လံာ်တၢ်ကဲထီၣ်အခီၣ်ထံး 31:24 - Sgaw Karen Common Bible

²⁴ လၢမုၢ်နၤအဝဲန့ၣ်လၢတၢ်မံမီၢ်အပူၤကစၢ်ယွၤဟဲဆူစီၤလၤဘၣ် အအိၣ်ဒီးစံးအီၤ, “ပလီၢ်နသးလၢနသုတမၤပျံၤမၤဖုးစီၤယၤကိာ်လၢကျဲနီတဘိတ ဂ့ၤ.”

လံာ်တၢ်ကဲထီၣ်အခီၣ်ထံး 31:24 Iomraidhean Croise

လံာ်တၢ်ကဲထီၣ်အခီၣ်ထံး 20:3

ဘၣ်မုၢ်တနၤကစၢ်ယွၤလီၣ်ဖျါထီၣ်အသးလၢအီၤလၢတၢ်မံမီၢ်အပူၤ ဒီးစံးဝဲ, “မ့ၢ်လၢနဟံးန့ၢ်ပိာ်မုၣ်လၢအဒိးတ့ဒိးဖျီ အသးအဃိနကသံလီၤ.”

လံာ်တၢ်ကဲထီၣ်အခီၣ်ထံး 20:6

ကစၢ်ယွၤစံးဆၢက့ၤအီၤလၢတၢ်မံမီၢ်အပူၤ, “မ့ၢ်လီၤ. ယသ့ၣ်ညါလၢနမၤတ့ၢ်တၢ်အံၤလၢတၢ်သးကဆှီ အပူၤလီၤ. လၢတၢ်န့ၣ်အဃိယဟံးဃာ်နၤဒ်သိးနသုတမၤတၢ်ဒဲးဘး ထီဒါယၤဒီးယတပျဲနထိးဘၣ်စ့ၢ်ကီးအီၤဘၣ်.

လံာ်တၢ်ကဲထီၣ်အခီၣ်ထံး 24:50

စီၤလၤဘၣ်ဒီးစီၤမသူၤအ့လးစံးဆၢဝဲ, “တၢ်အံၤဒ်အမ့ၢ်တၢ် ဂ့ၢ်လၢအဟဲလၢယွၤအအိၣ်အသိးန့ၣ်တမ့ၢ်တၢ်တမံၤလၢပဝဲပကဘၣ်စံၣ် ညီၣ်တဲာ်အီၤဘၣ်.

လံာ်တၢ်ကဲထီၣ်အခီၣ်ထံး 28:5

စီၤအံၤစဲးဆှၢဝဲစီၤယၤကိာ်ဆူကီၢ်မ့းစပတၤမံ, ဆူစီၤလၤဘၣ်လၢအမ့ၢ်ပှၤစူၤရံဖိစီၤဘသူၤအ့လးအဖိခွါ, စီၤယၤကိာ်ဒီးစီၤဧ့ၡီၤအမိၢ်နီၢ်ရံးဘကၤအဒီပုၢ်ဝဲၢ်ခွါ အအိၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 31:10

ဖဲဆၣ်ဖိကီၢ်ဖိတဖၣ်လူၤလိာ်သးအဆၢကတီၢ်န့ၣ်, ယမံမီၢ်တၢ်တခါဒီးယထံၣ်မဲာ်တဲးလဲးအဖါတဖၣ်လၢအလူၤတၢ်န့ၣ် မ့ၢ်ဝဲအတိၤပျ့, အကံၣ်စံၣ်ဘှဲ, ဒီးအကံၣ်စံၣ်ပိၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 31:11

ကစၢ်ယွၤအကလူးစံးဘၣ်ယၤလၢတၢ်မံမီၢ်အပူၤဒီးစံးဝဲ, ‘စီၤယၤကိာ်ဧၢ,’ ဒီးယစံးဆၢအီၤ, ‘မ့ၢ်ယၤလီၤ.’

