လံာ်တၢ်ကဲထီၣ်အခီၣ်ထံး 31:11 - Sgaw Karen Common Bible

¹¹ ကစၢ်ယွၤအကလူးစံးဘၣ်ယၤလၢတၢ်မံမီၢ်အပူၤဒီးစံးဝဲ, ‘စီၤယၤကိာ်ဧၢ,’ ဒီးယစံးဆၢအီၤ, ‘မ့ၢ်ယၤလီၤ.’

လံာ်တၢ်ကဲထီၣ်အခီၣ်ထံး 31:11 Iomraidhean Croise

လံာ်တၢ်ကဲထီၣ်အခီၣ်ထံး 18:1

ယွၤလီၣ်ဖျါထီၣ်အသးလၢစီၤအၤဘြၤဟၣ်ဖဲမးမရ့အသ့ၣ်စီဆှံ တဖၣ်န့ၣ်လီၤ. ဖဲလၢမုၢ်တနံၤအပူၤတၢ်ကိၢ်ဆူၣ်ကတၢၢ်အက တီၢ်န့ၣ်စီၤအၤဘြၤဟၣ်ဆ့ၣ်နီၤဝဲလၢအဒဲအကျဲစၢၤအခါ,

လံာ်တၢ်ကဲထီၣ်အခီၣ်ထံး 18:17

ဒီးယွၤစံးလီၤအသး, “တၢ်လၢယကမၤအီၤန့ၣ်ယတပာ်ခူ သူၣ်အီၤလၢစီၤအၤဘြၤဟၣ်ဘၣ်.

လံာ်တၢ်ကဲထီၣ်အခီၣ်ထံး 22:1

တၢ်န့ၣ်တဖၣ်ဝံၤအလီၢ်ခံကစၢ်ယွၤမၤကွၢ်စီၤအၤဘြၤဟၣ်န့ၣ်လီၤ. ဒီးကစၢ်ယွၤကိးထီၣ်အီၤ, “စီၤအၤဘြၤဟၣ်ဧၢ,” ဒီးစီၤအၤဘြၤဟၣ်စံးဆၢအီၤ, “ကစၢ်ဧၢ, မ့ၢ်ယၤလီၤ.”

လံာ်တၢ်ကဲထီၣ်အခီၣ်ထံး 22:11

ဘၣ်ဆၣ်ဒီးယွၤအကလူးကိးဃီၤအီၤလၢမူခိၣ်, “စီၤအၤဘြၤဟၣ်ဧၢ, စီၤအၤဘြၤဟၣ်ဧၢ,” ဒီးစီၤအၤဘြၤဟၣ်စံးဆၢဝဲ, “ကစၢ်ဧၢ, မ့ၢ်ယၤလီၤ.”

လံာ်တၢ်ကဲထီၣ်အခီၣ်ထံး 22:15

ယွၤအကလူးကိးဃီၤစီၤအၤဘြၤဟၣ်လၢမူခိၣ်ခံဘျီတဘျီဒီး

လံာ်တၢ်ကဲထီၣ်အခီၣ်ထံး 31:10

ဖဲဆၣ်ဖိကီၢ်ဖိတဖၣ်လူၤလိာ်သးအဆၢကတီၢ်န့ၣ်, ယမံမီၢ်တၢ်တခါဒီးယထံၣ်မဲာ်တဲးလဲးအဖါတဖၣ်လၢအလူၤတၢ်န့ၣ် မ့ၢ်ဝဲအတိၤပျ့, အကံၣ်စံၣ်ဘှဲ, ဒီးအကံၣ်စံၣ်ပိၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 31:13

