လံာ်တၢ်ကဲထီၣ်အခီၣ်ထံး 30:5 - Sgaw Karen Common Bible

⁵ ဒီးနီၢ်ဘံၤလဟၤဒၢထီၣ်ဒီးဆံးစၢ်န့ၢ်အဖိခွါလၢစီၤယၤကိာ် အဂီၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 30:5 Iomraidhean Croise

လံာ်တၢ်ကဲထီၣ်အခီၣ်ထံး 30:29

ဒီးစီၤယၤကိာ်စံးဆၢဝဲ, “နသ့ၣ်ညါလၢယမၤတ့ၢ်တၢ်လၢနဂီၢ်ထဲ လဲၣ်ထဲလဲၣ်, ဒီးနသိအဖုအဂီၢ်တဖၣ်အါထီၣ်ဂီၢ်ထီၣ်လၢယတၢ်အံးထွဲကွၢ်ထွဲ အဖီလာ်န့ၣ်ဆံးအါဆံးအါန့ၣ်လီၤ.

လံာ်တၢ်ကဲထီၣ်အခီၣ်ထံး 30:4

ဒီးလၢတၢ်န့ၣ်အဃိနီၢ်ရၤဃ့လးဟ့ၣ်ဝဲအကုၢ်ပိာ်မုၣ်နီၢ်ဘံၤလဟၤ လၢအဝၤစီၤယၤကိာ်န့ၣ်လီၤ. ဒီးစီၤယၤကိာ်မံဃုာ်ဂဲၤဃုာ်ဒီးအီၤန့ၣ်လီၤ.

လံာ်တၢ်ကဲထီၣ်အခီၣ်ထံး 30:6

ဒီးနီၢ်ရၤဃ့လးစံးဝဲ, “ကစၢ်ယွၤစံၣ်ညီၣ်တီတၢ်လၢတၢ်ကွၢ် မဲာ်ယၤအပူၤလီၤ. အဝဲနၢ်ဟူတ့ၢ်လံယတၢ်ထုကဖၣ်ဒီးဟ့ၣ်ယၤလၢဖိခွါတဂၤလံ.” ဒီးယုၢ်ဝဲအမံၤလၢစီၤဒၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 35:22

ဖဲစီၤယၤကိာ်အိၣ်ဝဲဆိးဝဲလၢကီၢ်န့ၣ်အခါ, စီၤရူၤဘ့ၣ်လဲၤမံဃုာ်ဒီးနီၢ်ဘံၤလဟၤ, လၢအမ့ၢ်အပၢ်အသံၣ်မါ ကျါတဂၤန့ၣ်လီၤ. စီၤယၤကိာ်နၢ်ဟူတၢ်န့ၣ်ဒီးအသးကဲၤထီၣ်ဝဲဒၣ်န့ၣ်လီၤ. စီၤယၤကိာ်အိၣ်ဒီးအဖိခွါတဆံခံဂၤန့ၣ်လီၤ.

လံာ်တၢ်ကဲထီၣ်အခီၣ်ထံး 35:25

နီၢ်ရၤဃ့လးအကုၢ်ပိာ်မုၣ်နီၢ်ဘံၤလဟၤအဖိခွါမ့ၢ်ဝဲစီၤဒၣ် ဒီးစီၤနးသၤလံလီၤ.

လံာ်တၢ်ကဲထီၣ်အခီၣ်ထံး 46:25

ပှၤနွံဂၤအံၤ, မ့ၢ်စီၤယၤကိာ်အစၢၤအသွဲၣ်တဖၣ်လၢနီၢ်ဘံၤလဟၤ လၢအမ့ၢ်နီၢ်ရၤဃ့လးအကုၢ်လၢအပၢ်စီၤလၤဘၣ်ဟ့ၣ်အီၤဆံးစၢ် န့ၢ်အီၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 2:1

