တၢ်လၢာ်စံးတ့ၢ်ဝဲဘၣ်ဃးဒီး ကီၢ်အဒိၣ်အဂ့ၢ်န့ၣ်လီၤ. “မ့ၢ်ကီၢ်အဒိၣ်အပှၤဂီၢ်မုၢ်တဖၣ် အသးလၢအသ့ နီၤဖးတၢ်ဂ့ၤဂ့ၤဘၣ်ဘၣ်န့ၣ်, လီၤမၢ်န့ၢ်အဝဲသ့ၣ်လံဧါ. မ့ၢ်အဝဲသ့ၣ်အပှၤဟ့ၣ်ကူၣ်ဟ့ၣ်ဖးတၢ်တဖၣ် တဲဘၣ်အဝဲသ့ၣ်တၢ်လၢ အကဘၣ်မၤဝဲန့ၣ်တသ့လၢၤဘၣ်ဧါ. မ့ၢ်အဝဲသ့ၣ် အတၢ်ကူၣ်သ့ တဖၣ်ဟါမၢ်လၢာ်လံဧါ.

လံာ်မၤလကံ 3:1

ယွၤသ့တၢ်လၢာ်စံးဆၢဝဲ, “ယကဆှၢလီၤယပှၤစိာ်တၢ်ကစီၣ်ဒ်သိးကကတဲာ်ကတီၤကျဲလၢယဂီၢ် လီၤ. တုၤနုၤတစု, ယွၤလၢသုဃုအီၤန့ၣ်ကဟဲသတူၢ်ကလာ်ဆူအတၢ်လုၢ် ဟံၣ်လီၤ. ပှၤစိာ်တၢ်ကစီၣ်လၢသုဆၢထံၣ်ဘၣ်အီၤန့ၣ်ကဟဲဒီးစံးဘၣ်တဲ ဘၣ်ယတၢ်အၢၣ်လီၤအီလီၤန့ၣ်လီၤ.”

လံာ်တၢ်ဂံၢ် 24:18

အဝဲကမၤနၢၤကွံာ်အဒုၣ်အဒါတဖၣ်လၢကီၢ်အဒိၣ်အပူၤ, ဒီးဒုးကဲထီၣ်အဝဲသ့ၣ်အကီၢ်လၢအတၢ်ဖဲကီၢ်အံၣ်စရ့လးမၤနၢၤ ထွဲဒံးတၢ်ဆူညါအခါန့ၣ်လီၤ.

လံာ်လူၤကၣ် 9:52

အဝဲဒၣ်ဆှၢလီၤဆိပာ်ပှၤစိာ်တၢ်ကစီၣ်တဖၣ်လၢအမဲာ်ညါ, ဒီးအဝဲသ့ၣ်ဟးထီၣ်ဒီးလဲၤနုာ်လီၤဆူပှၤၡၤမရံဖိအသဝီတဖျၢၣ်အပူၤ, ဒ်သိးအကအိၣ်ကတဲာ်ကတီၤပာ်တၢ်ခဲလၢာ်ခဲဆ့လၢအဝဲဒၣ်အဂီၢ်လီၤ.

လံာ်သိၣ်လီၤသီလီၤတၢ် 1:2

(တၢ်လဲၤကျဲလၢကစၢၢ်စံၤနါဆူကၤဒ့ၣ်ဘၢ်နံခီဖျိကီၢ်အဒိၣ် အတၢ်လူၢ်တၢ်တြီၤအကျဲန့ၣ်, ယံာ်ဝဲတဆံတသီန့ၣ်လီၤ.)

လံာ်သိၣ်လီၤသီလီၤတၢ် 2:22

ယွၤမၤတ့ၢ်တၢ်တမံၤဃီလၢပှၤအဒိၣ်ဖိတဖၣ်အဂီၢ်လၢအမ့ၢ်စီၤဧ့ ၡီၤအစၢၤအသွဲၣ်လၢအအိၣ်ဆိးဝဲဖဲကီၢ်အဒိၣ်လၢအပှဲၤဒီးကစၢၢ် ကလိန့ၣ်လီၤ. အဝဲမၤဟးဂီၤကွံာ်ပှၤဃိရံၤဖိတဖၣ်သတးဒီး ဟံးန့ၢ်ကွံာ် အဝဲသ့ၣ်အထံအကီဲၢ်ဒီး အိၣ်ဆိဒံးဝဲဖဲန့ၣ်လီၤ.

လံာ်သိၣ်လီၤသီလီၤတၢ် 2:5

ဘၣ်ဆၣ်သုတဘၣ်စးထီၣ်ဒုးတၢ်ဒီးအဝဲသ့ၣ်ဘၣ်. ယတဟ့ၣ်လီၤဘၣ်သုလၢအဝဲသ့ၣ်အထံအကီၢ်ထဲတကဝီၤဧိၤဘၣ်လဲာ်လၢ သုကယီၢ်လီၤအီၤန့ၣ်ဘၣ်. ယဟ့ၣ်လီၤတ့ၢ်ကီၢ်အဒိၣ်ဆူစီၤဧ့ၡီၤအစၢၤအသွဲၣ်တဖၣ်အအိၣ်န့ၣ်လီၤ.

လံာ်စီၤယိၤၡူ 13:30

အတၢ်လီၢ်လဲၤတုၤဝဲလၢဝ့ၢ်မၤဃန့ၤ, ပၣ်ဃုာ်ဒီးဘၤၡၣ်ဒီကီၢ်, ဘၤၡၣ်အစီၤပၤစီၤဧိာ်အဘီမုၢ်ဒီဘ့ၣ်ညါဃုာ်ဒီးစီၤယၤအံၢ် အဝ့ၢ်အဖျၢၣ်ဃုဆံလၢကီၢ်ဘၤၡၣ်အပူၤန့ၣ်လီၤ.

လံာ်စီၤယိၤၡူ 24:4

ဒီးယဟ့ၣ်လီၤစီၤအံၤစဲးန့ၣ်လၢစီၤယၤကိာ်ဒီးစီၤဧ့ၡီၤ လီၤ. ယဟ့ၣ်လီၤစီၤဧ့ၡီၤလၢကစၢၢ်စ့ဧၢ်လၢအတၢ်န့ၢ်သါအဂီၢ်, မ့မ့ၢ်စီၤယၤကိာ်ဒီးအဖိအလံၤခဲလၢာ်လဲၤလီၤဆူအဲၤကူပတူး န့ၣ်လီၤ.