ယမ့ၢ်ကစၢ်ယွၤလၢအလီၣ်ဖျါထီၣ်အသးဒီးနၤလၢဘ့ၤသ့လးဖဲနပာ် စီဆှံလၢၢ်တဖျၢၣ်လၢတၢ်သ့ၣ်နီၣ်အဂီၢ်ခီဖျိနလူလီၤသိလၢနမၤ တၢ်အၢၣ်လီၤအီလီၤတမံၤဒီးယၤန့ၣ်လီၤ. ခဲကနံၣ်အံၤ, ကတဲာ်ကတီၤနသးဒီးက့ၤဆူကီၢ်လၢနအိၣ်ဖျဲၣ်ထီၣ် န့ၣ်တက့ၢ်.’ ”

လံာ်တၢ်ကဲထီၣ်အခီၣ်ထံး 31:24

လၢမုၢ်နၤအဝဲန့ၣ်လၢတၢ်မံမီၢ်အပူၤကစၢ်ယွၤဟဲဆူစီၤလၤဘၣ် အအိၣ်ဒီးစံးအီၤ, “ပလီၢ်နသးလၢနသုတမၤပျံၤမၤဖုးစီၤယၤကိာ်လၢကျဲနီတဘိတ ဂ့ၤ.”

လံာ်တၢ်ကဲထီၣ်အခီၣ်ထံး 31:5

ဒီးစံးဘၣ်အဝဲသ့ၣ်, “ယပာ်သူၣ်ပာ်သးလၢသုပၢ်တသူၣ်အိၣ်သး အိၣ်ယၤဒ်အညီနုၢ်မၤဝဲအသိးဘၣ်. ဘၣ်ဆၣ်ဒီးယပၢ်အကစၢ်ယွၤအိၣ်ဒီးယၤလီၤ.

လံာ်တၢ်ကဲထီၣ်အခီၣ်ထံး 37:5

ဘၣ်တနၤစီၤယိၤသးအိၣ်ဒီးအတၢ်မံမီၢ်တမံၤ, ဒီးဖဲအတဲဘၣ်အဒီပုၢ်ဝဲၢ်ခွါသ့ၣ်တဖၣ်လၢတၢ်ဂ့ၢ်န့ၣ်, အဝဲသ့ၣ်သးဟ့အီၤအါန့ၢ်အလီၢ်လီၤ.

လံာ်တၢ်ကဲထီၣ်အခီၣ်ထံး 46:2

ကစၢ်ယွၤကတိၤတ့ၢ်တၢ်ဒီးအီၤလၢတၢ်ထံၣ်လၢညါခီအပူၤဖဲမုၢ် နၤအကတီၢ်ဒီးကိးထီၣ်အီၤ, “စီၤယၤကိာ်ဧၢ, စီၤယၤကိာ်ဧၢ.” ဒီးအဝဲစံးဆၢဝဲ, “မ့ၢ်, ယအိၣ်ဖဲအံၤလီၤ.”

လံာ်တၢ်ဟးထီၣ်ကွံာ် 3:4

ဒီးတုၤယွၤထံၣ်လၢစီၤမိၤၡ့ဟဲဘူးထီၣ်ဝဲဒီး, ယွၤကိးထီၣ်အီၤလၢသ့ၣ်တၤဆှုၣ်အပူၤဒီးစံးဝဲဒၣ်, “စီၤမိၤၡ့ဧၢ, စီၤမိၤၡ့ဧၢ” န့ၣ်လီၤ. ဒီးစီၤမိၤၡ့စံးဆၢဝဲ, “မ့ၢ်ယၤလီၤ.”

လံာ်ယၡါယၤ 58:9

ဖဲသုဃ့ဘါထုကဖၣ်တၢ်န့ၣ်, ယကစံးဆၢသုလီၤ. ဖဲသုကိးထီၣ်တၢ်ဆူယအိၣ်န့ၣ်, ယကဟ့ၣ်က့ၤတၢ်စံးဆၢလီၤ. သုမ့ၢ်ဆိကတီၢ်တၢ်မၤအၢမၤနး, တၢ်ဒုးနဲၣ်တၢ်သူၣ်က့ၣ်သးကါ တမံၤလၢ်လၢ်, ဒီးတၢ်ကတိၤအအၢအသီကိးထံၣ်ဒဲး,