လံာ်တၢ်ကဲထီၣ်အခီၣ်ထံး 31:23

စီၤလၤဘၣ်ကိးဃုာ်အပှၤဒီးလူၤဖီၣ်စီၤယၤကိာ်နွံသီဒီးချုး န့ၢ်အီၤဖဲ ကီၢ်အိၣ်ဒီးတၢ်လူၢ်တၢ်တြီၤဖဲကီၢ်ကံးလဧးအပူၤန့ၣ်လီၤ.

လံာ်တၢ်ကဲထီၣ်အခီၣ်ထံး 31:25

စီၤယၤကိာ်သူၣ်ထီၣ်အဒဲလၢကစၢၢ်တဖျၢၣ်အလိၤဒီးစီၤလၤဘၣ်သူၣ် ထီၣ်အဒဲဃုာ်ဒီးအဘူးအတံၢ်လၢကီၢ်အိၣ်ဒီးတၢ်လူၢ်တၢ်တြီၤဖဲ ကီၢ်ကံးလဧးအပူၤန့ၣ်လီၤ.

လံာ်တၢ်ကဲထီၣ်အခီၣ်ထံး 31:29

ယအိၣ်ဒီးတၢ်စိတၢ်ကမီၤလၢယကမၤဆါနၤလီၤ. ဘၣ်ဆၣ်ဒီးမုၢ်နၤကၢၣ်န့ၣ်နပၢ်အကစၢ်ယွၤဟ့ၣ်ပလီၢ်ယၤဒ်သိး ယသုတမၤပျံၤမၤဖုးနၤလၢကျဲနီတဘိတဂ့ၤအဂီၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 31:42

ယပၢ်တဖၣ်အကစၢ်ယွၤ, စီၤအၤဘြၤဟၣ်ဒီးစီၤအံၤစဲးအက စၢ်ယွၤမ့ၢ်တအိၣ်ဒီးယၤဘၣ်ဒီးနကဆှၢဖျိးကွံာ်ယၤစုယၢ်ခီ န့ၣ်လီၤ. ဘၣ်ဆၣ်ကစၢ်ယွၤထံၣ်တ့ၢ်လံယတၢ်ကိၢ်တၢ်ဂီၤဒီးတၢ်လၢ ယမၤတ့ၢ်ယဲလီၤ. ဒီးဖဲမုၢ်နၤကၢၣ်န့ၣ်အဝဲစံၣ်ညီၣ်တီလံတၢ်လံ.”

လံာ်တၢ်ကဲထီၣ်အခီၣ်ထံး 31:7

အန့ၣ်ဒၣ်လဲာ်အဝဲလီန့ၢ်ယၤဒီးလဲလိာ်ယဘူးယလဲအဘျီတဆံလီၤ. ဘၣ်ဆၣ်ဒီးကစၢ်ယွၤတပျဲအမၤဆါယၤဘၣ်.

လံာ်တၢ်ကဲထီၣ်အခီၣ်ထံး 40:5

ဘၣ်မုၢ်တနၤလၢဃိာ်ပူၤန့ၣ်, ပှၤကွၢ်ထွဲစပံးထံဒီးပှၤကုၢ်ကိၣ် အဒိၣ်စုာ်စုာ်အိၣ်ဒီးအတၢ်မံမီၢ်တဂၤတမံၤ, ဒီးအတၢ်မံမီၢ်တဖၣ်န့ၣ်အိၣ်ဒီးအခီပညီလီၤဆီလိာ်အသးတဖၣ် လီၤ.

လံာ်တၢ်ကဲထီၣ်အခီၣ်ထံး 41:1

ခံနံၣ်ပူၤကွံာ်အလီၢ်ခံကီၢ်အဲၤကူပတူးအစီၤပၤမံမီၢ်တ့ၢ် ဝဲဒၣ်လၢအဝဲဆၢထၢၣ်လၢထံကျိနံလၤအကပၤ,

လံာ်စီၤၡမူၤအ့လးခံဘ့ၣ်တဘ့ၣ် 13:22

ဒီးစီၤအးဘၡါလိၣ်သးဟ့ကွံာ်ဝဲစီၤအၤမနိၣ်နးမး, လၢအမၤတရီတပါအပုၢ်ပိာ်မုၣ်နီၢ်တၤမၢ်အဃိ, တုၤဒၣ်လဲာ်တကတိၤလၢၤတၢ်ဒီးအီၤနီတစုလၢၤဘၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 3:5

မုၢ်တနၤဃီန့ၣ်, ယွၤလီၣ်ဖျါထီၣ်အသးလၢအီၤလၢတၢ်မံမီၢ်တခါ အပူၤဒီးသံကွၢ်အီၤ, “နအဲၣ်ဒိးလၢယကဟ့ၣ်နၤတၢ်မနုၤလဲၣ်.”

