လံာ်တၢ်ကဲထီၣ်အခီၣ်ထံး 32:20 - Sgaw Karen Common Bible

²⁰ သုကဘၣ်စံး, ‘အၢၣ်, နခ့နပှၤစီၤယၤကိာ်ဟဲလၢပလီၢ်ခံ ဖိအံၤလီၤ.’ ” ဒီးစီၤယၤကိာ်ဆိကမိၣ်ဝဲဒၣ်လၢ, “ယကမၤန့ၢ်စီၤဧ့ၡီၤအတၢ်ဘၣ်သူၣ်ဘၣ်သးယၤခီဖျိတၢ်ဟ့ၣ် ကနၢၤတဖၣ်အံၤဒီးဖဲယထံၣ်အီၤန့ၣ်ဘၣ်သ့ၣ်သ့ၣ်အဝဲကပျၢ်ယတၢ်ကမၣ် န့ၣ်လီၤ.”

လံာ်တၢ်ကဲထီၣ်အခီၣ်ထံး 32:20 Iomraidhean Croise

လံာ်တၢ်ကဲထီၣ်အခီၣ်ထံး 32:19

ဒီးစီၤယၤကိာ်မၤလိာ်ဝဲပှၤခံဂၤတဂၤမ့ၢ်ဂ့ၤ, ပှၤသၢဂၤတဂၤမ့ၢ်ဂ့ၤ, ဒီးကယဲၢ်ပှၤအဂၤခဲလၢာ်လၢအဘၣ်ကွၢ်ထွဲပၢဆှၢဆၣ်ဖိကီၢ်ဖိ အဖုအဂီၢ်တဖၣ်, ‘အအံၤမ့ၢ်တၢ်လၢသုကဘၣ်စံးဘၣ်တဲဘၣ်စီၤဧ့ ၡီၤဖဲသုထံၣ်အီၤန့ၣ်လီၤ.

လံာ်တၢ်ကဲထီၣ်အခီၣ်ထံး 32:21

စီၤယၤကိာ်ဆှၢလီၤဆိတၢ်ဟ့ၣ်ကနၢၤသ့ၣ်တဖၣ်လၢအမဲာ်ညါဒီးမုၢ် တနၤန့ၣ်အဝဲအိၣ်ဝဲဆိးဝဲလၢအဒဲပူၤန့ၣ်လီၤ.

လံာ်တၢ်ကဲထီၣ်အခီၣ်ထံး 43:11

အဝဲသ့ၣ်အပၢ်စံးဘၣ်အီၤ, “မ့ကဘၣ်မ့ၢ်ဒ်န့ၣ်အဃိဒီး, ဟံးန့ၢ်ကီၢ်အတၢ်ဟးထီၣ်အဂ့ၤကတၢၢ်တဖၣ်ဒ်သ့ၣ်စရံၤအထုးတစဲး, ကနဲစီတစဲး, တၢ်နၢမူနၢဆှီတဖၣ်, သ့အီၣ်ဘိတၣ်အ သၣ်တဖၣ်ဒီးသ့ၣ်ၡီးက့းအသၣ်တဖၣ်လၢသုထၢၣ်တဖၣ်အပူၤဒ်တၢ်ဟ့ၣ် ကနၢၤလၢပဒိၣ်ဖးဒိၣ်အဂီၢ်တက့ၢ်.

လံာ်စီၤပၤအခီၣ်ထံးတဘ့ၣ် 20:31

အဝဲအပဒိၣ်ပပှၢ်တဖၣ်လဲၤဆူအအိၣ်ဒီးစံးဘၣ်အီၤ, “ပနၢ်ဟူတ့ၢ်လၢကီၢ်အံၣ်စရ့လးအစီၤပၤတဖၣ်သးကညီၤတၢ်သ့ လီၤ. ဟ့ၣ်ပှၤတၢ်ပျဲလၢပကလဲၤဆူကီၢ်အံၣ်စရ့လးအစီၤပၤအအိၣ်, အိၣ်ဒီးဆ့ကၤထၢၣ်တၢ်ကံးယာ်လၢပယီၢ်ဒ့တဖၣ်အလိၤဒီးပျံၤတဖၣ် လၢပကိာ်တဖၣ်အလိၤဒီးဘၣ်သ့ၣ်သ့ၣ်အဝဲကပျဲပူၤဖျဲးနသးသမူ န့ၣ်လီၤ.”

