လံာ်တၢ်ကဲထီၣ်အခီၣ်ထံး 31:3 - Sgaw Karen Common Bible

³ အန့ၣ်ဒီးယွၤစံးဘၣ်စီၤယၤကိာ်, “က့ၤကဒါက့ၤဆူနပၢ်ဒီး နဘူးနတံၢ်တဖၣ်အကီၢ်တက့ၢ်. ယကအိၣ်ဒီးနၤလီၤ.”

လံာ်တၢ်ကဲထီၣ်အခီၣ်ထံး 31:3 Iomraidhean Croise

လံာ်တၢ်ကဲထီၣ်အခီၣ်ထံး 13:15

ယကဟ့ၣ်လီၤနၤဒီးနစၢၤနသွဲၣ်တဖၣ်လၢကယဲၢ်ကီၢ်လၢနထံၣ်ဘၣ်အီၤ ဒီးကမ့ၢ်နတၢ်လီၤစိၤလီၤထီန့ၣ်လီၤ.

လံာ်တၢ်ကဲထီၣ်အခီၣ်ထံး 21:22

လၢအကတီၢ်ဖဲန့ၣ်စီၤအဘံၤမ့လ့းလဲၤတၢ်ဒီးအသုးမုၢ်အခိၣ်, စီၤဖံကိးလးဒီးစံးဘၣ်စီၤအၤဘြၤဟၣ်, “ကစၢ်ယွၤအိၣ်ဒီးနၤလၢကယဲၢ်တၢ်လၢနမၤအီၤကိးမံၤဒဲးအပူၤ န့ၣ်လီၤ.

လံာ်တၢ်ကဲထီၣ်အခီၣ်ထံး 26:24

ဒီးလၢမုၢ်နၤဝဲန့ၣ်ယွၤလီၣ်ဖျါထီၣ်အသးလၢအီၤဒီးစံးဝဲ, “ယမ့ၢ်နပၢ်စီၤအၤဘြၤဟၣ်အကစၢ်ယွၤလီၤ. ပျံၤတၢ်တဂ့ၤ. ယအိၣ်ဒီးနၤလီၤ. ယကဆိၣ်ဂ့ၤနၤဒီးဟ့ၣ်လီၤနၤ လၢနစၢၤနသွဲၣ်အါအါဂီၢ်ဂီၢ်လီၤ. အဂ့ၢ်ဒ်အံၤ, တၢ်န့ၣ်မ့ၢ်ယတၢ်အၢၣ်လီၤ, ဒီးယခ့ယပှၤစီၤအၤဘြၤဟၣ်အဃိန့ၣ်လီၤ.”

လံာ်တၢ်ကဲထီၣ်အခီၣ်ထံး 28:13

ဒီးယွၤအိၣ်ဆၢထၢၣ်လၢအကပၤဒီးစံးဝဲ, “ယမ့ၢ်ယွၤ, စီၤအၤဘြၤဟၣ်ဒီးစီၤအံၤစဲးအကစၢ်ယွၤန့ၣ်လီၤ. ယကဟ့ၣ်နၤဒီးနစၢၤနသွဲၣ်တဖၣ်လၢကီၢ်အံၤလၢနမံလီၤလၢအဖီခိၣ် အံၤန့ၣ်လီၤ.

လံာ်တၢ်ကဲထီၣ်အခီၣ်ထံး 28:15

ဒီးသ့ၣ်နီၣ်လၢယကအိၣ်ဒီးနၤဒီးဒီဒၣ်အိၣ်ပှိၤနၤဖဲနလဲၤတၢ် တပူၤလၢ်လၢ်, ဒီးယကဟဲက့ၤစိာ်နၤဆူကီၢ်အံၤတက့ၢ်. ကယဲၢ်တၢ်လၢယအၢၣ်လီၤနၤတဖၣ်န့ၣ်တချုးယမၤလၢထီၣ်ပှဲၤထီၣ်ဒံး ဘၣ်ဒီးယတလဲၤသဒၣ်ဘၣ်နၤဘၣ်.”

