လံာ်တၢ်ကဲထီၣ်အခီၣ်ထံး 32:29 - Sgaw Karen Common Bible

²⁹ စီၤယၤကိာ်စံးဘၣ်အီၤ, “ခဲကနံၣ်အံၤတဲယၤလၢနမံၤတက့ၢ်.” ဘၣ်ဆၣ်အဝဲသံကွၢ်ဝဲ, “ဘၣ်မနုၤလၢနအဲၣ်ဒိးသ့ၣ်ညါယမံၤန့ၣ် လဲၣ်.” ဒီးအဝဲဆိၣ်ဂ့ၤစီၤယၤကိာ်လီၤ.

လံာ်တၢ်ကဲထီၣ်အခီၣ်ထံး 32:29 Iomraidhean Croise

လံာ်တၢ်ကဲထီၣ်အခီၣ်ထံး 17:5

နမံၤတမ့ၢ်စီၤအၤဘြၣ်လၢၤဘၣ်. မ့မ့ၢ်နမံၤကမ့ၢ်စီၤအၤဘြၤဟၣ် န့ၣ်လီၤ. အဂ့ၢ်ဒ်အံၤ, ယဒုးကဲထီၣ်နၤလၢပှၤအါကလုာ်အတၢ်လီၤစၢၤလီၤ သွဲၣ်အပၢ်ဖးဒိၣ်လၢပျၢၤအဃိလီၤ.

လံာ်တၢ်ကဲထီၣ်အခီၣ်ထံး 35:10

ကစၢ်ယွၤစံးဘၣ်အီၤ, “နမံၤမ့ၢ်စီၤယၤကိာ်, ဘၣ်ဆၣ်စးထီၣ်ခဲအံၤဒီးဆူညါန့ၣ်ကမ့ၢ်ဝဲစီၤအံၣ်စရ့လးန့ၣ် လီၤ.” လၢတၢ်န့ၣ်အဃိကစၢ်ယွၤကိးအမံၤလၢစီၤအံၣ်စရ့လးလီၤ.

လံာ်တၢ်ကဲထီၣ်အခီၣ်ထံး 35:9

ဖဲစီၤယၤကိာ်ဟဲက့ၤကဒါက့ၤလၢကီၢ်မ့းစပတၤမံန့ၣ်, ကစၢ်ယွၤလီၣ်ဖျါထီၣ်ကဒီးအသးလၢအီၤဒီးဆိၣ်ဂ့ၤအီၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 18:31

အဝဲဟံးထီၣ်လၢၢ်တဆံခံဖျၢၣ်ဒ်ဒူၣ်တဖၣ်လၢအဘၣ်ဃးဒီးစီၤယၤ ကိာ်အဖိခွါတဖၣ်အတၢ်ဂံၢ်အိၣ်ဝဲအသိးန့ၣ်လီၤ. စီၤယၤကိာ်မ့ၢ်ပှၤတဂၤလၢယွၤဟ့ၣ်တ့ၢ်အီၤမံၤလၢအမ့ၢ်ဝဲ စီၤအံၣ်စရ့လးန့ၣ်လီၤ.

လံာ်စီၤပၤခံဘ့ၣ်တဘ့ၣ် 17:34

အဝဲသ့ၣ်မၤထွဲဒံးတၢ်လုၢ်တၢ်လၢ်အလီၢ်လံၤတဖၣ်တုၤလၢမုၢ်မဆါ တနံၤအံၤန့ၣ်လီၤ. အဝဲသ့ၣ်တဘူၣ်ထီၣ်ဘါထီၣ်ယွၤမ့ၢ်ဂ့ၤ, တဒိကနၣ်တၢ်ဘူၣ်တၢ်ဘါအတၢ်သိၣ်တၢ်သီတဖၣ်ဒီးတၢ်မၤလိာ်တဖၣ်မ့ၢ် ဂ့ၤ, လၢအဝဲဟ့ၣ်လီၤတ့ၢ်အီၤဆူစီၤယၤကိာ်လၢအကိးက့ၤဝဲအမံၤလၢ စီၤအံၣ်စရ့လးအစၢၤအသွဲၣ်, တဖၣ်အအိၣ်, န့ၣ်ဘၣ်.

လံာ်ကွဲးနီၣ်တၢ်အခီၣ်ထံးတဘ့ၣ် 1:34

စီၤအၤဘြၤဟၣ်အဖိခွါစီၤအံၤစဲးအိၣ်ဒီးအဖိခွါခံဂၤ, စီၤဧ့ၡီၤဒီးစီၤယၤကိာ်န့ၣ်လီၤ.

