လံာ်တၢ်ကဲထီၣ်အခီၣ်ထံး 31:5 - Sgaw Karen Common Bible

⁵ ဒီးစံးဘၣ်အဝဲသ့ၣ်, “ယပာ်သူၣ်ပာ်သးလၢသုပၢ်တသူၣ်အိၣ်သး အိၣ်ယၤဒ်အညီနုၢ်မၤဝဲအသိးဘၣ်. ဘၣ်ဆၣ်ဒီးယပၢ်အကစၢ်ယွၤအိၣ်ဒီးယၤလီၤ.

လံာ်တၢ်ကဲထီၣ်အခီၣ်ထံး 31:5 Iomraidhean Croise

လံာ်တၢ်ကဲထီၣ်အခီၣ်ထံး 21:22

လၢအကတီၢ်ဖဲန့ၣ်စီၤအဘံၤမ့လ့းလဲၤတၢ်ဒီးအသုးမုၢ်အခိၣ်, စီၤဖံကိးလးဒီးစံးဘၣ်စီၤအၤဘြၤဟၣ်, “ကစၢ်ယွၤအိၣ်ဒီးနၤလၢကယဲၢ်တၢ်လၢနမၤအီၤကိးမံၤဒဲးအပူၤ န့ၣ်လီၤ.

လံာ်တၢ်ကဲထီၣ်အခီၣ်ထံး 26:24

ဒီးလၢမုၢ်နၤဝဲန့ၣ်ယွၤလီၣ်ဖျါထီၣ်အသးလၢအီၤဒီးစံးဝဲ, “ယမ့ၢ်နပၢ်စီၤအၤဘြၤဟၣ်အကစၢ်ယွၤလီၤ. ပျံၤတၢ်တဂ့ၤ. ယအိၣ်ဒီးနၤလီၤ. ယကဆိၣ်ဂ့ၤနၤဒီးဟ့ၣ်လီၤနၤ လၢနစၢၤနသွဲၣ်အါအါဂီၢ်ဂီၢ်လီၤ. အဂ့ၢ်ဒ်အံၤ, တၢ်န့ၣ်မ့ၢ်ယတၢ်အၢၣ်လီၤ, ဒီးယခ့ယပှၤစီၤအၤဘြၤဟၣ်အဃိန့ၣ်လီၤ.”

လံာ်တၢ်ကဲထီၣ်အခီၣ်ထံး 28:13

ဒီးယွၤအိၣ်ဆၢထၢၣ်လၢအကပၤဒီးစံးဝဲ, “ယမ့ၢ်ယွၤ, စီၤအၤဘြၤဟၣ်ဒီးစီၤအံၤစဲးအကစၢ်ယွၤန့ၣ်လီၤ. ယကဟ့ၣ်နၤဒီးနစၢၤနသွဲၣ်တဖၣ်လၢကီၢ်အံၤလၢနမံလီၤလၢအဖီခိၣ် အံၤန့ၣ်လီၤ.

လံာ်တၢ်ကဲထီၣ်အခီၣ်ထံး 28:15

ဒီးသ့ၣ်နီၣ်လၢယကအိၣ်ဒီးနၤဒီးဒီဒၣ်အိၣ်ပှိၤနၤဖဲနလဲၤတၢ် တပူၤလၢ်လၢ်, ဒီးယကဟဲက့ၤစိာ်နၤဆူကီၢ်အံၤတက့ၢ်. ကယဲၢ်တၢ်လၢယအၢၣ်လီၤနၤတဖၣ်န့ၣ်တချုးယမၤလၢထီၣ်ပှဲၤထီၣ်ဒံး ဘၣ်ဒီးယတလဲၤသဒၣ်ဘၣ်နၤဘၣ်.”

လံာ်တၢ်ကဲထီၣ်အခီၣ်ထံး 31:13

ယမ့ၢ်ကစၢ်ယွၤလၢအလီၣ်ဖျါထီၣ်အသးဒီးနၤလၢဘ့ၤသ့လးဖဲနပာ် စီဆှံလၢၢ်တဖျၢၣ်လၢတၢ်သ့ၣ်နီၣ်အဂီၢ်ခီဖျိနလူလီၤသိလၢနမၤ တၢ်အၢၣ်လီၤအီလီၤတမံၤဒီးယၤန့ၣ်လီၤ. ခဲကနံၣ်အံၤ, ကတဲာ်ကတီၤနသးဒီးက့ၤဆူကီၢ်လၢနအိၣ်ဖျဲၣ်ထီၣ် န့ၣ်တက့ၢ်.’ ”

လံာ်တၢ်ကဲထီၣ်အခီၣ်ထံး 31:29

ယအိၣ်ဒီးတၢ်စိတၢ်ကမီၤလၢယကမၤဆါနၤလီၤ. ဘၣ်ဆၣ်ဒီးမုၢ်နၤကၢၣ်န့ၣ်နပၢ်အကစၢ်ယွၤဟ့ၣ်ပလီၢ်ယၤဒ်သိး ယသုတမၤပျံၤမၤဖုးနၤလၢကျဲနီတဘိတဂ့ၤအဂီၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 31:4

မၤသးဒ်န့ၣ်ဒီးစီၤယၤကိာ်မၤလိာ်ဝဲလၢနီၢ်ရၤဃ့လးဒီးနီၢ် လ့ၤအၤကဟဲထံၣ်အီၤလၢပျီပူၤဖဲအဆၣ်ဖိကီၢ်ဖိတဖၣ်အိၣ်ဝဲ အလီၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 31:42

