လံာ်တၢ်ကဲထီၣ်အခီၣ်ထံး 30:27 - Sgaw Karen Common Bible

²⁷ စီၤလၤဘၣ်စံးဘၣ်အီၤ, “ပျဲယစံးတၢ်အံၤတက့ၢ်. ယမၤလိန့ၢ်တၢ်ခီဖျိတၢ်ဖးပှၤကညီအဘူၣ်အတီၤဒီးယနၢ်ပၢၢ်လၢ ယွၤဆိၣ်ဂ့ၤတ့ၢ်ယၤလၢနဃိလီၤ.

လံာ်တၢ်ကဲထီၣ်အခီၣ်ထံး 30:27 Iomraidhean Croise

လံာ်တၢ်ကဲထီၣ်အခီၣ်ထံး 12:3

ဒီးပှၤလၢအဆိၣ်ဂ့ၤနၤန့ၣ်ယကဆိၣ်ဂ့ၤအီၤဒီးပှၤလၢအဆိၣ်အၢနၤ န့ၣ်ယကဆိၣ်အၢအီၤလီၤ. ဒီးခီဖျိနၤန့ၣ်ယကဆိၣ်ဂ့ၤကယဲၢ်ပှၤကလုာ်တဖၣ်ခဲလၢာ်န့ၣ်လီၤ.”

လံာ်တၢ်ကဲထီၣ်အခီၣ်ထံး 18:3

ဒီးစံးဝဲ, “တၢ်ဒိၣ်သ့ၣ်ဧၢ, သုတအိၣ်ပတုာ်ဘၣ်ဒီးဝံသးစူၤ လဲၤပူၤကွံာ်ယဟံၣ်တဂ့ၤ. ယသးအိၣ်တူၢ်လိာ်သုလီၤ.

လံာ်တၢ်ကဲထီၣ်အခီၣ်ထံး 26:24

ဒီးလၢမုၢ်နၤဝဲန့ၣ်ယွၤလီၣ်ဖျါထီၣ်အသးလၢအီၤဒီးစံးဝဲ, “ယမ့ၢ်နပၢ်စီၤအၤဘြၤဟၣ်အကစၢ်ယွၤလီၤ. ပျံၤတၢ်တဂ့ၤ. ယအိၣ်ဒီးနၤလီၤ. ယကဆိၣ်ဂ့ၤနၤဒီးဟ့ၣ်လီၤနၤ လၢနစၢၤနသွဲၣ်အါအါဂီၢ်ဂီၢ်လီၤ. အဂ့ၢ်ဒ်အံၤ, တၢ်န့ၣ်မ့ၢ်ယတၢ်အၢၣ်လီၤ, ဒီးယခ့ယပှၤစီၤအၤဘြၤဟၣ်အဃိန့ၣ်လီၤ.”

လံာ်တၢ်ကဲထီၣ်အခီၣ်ထံး 30:30

တၢ်ဆံးကိာ်ဖိလၢအအိၣ်ဒီးနၤဖဲတချုးယဟဲန့ၣ်, ဒိၣ်ထီၣ်အါထီၣ်ဒိၣ်ဒိၣ်ကလဲာ်လီၤ. ဒီးကစၢ်ယွၤဆိၣ်ဂ့ၤတ့ၢ်နၤ ဖဲယလဲၤတၢ်တပူၤလၢ်လၢ်န့ၣ်လီၤ. ဒီးခဲကနံၣ်အံၤတၢ်ဆၢကတီၢ်တုၤဝဲလၢယဂီၢ်လၢယကဃုယတၢ်ဘၣ် ဘျုးဘၣ်ဖှိၣ်ဒၣ်ယဲအဂီၢ်န့ၣ်လီၤ.”

လံာ်တၢ်ကဲထီၣ်အခီၣ်ထံး 33:15

စီၤဧ့ၡီၤစံးဝဲ, “ပမ့ၢ်မၤဒ်န့ၣ်ဒီးပျဲယပာ်တီၢ်ယပှၤတနီၤ ဒီးနၤတက့ၢ်.” ဘၣ်ဆၣ်စီၤယၤကိာ်စံးဆၢဝဲ, “အဝဲန့ၣ်အလီၢ်တအိၣ်ဘၣ်. အဂ့ၢ်ဒ်အံၤ, ယအဲၣ်ဒိးထဲနတၢ်သးကညီၤကွၢ်မဲာ်ဧိၤလီၤ.”