စီၤယၤကိာ်အိၣ်ဒီးအဖိခွါတဆံခံဂၤလၢအမ့ၢ်ဝဲ, စီၤရူၤဘ့ၣ်, စီၤစူၤမ့းအိၣ်, စီၤလ့ၤဝံ, စီၤယူဒၤ, စီၤယံးစၣ်ကၢ်, စီၤစဘူလိၣ်,

လံာ်တၢ်ဂံၢ် 1:5

ဒီးအအံၤမ့ၢ်ပိာ်ခွါတဖၣ်, ခိၣ်နၢ်တဖၣ်လၢပှၤအဒူၣ်တဖၣ်အပူၤ, လၢအဘၣ်တၢ်ဃုထၢအီၤလၢကမျၢၢ်ဒူၣ်ထၢအကျါလၢတၢ်မၤအံၤ အဂီၢ်လီၤ. ပှၤအဒူၣ် ပှၤအဒူၣ်အခိၣ် ရူၤဘ့ၣ် စီၤၡဒ့အူၢ်အဖိခွါစီၤအလံစူၢ် စူၤမ့းအိၣ် စီၤစူၤရံၡးဒံၤအဖိခွါစီၤၡ လူမံၤအ့လး ယူဒၤ စီၤဧမံၤနဒးအဖိခွါစီၤနၤဃၡိၣ် ယံးစၣ်ကၢ် စီၤစူဧၢ်အဖိခွါစီၤနၤသန့လး စဘူလိၣ် စီၤဃ့လူၣ်အဖိခွါစီၤအလံအာ် အ့ဖရဲၣ် စီၤဧးမံၤဟူးအဖိခွါစီၤအလံၡမၤ မနၤၡ့ၤ စီၤပဒၤစူၢ်အဖိခွါစီၤကမၤလ့လး ဘံၣ်ယၤမံၣ် စီၤကံးဒဧိနံၤအဖိခွါစီၤအဘံဒၣ် ဒၣ် စီၤဧးမံၤၡးဒံၤအဖိခွါစီၤအဃံၤဧ့စ့ၢ် အၤၡ့ၢ် စီၤဧးကရၣ်အဖိခွါစီၤပးကံၤအ့လး ကး စီၤဒဧူၤအ့လးအဖိခွါစီၤအ့လယၤစာ် နးသၤလံ စီၤဧ့နၣ်အဖိခွါစီၤအဃံရၤ

လံာ်မးသဲ 1:2

စးထီၣ်လၢစီၤအၤဘြၤဟၣ်တုၤလီၤလၢစီၤပၤဒၤဝံးန့ၣ်, ပှၤလၢအဟဲလီၤစၢၤတစိၤဘၣ်တစိၤမ့ၢ်ဒ်အဖီလာ်အသိးလီၤ. စီၤအၤဘြၤဟၣ်,

မၤတၢ် 7:8

အန့ၣ်ဝံၤကစၢ်ယွၤမၤတၢ်အၢၣ်လီၤအီလီၤဒီးစီၤအၤဘြၤဟၣ်, ဒီးအပနီၣ်မ့ၢ်ဝဲ, တၢ်ကူးတရံးအလုၢ်အလၢ်န့ၣ်လီၤ. သတးဒီး, စီၤအၤဘြၤဟၣ်ကူးတရံးဝဲအဖိခွါစီၤအံၤစဲး, ဖဲအအိၣ်ဖျဲၣ်ထီၣ်ဝံၤဃိးသီတသီန့ၣ်လီၤ. စီၤအံၤစဲးမၤဝဲတၢ်တမံၤဃီန့ၣ်လၢအဖိခွါစီၤယၤကိာ် အဂီၢ်, ဒီးစီၤယၤကိာ်မၤစ့ၢ်ကီးဝဲတၢ်တမံၤဃီန့ၣ်လၢအဖိခွါ တဆံခံဂၤ, လၢအမ့ၢ်ပပှၤကလုာ်အပၢ်ဖးဒိၣ်, မံၤဟူသၣ်ဖျါလၢပျၢၤတဖၣ်အဂီၢ်န့ၣ်လီၤ.