လံာ်တၢ်ကဲထီၣ်အခီၣ်ထံး 32:11 - Sgaw Karen Common Bible

¹¹ ယဃ့ထုကဖၣ်လၢနကအုၣ်က့ၤခီၣ်က့ၤယၤလၢယဝဲၢ်စီၤဧ့ၡီၤအစု ပူၤလီၤ. ယပျံၤတၢ်, ယပျံၤလၢအဝဲကဟဲဒုးပှၤဒီးမၤဟးဂီၤကွံာ်ပှၤတုၤ ဒၣ်လဲာ်ဖိသၣ်ဒီးပှၤပိာ်မုၣ်တဖၣ်ခဲလၢာ်န့ၣ်လီၤ.

လံာ်တၢ်ကဲထီၣ်အခီၣ်ထံး 32:11 Iomraidhean Croise

လံာ်တၢ်ကဲထီၣ်အခီၣ်ထံး 24:27

အဝဲစံး, “မ်ယွၤ, ယကစၢ်စီၤအၤဘြၤဟၣ်အကစၢ်ယွၤလၢအတီဒီး အတၢ်အၢၣ်လီၤဒီးယကစၢ်စီၤအၤဘြၤဟၣ်တဂၤအံၤဘၣ်တၢ်စံးထီၣ်ပ တြၢၤအီၤတက့ၢ်. ယွၤဆှၢတ့ၢ်ယၤလိၤလိၤဆူယကစၢ်စီၤအၤဘြၤဟၣ်အဒူၣ်ဖိထၢဖိ အအိၣ်လီၤ.”

လံာ်တၢ်ကဲထီၣ်အခီၣ်ထံး 27:41

စီၤဧ့ၤၡီၤသးဟ့စီၤယၤကိာ်လီၤ. အဂ့ၢ်ဒ်အံၤ, အပၢ်ဟ့ၣ်လံစီၤယၤကိာ်လၢတၢ်ဆိၣ်ဂ့ၤအဃိန့ၣ်လီၤ. ဒီးဆိကမိၣ်ထီၣ်ဝဲ, “အကတီၢ်လၢတၢ်ဟီၣ်တၢ်ယၢၤလၢယပၢ်အတၢ်သံ အဂီၢ်အံၤဘူးထီၣ်လံ. တုၤနုၤတစု, ယကမၤသံစီၤယၤကိာ်လီၤ.”

လံာ်တၢ်ကဲထီၣ်အခီၣ်ထံး 27:42

ဒီးတုၤနီၢ်ရံးဘကၤနၢ်ဟူစီၤဧ့ၡီၤအတၢ်ကူၣ်န့ၣ်မၢပှၤလဲၤ ကိးန့ၢ်စီၤယၤကိာ်ဒီးစံးဝဲ, “ကနၣ်, နဝဲၢ်စီၤဧ့ၡီၤကူၣ်ထီၣ်ဝဲဒၣ်လၢကဟ့ၣ်ကၣ်တၢ်လၢနၤ ဒီးမၤသံနၤတက့ၢ်.

လံာ်တၢ်ကဲထီၣ်အခီၣ်ထံး 32:3

စီၤယၤကိာ်မၢပှၤစိာ်တၢ်ကစီၣ်တဖၣ်လဲၤဆိလၢအမဲာ်ညါဆူ အဒီပုၢ်ဝဲၢ်ခွါစီၤဧ့ၡီၤအအိၣ်ဖဲကစၢၢ်စံဧ့ၢ်လၢကီၢ်အဒိၣ် အပူၤန့ၣ်လီၤ.

လံာ်တၢ်ကဲထီၣ်အခီၣ်ထံး 32:7

စီၤယၤကိာ်ပျံၤတၢ်ဒီးဘၣ်ကိၢ်ဘၣ်ဂီၤဝဲလီၤ. ဒီးနီၤဖးလီၤဝဲပှၤလၢအအိၣ်ဒီးအီၤတဖၣ်န့ၣ်ခံဖုဒီးပှၤလၢ အကွၢ်ထွဲသိ, မဲာ်တဲးလဲး, ဒီးဂီၤဘုၣ်ဂီၤဖံးဒီးကီၤလၤအူးတဖၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 33:4

မ့မ့ၢ်စီၤဧ့ၡီၤဃ့ၢ်သဂၢၢ်အီၤ, ဖိးဟုအီၤဒီးနၢမူအီၤန့ၣ် လီၤ. အဝဲသ့ၣ်ခံဂၤလိာ်ဟီၣ်ဝဲဒၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 7:18