လံာ်တၢ်ကဲထီၣ်အခီၣ်ထံး 34:11

ဒီးစီၤၡက့ၣ်စံးဘၣ်နီၢ်ဒံနၤအပၢ်ဒီးအဒီပုၢ်ဝဲၢ်ခွါတဖၣ်, “မ်သုသးကညီၤကွၢ်မဲာ်ယၤတက့ၢ်. ဒီးယကဟ့ၣ်သုတၢ်လၢသုအဲၣ် ဒိးတမံၤလၢ်လၢ်လီၤ.

လံာ်တၢ်ကဲထီၣ်အခီၣ်ထံး 44:5

ဘၣ်မနုၤအဟုၣ်န့ၢ်နကစၢ်အလီခီစ့န့ၣ်လဲၣ်. တၢ်န့ၣ်မ့ၢ်လီခီတဖျၢၣ်လၢအဝဲအီတၢ်လၢအပူၤ, လီခီတဖျၢၣ်လၢသူဝဲလၢကဖးတၢ်ခူသူၣ်အဂီၢ်န့ၣ်လီၤ. အဝဲသ့ၣ်မၤကမၣ်တ့ၢ်တၢ်ကမၣ်ဖးဒိၣ်တမံၤလီၤ.”

လံာ်တၢ်ကဲထီၣ်အခီၣ်ထံး 47:25

အဝဲသ့ၣ်စံးဆၢဝဲ, “ကစၢ်ဧၢ, နအုၣ်က့ၤခီၣ်က့ၤတ့ၢ်ပသးသမူ လံ. နဂ့ၤတ့ၢ်လၢပဖီခိၣ်လီၤ. ဒီးပကကဲထီၣ်စီၤပၤအကုၢ်အပှၤတဖၣ် လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 6:11

ယွၤအတၢ်အၢၣ်လီၤအီလီၤအတလါစီဆှံအိၣ်ဖဲန့ၣ်သၢလါဒီး ယွၤဆိၣ်ဂ့ၤစီၤဧိၤဘ့းအ့ဒိၣ်ဒီးအဟံၣ်ဖိဃီဖိန့ၣ်လီၤ.

လံာ်စီၤပၤအခီၣ်ထံးတဘ့ၣ် 11:19

စီၤဟၤဒးကဲထီၣ်စီၤပၤအတံၤသကိး, ဒီးစီၤပၤဟ့ၣ်လီၤအီၤ လၢအဝဲအမါဒၣ်ဝဲ, နီၢ်ပၤမုၣ်တၤပါန့ၤအဒီပုၢ်ဝဲၢ်မုၣ်တဂၤလၢကဒိးတ့ဒိးဖျီ အသးဒီးအီၤန့ၣ်လီၤ.

လံာ်စီၤနဃ့မယၤ 1:11

ဒီးခဲကနံၣ်အံၤဒိကနၣ်လၢ်ယတၢ်ထုကဖၣ်ဒီးကယဲၢ်နခ့နပှၤခဲလၢာ် လၢအသးအိၣ်ပာ်ထီၣ်ထီနၤအတၢ်ထုကဖၣ်န့ၣ်တက့ၢ်. တနံၤအံၤဟ့ၣ်လၢ်ယၤတၢ်မၤနၢၤဒီးမၢစီၤပၤသးကညီၤယၤတက့ၢ်. ဒီးလၢမုၢ်နံၤတဖၣ်အံၤန့ၣ်ယမ့ၢ်ပှၤစိာ်စီၤပၤဖးဒိၣ်အလီခီအီတၢ်န့ၣ်လီၤ.

လံာ်စီၤနဃ့မယၤ 2:5

ဒီးယစံးဘၣ်စီၤပၤဖးဒိၣ် “မ့ၢ်ဘၣ်စီၤပၤဖးဒိၣ်အသး, ဒီးသးအိၣ်ဟ့ၣ်တၢ်လၢယဃ့န့ၣ်, ပျဲယလဲၤဆူကီၢ်ယူဒၤ, ဆူဝ့ၢ်လၢယမိၢ်ပၢ်ဖံဖုလၢပျၢၤတဖၣ်ဘၣ်တၢ်ခူၣ်လီၤအီၤဒ်သိး ယသူၣ်ထီၣ်ကဒါက့ၤအီၤကသ့အဂီၢ်တက့ၢ်.”

စံးထီၣ်ပတြၢၤ 1:3

ဒီးကလီၤဂာ်ဒ်သ့ၣ်သူၣ်လီၤအသးလၢ ထံဖိကျိအနံၤ, လၢအသၣ်ထီၣ်လၢအကတီၢ်ဒၣ်ဝဲ, ဒီးအလၣ်တလီၤညွံးဘၣ်အသိးန့ၣ်လီၤ. တၢ်မၤတမံၤလၢ်လၢ်လၢအမၤဝဲန့ၣ် ကကဲထီၣ်လိၣ်ထီၣ်ဝဲလီၤ.

