လံာ်တၢ်ကဲထီၣ်အခီၣ်ထံး 30:32 - Sgaw Karen Common Bible

³² ပျဲယကွၢ်သမံသမိးနသိအဖုအဂီၢ်ခဲလၢာ်လၢမုၢ်မဆါတနံၤအံၤ ဒီးဟံးန့ၢ်ကယဲၢ်သိအသူအဃးခဲလၢာ်ဒီးမဲာ်တဲးလဲးသးစၢ်လၢ အကံၣ်စံၣ်ဘှဲမ့ၢ်ဂ့ၤကံၣ်ဖျၢၣ်သလၣ်မ့ၢ်ဂ့ၤန့ၣ်တက့ၢ်. တၢ်န့ၣ်မ့ၢ်တၢ်ဘူးတၢ်လဲလၢယသးလီအီၤန့ၣ်လီၤ.

လံာ်တၢ်ကဲထီၣ်အခီၣ်ထံး 30:32 Iomraidhean Croise

လံာ်တၢ်ကဲထီၣ်အခီၣ်ထံး 30:31

ဒီးစီၤလၤဘၣ်သံကွၢ်အီၤ, “ယကဘၣ်ဟ့ၣ်နၤတၢ်မနုၤလဲၣ်.” ဒီးစီၤယၤကိာ်စံးဆၢ, “ယတသးလီတၢ်အဘူးအလဲနီတမံၤဘၣ်. နမ့ၢ်ဘၣ်နသးလၢတၢ်ဟ့ၣ်ကူၣ်အံၤတမံၤဒီးယကအံးထွဲကွၢ်ထွဲ နသိအဖုအဂီၢ်တဖၣ်ဆူညါ, ဆူညါန့ၣ်လီၤ.

လံာ်တၢ်ကဲထီၣ်အခီၣ်ထံး 30:33

ခါဆူညါန့ၣ်, မ့ၢ်ယတီဒီးနၤကစီဒီဧါန့ၣ်နကထံၣ်ဘၣ်ညီကဒၣ် လီၤ. ဖဲနဟဲလၢနကသမံသမိးယတၢ်ဘူးတၢ်လဲန့ၣ်, နမ့ၢ်ထံၣ်လၢယအိၣ်ဒီးမဲာ်တဲးလဲးလၢအတကံၣ်စံၣ်ဘှဲမ့ၢ်ဂ့ၤ တကံၣ်ဖျၢၣ်သလၢၣ်မ့ၢ်ဂ့ၤ, သိလၢအတသူအတဃးမ့ၢ်ဂ့ၤန့ၣ်ဒီးနကသ့ၣ်ညါလၢအဘၣ်တၢ်ဟုၣ်န့ၢ် အီၤလံန့ၣ်လီၤ.”

လံာ်တၢ်ကဲထီၣ်အခီၣ်ထံး 30:35

ဘၣ်ဆၣ်ဒီး, လၢမုၢ်တနံၤန့ၣ်စီၤလၤဘၣ်သုးကွံာ်မဲာ်တဲးလဲး အဖါတဖၣ်လၢအကံၣ်တပလူာ်တပလူာ်ဒီးကံၣ်ဖျၢၣ်သလၢၣ်, ဒီးကယဲၢ်မဲာ်တဲးလဲးမိၢ်လၢအကံၣ်စံၣ်ဘှဲ, ဒီးကံၣ်ဖျၢၣ်သလၢၣ်ဒီးကယဲၢ်တၢ်လၢအအိၣ်ဒီးတၢ်အဝါလၢအလိၤ လီၤ. ဒီးအဝဲသုးကွံာ်စ့ၢ်ကီးသိအသူအဃးခဲလၢာ်န့ၣ်လီၤ. ဒီးမၢအဖိခွါတဖၣ်ကွၢ်ထွဲဝဲဒၣ်သိတဖၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 31:10

ဖဲဆၣ်ဖိကီၢ်ဖိတဖၣ်လူၤလိာ်သးအဆၢကတီၢ်န့ၣ်, ယမံမီၢ်တၢ်တခါဒီးယထံၣ်မဲာ်တဲးလဲးအဖါတဖၣ်လၢအလူၤတၢ်န့ၣ် မ့ၢ်ဝဲအတိၤပျ့, အကံၣ်စံၣ်ဘှဲ, ဒီးအကံၣ်စံၣ်ပိၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 31:8

တဘျီလၢ်လၢ်ဖဲစီၤလၤဘၣ်စံးဝဲမဲာ်တဲးလဲးတဖၣ်လၢအကံၣ်စံၣ် ဘှဲန့ၣ်ကမ့ၢ်နဘူးနလဲ, ဒီးကယဲၢ်သိဧိၤမဲာ်တဲးလဲးဧိၤခဲလၢာ်ဖှံလီၤအကံၣ်စံၣ်ဘှဲ န့ၣ်လီၤ. ဒီးဖဲအစံးမဲာ်တဲးလဲးတဖၣ်လၢအတိၤပျ့ကမ့ၢ်နဘူးနလဲ, ဒီးကယဲၢ်သိဧိၤမဲာ်တဲးလဲးဧိၤခဲလၢာ်ဖှံလီၤတၢ်လၢအတိၤ ပျ့တဖၣ်လီၤ.