လံာ်စီၤယိၤဘး 33:25

အဝဲအနီၢ်ခိကဒိၣ်ထီၣ်ဒ် ပှၤအသးစၢ်ဒီး ဂံၢ်ဆူၣ်ဘါဆူၣ်ထီၣ် ကဒီးအသိးန့ၣ်လီၤ.

လံာ်ယၡါယၤ 37:29

ယဒိးန့ၢ်တ့ၢ်တၢ်ပာ်ဖျါဘၣ်ဃးဒီးနတၢ်သူၣ်ဒိၣ်သးဖျိး, ဒီးနတၢ်ပာ်ထီၣ်ထီနသးအဝဲန့ၣ်အဂ့ၢ်လီၤ. ဒီးခဲအံၤယကဘျးနနါစ့ၤလၢနီၣ်ကွးတခါဒီးယကဒုးအ့ၣ်နၤလၢ ထးအ့ၣ်တဘိဒီးယကမိၤကဒါက့ၤနၤလၢကျဲတဘိဃီ လၢနဟဲတ့ၢ်နဲန့ၣ်လီၤ.”

လံာ်ဟိၤၡ့ 12:12

ပပၢ်ဖးဒိၣ်လၢပျၢၤစီၤယၤကိာ်ဘၣ်ဃ့ၢ်ကွံာ်ဆူကီၢ်မ့းစပတၤမံ, တၢ်လီၢ်ဖဲကမၤန့ၢ်အမါတဂၤအဂီၢ်, အဝဲမၤတၢ်လၢပှၤအဂၤတဂၤအဂီၢ်ဒီးကွၢ်ထွဲန့ၢ်အဝဲအသိတဖၣ်န့ၣ်လီၤ.

လံာ်တၢ်ဂံၢ် 12:6

ဒီးယွၤစံးဝဲဒၣ်, “ခဲအံၤဒိကနၣ်တၢ်လၢယကစံးယဲန့ၣ်တက့ၢ်. ဖဲဝံတဖၣ်အိၣ်လၢသုကျါန့ၣ်ယလီၣ်ဖျါယသးဆူအဝဲသ့ၣ်အအိၣ်လၢ တၢ်ထံၣ်လၢညါခီတဖၣ်အပူၤဒီးကတိၤတၢ်ဆူအဝဲသ့ၣ်အအိၣ်လၢတၢ် မံမီၢ်တဖၣ်အပူၤန့ၣ်လီၤ.

လံာ်တၢ်ဂံၢ် 22:20

မုၢ်နၤအဝဲန့ၣ်ကစၢ်ယွၤဟဲဆူစီၤဘံးလၣ်အအိၣ်ဒီးစံးဝဲ, “ပှၤတဖုအံၤမ့ၢ်ဟဲဃ့ဝဲလၢနကလဲၤပိာ်အခံန့ၣ်ကတဲာ် ကတီၤထီၣ်နသးလၢနကလဲၤဃုာ်တၢ်ဒီးအဝဲသ့ၣ်တက့ၢ်. ဘၣ်ဆၣ်ဒီးမၤဒၣ်တၢ်ထဲလၢယစံးတ့ၢ်နၤဧိၤန့ၣ်တက့ၢ်.”

လံာ်တၢ်ဂံၢ် 22:26

မၤကဒီးတစု, ကလူးန့ၣ်သုးအသးဆူညါဒီးဆၢထၢၣ် ဝဲဖဲတၢ်လီၢ်အအံၣ်အတီၤလၢအကတံာ်ဝဲတုၤနပဒ့ၣ်နသး တသ့ဘၣ်န့ၣ်လီၤ.