လံာ်တၢ်ကဲထီၣ်အခီၣ်ထံး 28:4

မ်ယွၤဆိၣ်ဂ့ၤနၤဒီးနစၢၤနသွဲၣ်တဖၣ်ဒ်အဆိၣ်ဂ့ၤတ့ၢ်စီၤအၤ ဘြၤဟၣ်အသိးဒီးမ်နကန့ၢ်သါကီၢ်လၢနအိၣ်တ့ၢ်လံလၢအပူၤလၢ ကစၢ်ယွၤဟ့ၣ်တ့ၢ်စီၤအၤဘြၤဟၣ်န့ၣ်တက့ၢ်.”

လံာ်တၢ်ကဲထီၣ်အခီၣ်ထံး 30:25

ဒီးစီၤယိၤသးအိၣ်ဖျဲၣ်ဝံၤအလီၢ်ခံစီၤယၤကိာ်စံးဘၣ်စီၤလၤ ဘၣ်, “ပျၢ်ယၤဒ်သိးယကက့ၤကဒါက့ၤဆူယဟံၣ်တက့ၢ်.

လံာ်တၢ်ကဲထီၣ်အခီၣ်ထံး 31:13

ယမ့ၢ်ကစၢ်ယွၤလၢအလီၣ်ဖျါထီၣ်အသးဒီးနၤလၢဘ့ၤသ့လးဖဲနပာ် စီဆှံလၢၢ်တဖျၢၣ်လၢတၢ်သ့ၣ်နီၣ်အဂီၢ်ခီဖျိနလူလီၤသိလၢနမၤ တၢ်အၢၣ်လီၤအီလီၤတမံၤဒီးယၤန့ၣ်လီၤ. ခဲကနံၣ်အံၤ, ကတဲာ်ကတီၤနသးဒီးက့ၤဆူကီၢ်လၢနအိၣ်ဖျဲၣ်ထီၣ် န့ၣ်တက့ၢ်.’ ”

လံာ်တၢ်ကဲထီၣ်အခီၣ်ထံး 31:18

ဒီးနီၣ်ထီၣ်အသိဧိၤမဲာ်တဲးလဲးဧိၤလၢအမဲာ်ညါဃုာ်ဒီးကယဲၢ် တၢ်လၢအဒိးန့ၢ်ဘၣ်ဝဲလၢကီၢ်မ့းစပတၤမံဒ်သိးကက့ၤဆူအပၢ် အအိၣ်လၢကီၢ်ကနၤဧၣ်အပူၤန့ၣ်လီၤ.

လံာ်တၢ်ကဲထီၣ်အခီၣ်ထံး 31:2

ဒီးစီၤယၤကိာ်သ့ၣ်ညါနၢ်ပၢၢ်စ့ၢ်ကီးဝဲဒၣ်လၢစီၤလၤဘၣ်တသူၣ် အိၣ်သးအိၣ်အီၤဒ်လၢညါအသိးလၢၤဘၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 31:4

မၤသးဒ်န့ၣ်ဒီးစီၤယၤကိာ်မၤလိာ်ဝဲလၢနီၢ်ရၤဃ့လးဒီးနီၢ် လ့ၤအၤကဟဲထံၣ်အီၤလၢပျီပူၤဖဲအဆၣ်ဖိကီၢ်ဖိတဖၣ်အိၣ်ဝဲ အလီၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 32:10

ယၤ, နခ့နပှၤတကၢကီၣ်ဘၣ်ဒီးကယဲၢ်နတၢ်သးကညီၤဒီးနတၢ်တီတၢ် လိၤလၢနဒုးနဲၣ်တ့ၢ်ယၤန့ၣ်ဘၣ်. ယခီဂာ်ထံကျိယၢ်ဒ့ၣ်ထဲစုယၢ်ခီဒီးအိၣ်ဒၣ်ထဲနီၣ်ထိးဘိတ ဘိ ဧိၤန့ၣ်လီၤ. ဒီးခဲကနံၣ်အံၤ, ယဟဲက့ၤကဒါက့ၤဃုာ်ဒီးပှၤခံ ဖုအံၤန့ၣ်လီၤ.

