လံာ်တၢ်ကဲထီၣ်အခီၣ်ထံး 31:48 - Sgaw Karen Common Bible

⁴⁸ စီၤလၤဘၣ်စံးဘၣ်စီၤယၤကိာ်, “လၢၢ်ပာ်ဖှိၣ်အထူၣ်အံၤမ့ၢ်တၢ် အုၣ်သးလၢယၤဒီးနၤအဘၢၣ်စၢၤန့ၣ်လီၤ. လၢတၢ်န့ၣ်အဃိတၢ်လီၢ်ဝဲန့ၣ်ဘၣ်တၢ်ကိးအီၤလၢကံးလဧးလီၤ.”

လံာ်တၢ်ကဲထီၣ်အခီၣ်ထံး 31:48 Iomraidhean Croise

လံာ်တၢ်ကဲထီၣ်အခီၣ်ထံး 21:30

စီၤအၤဘြၤဟၣ်စံးဆၢအီၤ, “တူၢ်လိာ်သိဖိမိၢ်နွံဒုအံၤတ က့ၢ်. နမ့ၢ်မၤဒ်အံၤဒီးမ့ၢ်နအၢၣ်လီၤလၢယမ့ၢ်ပှၤတဂၤလၢအခူၣ်ထံပူၤ အဝဲအံၤန့ၣ်လီၤ.”

လံာ်တၢ်ကဲထီၣ်အခီၣ်ထံး 31:23

စီၤလၤဘၣ်ကိးဃုာ်အပှၤဒီးလူၤဖီၣ်စီၤယၤကိာ်နွံသီဒီးချုး န့ၢ်အီၤဖဲ ကီၢ်အိၣ်ဒီးတၢ်လူၢ်တၢ်တြီၤဖဲကီၢ်ကံးလဧးအပူၤန့ၣ်လီၤ.

လံာ်သိၣ်လီၤသီလီၤတၢ် 2:36

ယွၤပကစၢ်ယွၤပျဲပမၤန့ၢ်ကွံာ်ဝ့ၢ်ခဲလၢာ်စးထီၣ်လၢ ဧရိၤဧ့ၢ်လၢ အအိၣ်လၢအၤနိၣ်အတၢ်တြီၤအကၢၢ်ခိၣ်, ဒီးဝ့ၢ်အိၣ် လၢတၢ်တြီၤန့ၣ်အခၢၣ်သး, ဒီတကျဲညါတုၤလၢ ဝ့ၢ်ကံးလဧးန့ၣ်လီၤ. ဝ့ၢ်လၢအခိၣ်ဒူ ကကျၢၤကဲာ်ဆိးလၢပဂီၢ် တအိၣ်ဘၣ်လီၤ.

လံာ်သိၣ်လီၤသီလီၤတၢ် 3:16

ဒီးလၢရူၤဘ့ၣ်အဒူၣ်ဒီးကးအဒူၣ်အဂီၢ်န့ၣ်ယဟ့ၣ်လီၤတၢ်လီၢ် ကဝီၤစးထီၣ်လၢကီၢ်ကံးလဧးအဆၢတုၤလၢထံကျိအၢ်နိၣ်န့ၣ်လီၤ. ထံကျိအၢ်နိၣ်အခၢၣ်သးန့ၣ်မ့ၢ်ဝဲအကီၢ်ဆၢလၢကလံၤထံး, ဒီးအဝဲသ့ၣ်အကလံၤစိးအကီၢ်ဆၢန့ၣ်မ့ၢ်ဝဲထံကျိယးဘိး, လၢအမ့ၢ်ဝဲပှၤဧၣ်မိၣ်ဖိတဖၣ်အကီၢ်ဆၢတနီၤန့ၣ်လီၤ.