လံာ်တၢ်ဂံၢ် 24:13

နမ့ၢ်ဟ့ၣ်ယၤကယဲၢ်စ့ဒီးထူအိၣ်လၢနနူၢ်ပူၤစီၤပူၤခဲလၢာ်ဒၣ် လဲာ်န့ၣ်, ယဂ့ၢ်လိာ်စူၢ်ယွၤအတၢ်မၤလိာ်ခီဖျိမၤတၢ်တမံၤလၢ်လၢ်ဖဲ ယသးတသ့ဘၣ်လီၤ. ယကစံးဒၣ်တၢ်လၢယွၤတဲဝဲလၢ ယကဘၣ်စံးဧိၤန့ၣ်လီၤ.”

လံာ်မးသဲ 1:20

ဘၣ်ဆၣ်ဒီး ဖဲအဝဲဆိကမိၣ်တၢ်ဂ့ၢ်အံၤအဖၢမုၢ်န့ၣ်, ယွၤအကလူးတဂၤလီၣ်ဖျါထီၣ်အသးလၢတၢ်မံမီၢ်အပူၤဒီးစံးဘၣ် အီၤ, “စီၤဒၤဝံးအဖိခွါစီၤယိၤသးဧၢ, တဘၣ်ပျံၤလၢနကဟံးန့ၢ်နီၢ်မၤရံဒ်နမါအသိးတဂ့ၤ. အဂ့ၢ်ဒ်အံၤအဝဲဒၢထီၣ်ဒၣ်လၢသးစီဆှံအစိကမီၤလီၤ.

လံာ်မးသဲ 2:12

ဒီးဒ်ကစၢ်ယွၤဒုးပလီၢ်အဝဲသ့ၣ်အသးခီဖျိတၢ်မံမီၢ်လၢ အသုတက့ၤကဒါက့ၤဆူစီၤပၤဟ့ၤရိာ်အအိၣ်တဂ့ၤအသိးန့ၣ်, အဝဲသ့ၣ်က့ၤက့ၤဆူအထံအကီၢ်ဒၣ်ဝဲလၢကျဲအဂၤတဘိလီၤ.

လံာ်မးသဲ 27:19

ဖဲစီၤပံၤလးဆ့ၣ်နီၤဝဲလၢတၢ်စံၣ်ညီၣ်ကွီၢ်အလီၢ်ဆ့ၣ်နီၤအဖီ ခိၣ်အဖၢမုၢ်န့ၣ်, အမါဆှၢလီၤန့ၢ်အီၤတၢ်ကစီၣ်လၢအစံး, “တဘၣ်မၤဘၣ်ဃးနသးဒီးပှၤလၢအတၢ်ကမၣ်တအိၣ်ဘၣ် တဂၤအံၤတဂ့ၤ. အဂ့ၢ်ဒ်အံၤ, လၢတၢ်မံမီၢ်အဃိန့ၣ်, တနံၤအံၤယသးဘၣ်နးဘၣ်ဖှီၣ် ဒီးဘၣ်တံာ်တာ်ဒိၣ်မးလၢအဝဲဒၣ်အဂ့ၢ်န့ၣ်လီၤ.”

လံာ်သိၣ်လီၤသီလီၤတၢ် 26:5

တုၤနုၤတစုလၢယွၤအမဲာ်ညါသုကဘၣ်ရူးထီၣ်တၢ်ကတိၤတဖၣ်ဒ်အံၤလီၤ. ‘ယပၢ်ဖးဒိၣ်လၢပျၢၤတဂၤလၢအမ့ၢ်ပှၤစူၤရံဖိလၢအဟးဝ့ၤဝီၤ န့ၣ်လဲၤကိးအဟံၣ်ဖိဃီဖိဆူကီၢ်အဲၤကူပတူးဒ်သိးကအိၣ်ဆိးဝဲလီၤ. အဝဲသ့ၣ်လဲၤဖဲန့ၣ်အခါအနီၣ်ဂံၢ်အိၣ်ထဲစှၤဂၤ, ဘၣ်ဆၣ်အဝဲသ့ၣ်ကဲထီၣ်ပှၤဖးဒိၣ်တကလုာ်လၢအဒိၣ်ဒီးအဂံၢ်အဘါဆူၣ်ဝဲန့ၣ်လီၤ.