လံာ်စီၤယိၤဘး 11:7

မ့ၢ်နဃုထံၣ်သ့ၣ်ညါသ့တၢ်လၢာ်ကစၢ်ယွၤအတၢ်ဒိၣ်ဝဲထီဝဲ ဒီးအစိအကမီၤဘၣ်ကသ့ဧါ.

တၢ်ကတိၤဒိ. 30:4

မ့ၢ်မတၤလဲၤတုၤထီၣ်ဘးမူခိၣ်ဒီးဟဲက့ၤလီၤဝဲတဂၤလဲၣ်. မ့ၢ်မတၤဖီၣ်န့ၢ်ကလံၤလၢအစုပူၤတဂၤလဲၣ်. မ့ၢ်မတၤဘိၣ်ထီၣ်ထံလၢတၢ်ကံးယာ်တဘ့ၣ်အပူၤတဂၤလဲၣ်. မ့ၢ်မတၤပာ်ဂၢၢ်ပာ်ကျၢၤဟီၣ်ခိၣ်အဆၢတဖၣ် တဂၤလဲၣ်. မ့ၢ်နသ့ၣ်ညါအဝဲမ့ၢ်မတၤလဲၣ်. အဖိခွါမ့ၢ်မတၤလဲၣ်, န့ၣ်ဧါ

လံာ်ယၡါယၤ 9:6

ဖိသၣ်တဂၤအိၣ်ဖျဲၣ်လၢပဂီၢ်, တၢ်ဟ့ၣ်လီၤပှၤလၢဖိခွါတဂၤလီၤ. ဒီးအဝဲဒၣ်ကမ့ၢ်ပပှၤပၢတၢ်လီၤ. အဝဲကဘၣ်တၢ်ကိးအီၤလၢ “ပှၤလီၤလး ” “တၢ်ကူၣ်လိာ်တၢ်”, “စိဒိၣ်ကမီၤထီကစၢ်ယွၤ”, “ပၢ်အထူအယိာ်”, “တၢ်ဃူတၢ်ဖိးအစီၤပၤ” န့ၣ်လီၤ.

လံာ်ဟိၤၡ့ 6:1

ပှၤဂီၢ်မုၢ်စံးဝဲဒၣ်, မ်ပကဃၣ်ကဒါက့ၤပသးဆူယွၤအအိၣ်တက့ၢ်. အဝဲမၤဆါတ့ၢ်ပှၤဘၣ်ဆၣ်အဝဲကမၤဘျါက့ၤပှၤသပှၢ်ကတၢၢ်, အဝဲမၤဘၣ်ဒိဘၣ်ထံးပှၤဘၣ်ဆၣ်ကဘိၣ်ဘံထီၣ်ပပူၤလီၢ်တ ဖၣ်လီၤတမ့ၢ်ဘၣ်ဧါ.

လံာ်တၢ်ဂံၢ် 20:14

စီၤမိၤၡ့ဆှၢလီၤပှၤစိာ်တၢ်ကစီၣ်တဖၣ်လၢကၤဒ့ၣ်ဆူကီၢ်အဒိၣ် အစီၤပၤအအိၣ်လီၤ. အဝဲသ့ၣ်စံးဝဲ, “တၢ်ကစီၣ်အံၤဟဲလၢနဘူးနတံၢ်ပှၤအံၣ်စရ့လးဖိတဖၣ်အဒူၣ်တဖၣ် အအိၣ်န့ၣ်လီၤ. နသ့ၣ်ညါတၢ်ကီတၢ်ခဲတဖၣ်လၢပတူၢ်ဘၣ်တ့ၢ်အီၤ,

လံာ်လူၤကၣ် 1:19

“ယဲဒၣ်အံၤယမ့ၢ်ကၤဘြံၤအ့လးလီၤ,” ကလူးစံးဆၢအီၤ, “ယဆၢထၢၣ်လၢယွၤအမဲာ်ညါဒီးအဝဲဒၣ် ဆှၢလီၤယၤဒ်သိးယကကတိၤတၢ်ဒီးနၤဒီးစံးဘၣ်တဲဘၣ်နၤ လၢတၢ်သးခုကစီၣ်တမံၤအံၤန့ၣ်လီၤ.

လံာ်သိၣ်လီၤသီလီၤတၢ် 29:29

တၢ်အိၣ်ဒံးဝဲအဂၤတနီၤလၢယွၤ, ပကစၢ်ယွၤပၢၤဃာ်ခူသူၣ်တ့ၢ်အီၤ, ဘၣ်ဆၣ်အဝဲလီၣ်ဖျါတ့ၢ်အဝဲအတၢ်သိၣ်တၢ်သီ, လၢပှၤယူဒၤဖိအဂီၢ်ဒီးပဝဲဒီးပစၢၤပသွဲၣ်တဖၣ်ပကဘၣ်စူၢ်အီၤ လီၤစိၤလီၤထီန့ၣ်လီၤ.