လံာ်စီၤယိၤၡူ 22:27

မ့မ့ၢ်တခီ, မ့ၢ်တၢ်ပနီၣ်တမံၤလၢပဝဲဒီးသုအဘၢၣ်စၢၤ, ဒီးပှၤတစိၤဘၣ်တစိၤလၢပလီၢ်ခံတဖၣ်အဂီၢ်, လၢပမ့ၢ်ပှၤဘူၣ်ထီၣ်ဘါထီၣ်ယွၤနီၢ်နီၢ် လၢအဒဲစီဆှံအမဲာ်ညါဃုာ်ဒီးပတၢ်လုၢ်တဖၣ်လၢတၢ်လုၢ်မ့ၣ်အူ အဂီၢ်, ဃုာ်ဒီးတၢ်လုၢ်တဖၣ်ဒီးတၢ်လုၢ်မၤဃူမၤဖိးတဖၣ်န့ၣ်လီၤ. အဝဲအံၤမ့ၢ်ဒ်သိးသုစၢၤသုသွဲၣ်တဖၣ်အသုတစံးဘၣ် ပှၤလၢပတၢ်လုၢ်တဖၣ်တဘၣ်ဃးဒီးယွၤဘၣ်တဂ့ၤန့ၣ်လီၤ.

လံာ်စီၤယိၤၡူ 22:28

မ့ၢ်ပတၢ်ဆိကမိၣ်လၢ, တၢ်ဒ်သိးအံၤမ့ၢ်မၤအသးဒီး, ပစၢၤပသွဲၣ်တဖၣ်ကသ့စံးဝဲ, “ကွၢ်တက့ၢ်. ပမိၢ်ပၢ်ဖံဖုလၢပျၢၤတဖၣ်မၤထီၣ်တၢ်လုၢ်လီၢ်ဒ်ယွၤအတၢ်လုၢ်လီၢ်အသိးန့ၣ်လီၤ. တမ့ၢ်လၢတၢ်လုၢ်မ့ၣ်အူအဂီၢ်မ့ၢ်ဂ့ၤ, တၢ်လုၢ်တၢ်ပာ် အဂီၢ်မ့ၢ်ဂ့ၤန့ၣ်ဘၣ်. မ့ၢ်တၢ်အုၣ်အသးလၢသုဝဲဒီးပဝဲအဘၢၣ် စၢၤန့ၣ်လီၤ.”

လံာ်စီၤယိၤၡူ 22:34

ပှၤရူၤဘ့ၣ်ဖိဒီးပှၤကးဖိတဖၣ်စံးဝဲဒၣ်, “တၢ်လုၢ်လီၢ်အံၤမ့ၢ်တၢ်အုၣ်အသးလၢပဝဲခဲလၢာ်အဂီၢ်လၢယွၤမ့ၢ်ပကစၢ်ယွၤန့ၣ်လီၤ.” အန့ၣ်ဒီးအဝဲသ့ၣ်ယုၢ်အမံၤလၢဧ့ဒး အခီပညီမ့ၢ်တၢ်အုၣ်သးန့ၣ်လီၤ.

လံာ်စီၤယိၤၡူ 24:27

အဝဲစံးဘၣ်ပှၤဂီၢ်မုၢ်ခဲလၢာ်, “လၢၢ်တဖျၢၣ်အံၤကမ့ၢ်ပတၢ်အုၣ်သးန့ၣ်လီၤ. အဂ့ၢ်ဒ်အံၤ, နၢ်ဟူဝဲတၢ်ကတိၤခဲလၢာ်လၢယွၤစံးဘၣ်တဲဘၣ်ပှၤ န့ၣ်လီၤ. လၢၢ်အံၤကမ့ၢ်တၢ်အုၣ်သးထီဒါသုဒ်သိးသုတပူထီၣ်သုကစၢ်ယွၤတဂ့ၤအဂီၢ်န့ၣ်လီၤ.”

လံာ်ပှၤစံၣ်ညီၣ်ကွီၢ် 10:3

လၢစီၤကိလၤအလီၢ်ခံန့ၣ်ပှၤကံးလဧးဖိစီၤယၤအံၢ် အိၣ်ထီၣ်ဝဲဒၣ်လီၤ. အဝဲဆှၢပှၤအံၣ်စရ့လးဖိခံဆံခံနံၣ်န့ၣ်လီၤ.