လံာ်တၢ်ကဲထီၣ်အခီၣ်ထံး 31:36 - Sgaw Karen Common Bible

³⁶ တုၤနုၤတစု, စီၤယၤကိာ်အသးထီၣ်ဒီးသံကွၢ်ဝဲလၢတၢ်သးဒိၣ် အပူၤ, “ယလုၣ်သ့ၣ်ခါပတာ်တ့ၢ်တၢ်သိၣ်တၢ်သီမနုၤလဲၣ်. ယမၤဟးဂီၤတၢ်သိၣ်တၢ်သီမနုၤလၢအဟ့ၣ်နၤတၢ်ခွဲးတၢ်ယာ်ဒ်သိး နကလူၤဖီၣ်ယၤန့ၣ်လဲၣ်.

လံာ်တၢ်ကဲထီၣ်အခီၣ်ထံး 31:36 Iomraidhean Croise

လံာ်တၢ်ကဲထီၣ်အခီၣ်ထံး 30:2

ဒီးစီၤယၤကိာ်အသးထီၣ်နီၢ်ရၤဃ့လးဒီးစံးဝဲဒၣ်, “ယဟံးန့ၢ်ယွၤအလီၢ်တသ့ဘၣ်. ယွၤမ့ၢ်ပှၤတဂၤလၢအတြီ ဃာ်နၤလၢတၢ်အိၣ်ဒံၣ်အိၣ်ဖိတဖၣ်န့ၣ်လီၤ.”

လံာ်တၢ်ကဲထီၣ်အခီၣ်ထံး 31:35

နီၢ်ရၤဃ့လးစံးဘၣ်အပၢ်, “တၢ်ဒိၣ်ဧၢ, တဘၣ်သးဒိၣ်တဂ့ၤ. မ့ၢ်လၢပိာ်မုၣ်အလုၢ်အလၢ်အိၣ်လၢယလိၤအဃိယတကြၢးဆၢထၢၣ်ဝဲလၢ နမဲာ်ညါဘၣ်.” စီၤလၤဘၣ်ဃုဝဲဘၣ်ဆၣ်ဒီးတထံၣ်န့ၢ်အကစၢ်တဖၣ်န့ၣ်ဘၣ်.

လံာ်တၢ်ကဲထီၣ်အခီၣ်ထံး 31:37

ဒီးခဲကနံၣ်အံၤ, နဃုတ့ၢ်တၢ်ဘၣ်ဃးဒီးယၤခဲလၢာ်ဒီးနထံၣ်န့ၢ် နဟံၣ်နဃီအတၢ်ပီးတၢ်လီဘၣ်ဃးဒီးနၤမနုၤန့ၣ်လဲၣ်. ပာ်လီၤအီၤဖဲအံၤလၢနပှၤဒီးယပှၤအမဲာ်ညါဒီးပျဲအဝဲသ့ၣ်စံၣ် ညီၣ်တဲာ်တၢ်လၢနၤဒီးယၤမတၤအတၢ်ဘၣ်လဲၣ်န့ၣ်တက့ၢ်.

လံာ်တၢ်ကဲထီၣ်အခီၣ်ထံး 34:7

ဖဲစီၤယၤကိာ်အဖိခွါတဖၣ်ဟဲက့ၤတုၤဝဲလၢပျီပူၤန့ၣ်လီၤ. တုၤအဝဲသ့ၣ်နၢ်ဟူတၢ်ဂ့ၢ်န့ၣ်ဒီးအဝဲသ့ၣ်အသးဘၣ်ဒိဘၣ်ထံး ဒီးအတၢ်သးဒိၣ်ကဲၤထီၣ်ဝဲလၢစီၤၡက့ၣ်မၤတ့ၢ်လံတၢ်တမံၤလၢ အမၤဘၣ်ဒုၣ်ဒွဲၣ်တ့ၢ်အံၣ်စရ့လးအပှၤဂီၢ်မုၢ်ခီဖျိမၤဆူၣ်မၤ စိးစီၤယၤကိာ်အဖိမုၣ်အဃိန့ၣ်လီၤ.

လံာ်တၢ်ကဲထီၣ်အခီၣ်ထံး 49:7

မ်တၢ်ဆိၣ်အၢတမံၤကလီၤဘၣ်အဝဲသ့ၣ်အတၢ်သူၣ်ဒိၣ်သးဖျိးတက့ၢ်. အဂ့ၢ်ဒ်အံၤ, အတၢ်သူၣ်ဒိၣ်သးဖျိးန့ၣ်, လီၤပျံၤလီၤဖုးဒိၣ်မးလီၤ. မ်တၢ်ဆိၣ်အၢကအိၣ်လၢအဝဲသ့ၣ်အတၢ်သးဒိၣ်တပျုာ်တပျီၤအလိၤတ က့ၢ်. အဂ့ၢ်ဒ်အံၤ, အၢဝဲသီဝဲဒိၣ်မးလီၤ. ယကရၤလီၤအဝဲသ့ၣ်လၢကီၢ်အံၣ်စရ့လးဒီကီၢ်ညါလီၤ. ယကမၤလီၤပြံလီၤပြါအဝဲသ့ၣ်လၢအပှၤဂီၢ်မုၢ်တဖၣ်အကျါန့ၣ် လီၤ.