တုၤနုၤတစု, စီၤပၤစီၤဒၤဝံးလဲၤနုာ်ဆူယွၤအဒဲစီဆှံလၢ ယွၤအိၣ်ဝဲဆိးဝဲအပူၤ, ဆ့ၣ်နီၤဝဲဒီးဘါထုကဖၣ်ဝဲ, “ယွၤ, ပၢဘၣ်တၢ်ခဲလၢာ်ကစၢ်ဧၢ, ယၤမ့ၢ်ဂ့ၤ, ယပှၤဟံၣ်ဖိဃီဖိမ့ၢ်ဂ့ၤ, တကြၢးဘၣ်ဒီးတၢ်လၢနမၤတ့ၢ်အီၤလၢယဂီၢ်န့ၣ်ဘၣ်.

စံးထီၣ်ပတြၢၤ 119:134

အုၣ်က့ၤခီၣ်က့ၤယၤလၢပှၤကညီအတၢ်မၤအၢမၤသီ ဒ်သိးယကတိၢ်န့ၢ်ဖံးဃာ် နတၢ်မၤလိာ်တဖၣ်န့ၣ်တက့ၢ်.

စံးထီၣ်ပတြၢၤ 142:6

ကနၣ်ယတၢ်ကိးထီၣ်လၢတၢ်မၤစၢၤအဂီၢ်တက့ၢ်. အဂ့ၢ်ဒ်အံၤ, ယလီၤဒးကွံာ်လၢ တၢ်သူၣ်ဟးဂီၤသးဟးဂီၤအပူၤလီၤ. မၤပူၤဖျဲးယၤလၢယဒုၣ်ယဒါသ့ၣ်တဖၣ်တက့ၢ်. အဝဲသ့ၣ်ဆူၣ်ကဲာ်ဆိးလၢယဂီၢ်န့ၣ်လီၤ.

စံးထီၣ်ပတြၢၤ 16:1

ကစၢ်ယွၤဧၢ, အံးက့ၤကွၢ်က့ၤလၢ်ယၤတက့ၢ်. အဂ့ၢ်ဒ်အံၤ, ယသန့ၤယသးလၢနၤလၢတၢ်ပူၤဖျဲးအဂီၢ်လီၤ.

စံးထီၣ်ပတြၢၤ 25:20

ကဟုဘံၣ်ကယာ်ဘၢယၤဒီးမၤပူၤဖျဲးယၤ, ဒီးဒုးမၤနၢၤယၤလၢယဒုၣ်ယဒါတဖၣ်န့ၣ်တက့ၢ်. အဂ့ၢ်ဒ်အံၤ, ယသန့ၤယသးလၢနၤလီၤ.

စံးထီၣ်ပတြၢၤ 31:2

ဒိးနနၢ်လၢယၤ, မၤပူၤဖျဲးယၤခဲအံၤ, ကဲထီၣ်တၢ်အိၣ်သဒၢအလၢၢ်လၢယဂီၢ်, ယတၢ်တြီဆၢတၢ်လၢကမၤပူၤဖျဲးယၤန့ၣ်တက့ၢ်.

စံးထီၣ်ပတြၢၤ 43:1

ကစၢ်ယွၤဧၢ, နဲၣ်ဖျါထီၣ်လၢယတၢ်ကမၣ်တအိၣ်ဘၣ်, ဒီးဒီဒၣ်ယတၢ်ဂ့ၢ်တၢ်ကျိၤထီဒါ ပှၤတယူးတယီၣ်ယွၤန့ၣ်တက့ၢ်. မၤပူၤဖျဲးယၤလၢပှၤလီတၢ်ဒီး ပှၤအၢပှၤသီန့ၣ်တက့ၢ်.

တၢ်ကတိၤဒိ. 18:19

မၤစၢၤနဒီပုၢ်ဝဲၢ်ဒီးအဝဲဒၣ်ကကဟုကယာ်နၤဒ်ဝ့ၢ်အခိၣ်ဒူလၢ အအိၣ်ခၢၣ်သနၢၣ်တခါအသိးန့ၣ်လီၤ. ဘၣ်ဆၣ်နမ့ၢ်အ့ၣ်လိာ်ဆိးက့ လိာ်နသးဒီးအီၤဒီး, အဝဲဒၣ်ကကးတံာ်အတြဲၤတဖၣ်လၢနၤလီၤ.

