လံာ်တၢ်ကဲထီၣ်အခီၣ်ထံး 32:24 - Sgaw Karen Common Bible

²⁴ မ့မ့ၢ်အဝဲအိၣ်လီၤတဲာ်တ့ၢ်ထဲတဂၤဧိၤန့ၣ်လီၤ. ဖဲန့ၣ်ပှၤတဂၤဟဲဒီးကနိတၢ်ဒီးအီၤတုၤမုၢ်ဘူးကဆ့ၣ်ထီၣ်န့ၣ် လီၤ.

လံာ်တၢ်ကဲထီၣ်အခီၣ်ထံး 32:24 Iomraidhean Croise

လံာ်တၢ်ကဲထီၣ်အခီၣ်ထံး 18:2

အဝဲကွၢ်ထီၣ်တၢ်ဒီးထံၣ်ဘၣ်ပှၤသၢဂၤဂဲၤဆၢထၢၣ်ဖဲန့ၣ်လီၤ. ဒီးတုၤအထံၣ်အဝဲသ့ၣ်တဘျီဃီန့ၣ်, အဝဲလဲၤဃ့ၢ်ထီၣ်သဂၢၢ်အဝဲ သ့ၣ်လီၤ. ဒီးတီၤလီၤကဒွံကျိာ်ဒီးကျးလီၤအမဲာ်လၢဟီၣ်ခိၣ်လိၤ,

လံာ်တၢ်ကဲထီၣ်အခီၣ်ထံး 30:8

ဒီးနီၢ်ရၤဃ့လးစံးဝဲ, “ယဒုးတၢ်ဒုးလၢအဆူၣ်ဒီးယဒီပုၢ် ဝဲၢ်မုၣ်လီၤ. ဘၣ်ဆၣ်ယမၤနၢၤအီၤလံ.” ဒီးယုၢ်န့ၢ်ဝဲအမံၤလၢစီၤနးသၤလံလီၤ.

လံာ်တၢ်ကဲထီၣ်အခီၣ်ထံး 32:23

ဖဲအဝဲဆှၢခီဃီၤအဝဲသ့ၣ်တဖၣ်ဝံၤန့ၣ်, အဝဲဆှၢခီဃီၤစ့ၢ် ကီးတၢ်လၢအအိၣ်ဒီးအီၤခဲလၢာ်လီၤ.

လံာ်တၢ်ကဲထီၣ်အခီၣ်ထံး 32:25

တုၤပှၤတဂၤအံၤသ့ၣ်ညါဝဲလၢကနိတၢ်တနၢၤလၢၤဘၣ်န့ၣ်အဝဲမၤဘၣ် ဒိစီၤယၤကိာ်ဖဲအခံကွီၢ်ဒီးအကံၢ်ဒုၣ်အဆၢတလံာ်ကွံာ်ဝဲလီၤ.

လံာ်တၢ်ကဲထီၣ်အခီၣ်ထံး 32:28

ဒီးပှၤတဂၤန့ၣ်စံးဘၣ်အီၤ, “နမံၤတမ့ၢ်လၢၤဘၣ်စီၤယၤကိာ် ဘၣ်. နဂဲၤပျုၢ်ပြၢလိာ်တ့ၢ်နသးဒီးကစၢ်ယွၤဒီးပှၤကညီ, ဒီးနမၤနၢၤလံတၢ်လံ. အဃိဒီးနမံၤကမ့ၢ်စီၤအံၣ်စရ့လးလီၤ.”

လံာ်တၢ်ကဲထီၣ်အခီၣ်ထံး 32:30

စီၤယၤကိာ်စံးဝဲ, “ယထံၣ်ဘၣ်လံကစၢ်ယွၤမဲာ်သကိးမဲာ်, ဒီးယမူဒံးယဲလီၤ.” အန့ၣ်ဒီးကိးန့ၢ်တၢ်လီၢ်န့ၣ်အမံၤလၢ ပနံၤအ့လးလီၤ.

လံာ်တၢ်ကဲထီၣ်အခီၣ်ထံး 48:16

မ်ကလူးလၢအမၤပူၤဖျဲးယၤ လၢကယဲၢ်တၢ်ဘၣ်ဒိဘၣ်ထံးန့ၣ်, ဆိၣ်ဂ့ၤအဝဲသ့ၣ်တက့ၢ်. မ်ယၤဒီးယပၢ်တဖၣ်လၢအမ့ၢ်, စီၤအၤဘြၤဟၣ်ဒီးစီၤအံၤစဲးအ မံၤ, မူဝဲလၢခီဖျိပိာ်ခွါဖိသ့ၣ်တဖၣ်အံၤတက့ၢ်. မ်အဝဲသ့ၣ်ကအိၣ်ဒီးအဖိအါအါဂီၢ်ဂီၢ်, ဒီးအစၢၤအသွဲၣ်အါအါ ဂီၢ်ဂီၢ်န့ၣ်တက့ၢ်.”