လံာ်စီၤပၤခံဘ့ၣ်တဘ့ၣ် 13:19

တၢ်အံၤမၤသးဒိၣ်ထီၣ်စီၤအလံၤၡါ, ဒီးအဝဲစံးဘၣ်စီၤပၤ, “နကြၢးတီၢ်တၢ်ယဲၢ်ဘျီမ့တမ့ၢ်ဃုဘျီဒီးနကအိၣ်ဒီးတၢ်မၤ နၢၤတၢ်လၢာ်လၢာ်ဆ့ဆ့လၢပှၤစူၤရံတဖၣ်အဖီခိၣ်န့ၣ်လီၤ. မ့မ့ၢ်ခဲကနံၣ်အံၤနကမၤနၢၤအဝဲသ့ၣ်ထဲသၢဘျီဧိၤန့ၣ်လီၤ.”

လံာ်စီၤပၤခံဘ့ၣ်တဘ့ၣ် 5:11

ဘၣ်ဆၣ်စီၤနဧၤမၣ်ဟးထီၣ်ကွံာ်လၢတၢ်သးကဲၤထီၣ်အပူၤဒီးစံး ဝဲဒၣ်, “ယဆိကမိၣ်လၢအစှၤကတၢၢ်အဝဲကဟဲထီၣ်ဆူယအိၣ်, ဘါထုကဖၣ်တၢ်ဆူအယွၤအဝဲအကစၢ်ယွၤအအိၣ်, ယၤထီၣ်အစုလၢတၢ်ဆါအပူၤလီၢ်အဖီခိၣ်ဒီးမၤဘျါက့ၤယၤန့ၣ် လီၤ.

တၢ်ကတိၤဒိ. 28:1

ပှၤတတီတလိၤဃ့ၢ်ဝဲဖဲပှၤတလူၤအဝဲသ့ၣ်နီတဂၤဘၣ်အခါန့ၣ်လီၤ. မ့မ့ၢ်ပှၤတီပှၤလိၤတဂၤန့ၣ်ဒူဝဲဒ်ခ့ယုၢ်တဒုအသိးန့ၣ်လီၤ.

လံာ်တၢ်ဂံၢ် 16:15

စီၤမိၤၡ့အသးဒိၣ်ထီၣ်ဝဲဒီးစံးဘၣ်ယွၤ, “တူၢ်လိာ်ပှၤသ့ၣ်တဖၣ်အံၤအတၢ်လုၢ်တၢ်ပာ်တဖၣ်လၢအဟဲ စိာ်ဝဲန့ၣ်နီတမံၤတဂ့ၤ. ယတမၤကမၣ်တ့ၢ်အဝဲသ့ၣ်နီတဂၤဘၣ်. ယတဟံးန့ၢ်ဒၣ်လဲာ်အကသ့ၣ်ယီၤတဖၣ်အကျါတဒုဘၣ်.”

လံာ်တၢ်ဂံၢ် 20:3

ဒီးအဝဲသ့ၣ်ကဒူးကဒ့ၣ်တၢ်စံးဝဲ, “ဂ့ၤတက့ၢ်လၢပသံတ့ၢ်ဃုာ်ဒီး ပဒီပုၢ်ဝဲၢ်ကဒဲကဒဲပှၤအံၣ်စရ့လးဖိတဖၣ်လၢယွၤအဒဲစီ ဆှံအမဲာ်ညါန့ၣ်လီၤ.

လံာ်မၢ်ကူး 3:5

ယ့ၣ်ၡူးကွၢ်ဃီၤပှၤတဖၣ်လၢအအိၣ်ဝးတရံးအီၤဒီး အသးဒိၣ်ဘၣ်အဝဲသ့ၣ်လီၤ. ဘၣ်ဆၣ်ဒီးတဘျီဃီဖဲန့ၣ်အသးအုးဝဲလၢအဝဲသ့ၣ်တဖၣ်ပာ်ကိၤ အသးဒိၣ်ဒိၣ်ကလဲာ်ဒီးအတၢ်ပာ်သးကမၣ်အဃိလီၤ. အန့ၣ်ဝံၤစံးဘၣ်ပှၤတဂၤန့ၣ်, “ယူာ်ထီၣ်နစုတက့ၢ်.” အဝဲဒၣ်ယူာ်ထီၣ်အစုဒီးအစုန့ၣ်ဂ့ၤထီၣ်က့ၤဝဲဒၣ်လီၤ.

အ့းဖ့းစူး 4:26

သုမ့ၢ်သးဒိၣ်ထီၣ်န့ၣ်, တဘၣ်ပျဲသုတၢ်သးဒိၣ်ဒုးမၤသုလၢတၢ် ဒဲးဘးတဂ့ၤ. တဘၣ်သးဒိၣ်တုၤမုၢ်လီၤနုာ်တဂ့ၤ.

လံာ်စီၤၡမူၤအ့လးအခီၣ်ထံးတဘ့ၣ် 20:32

“ဘၣ်မနုၤအဃိအဝဲကဘၣ်သံန့ၣ်လဲၣ်. အဝဲမၤတ့ၢ်တၢ်မနုၤလဲၣ်.”