လံာ်တၢ်ကဲထီၣ်အခီၣ်ထံး 30:4 - Sgaw Karen Common Bible

⁴ ဒီးလၢတၢ်န့ၣ်အဃိနီၢ်ရၤဃ့လးဟ့ၣ်ဝဲအကုၢ်ပိာ်မုၣ်နီၢ်ဘံၤလဟၤ လၢအဝၤစီၤယၤကိာ်န့ၣ်လီၤ. ဒီးစီၤယၤကိာ်မံဃုာ်ဂဲၤဃုာ်ဒီးအီၤန့ၣ်လီၤ.

လံာ်တၢ်ကဲထီၣ်အခီၣ်ထံး 30:4 Iomraidhean Croise

လံာ်တၢ်ကဲထီၣ်အခီၣ်ထံး 16:2

မၤသးဒ်န့ၣ်ဒီး, နီၢ်စၤရဲစံးဘၣ်စီၤအၤဘြၣ်, “ယွၤတြီယၤဒ်သိးယဖိသုတအိၣ်တဂ့ၤလီၤ. လဲၤမံဃုာ်ဒီးယကုၢ်ပိာ်မုၣ်ဖိန့ၣ်တက့ၢ်. ဘၣ်တဘၣ်အဝဲကဒိးန့ၢ်ဘၣ်ဖိတဂၤလၢယဂီၢ်ကန့ၢ်ကသ့ဝဲလီၤ.” စီၤအၤဘြၣ်အသးလီၤပလိာ်ဒီးတၢ်လၢနီၢ်စၤရဲစံးဝဲဒၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 21:10

နီၢ်စၤရါထံၣ်အဝဲသ့ၣ်ဒီးစံးဘၣ်စီၤအၤဘြၤဟၣ်, “ဆှၢဖျိး ကွံာ်ပိာ်မုၣ်ဒီးအဖိခွါန့ၣ်တက့ၢ်. ကုၢ်ပိာ်မုၣ်အံၤအဖိခွါတကြၢးဒိးန့ၢ်ဘၣ်ကယဲၢ်နတၢ်ထူးတၢ်တီၤ တမံၤမံၤလၢယဖိခွါစီၤအံၤစဲးကန့ၢ်ဘၣ်သါန့ၣ်ဘၣ်.”

လံာ်တၢ်ကဲထီၣ်အခီၣ်ထံး 22:24

ဒီးနီၢ်ရူမၤလၢအမ့ၢ်စီၤနၤဃိၢ်အသံၣ်မါဆံးစၢ်န့ၢ်အီၤလၢ အဖိခွါစီၤတ့ဘာ်, စီၤကဃၣ်, စီၤတဃာ်ဒီးစီၤမၤကၤတဖၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 25:1

ဒီးစီၤအၤဘြၤဟၣ်န့ၢ်အမါလၢပိာ်မုၣ်အဂၤတဂၤလၢအမံၤမ့ၢ်ဝဲ နီၢ်ကတူရၤန့ၣ်လီၤ.

လံာ်တၢ်ကဲထီၣ်အခီၣ်ထံး 25:6

မ့မ့ၢ်, ဖဲအအိၣ်မူဒံးဝဲအခါန့ၣ်ဟ့ၣ်ဝဲတၢ်ဟ့ၣ်သ့ၣ်တဖၣ်ဆူ အဖိခွါတဖၣ်လၢအမါအဂၤတဖၣ်ဆံးစၢ်န့ၢ်အီၤန့ၣ်လီၤ. ဒီးဆှၢလီၤအဖိခွါသ့ၣ်တဖၣ်အံၤဆူကီၢ်လၢမုၢ်ထီၣ်လၢအယံၤ ဒီးအဖိခွါစီၤအံၤစဲးန့ၣ်လီၤ.

လံာ်တၢ်ကဲထီၣ်အခီၣ်ထံး 29:29

(ဒီးစီၤလၤဘၣ်ဟ့ၣ်အကုၢ်ပိာ်မုၣ်ဖိနီၢ်ဘံၤလဟၤဆူအဖိမုၣ် နီၢ်ရၤဃ့လးဒ်အခ့အပှၤပိာ်မုၣ်အသိးန့ၣ်လီၤ.)

လံာ်တၢ်ကဲထီၣ်အခီၣ်ထံး 30:5

ဒီးနီၢ်ဘံၤလဟၤဒၢထီၣ်ဒီးဆံးစၢ်န့ၢ်အဖိခွါလၢစီၤယၤကိာ် အဂီၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 33:2

အဝဲပာ်လီၤအသံၣ်မါခံဂၤဒီးအဖိတဖၣ်လၢတၢ်မဲာ်ညါကတၢၢ်, ဝံၤနီၢ်လ့ၤအၤဒီးအဖိတဖၣ်, ဒီးလၢခံကတၢၢ်နီၢ်ရၤဃ့လးဒီး စီၤယိၤသးအိၣ်ဝဲလၢတၢ်လီၢ်ခံကတၢၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 35:22

ဖဲစီၤယၤကိာ်အိၣ်ဝဲဆိးဝဲလၢကီၢ်န့ၣ်အခါ, စီၤရူၤဘ့ၣ်လဲၤမံဃုာ်ဒီးနီၢ်ဘံၤလဟၤ, လၢအမ့ၢ်အပၢ်အသံၣ်မါ ကျါတဂၤန့ၣ်လီၤ. စီၤယၤကိာ်နၢ်ဟူတၢ်န့ၣ်ဒီးအသးကဲၤထီၣ်ဝဲဒၣ်န့ၣ်လီၤ. စီၤယၤကိာ်အိၣ်ဒီးအဖိခွါတဆံခံဂၤန့ၣ်လီၤ.

လံာ်တၢ်ကဲထီၣ်အခီၣ်ထံး 46:25

ပှၤနွံဂၤအံၤ, မ့ၢ်စီၤယၤကိာ်အစၢၤအသွဲၣ်တဖၣ်လၢနီၢ်ဘံၤလဟၤ လၢအမ့ၢ်နီၢ်ရၤဃ့လးအကုၢ်လၢအပၢ်စီၤလၤဘၣ်ဟ့ၣ်အီၤဆံးစၢ် န့ၢ်အီၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 12:11

ယဆိၣ်တၢ်ဒီးနၤလၢယကဒုးအိၣ်ထီၣ်ပှၤတဂၤဂၤလၢနဟံၣ်ဖိဃီဖိအကျါ လၢကဟဲစိာ်တၢ်ကီတၢ်ခဲလၢနလိၤန့ၣ်လီၤ. နကထံၣ်ဘၣ်တၢ်န့ၣ်ဖဲယဟံးန့ၢ်ကွံာ်နမါတဖၣ်လၢနအိၣ် ဒီးဟ့ၣ်လီၤကွံာ်အဝဲသ့ၣ်ဆူပှၤအဂၤတဂၤအအိၣ်အခါ, ဒီးအဝဲကမံဃုာ်ဂဲၤဃုာ်ဒီးပိာ်မုၣ်တဖၣ်န့ၣ်လၢကမျၢၢ်အမဲာ်ညါ ဖဲမုၢ်ဆါအကတီၢ်န့ၣ်လီၤ.