လံာ်တၢ်ကဲထီၣ်အခီၣ်ထံး 31:41 - Sgaw Karen Common Bible

⁴¹ တၢ်မၤအသးဒ်န့ၣ်အသိးဖဲယအိၣ်ဒီးနၤအနံၣ်ခံဆံန့ၣ်လီၤ. ဒ်သိးယကဒိးန့ၢ်နဖိမုၣ်ခံဂၤအဂီၢ်ယမၤနတၢ်တဆံလွံၢ်နံၣ်ဒီး လၢနဆၣ်ဖိကီၢ်ဖိအဂီၢ်ယမၤနတၢ်ဃုနံၣ်လီၤ. ဒီးလၢတၢ်အံၤအပူၤဒၣ်လဲာ်နလဲလိာ်ကဒံကဒါယဘူးယလဲ အဘျီတဆံလီၤ.

လံာ်တၢ်ကဲထီၣ်အခီၣ်ထံး 31:41 Iomraidhean Croise

လံာ်တၢ်ကဲထီၣ်အခီၣ်ထံး 27:44

ဒီးအိၣ်ဆိးဒီးအီၤတစိၢ်တလီၢ်တုၤနဝဲၢ်အတၢ်သးထီၣ်ခုၣ်လီၤတက့ၢ်.

လံာ်တၢ်ကဲထီၣ်အခီၣ်ထံး 29:15

ဒီးစီၤလၤဘၣ်စံးဘၣ်စီၤယၤကိာ်, “မ့ၢ်လၢနမ့ၢ်ယဘူးယတံၢ်အ ဃိနတကြၢးမၤတၢ်လၢယဂီၢ်ကလီကလီဘၣ်. နသးလီတၢ်အဘူးအလဲဆံးအါလဲၣ်.”

လံာ်တၢ်ကဲထီၣ်အခီၣ်ထံး 30:28

တဲနတၢ်မၤအဘူးအလဲတက့ၢ်. ဒီးယကဟ့ၣ်နၤလီၤ.”

လံာ်တၢ်ကဲထီၣ်အခီၣ်ထံး 31:38

ယအိၣ်တ့ၢ်ဒီးနၤတုၤခဲကနံၣ်အံၤထီၣ်ဘးအနံၣ်ခံဆံလံ. နသိဧိၤမဲာ်တဲးလဲးဧိၤတလီၤလူးနီတဘျီလၢကဖှံလီၤအဂီၢ် န့ၣ်ဘၣ်. ဒီးယတအီၣ်တ့ၢ်နသိဖါနီတဒုလၢနသိတဖၣ်အကျါန့ၣ်ဘၣ်.

လံာ်တၢ်ကဲထီၣ်အခီၣ်ထံး 31:40

အါစုအါဘျီယတူၢ်ဘၣ်တၢ်ကိၢ်တၢ်ကဲၤလၢမုၢ်ဆါခီဒီးတၢ်ဂိၢ် တၢ်ခုၣ်လၢမုၢ်နၤခါလီၤ. ယမံဒၣ်လဲာ်တန့ၢ်ဘၣ်.

လံာ်တၢ်ကဲထီၣ်အခီၣ်ထံး 31:6

ဒီးသုခံဂၤလိာ်သုသ့ၣ်ညါလၢယမၤတ့ၢ်လံတၢ်လၢသုပၢ်အဂီၢ် လၢာ်ဂံၢ်လၢာ်ဘါလီၤ.

လံာ်တၢ်ကဲထီၣ်အခီၣ်ထံး 31:7

အန့ၣ်ဒၣ်လဲာ်အဝဲလီန့ၢ်ယၤဒီးလဲလိာ်ယဘူးယလဲအဘျီတဆံလီၤ. ဘၣ်ဆၣ်ဒီးကစၢ်ယွၤတပျဲအမၤဆါယၤဘၣ်.

လံာ်တၢ်ကဲထီၣ်အခီၣ်ထံး 32:4

စီၤယၤကိာ်မၤလိာ်အဝဲသ့ၣ်လၢကစံး, “ယၤ, စီၤယၤကိာ်, နခ့နပှၤလၢအဒိကနၣ်နၤစံးဘၣ်ယကစၢ်စီၤဧ့ၡီၤလၢ, ယအိၣ်တ့ၢ်လၢ စီၤလၤဘၣ်အအိၣ်ဒီးအိၣ်ဖဲန့ၣ်ယံာ်တုၤခဲကနံၣ်အံၤလီၤ.

1 ကရံၣ်သူး 15:10

ဘၣ်ဆၣ်ဒီးခီဖျိကစၢ်ယွၤအဘျုးန့ၣ်, ယမ့ၢ်တၢ်လၢယမ့ၢ်ဒီးတၢ်ဘျုးတၢ်ဖှိၣ်လၢအဝဲဒၣ်ဟ့ၣ်တ့ၢ်ယၤန့ၣ် တကဲတၢ်ကလီကလီဘၣ်. မ့မ့ၢ်ယဖံးမၤတ့ၢ်တၢ်ဆူၣ်န့ၢ်ပှၤတၢ်မၢဖိအဂၤတဖၣ်ခဲလၢာ်လီၤ. ဘၣ်ဆၣ်ဒီးတမ့ၢ်ယတၢ်မၤဒၣ်ယဲနီၢ်နီၢ်ဘၣ်, မ့မ့ၢ်တခီမ့ၢ်ဝဲယွၤအဘျုးအဖှိၣ်ဖံးမၤတၢ်ဒီးယၤလီၤ.

၂ ကရံၣ်သူး 11:26

လၢယတၢ်လဲၤတၢ်က့ၤအါစုအါဘျီအပူၤန့ၣ်, ယအိၣ်တ့ၢ်လၢတၢ်ဘၣ်ယိၣ်တၢ်လီၤပျံၤအလီၢ်ဘၣ်ဃးဒီးထံ လုၣ်ဘၢတၢ်ဒီးတမျိးတမျာ်, တၢ်ဘၣ်ယိၣ်အလီၢ်ဘၣ်ဃးပှၤယူဒၤဖိသကိးပှၤယူဒၤဖိ အတၢ်ထီဒါဒီးပှၤကလုာ်ဂၤတဖၣ်အတၢ်ထီဒါန့ၣ်လီၤ. တၢ်ဘၣ်ယိၣ်အလီၢ်အိၣ်တ့ၢ်ဝဲလၢယဂီၢ်ဖဲပှၤခူပူၤ ဝ့ၢ်ပူၤ, လၢပှၢ်လၢ်ကျါ, လၢပီၣ်လဲၣ်ပူၤ, ဒီးတၢ်လီၤပျံၤ အလီၢ်အိၣ်လၢယဂီၢ်ခီဖျိတံၤသကိးအတမ့ၢ်တတီတဖၣ်လီၤ.