လံာ်တၢ်ကဲထီၣ်အခီၣ်ထံး 31:37 - Sgaw Karen Common Bible

³⁷ ဒီးခဲကနံၣ်အံၤ, နဃုတ့ၢ်တၢ်ဘၣ်ဃးဒီးယၤခဲလၢာ်ဒီးနထံၣ်န့ၢ် နဟံၣ်နဃီအတၢ်ပီးတၢ်လီဘၣ်ဃးဒီးနၤမနုၤန့ၣ်လဲၣ်. ပာ်လီၤအီၤဖဲအံၤလၢနပှၤဒီးယပှၤအမဲာ်ညါဒီးပျဲအဝဲသ့ၣ်စံၣ် ညီၣ်တဲာ်တၢ်လၢနၤဒီးယၤမတၤအတၢ်ဘၣ်လဲၣ်န့ၣ်တက့ၢ်.

လံာ်တၢ်ကဲထီၣ်အခီၣ်ထံး 31:37 Iomraidhean Croise

လံာ်တၢ်ကဲထီၣ်အခီၣ်ထံး 31:32

ဘၣ်ဆၣ်ဒီး, နမ့ၢ်ထံၣ်ပှၤဖဲအံၤတဂၤဂၤအိၣ်ဒီးနကစၢ်တဖၣ်န့ၣ် ကဘၣ်တၢ်မၤသံအီၤလီၤ. ပာ်, ယပှၤသ့ၣ်တဖၣ်အံၤဒ်ပှၤအုၣ်အသးအသိးဒီးဃုဒီးဟံးန့ၢ်က့ၤ တၢ်လၢအဘၣ်ဃးဒီးနၤန့ၣ်တက့ၢ်.” ဒီးစီၤယၤကိာ်တသ့ၣ်ညါဝဲဒၣ်လၢနီၢ်ရၤဃ့လးဟုၣ်န့ၢ်အပၢ် အကစၢ်တဖၣ်န့ၣ်ဘၣ်.

လံာ်တၢ်ကဲထီၣ်အခီၣ်ထံး 31:36

တုၤနုၤတစု, စီၤယၤကိာ်အသးထီၣ်ဒီးသံကွၢ်ဝဲလၢတၢ်သးဒိၣ် အပူၤ, “ယလုၣ်သ့ၣ်ခါပတာ်တ့ၢ်တၢ်သိၣ်တၢ်သီမနုၤလဲၣ်. ယမၤဟးဂီၤတၢ်သိၣ်တၢ်သီမနုၤလၢအဟ့ၣ်နၤတၢ်ခွဲးတၢ်ယာ်ဒ်သိး နကလူၤဖီၣ်ယၤန့ၣ်လဲၣ်.

လံာ်တၢ်ကဲထီၣ်အခီၣ်ထံး 31:38

ယအိၣ်တ့ၢ်ဒီးနၤတုၤခဲကနံၣ်အံၤထီၣ်ဘးအနံၣ်ခံဆံလံ. နသိဧိၤမဲာ်တဲးလဲးဧိၤတလီၤလူးနီတဘျီလၢကဖှံလီၤအဂီၢ် န့ၣ်ဘၣ်. ဒီးယတအီၣ်တ့ၢ်နသိဖါနီတဒုလၢနသိတဖၣ်အကျါန့ၣ်ဘၣ်.

လံာ်မးသဲ 18:16

မ့ၢ်တဒိကနၣ်နၤဒီး, ကိးဃုာ်ပှၤအဂၤတဂၤမ့ၢ်ဂ့ၤ, ခံဂၤမ့ၢ်ဂ့ၤဒီးနၤ, ဒ်သိးတၢ်ကတိၤကိးထံၣ်ဒဲး, ကဘၣ်တၢ်ပာ်ဂၢၢ်ပာ်ကျၢၤအီၤလၢပှၤအုၣ်အသးခံဂၤမ့ၢ်ဂ့ၤ, သၢဂၤမ့ၢ်ဂ့ၤန့ၣ်တက့ၢ်.

၁ သ့းစၤလနံ 2:10

သုဝဲဒီးကစၢ်ယွၤစ့ၢ်ကီးမ့ၢ်ပှၤအုၣ်အသးလၢပဂီၢ်လၢပတၢ် မၤဘၣ်သုဝဲပှၤစူၢ်က့ၤနာ်က့ၤခရံာ်တဖၣ်, မ့ၢ်တၢ်လၢအကဆှီ, တီဝဲလိၤဝဲ, ဒီးပူၤဖျဲးဒီးတၢ်ကမူၤကမၣ်န့ၣ်လီၤ.

ဧ့ၤဘြံၤ 13:18

ဘါထုကဖၣ်တၢ်လၢပဂီၢ်တဘိယူၢ်ဃီတက့ၢ်. ပနာ်လၢပအိၣ်ဒီးသးလၢအသ့ၣ်ညါတၢ်လၢအတီ လၢအအဲၣ်ဒိးမၤတၢ်လၢအဂ့ၤအဘၣ်ဝဲကိးဆၢကိး ကတီၢ်လီၤ.

လံာ်စီၤယိၤၡူ 7:23

အဝဲသ့ၣ်ဟဲက့ၤစိာ်ထီၣ်က့ၤတၢ်သ့ၣ်တဖၣ်အံၤလၢဒဲအပူၤဆူ စီၤယိၤၡူဒီးပှၤအံၣ်စရ့လးဖိခဲလၢာ်အအိၣ်ဒီး ပာ်လီၤအီၤလၢယွၤအမဲာ်ညါန့ၣ်လီၤ.

၁ ပ့းတရူး 2:12

သုတၢ်အိၣ်မူသကဲာ်ပဝးလၢပှၤကလုာ်ဂၤတဖၣ်အကျါကြၢးဂ့ၤ ဝဲတုၤဒၣ်လဲာ်ဖဲအဝဲသ့ၣ်စံးအၢသုဒ်ပှၤမၤအၢမၤသီတၢ်တဖၣ် အသိးအခါန့ၣ်, အဝဲသ့ၣ်ကဘၣ်ထံၣ်သ့ၣ်ညါဝဲသုတၢ်မၤအဂ့ၤ တဖၣ်သတးဒီးကစံးထီၣ်ပတြၢၤယွၤလၢအတၢ်ဟဲအမုၢ်တနံၤ န့ၣ်လီၤ.

၁ ပ့းတရူး 3:16

ဘၣ်ဆၣ်ဒီး, မၤအီၤလၢတၢ်ကပုာ်လုးဒီးတၢ်ပာ်ကဲအပူၤ တက့ၢ်. ပၢၤဃာ်သုသးလၢအသ့ၣ်ညါဒၣ်တၢ်အဂ့ၤတက့ၢ်. ဒ်သိးပှၤမ့ၢ်ကတိၤတရီတပါသုဒၣ်လဲာ်, ပှၤလၢအကတိၤအၢသုသကဲာ်ပဝးအဂ့ၤဒ်ပှၤပိာ်ခရံာ်အခံ တဖၣ်အသိးအံၤ, ကမဲာ်ဆှးဝဲလၢအတၢ်ကတိၤတဖၣ်အဃိ န့ၣ်တက့ၢ်.