လံာ်တၢ်ဂံၢ် 12:6

ဒီးယွၤစံးဝဲဒၣ်, “ခဲအံၤဒိကနၣ်တၢ်လၢယကစံးယဲန့ၣ်တက့ၢ်. ဖဲဝံတဖၣ်အိၣ်လၢသုကျါန့ၣ်ယလီၣ်ဖျါယသးဆူအဝဲသ့ၣ်အအိၣ်လၢ တၢ်ထံၣ်လၢညါခီတဖၣ်အပူၤဒီးကတိၤတၢ်ဆူအဝဲသ့ၣ်အအိၣ်လၢတၢ် မံမီၢ်တဖၣ်အပူၤန့ၣ်လီၤ.

လံာ်မးသဲ 27:19

ဖဲစီၤပံၤလးဆ့ၣ်နီၤဝဲလၢတၢ်စံၣ်ညီၣ်ကွီၢ်အလီၢ်ဆ့ၣ်နီၤအဖီ ခိၣ်အဖၢမုၢ်န့ၣ်, အမါဆှၢလီၤန့ၢ်အီၤတၢ်ကစီၣ်လၢအစံး, “တဘၣ်မၤဘၣ်ဃးနသးဒီးပှၤလၢအတၢ်ကမၣ်တအိၣ်ဘၣ် တဂၤအံၤတဂ့ၤ. အဂ့ၢ်ဒ်အံၤ, လၢတၢ်မံမီၢ်အဃိန့ၣ်, တနံၤအံၤယသးဘၣ်နးဘၣ်ဖှီၣ် ဒီးဘၣ်တံာ်တာ်ဒိၣ်မးလၢအဝဲဒၣ်အဂ့ၢ်န့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 3:16

စီၤဧ့လံၤကိးအီၤ, “စီၤၡမူၤအ့လး, ယဖိခွါဧၢ,” စီၤၡမူၤအ့လးစံးဆၢဝဲ, “မ့ၢ်, တၢ်ဒိၣ်ဧၢ.”

လံာ်စီၤၡမူၤအ့လးအခီၣ်ထံးတဘ့ၣ် 3:4

ယွၤကိးထီၣ်စီၤၡမူၤအ့လးလီၤ. အဝဲဒၣ်စံးဆၢဝဲ, “မ့ၢ်, တၢ်ဒိၣ်ဧၢ,” ဝံၤဒီးဃ့ၢ်ဆူစီၤဧ့လံၤအအိၣ်ဒီးစံး, “နကိးယၤဒီးယအိၣ်ဖဲအံၤလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 3:6

ယွၤကိးထီၣ်ကဒီးစီၤၡမူအ့လးလီၤ. ဖိသၣ်ပိာ်ခွါန့ၣ်တသ့ၣ်ညါဝဲလၢတၢ်န့ၣ်မ့ၢ်ယွၤဘၣ်. အဂ့ၢ်ဒ်အံၤ, ယွၤတကတိၤတ့ၢ်တၢ်ဒီးအီၤလၢညါနီတစုဘၣ်. မၤသးဒ်န့ၣ်ဒီး, အဝဲဂဲၤဆၢထၢၣ်လဲၤဆူစီၤဧ့လံၤအအိၣ်ဒီးစံး, “နကိးယၤဒီးယအိၣ်ဖဲအံၤလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 3:8

ယွၤကိးထီၣ်စီၤၡမူၤအ့လးသၢဘျီတဘျီလီၤ. အဝဲဂဲၤဆၢထၢၣ်ဒီးလဲၤဆူစီၤဧ့လံၤအအိၣ်ဒီးစံး, “နကိးယၤဒီးယအိၣ်ဖဲအံၤလီၤ.” တုၤနုၤတစု, စီၤဧ့လံၤသ့ၣ်ညါလီၤတံၢ်လၢပှၤကိးဖိသၣ်ပိာ်ခွါန့ၣ်မ့ၢ်ယွၤလီၤ.