လံာ်တၢ်ကဲထီၣ်အခီၣ်ထံး 32:5

ယအိၣ်ဒီးဂီၤဘုၣ်ဂီၤဖံး, ကသ့ၣ်ယီၤ, သိဒီးမဲာ်တဲးလဲးဒီး ကုၢ်သ့ၣ်တဖၣ်လီၤ. တၢ်ဒိၣ်ဧၢ, ယဆှၢလီၤတၢ်ကစီၣ်လၢတၢ်မုၢ်လၢ်အပူၤဒ်သိးယကဒိး န့ၢ်ဘၣ်နတၢ်သးကညီၤကွၢ်မဲာ်ယၤလီၤ.”

လံာ်တၢ်ကဲထီၣ်အခီၣ်ထံး 32:9

ဒီးစီၤယၤကိာ်ဃ့ဘါထုကဖၣ်တၢ်, “ယဖုစီၤအၤဘြၤဟၣ်အကစၢ် ယွၤ, ယပၢ်စီၤအံၤစဲးအကစၢ်ယွၤဧၢ, ဒိကနၣ်လၢ်ယၤတက့ၢ်. ယွၤဧၢ, နတဲယၤလၢယဘၣ်က့ၤဆူ ယကီၢ်ဒီးယဘူးယတံၢ်သ့ၣ်တဖၣ်အအိၣ်ဒီးနကမၤတၢ်ကိးမံၤဒဲးဂ့ၤ ဂ့ၤဘၣ်ဘၣ်လၢယဂီၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 35:1

ကစၢ်ယွၤစံးဘၣ်စီၤယၤကိာ်, “လဲၤဆူဝ့ၢ်ဘ့ၤသ့လးခဲအံၤ တဘျီဃီ, ဒီးအိၣ်ဆိးဖဲန့ၣ်တက့ၢ်. ဖဲန့ၣ်ဘှီထီၣ်တၢ်လုၢ်လီၢ်တခါလၢ ယၤ, ကစၢ်ယွၤလၢအလီၣ်ဖျါတ့ၢ်အသးလၢနၤအဂီၢ်ဖဲ နဃ့ၢ်ထီၣ်ကွံာ်တ့ၢ်လၢနဒီပုၢ်ဝဲၢ်ခွါစီၤဧ့ၡီၤအအိၣ်အခါ, န့ၣ်တက့ၢ်.”

လံာ်တၢ်ကဲထီၣ်အခီၣ်ထံး 35:3

ပကဘၣ်ဟးထီၣ်ကွံာ်ဖဲအံၤဒီးလဲၤဆူဝ့ၢ်ဘ့ၤသ့လးဖဲယကဘှီ ထီၣ်တၢ်လုၢ်လီၢ်တခါလၢကစၢ်ယွၤအဂီၢ်, လၢကစၢ်ယွၤလၢအမၤစၢၤတ့ၢ်ယၤဖဲယအိၣ်လၢတၢ်ကိၢ်တၢ်ဂီၤအကတီၢ် ဒီးအိၣ်တ့ၢ်ဒီးယၤဖဲယလဲၤတပူၤလၢ်လၢ်အဂီၢ်န့ၣ်လီၤ.”