လံာ်တၢ်ဟးထီၣ်ကွံာ် 14:27

မၤသးဒ်န့ၣ်ဒီး, စီၤမိၤၡ့ယူာ်ထီၣ်အစုလၢပီၣ်လဲၣ်ဖီခိၣ်ဒီး ဖဲမုၢ်ဆ့ၣ်ဝါထီၣ်န့ၣ်ထံဟဲက့ၤပှဲၤထီၣ်ဝဲဒၣ်ဒ်အလီၢ်လီၢ်န့ၣ် လီၤ. ပှၤအဲၤကူပတူးဖိတဖၣ်ကျဲးစၢးဒ်သိးကပူၤဖျဲးထီၣ်လၢထံကျါ ဘၣ်ဆၣ်ဒီးယွၤတြူာ်ကွံာ်အဝဲသ့ၣ်လၢပီၣ်လဲၣ်အသးကံၢ်ပူၤန့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 2:17

တုၤလီၤလၢမုၢ်ဂီၤအကလံၤဖိအူထီၣ်, ဒီးတၢ်ခံးတၢ်နၤဟါမၢ်ကွံာ်ဝဲဒၣ်န့ၣ်လီၤ. ဟဲက့ၤ, ယတၢ်အဲၣ်သးဘိဧၢ, ဒ်တၤဟိစဘံတဒုဒီးဒ်တၤဃီၤဖါသးစၢ်တဒုလၢလၢၢ်မုၢ်လ့တီ ကစၢၢ်လိၤအသိးတက့ၢ်.

လံာ်ယၡါယၤ 32:2

အဝဲသ့ၣ်တဂၤဘၣ်တဂၤကလီၤ ဂာ်ဒီးတၢ်အိၣ်ကဒုပူၤဖျဲးအလီၢ်တတီၤလၢကလံၤမုၢ်, ဒီးတၢ်လီၢ်တတီၤလၢတၢ်အိၣ်သဒၢပူၤဖျဲးဒီးကလံၤ မုၢ်တွၤတဖၣ်အဂီၢ်န့ၣ်လီၤ. အဝဲသ့ၣ်ကလီၤဂာ်ဒီး ထံဖိကျိတဖၣ်လၢအယွၤလီၤလၢမဲးမုၢ်ခိၣ်တတီၤ, ဒီးလၢၢ်မုၢ်ဖးဒိၣ်တဖျၢၣ်အကဒုလၢကီၢ်အိၣ်လီၤ ဃီတဘ့ၣ်အပူၤန့ၣ်လီၤ.

လံာ်ဒၤနံးယ့လး 10:8

ယအိၣ်တီၢ်တ့ၢ်ဖဲန့ၣ်ထဲတဂၤဧိၤဒီးကွၢ်ကီတၢ်ထံၣ်လၢညါခီလၢ အလီၤလိၢ်လီၤလးအံၤန့ၣ်လီၤ. ယဂံၢ်ယဘါလၢာ်ကွံာ်ဝဲ, ဒီးယမဲာ်သၣ်အက့ၢ်အဂီၤလဲလိာ်ကွံာ်အသးတုၤဒၣ်လဲၣ်ပှၤကွၢ် နီၣ်ယၤတဘၣ်လၢၤနီတဂၤဘၣ်.

လံာ်လူၤကၣ် 13:24

“ဂုာ်ကျဲးစၢးလဲၤနုာ်သုဝဲလၢကျဲစၢၤအအံၣ်န့ၣ်တက့ၢ်. အဂ့ၢ်ဒ်အံၤ, ပှၤအါဒံအါဂၤကကျဲးစၢးဝဲ, ဘၣ်ဆၣ်ဒီးလဲၤနုာ်ဝဲတန့ၢ်ဘၣ်.

လံာ်လူၤကၣ် 22:44

လၢတၢ်သူၣ်ကိၢ်သးဂီၤဖးဒိၣ်အပူၤ, အဝဲဃ့ဘါထုကဖၣ်တၢ်လၢတၢ်ပာ်အသးသပှၢ်ပှၢ်အပူၤ, ဒိၣ်န့ၢ်အလီၢ်လီၤ. အဝဲဒၣ်အကပၢၤယွၤလီၤဒ်တၢ်သွံၣ်အလီၤစီၤ တဖၣ်အသိး, လၢဟီၣ်ခိၣ်လိၤလီၤ.

ရိမ့ၤ 15:30

ဒီပုၢ်ဝဲၢ်သ့ၣ်ဧၢ, ခီဖျိပကစၢ်ယ့ၣ်ၡူးခရံာ်ဒီးခီဖျိတၢ်အဲၣ်တၢ်ကွံလၢ ကစၢ်ယွၤအသးဟ့ၣ်လီၤဝဲန့ၣ်, ယသဆၣ်ထီၣ်သုခံလၢသုကဃ့ထုကဖၣ်ယွၤသပှၢ်ပှၢ်ဃုာ်ဒီးယၤလၢ ယဂီၢ်န့ၣ်လီၤ.

1 ကရံၣ်သူး 15:47

စီၤအၤဒၣ်အဆိကတၢၢ်တဂၤလၢအဘၣ်တၢ်တ့အီၤလၢဟီၣ်ခိၣ်န့ၣ်, ဟဲလၢဟီၣ်ခိၣ်, မ့မ့ၢ်စီၤအၤဒၣ်ခံဂၤတဂၤန့ၣ်ဟဲလၢမူခိၣ်လီၤ.

