လံာ်တၢ်ကဲထီၣ်အခီၣ်ထံး 31:21 - Sgaw Karen Common Bible

²¹ စီၤယၤကိာ်ဟံးန့ၢ်တၢ်လၢအဘၣ်ဃးဒီးအီၤခဲလၢာ်ဒီးဟးထီၣ် ကွံာ်ချ့သဒံးန့ၣ်လီၤ. ဒီးလဲၤခီဂာ်ထံကျိဖးဒိၣ်ဖရၤသးဒီးလဲၤဝဲဆူ ကီၢ်အိၣ်ဒီးတၢ်လူၢ်တၢ်တြီၤလၢကီၢ်ကံးလဧးန့ၣ်လီၤ.

လံာ်တၢ်ကဲထီၣ်အခီၣ်ထံး 31:21 Iomraidhean Croise

လံာ်တၢ်ကဲထီၣ်အခီၣ်ထံး 15:18

တုၤနုၤတစု, ယွၤမၤတၢ်အၢၣ်လီၤအီလီၤဒီးစီၤအၤဘြၣ်ဖဲန့ၣ် လီၤ. ဒီးယွၤစံးဘၣ်စီၤအၤဘြၣ်, “ယအၢၣ်လီၤလၢယကဟ့ၣ်လီၤနစၢၤနသွဲၣ် တဖၣ်လၢထံကီၢ်ဒီဘ့ၣ်အံၤစးထီၣ်လၢကီၢ်အဲၤကူပတူးအဆၢဒီး တုၤလီၤဆူထံကျိဖရၤသး,

လံာ်တၢ်ကဲထီၣ်အခီၣ်ထံး 2:14

ထံကျိသၢဘိတဘိမ့ၢ်ဝဲထံကျိဃံးဒက့လးလၢအယွၤလီၤဆူကီၢ်အၤၡူၢ်အမုၢ်ထီၣ်, ဒီးထံကျိလွံၢ်ဘိတဘိမ့ၢ်ဝဲထံကျိဖရၤသးလီၤ.

လံာ်တၢ်ကဲထီၣ်အခီၣ်ထံး 31:20

စီၤယၤကိာ်လီန့ၢ်စီၤလၤဘၣ်ခီဖျိတၢ်တဒုးသ့ၣ်ညါအီၤလၢအတၢ် ဟးထီၣ်အဂ့ၢ်ဘၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 31:22

သၢသီပူၤကွံာ်အလီၢ်ခံစီၤလၤဘၣ်ဘၣ်တၢ်တဲအီၤလၢစီၤယၤကိာ် ဃ့ၢ်ကွံာ်လံန့ၣ်လီၤ.

လံာ်တၢ်ကဲထီၣ်အခီၣ်ထံး 31:23

စီၤလၤဘၣ်ကိးဃုာ်အပှၤဒီးလူၤဖီၣ်စီၤယၤကိာ်နွံသီဒီးချုး န့ၢ်အီၤဖဲ ကီၢ်အိၣ်ဒီးတၢ်လူၢ်တၢ်တြီၤဖဲကီၢ်ကံးလဧးအပူၤန့ၣ်လီၤ.

လံာ်တၢ်ကဲထီၣ်အခီၣ်ထံး 37:25

ဖဲအဝဲသ့ၣ်အီၣ်တၢ်အခါန့ၣ်, သတူၢ်ကလာ်ထံၣ်ဃီၤပှၤယံးၡမၤဧ့လး ဖိတဖုလဲၤတၢ်လၢကီၢ်ကံးလဧးဆူကီၢ်အဲၤကူပတူးန့ၣ်လီၤ. အကီၤလၤအူးတဖၣ်ဘၣ်တၢ်ပဒၢးအီၤဒီးတၢ်နၢမူနၢဆှီတဖၣ်ဒီး စပံးသၣ်အဃ့တဖၣ်လီၤ.

လံာ်တၢ်ကဲထီၣ်အခီၣ်ထံး 46:28

စီၤယၤကိာ်ဆှၢလီၤဆိစီၤယူဒၤလၢကလဲၤတဲဘၣ်စီၤယိၤသးဒ် သိးကဟဲသဂၢၢ်အီၤဖဲကီၢ်ကိၡ့ၣ်န့ၣ်လီၤ. ဖဲအဝဲသ့ၣ်လဲၤတုၤဝဲန့ၣ်,

လံာ်စီၤၡမူၤအ့လးခံဘ့ၣ်တဘ့ၣ် 24:6

ဒီးလဲၤကဒီးဝဲဆူဝ့ၢ်ကံးလဧး ဒီးဆူဝ့ၢ်ကၤဒ့ၣ်လၢပှၤဃ့ၤသးဖိအလီၢ်ကဝီၤအပူၤန့ၣ်လီၤ. အန့ၣ်ဝံၤဒီးအဝဲသ့ၣ်လဲၤဆူဝ့ၢ်ဒၣ်, ဒီးလၢဝ့ၢ်ဒၣ်န့ၣ်အဝဲသ့ၣ်လဲၤဆူမုၢ်နုာ်ဆူဝ့ၢ်စံဒိၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 17:1