လံာ်တၢ်ကဲထီၣ်အခီၣ်ထံး 50:24

အဝဲစံးဘၣ်အဒီပုၢ်ဝဲၢ်ခွါတဖၣ်, “ယကသံဘူးထီၣ်လံ. ဘၣ်ဆၣ်ကစၢ်ယွၤကအံးထွဲကကွၢ်ထွဲသုသပှၢ်ကတၢၢ်, ဒီးဆှၢထီၣ်သုလၢကီၢ်အံၤဆူကီၢ်တဘ့ၣ်လၢအဝဲဆိၣ်တ့ၢ်တၢ်သညူး သပှၢ်ဒီးစီၤအၤဘြၤဟၣ်, စီၤအံၤစဲးဒီးစီၤယၤကိာ်, အပူၤန့ၣ်လီၤ.”

စံးထီၣ်ပတြၢၤ 46:1

ကစၢ်ယွၤမ့ၢ်ပတၢ်ပူၤဖျဲးအလီၢ်ဒီးပဂံၢ်ပဘါလီၤ. လၢတၢ်ကိၢ်တၢ်ဂီၤအကတီၢ်န့ၣ် အဝဲအိၣ်ကတဲာ်ကတီၤအသးထီဘိလၢ ကမၤစၢၤပှၤန့ၣ်လီၤ.

စံးထီၣ်ပတြၢၤ 50:15

လၢတၢ်ကိၢ်တၢ်ဂီၤအမုၢ်တနံၤန့ၣ်ကိးထီၣ်ယၤတက့ၢ်. ယကမၤပူၤဖျဲးနၤ ဒီးနကမၤလၤကပီၤယၤလီၤ.

စံးထီၣ်ပတြၢၤ 90:15

ဟ့ၣ်လၢ်ပှၤတၢ်သူၣ်ခုသးခုဒိၣ်ဒိၣ်အါအါခဲအံၤ, ဒ်နဟ့ၣ်တ့ၢ်ပှၤတၢ်သူၣ်အုးသးအုး လၢတၢ်သူၣ်ကိၢ်သးဂီၤအနံၣ်အလါ တဖၣ်အပူၤအသိးန့ၣ်တက့ၢ်.

လံာ်တၢ်ဟးထီၣ်ကွံာ် 3:12

ဒီးကစၢ်ယွၤစံးဆၢအီၤ, “ယကအိၣ်ဒီးနၤလီၤ. ဒီးဖဲနထုးထီၣ်ကွံာ်ပှၤဂီၢ်မုၢ်လၢကီၢ်အဲၤကူပတူးအပူၤန့ၣ်, သုကဘူၣ်ထီၣ်ဘါထီၣ်ယၤဖဲကစၢၢ်အံၤအလိၤန့ၣ်လီၤ. တၢ်န့ၣ်ကမ့ၢ်တၢ်အုၣ်အသးလၢယမၢလီၤနၤန့ၣ်လီၤ.”

လံာ်ယၡါယၤ 41:10

ပျံၤတၢ်တဂ့ၤ. ယအိၣ်ဒီးသုလီၤ. ယမ့ၢ်သုကစၢ်ယွၤလီၤ. ပျဲတၢ်မၤပျံၤမၤဖုးသုနီတမံၤတဂ့ၤ. ယကဒုးကဲထီၣ်သုပှၤအဂံၢ်ဆူၣ်ဘါဆူၣ်ဒီးမၤစၢၤသုလီၤ. ယကဒီဒၣ်အိၣ်ပှိၤသုဒီးအုၣ်က့ၤခီၣ်က့ၤသုလီၤ.

ဧ့ၤဘြံၤ 13:5

လၢတၢ်အိၣ်မူအပူၤန့ၣ်အိၣ်သဘျ့ဒီးတၢ်အဲၣ်ကျိၣ်အဲၣ်စ့တ က့ၢ်. သးမံနဲဒီးတၢ်လၢအအိၣ်ဒီးနၤတက့ၢ်. အဂ့ၢ်ဒ်အံၤ အဝဲဒၣ်စံးတ့ၢ်လံဝဲ, “ယတညိကွံာ်ဘၣ်နၤဘၣ် ယတလဲၤ သဒၣ်ဘၣ်နၤဘၣ်.”