လံာ်တၢ်ကဲထီၣ်အခီၣ်ထံး 31:20 - Sgaw Karen Common Bible

²⁰ စီၤယၤကိာ်လီန့ၢ်စီၤလၤဘၣ်ခီဖျိတၢ်တဒုးသ့ၣ်ညါအီၤလၢအတၢ် ဟးထီၣ်အဂ့ၢ်ဘၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 31:20 Iomraidhean Croise

လံာ်တၢ်ကဲထီၣ်အခီၣ်ထံး 25:20

ဒီးဖဲစီၤအံၤစဲးန့ၢ်မါလၢနီၢ်ရံးဘကၤ, လၢအမ့ၢ်ပှၤစူၤရံဖိ စီၤဘသူၤအ့လးအိၣ်လၢပၤဒနါရၣ်အပျီပူၤ (ပှၤအမံနယၣ်ဖိလၢ ကီၢ်မ့းစပံတၤမ, အဖိမုၣ်), ပှၤစူၤရံဖိစီၤလၤဘၣ်အဒီပုၢ်ဝဲၢ်မုၣ်န့ၣ်, အသးအိၣ်လံဝဲအနံၣ်လွံၢ်ဆံန့ၣ်လီၤ.

လံာ်တၢ်ကဲထီၣ်အခီၣ်ထံး 31:19

ဖဲစီၤလၤဘၣ်လဲၤတံာ်အသိးအဆူၣ်န့ၣ်နီၢ်ရၤဃ့လးဟုၣ်န့ၢ်အပၢ် အတၢ်ဂီၤတရၤဖးတဖၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 31:21

စီၤယၤကိာ်ဟံးန့ၢ်တၢ်လၢအဘၣ်ဃးဒီးအီၤခဲလၢာ်ဒီးဟးထီၣ် ကွံာ်ချ့သဒံးန့ၣ်လီၤ. ဒီးလဲၤခီဂာ်ထံကျိဖးဒိၣ်ဖရၤသးဒီးလဲၤဝဲဆူ ကီၢ်အိၣ်ဒီးတၢ်လူၢ်တၢ်တြီၤလၢကီၢ်ကံးလဧးန့ၣ်လီၤ.

လံာ်တၢ်ကဲထီၣ်အခီၣ်ထံး 31:27

ဘၣ်မနုၤလၢနလီယၤဒီးဟးထီၣ်ကစုဒုဒီးတဒုးသ့ၣ်ညါယၤဘၣ် န့ၣ်လဲၣ်. နမ့ၢ်တဲယၤဒီးယကဆှၢနၤလၢတၢ်သူၣ်ခုသးခုအပူၤဒီးသးဝံၣ် တၢ်လၢဒၢဧိၤတြၤဧိၤဒီးတနၢ်သီတူၢ်လီၤ.

လံာ်သိၣ်လီၤသီလီၤတၢ် 26:5

တုၤနုၤတစုလၢယွၤအမဲာ်ညါသုကဘၣ်ရူးထီၣ်တၢ်ကတိၤတဖၣ်ဒ်အံၤလီၤ. ‘ယပၢ်ဖးဒိၣ်လၢပျၢၤတဂၤလၢအမ့ၢ်ပှၤစူၤရံဖိလၢအဟးဝ့ၤဝီၤ န့ၣ်လဲၤကိးအဟံၣ်ဖိဃီဖိဆူကီၢ်အဲၤကူပတူးဒ်သိးကအိၣ်ဆိးဝဲလီၤ. အဝဲသ့ၣ်လဲၤဖဲန့ၣ်အခါအနီၣ်ဂံၢ်အိၣ်ထဲစှၤဂၤ, ဘၣ်ဆၣ်အဝဲသ့ၣ်ကဲထီၣ်ပှၤဖးဒိၣ်တကလုာ်လၢအဒိၣ်ဒီးအဂံၢ်အဘါဆူၣ်ဝဲန့ၣ်လီၤ.