လံာ်တၢ်ကဲထီၣ်အခီၣ်ထံး 31:49 - Sgaw Karen Common Bible

⁴⁹ စီၤလၤဘၣ်စံးစ့ၢ်ကီးဝဲ, “မ်ယွၤအမဲာ်ကွၢ်လီၤပှၤဖဲပအိၣ် လီၤဖးလိာ်ပသးတဂၤဒီးတဂၤန့ၣ်တက့ၢ်.” လၢတၢ်န့ၣ်အဃိတၢ်လီၢ်အံၤဘၣ်တၢ်ကိးစ့ၢ်ကီးအီၤလၢမံးစပၤ လီၤ.

လံာ်တၢ်ကဲထီၣ်အခီၣ်ထံး 31:49 Iomraidhean Croise

လံာ်စီၤပၤအခီၣ်ထံးတဘ့ၣ် 15:22

အန့ၣ်ဝံၤဒီး, စီၤပၤအၤစါဟ့ၣ်လီၤတၢ်ကလုၢ်တမံၤဆူ ကီၢ်ယူဒၤဒီဘ့ၣ်ညါ, ဃ့ဝဲပှၤခဲလၢာ်, ပှၤသုတအိၣ်လီၤတဲာ်နီ တဂၤတဂ့ၤ, လၢကမၤစၢၤတၢ်စိာ်ထီၣ်ကွံာ်လၢၢ်တဖၣ်ဒီးသ့ၣ်တဖၣ်လၢဝ့ၢ်ရၤမါ အပူၤလီၤ. တၢ်ပီးတၢ်လီတဖၣ်အံၤစီၤဘါၡၤသူတ့ၢ်အီၤလၢကမၤကျၢၤထီၣ် ဝ့ၢ်ရၤမါအတိာ်ဧိၤတာ်ဧိၤန့ၣ်လီၤ. စီၤအၤစါသူတၢ်ပီးတၢ်လီတဖၣ်လၢကမၤကျၢၤထီၣ်ဝ့ၢ်မံးစပၤ အတိာ်ဧိၤတာ်ဧိၤဒီးဝ့ၢ်က့ဘၤ, ဝ့ၢ်တဖျၢၣ်လၢအအိၣ်လၢကီၢ်ဘံၣ်ယၤမံၣ်အလီၢ်ကဝီၤ, အတိာ်ဧိၤတာ်ဧိၤန့ၣ်လီၤ.

လံာ်ဟိၤၡ့ 5:1

ကနၣ်တၢ်အံၤတက့ၢ်. သုဝဲပှၤလုၢ်တၢ်အခိၣ်တဖၣ်ဧၢ, ပာ်ကဲတၢ်တက့ၢ်. ကီၢ်အံၣ်စရ့လးအပှၤဂီၢ်မုၢ်ဧၢ, ဒိကနၣ်တက့ၢ်. သုဝဲသ့ၣ်လၢအမ့ၢ်စီၤပၤအပှၤဟံၣ်ဖိဧၢ, သုကြၢးစံၣ်ညီၣ်တၢ်အိၣ်ဒီးတၢ်စံၣ်ညီၣ်တီလီၤ. လၢတၢ်န့ၣ်အဃိတၢ်စံၣ်ညီၣ်ကလီၤဘၣ်လၢသုလိၤလီၤ. သုကဲထီၣ်တ့ၢ်ပျံၤသကွီၤဖဲကီၢ်မံးစပၤ, ပှာ်တဘ့ၣ်လၢအသလၣ်လီၤအသးလၢကစၢၢ်တၤဘိၣ်အလိၤ,

လံာ်ပှၤစံၣ်ညီၣ်ကွီၢ် 10:17

တုၤနုၤတစု, ပှၤဧၣ်မိၣ်ဖိအသုးမုၢ်အိၣ်ကတဲာ်ကတီၤအသးလၢတၢ် ဒုးတၢ်ယၤအဂီၢ်ဒီးသူၣ်အဒဲလၢကီၢ်ကံးလဧးအပူၤလီၤ. ဒီးပှၤအံၣ်စရ့လးဖိတဖၣ်သူၣ်အဒဲလၢဝ့ၢ်မံးစပၤလၢကီၢ်ကံးလဧးအပူၤန့ၣ်လီၤ.

လံာ်ပှၤစံၣ်ညီၣ်ကွီၢ် 11:11

မၤသးဒ်န့ၣ်ဒီး, စီၤယံးဖသၤလဲၤတၢ်ဒီးပှၤကံးလဧးဖိအခိၣ်အနၢ် တဖၣ်ဒီးပှၤဂီၢ်မုၢ်ဒုးကဲထီၣ်အီၤလၢပှၤပၢတၢ်ဒီးခိၣ်နၢ်လၢ အဝဲသ့ၣ်အဖီခိၣ်န့ၣ်လီၤ. ဒီးစီၤယံးဖသၤအၢၣ်လီၤအီလီၤတၢ်ဒီးဟံးထီၣ်မူဒါဖဲ ဝ့ၢ်မံးစပၤလၢယွၤအမဲာ်ညါန့ၣ်လီၤ.

လံာ်ပှၤစံၣ်ညီၣ်ကွီၢ် 11:29

တုၤနုၤတစု, ယွၤအသးလီၤဘၣ်လၢစီၤယံးဖသၤအလိၤလီၤ. အဝဲလဲၤခီဂာ်ကီၢ်ကံးလဧး, ကီၢ်မနၤၡ့ၤ, ဒီးဟဲက့ၤဆူဝ့ၢ် မံးစပၤလၢကီၢ်ကံးလဧးအပူၤဒီးလဲၤဆူကီၢ်ဧၣ်မိၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 20:23

ဘၣ်ဃးလၢတၢ်အၢၣ်လီၤလၢပမၤတ့ၢ်အီၤတဂၤဒီးတဂၤအံၤန့ၣ်ယွၤ ကမၤလီၤတံၢ်အီၤလၢပကဟံးဃာ်အီၤအထူအယိာ်အဂီၢ်န့ၣ်လီၤ.”