လံာ်ဒၤနံးယ့လး 3:17

တၢ်မ့ၢ်မၤအသးဒ်နစံးအသိးဒီး, ပကစၢ်ယွၤလၢပမၤအတၢ် မၤန့ၣ်မၤပူၤဖျဲးပှၤလၢမ့ၣ်အူကဲၤကဖးအဖၣ်ကပူၤသ့ဝဲ, ဒီးကမၤပူၤဖျဲးပှၤလၢနစုပူၤလီၤ.

လံာ်ဟိၤၡ့ 10:14

တၢ်ဒုးတၢ်ယၤကဟဲဆူနပှၤဂီၢ်မုၢ်အအိၣ်. ဒီးနတိာ်ဧိၤတာ်ဧိၤအလီၢ်ခဲလၢာ်ကဘၣ်တၢ်မၤဟးဂီၤကွံာ်အီၤ န့ၣ်လီၤ. တၢ်န့ၣ်ကလီၤဂာ်ဒ်မုၢ်တနံၤဖဲစီၤပၤၡၤလမၣ်မၤဟးဂီၤကွံာ် ဝ့ၢ်ဘ့ၤသအၢ်ဘလးလၢတၢ်ဒုးအပူၤ, ဒီးမိၢ်တဖၣ်ဒီးအဖိတဖၣ်ဘၣ် တၢ်ယီၢ်တံၢ်သံကွံာ်အီၤအသိးန့ၣ်လီၤ.

လံာ်မးသဲ 6:13

သုတဒုးလဲၤနုာ်ပှၤဆူတၢ်လ့ပစီအပူၤတဂ့ၤ. မ့မ့ၢ်ထုးထီၣ်ဖျဲးကွံာ်ပှၤလၢတၢ်အၢတၢ်သီအပူၤတက့ၢ်. (အဂ့ၢ်ဒ်အံၤ, ဘီမုၢ်, တၢ်စိတၢ်ကမီၤဒီး တၢ်လၤကပီၤန့ၣ်မ့ၢ်နတၢ်အစိၤစိၤအဃၣ်ဃၣ်လီၤ. အၤမ့ၣ်)’

လံာ်သိၣ်လီၤသီလီၤတၢ် 22:6

သုမ့ၢ်ထံၣ်ဘၣ်ဖုးထိၣ်အသွံတခါလၢသ့ၣ်တထံးအလိၤမ့ၢ်ဂ့ၤ, လၢဟီၣ်ခိၣ်လိၤမ့ၢ်ဂ့ၤအိၣ်ဒီးထိၣ်မိၢ်လၢအဟုဃးအဒံၣ်တဖၣ်မ့ တမ့ၢ်အိၣ်ဒီးအဖိဆံးတဖၣ်န့ၣ်, သုတဘၣ်ဖီၣ်န့ၢ်ထိၣ်မိၢ်န့ၣ်ဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 12:10

အန့ၣ်တစု, အဝဲသ့ၣ်ကိးထီၣ်ဆူယွၤအအိၣ်လၢတၢ်မၤစၢၤအဂီၢ်ဒီး စံးဝဲ, “ပမၤတ့ၢ်တၢ်ဒဲးဘးလံ. အဂ့ၢ်ဒ်အံၤ, ပဃၣ်ကွံာ်ပသးလၢနအိၣ်ယွၤဧၢ, ဒီးဘူၣ်ထီၣ်ဘါထီၣ်ဘဧၤလးဒီးအၤၡတြိးတဖၣ်အတၢ်ဂီၤသိအသး န့ၣ်လီၤ. အုၣ်က့ၤခီၣ်က့ၤပှၤလၢပဒုၣ်ပဒါတဖၣ်အစုပူၤ, ဒီးပကဘူၣ်ထီၣ်ဘါထီၣ်နၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 24:15

ယွၤကစံၣ်ညီၣ်တၢ်လီၤ. ဒီးအဝဲကနီၤဖးတၢ်လၢနၤဒီးယၤအံၤ မ့ၢ်မတၤကမၣ်လဲၣ်န့ၣ်လီၤ. မ်အကွၢ်နုာ်ဃီၤဆူတၢ်ဂ့ၢ်ပူၤ, ဒီဒၣ်အိၣ်ပှိၤယၤဒီးအုၣ်က့ၤခီၣ်က့ၤယၤလၢနစုပူၤတက့ၢ်.”