ယပၢ်တဖၣ်အကစၢ်ယွၤ, စီၤအၤဘြၤဟၣ်ဒီးစီၤအံၤစဲးအက စၢ်ယွၤမ့ၢ်တအိၣ်ဒီးယၤဘၣ်ဒီးနကဆှၢဖျိးကွံာ်ယၤစုယၢ်ခီ န့ၣ်လီၤ. ဘၣ်ဆၣ်ကစၢ်ယွၤထံၣ်တ့ၢ်လံယတၢ်ကိၢ်တၢ်ဂီၤဒီးတၢ်လၢ ယမၤတ့ၢ်ယဲလီၤ. ဒီးဖဲမုၢ်နၤကၢၣ်န့ၣ်အဝဲစံၣ်ညီၣ်တီလံတၢ်လံ.”

လံာ်တၢ်ကဲထီၣ်အခီၣ်ထံး 31:53

စီၤအၤဘြၤဟၣ်အကစၢ်ယွၤဒီးစီၤနၤဃိာ်အကစၢ်ယွၤကစံၣ်ညီၣ်တၢ် လၢပဘၢၣ်စၢၤန့ၣ်လီၤ.” တုၤနုၤတစုစီၤယၤကိာ်မၤတၢ်အၢၣ်လီၤသညူးသပှၢ်လၢကပၢၤဃးဝဲ လၢကစၢ်ယွၤလၢအပၢ်စီၤအံၤစဲးဘူၣ်ထီၣ်ဘါထီၣ်ဝဲတဂၤအမံၤ အပူၤန့ၣ်လီၤ.

လံာ်တၢ်ကဲထီၣ်အခီၣ်ထံး 32:9

ဒီးစီၤယၤကိာ်ဃ့ဘါထုကဖၣ်တၢ်, “ယဖုစီၤအၤဘြၤဟၣ်အကစၢ် ယွၤ, ယပၢ်စီၤအံၤစဲးအကစၢ်ယွၤဧၢ, ဒိကနၣ်လၢ်ယၤတက့ၢ်. ယွၤဧၢ, နတဲယၤလၢယဘၣ်က့ၤဆူ ယကီၢ်ဒီးယဘူးယတံၢ်သ့ၣ်တဖၣ်အအိၣ်ဒီးနကမၤတၢ်ကိးမံၤဒဲးဂ့ၤ ဂ့ၤဘၣ်ဘၣ်လၢယဂီၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 48:15

ဝံၤဒီး, အဝဲဆိၣ်ဂ့ၤစီၤယိၤသးဒီးစံးဝဲ, “မ်ကစၢ်ယွၤလၢယပၢ် စီၤအၤဘြၤဟၣ်ဒီးစီၤအံၤစဲးမၤအတၢ်, ဆိၣ်ဂ့ၤပိာ်ခွါဖိသၣ် တဖၣ်အံၤတက့ၢ်. မ်ကစၢ်ယွၤလၢအဆှၢတ့ၢ်ယၤတုၤမုၢ်တနံၤအံၤန့ၣ်, ဆိၣ်ဂ့ၤအဝဲသ့ၣ်တက့ၢ်.

လံာ်တၢ်ကဲထီၣ်အခီၣ်ထံး 50:17

အဝဲမၢတ့ၢ်ပှၤလၢပကတဲဘၣ်နၤ, ဝံသးစူၤပျၢ်ကွံာ်တၢ်ကမၣ်လၢ နဒီပုၢ်ဝဲၢ်ခွါတဖၣ်မၤတ့ၢ်ဝဲ, ဖဲအမၤကမၣ်ဘၣ်နၤအခါတက့ၢ်.’ ခဲအံၤဝံသးစူၤပျၢ်ပှၤ, နပၢ်အကစၢ်ယွၤအကုၢ်အပှၤတဖၣ်, အတၢ်ကမၣ်လၢအမၤဘၣ်တ့ၢ်ဝဲတက့ၢ်.” စီၤယိၤသးဟီၣ်ဝဲ, ဖဲအဝဲန့ၢ်ဘၣ်တၢ်ကစီၣ်အံၤန့ၣ်လီၤ.

လံာ်ယၡါယၤ 41:10

ပျံၤတၢ်တဂ့ၤ. ယအိၣ်ဒီးသုလီၤ. ယမ့ၢ်သုကစၢ်ယွၤလီၤ. ပျဲတၢ်မၤပျံၤမၤဖုးသုနီတမံၤတဂ့ၤ. ယကဒုးကဲထီၣ်သုပှၤအဂံၢ်ဆူၣ်ဘါဆူၣ်ဒီးမၤစၢၤသုလီၤ. ယကဒီဒၣ်အိၣ်ပှိၤသုဒီးအုၣ်က့ၤခီၣ်က့ၤသုလီၤ.

ဧ့ၤဘြံၤ 13:5

လၢတၢ်အိၣ်မူအပူၤန့ၣ်အိၣ်သဘျ့ဒီးတၢ်အဲၣ်ကျိၣ်အဲၣ်စ့တ က့ၢ်. သးမံနဲဒီးတၢ်လၢအအိၣ်ဒီးနၤတက့ၢ်. အဂ့ၢ်ဒ်အံၤ အဝဲဒၣ်စံးတ့ၢ်လံဝဲ, “ယတညိကွံာ်ဘၣ်နၤဘၣ် ယတလဲၤ သဒၣ်ဘၣ်နၤဘၣ်.”