အ့းဖ့းစူး 6:12

အဂ့ၢ်ဒ်အံၤ, ပတဒုးလိာ်ပသးဒီးပှၤကညီဘၣ်. မ့မ့ၢ်ပဒုးလိာ်ပသးဒီးသးအၢလၢအအိၣ်ဒီးအစိအကမီၤ လၢမူခိၣ်, ပှၤပၢထံပၢကီၢ်တဖၣ်, ပဒိၣ်ပပှၢ်တဖၣ်ဒီးဟီၣ်ခိၣ်အစိကမီၤလၢအဒုးအိၣ်ထီၣ်တၢ်ခံးတၢ် နၤတစိၤအံၤတဖၣ်န့ၣ်လီၤ.

အ့းဖ့းစူး 6:18

မၤတၢ်ခဲလၢာ်လၢတၢ်ထုကဖၣ်အပူၤဒီးဃ့ကစၢ်ယွၤအတၢ်မၤ စၢၤတက့ၢ်. ထုကဖၣ်ကိးဆၢကိးကတီၢ်ဒဲးဒ်ကစၢ်ယွၤ အသးဆှၢသုအသိးတက့ၢ်. လၢတၢ်အံၤအဂ့ၢ်န့ၣ်, ဆိးသီသုဝဲဒီးတ့ၢ်စၢ်လီၤသုဂံၢ်သုဘါတဂ့ၤ. ထုကဖၣ်ထီဘိလၢယွၤအပှၤစီဆှံခဲလၢာ်အဂီၢ်တက့ၢ်.

ကလီးစဲ 2:1

ပျဲယဒုးသ့ၣ်ညါသုလၢယကျဲးစၢးတၢ်ဆူၣ်ဆူၣ်လၢ သုဂီၢ်, ပှၤအိၣ်လၢဝ့ၢ်လီၤဒံၤကံတဖၣ်အဂီၢ်, ဒီးပှၤလၢအတထံၣ်ဘၣ်တသ့ၣ်ညါဘၣ်ယၤလၢနီၢ် ခိနီၢ်ခီတဖၣ်ခဲလၢာ်အဂီၢ်ထဲလဲၣ်ထဲလဲၣ်န့ၣ်တက့ၢ်.

ကလီးစဲ 4:12

ပှၤလၢအဘၣ်ဃးဒီးသု, ယ့ၣ်ၡူးခရံာ်အခ့အပှၤ, စီၤအ့းပၤဖြါတဂၤ ဆၢဂ့ၤဆၢဝါလီၤသုဒီးထီဘိန့ၣ်ဃ့ဘါထုကဖၣ်ကစၢ်ယွၤသပှၢ် ပှၢ်လၢသုဂီၢ်ဒ်သိးသုကဆၢထၢၣ်ဂၢၢ်ဂၢၢ်ကျၢၤကျၢၤလၢတၢ်လူၤဘၣ် ယွၤအသးအပူၤ, ဒ်ပှၤခရံာ်ဖိလၢအနာ်တၢ်နီၢ်နီၢ်ဒီးဒိၣ်တုာ်ခိၣ် ပှဲၤဝဲတဖၣ်အသိးန့ၣ်လီၤ.

ဧ့ၤဘြံၤ 5:7

ဖဲယ့ၣ်ၡူးခရံာ်အိၣ်ဒံးလၢဟီၣ်ခိၣ်ချၢအကတီၢ်န့ၣ်အဝဲဒၣ် လုၢ်ထီၣ်အတၢ်ထုကဖၣ်ဒီးအတၢ်သကွံၢ်ကညးတဖၣ်လၢ အကလုၢ်ဖးဒိၣ်အိၣ်ဒီးတၢ်မဲာ်ထံမဲာ်နိဆူကစၢ်ယွၤလၢ အမၤပူၤဖျဲးထီၣ်အီၤလၢတၢ်သံအပူၤသ့ဝဲတဂၤအအိၣ် န့ၣ်လီၤ. ယွၤဒိကနၣ်အီၤမ့ၢ်လၢအတၢ်အဲၣ်ကစၢ်ယွၤပျံၤ ကစၢ်ယွၤအဃိလီၤ.

လံာ်စီၤယိၤၡူ 5:13

ဖဲစီၤယိၤၡူလဲၤဘူးဒီးဝ့ၢ်ယရံၤဃိန့ၣ်, သတူၢ်ကလာ်အဝဲထံၣ်ပှၤတဂၤဆၢထၢၣ်လၢအမဲာ်ညါ, ဟံးဃာ်ဒီးနးတဘ့ၣ်န့ၣ်လီၤ. စီၤယိၤၡူလဲၤဆူအအိၣ်ဒီးသံကွၢ်အီၤ, “နမ့ၢ်ပပှၤဧါ, မ့တမ့ၢ်ဘၣ်ဒီးပဒုၣ်ပဒါအပှၤဧါ.”