လံာ်တၢ်ကဲထီၣ်အခီၣ်ထံး 31:54 - Sgaw Karen Common Bible

⁵⁴ စီၤယၤကိာ်မၤသံဆၣ်ဖိကီၢ်ဖိတဒုဒီးလုၢ်ထီၣ်ဝဲဒ်တၢ်လုၢ်ထီၣ် ပာ်ထီၣ်တမံၤအသိးလၢကစၢၢ်လိၤဒီးကွဲဃီၤဝဲအပှၤတဖၣ်လၢကဟဲ အီၣ်တၢ်န့ၣ်လီၤ. အဝဲသ့ၣ်အီၣ်တၢ်ဝံၤဒီးမံဝဲလၢကစၢၢ်လိၤန့ၣ်လီၤ.

လံာ်တၢ်ကဲထီၣ်အခီၣ်ထံး 31:54 Iomraidhean Croise

လံာ်တၢ်ကဲထီၣ်အခီၣ်ထံး 21:8

ဒီးဖိသၣ်ဒိၣ်ထီၣ်ဝဲ, ဒီးမုၢ်တနံၤလၢအဖှၣ်အမိၢ်အနုၢ်န့ၣ်စီၤ အၤဘြၤဟၣ်မၤတၢ်အီၣ်အမူးဖးဒိၣ်လီၤ.

လံာ်တၢ်ကဲထီၣ်အခီၣ်ထံး 26:30

ဒီးစီၤအံၤစဲးကတဲာ်ကတီၤတၢ်အီၣ်တၢ်အီအမူးတခါလၢအဝဲသ့ၣ် အဂီၢ်ဒီးအဝဲသ့ၣ်အီၣ်သကိးတၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 37:25

ဖဲအဝဲသ့ၣ်အီၣ်တၢ်အခါန့ၣ်, သတူၢ်ကလာ်ထံၣ်ဃီၤပှၤယံးၡမၤဧ့လး ဖိတဖုလဲၤတၢ်လၢကီၢ်ကံးလဧးဆူကီၢ်အဲၤကူပတူးန့ၣ်လီၤ. အကီၤလၤအူးတဖၣ်ဘၣ်တၢ်ပဒၢးအီၤဒီးတၢ်နၢမူနၢဆှီတဖၣ်ဒီး စပံးသၣ်အဃ့တဖၣ်လီၤ.

လံာ်တၢ်ဟးထီၣ်ကွံာ် 18:12

အန့ၣ်ဝံၤဒီးစီၤယံးသရိၤဟဲစိာ်တၢ်လုၢ်မၤဘူၣ်တမံၤလၢတၢ် ကဘၣ်ဆူးကဲၤထီၣ်အီၤခဲလၢာ်ဒီးတၢ်လုၢ်တၢ်ပာ်အဂၤတဖၣ်လၢ ကဘၣ်တၢ်လုၢ်ထီၣ်ပာ်ထီၣ်အီၤဆူကစၢ်ယွၤအအိၣ်န့ၣ်လီၤ. ဒီးစီၤအၤဟရိၣ်ဒီးကယဲၢ်ပှၤအံၣ်စရ့လးဖိအခိၣ်အနၢ်တဖၣ်လဲၤ ဃုာ်ဒီးအီၤဒ်သိးကအီၣ်တၢ်အီၣ်စီဆှံဒ်တၢ်ဘူၣ်ထီၣ်ဘါထီၣ်အတၢ် မၤတမံၤအသိးန့ၣ်လီၤ.

လံာ်ယဃ့းစက့လး 44:3

ဘၣ်ဆၣ်သနာ်က့, စီၤပၤဖိခွါလၢအပၢတၢ်ကလဲၤဝဲဖဲန့ၣ်ဒ်သိးကအီၣ် တၢ်အီၣ်စီဆှံလၢယမဲာ်ညါန့ၣ်လီၤ. အဝဲကလဲၤနုာ်ဝဲဒီးဟးထီၣ် လၢတြဲၤအကျဲစၢၤခီဖျိကျဲစၢၤကျိၤထံးအဒၢးလၢအအိၣ်ဖဲ တၢ်အိပူၤအကတၢၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 9:12

ပိာ်မုၣ်ဖိတဖၣ်စံးဝဲ, “မ့ၢ်, အိၣ်ဝဲဒၣ်လီၤ. နီၢ်နီၢ်န့ၣ်အဝဲအိၣ်ဒၣ်ဖဲသုမဲာ်ညါတစဲးန့ၣ်လီၤ. သုမ့ၢ်လဲၤချ့ချ့ဒီးသုကချုးန့ၢ်အီၤန့ၣ်လီၤ.