ဝံတဂၤလၢအမံၤမ့ၢ်စီၤအ့ၤလံယၤ, လၢဝ့ၢ်တံးၡဘး, ကီၢ်ကံးလဧးအပူၤန့ၣ်စံးဘၣ်စီၤပၤအၤဃာ်, “လၢယွၤ, ကီၢ်အံၣ်စရ့လးအကစၢ်ယွၤလၢအမူဝဲလၢယမၤအတၢ်တဂၤ အမံၤအပူၤန့ၣ်, ယတဲဘၣ်နၤလၢမ့တမ့ၢ်လၢယစံးတၢ်တမံၤမံၤဒံးဘၣ်န့ၣ်, ပစီၤထံမ့ၢ်ဂ့ၤတၢ်စူၤထံမ့ၢ်ဂ့ၤတအိၣ်ဘၣ်နီတစဲးလၢဆူညါ ခံနံၣ်မ့တမ့ၢ်သၢနံၣ်အတီၢ်ပူၤဘၣ်လီၤ.”

လံာ်စီၤပၤခံဘ့ၣ်တဘ့ၣ် 12:17

ဖဲအဆၢကတီၢ်န့ၣ်ကီၢ်စူၤရံအစီၤပၤဃစ့လးလဲၤထီၣ်ဒုးဝ့ၢ်ကၤ သးဒီးမၤန့ၢ်အီၤန့ၣ်လီၤ. အန့ၣ်ဝံၤဒီးအဝဲပာ်လီၤအသးလၢကလဲၤထီၣ်ဒုးဝ့ၢ်ယရူၤၡလ့ၣ် န့ၣ်လီၤ.

လံာ်ယံးရမံယၤ 50:5

အဝဲသ့ၣ်ကသံကွၢ်ကျဲလဲၤဆူ ဝ့ၢ်စံယိၣ်ဝံၤဒီးလဲၤပိာ်ကျဲအဝဲန့ၣ်လီၤ. အဝဲသ့ၣ်ကမၤတၢ်အၢၣ်လီၤအီလီၤအထူအယိာ်တမံၤဒီးယၤဒီး တမၤဟးဂီၤဝဲနီတစုဘၣ်.

လံာ်တၢ်ဂံၢ် 24:1

စးထီၣ်ခဲအံၤ, စီၤဘံးလၣ်သ့ၣ်ညါဝဲလၢယွၤအဲၣ်ဒိးအီၤလၢ အကဆိၣ်ဂ့ၤကီၢ်အံၣ်စရ့လးအပှၤဂီၢ်မုၢ်လီၤ. အဃိအဝဲဒၣ်တလဲၤဃုထံၣ်ပှၤအူတၢ်သမူတၢ်တဖၣ်ဒ် အညီနုၢ်မၤန့ၢ်ဝဲလၢညါအသိးလၢၤဘၣ်.

လံာ်တၢ်ဂံၢ် 32:1

ရူၤဘ့ၣ်အဒူၣ်ဒီးကးအဒူၣ်အိၣ်ဒီးဂီၤဘုၣ်ဂီၤဖံးအါအါကလဲာ် လီၤ. ဖဲအဝဲသ့ၣ်ထံၣ်ဘၣ်လၢကီၢ်ယၤစ့ၢ်ဒီးကီၢ်ကံးလဧးန့ၣ်ကြၢးဝဲ လၢဂီၤဘုၣ်ဂီၤဖံးအဂီၢ်ဒီး,

လံာ်သိၣ်လီၤသီလီၤတၢ် 3:12

ဖဲပဟံးန့ၢ်ကီၢ်န့ၣ်ဒ်ပတၢ်အသိးန့ၣ်, ယဟ့ၣ်လီၤရူၤဘ့ၣ်ဒီးကး အဒူၣ်လၢတၢ်လီၢ်ကဝီၤလၢအအိၣ်လၢဝ့ၢ်ဧရိၤဧ့ၢ်ကလံၤစိးတခီ ဘူးဒီးထံကျိအၢ်နိၣ်ဒီးကီၢ်ကံးလဧးအလီၢ်ကဝီၤလၢအအိၣ်ဒီး အတၢ်လူၢ်တၢ်တြီၤတနီၤဃုာ်ဒီးအခူအဝ့ၢ်တဖၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 10:18

ဖဲန့ၣ်ပှၤဂီၢ်မုၢ်ဒီးပှၤအံၣ်စရ့လးအဒူၣ်အခိၣ်အနၢ်တဖၣ်သံကွၢ် လိာ်အသးတဂၤဒီးတဂၤ, “မ့ၢ်မတၤကဆှၢတၢ်ဒုးထီဒါပှၤဧၣ်မိၣ်ဖိတဖၣ်န့ၣ်လဲၣ်. ပှၤတဂၤလၢ်လၢ်လၢအမၤဝဲန့ၣ်ကကဲထီၣ်ခိၣ်နၢ်လၢ ပှၤကိးဂၤဒဲးအဖီခိၣ်လၢကီၢ်ကံးလဧးန့ၣ်လီၤ.”