တၢ်ကတိၤဒိ. 15:18

တၢ်သးကဲၤထီၣ်ဒုးအိၣ်ထီၣ်တၢ်ဂ့ၢ်လိာ်ဘှီလိာ်တဖၣ်လီၤ. မ့မ့ၢ်, တၢ်ဝံသးစူၤဟဲစိာ်တၢ်ဃူတၢ်ဖိးလီၤ.

တၢ်ကတိၤဒိ. 16:14

ပှၤကူၣ်တၢ်သ့တဂၤကကျဲးစၢးမၤသးခုစီၤပၤလီၤ. စီၤပၤအသးမ့ၢ်ဒိၣ်ထီၣ်ဒီး, ပှၤတဂၤဂၤကသံဝဲလီၤ.

တၢ်ကတိၤဒိ. 18:16

နအဲၣ်ဒိးထံၣ်လိာ်ပှၤအကါဒိၣ်တဂၤဧါ. လဲၤစိာ်န့ၢ်အီၤတၢ်ဟ့ၣ် တမံၤဒီးကညီလၢနဂီၢ်လီၤ.

တၢ်ကတိၤဒိ. 21:14

ပှၤတဂၤဂၤမ့ၢ်သးဒိၣ်ဘၣ်နၤဒီး, တၢ်ဟ့ၣ်ဖိတမံၤလၢတၢ်ခူသူၣ် အပူၤန့ၣ်, ကမၤသးခုၣ်လီၤအသးန့ၣ်လီၤ.

တၢ်ကတိၤဒိ. 6:35

အဝဲတတူၢ်လိာ်ဘၣ်တၢ်လိးက့ၤတမံၤလၢ်လၢ်န့ၣ်ဘၣ်. ဒီးတၢ်ဟ့ၣ်အါထဲလဲၣ်ဂ့ၤထဲလဲၣ်ဂ့ၤန့ၣ်မၤသးမံအတၢ်သးဒိၣ် တန့ၢ်ဘၣ်.

လံာ်ယိၤနါ 3:9

ဘၣ်တဘၣ်ကစၢ်ယွၤကလဲလိာ်က့ၤအသး, ဘၣ်တဘၣ်အဝဲကဆိ ကတီၢ်ကွံာ်အတၢ်သးဒိၣ်ဒီးပတတုၤလၢတၢ်ဟးဂီၤလၢၤဘၣ်.”

၂ တံၤမသ့း 2:25

လၢအသိၣ်က့ၤသီက့ၤပှၤလၢအထီဒါအီၤတဖၣ်လၢတၢ်သးစူၤ အပူၤန့ၣ်လီၤ. မ့ၢ်မၤဝဲဒ်န့ၣ်ဒီး, ဘၣ်တဘၣ်ကစၢ်ယွၤကဟ့ၣ်လီၤအဝဲသ့ၣ်တၢ်အခွဲးအယာ်လၢ ကပီၢ်ယၢ်လီၤက့ၤအသးဒီးကတုၤလၢတၢ်သ့ၣ်ညါတၢ်မ့ၢ်တၢ်တီ အဂီၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 6:5

သုကဘၣ်မၤတၢ်ဂီၤသိအသးတၢ်အချံထီၣ်ဒီးညိးဒီးယုၢ်ဖိ လၢအမၤဟးဂီၤသုကီၢ်ဒီးသုကဘၣ်ဟ့ၣ်တၢ်လၤကပီၤဆူ ကီၢ်အံၣ်စရ့လးအကစၢ်ယွၤအအိၣ်န့ၣ်လီၤ. ဘၣ်သ့ၣ်သ့ၣ်အဝဲကဆိကတီၢ်တၢ်စံၣ်ညီၣ်သု, သုကစၢ်တဖၣ်ဒီးသုကီၢ်လီၤ.