လံာ်တၢ်ဟးထီၣ်ကွံာ် 3:21

ဒီးယကမၤတုၤပှၤအဲၤကူပတူးဖိတဖၣ်ပာ်ဒိၣ်ပာ်ကဲသုဒ်သိးတုၤ ယပှၤဂီၢ်မုၢ်ဟးထီၣ်ကွံာ်န့ၣ်ဒီးအသုတဟးထီၣ်ဘၣ်ဝဲထဲအစု ယၢ်ခီတဂ့ၤန့ၣ်လီၤ.

လံာ်ယၡါယၤ 6:13

လၢပှၤအဂၤတဆံအကျါပှၤမ့ၢ်အိၣ်လီၤတဲာ်တ့ၢ်ထဲတဂၤဧိၤ လၢထံကီၢ်အံၤအပူၤဒၣ်လဲာ်, အဝဲစ့ၢ်ကီးကဘၣ်တၢ်မၤဟးဂီၤ ကွံာ်အီၤလီၤ. အဝဲကလီၤဂာ်ဒ်သ့ထိးဖၣ်အခိၣ် ဆၢၣ်လၢအအိၣ်လီၤတဲာ်ဖဲတၢ်ကူၢ်လီၤအီၤဝံၤအလီၢ်ခံလီၤ.” (သ့ၣ်ခိၣ်ဆၢၣ်မ့ၢ်တၢ်ဒိလီၤတၢ်စးထီၣ်အသီတမံၤလၢယွၤ အပှၤဂီၢ်မုၢ်အဂီၢ်န့ၣ်လီၤ.)

လံာ်ယၡါယၤ 61:9

အဝဲသ့ၣ်အမံၤကဟူသၣ်ကဖျါလၢ ပှၤကလုာ်တဖၣ်အကျါ, ပှၤတဂၤလၢ်လၢ်လၢအထံၣ်အဝဲသ့ၣ်န့ၣ် ကသ့ၣ်ညါဝဲလၢ အဝဲသ့ၣ်မ့ၢ်ပှၤဂီၢ်မုၢ်တဖုလၢ ယဆိၣ်ဂ့ၤတ့ၢ်လံအီၤန့ၣ်လီၤ.”

လံာ်ယၡါယၤ 65:8

ယွၤစံးဝဲဒၣ်, “စပံးသၣ်လၢအဂ့ၤတဖၣ်န့ၣ်ပှၤ တမၤဟးဂီၤကွံာ်နီတဂၤဘၣ်. အခိၣ်တလိာ်, အဝဲသ့ၣ်ဒုးကဲထီၣ်စပံးထံလၢစပံးသၣ်တဖၣ်အံၤလီၤ. ဒ်န့ၣ်အသိးယတမၤဟးဂီၤယပှၤဂီၢ်မုၢ်ခဲလၢာ်ဘၣ်, ယကအုၣ်က့ၤခီၣ်က့ၤပှၤသ့ၣ်တဖၣ်လၢအမၤန့ၢ်ယၤ လၢတၢ်ခ့တၢ်ပှၤအတၢ်မၤန့ၣ်လီၤ.

လံာ်ဒၤနံးယ့လး 1:9

ဒီးကစၢ်ယွၤမၤတ့ၢ်ဝဲဒ်သိးစီၤအၤၡပနးကသူၣ်အိၣ်သးအိၣ် စီၤဒၤနံးယ့လးန့ၣ်လီၤ.

လံာ်တၢ်ဂံၢ် 11:11

ဒီးအဝဲဒၣ်စံးဘၣ်ယွၤ, “ဘၣ်မနုၤလၢနမၤဘၣ်ယၤအၢထဲအံၤ န့ၣ်လဲၣ်. ဘၣ်မနုၤလၢနတဘၣ်နသးလၢယၤန့ၣ်လဲၣ်. ဘၣ်မနုၤလၢနဟ့ၣ်ယၤမူဒါလၢပှၤဂီၢ်မုၢ်အံၤအဂီၢ်န့ၣ်လဲၣ်.

လံာ်တၢ်ဂံၢ် 11:15

နမ့ၢ်အဲၣ်ဒိးမၤယၤဒ်အံၤန့ၣ်ဒီးသးကညီၤယၤဒီးမၤသံကွံာ် ယၤဒ်သိးယသုတတူၢ်ဘၣ်နတၢ်မၤဆါလၢတအိၣ်ဒီးတၢ်သးကညီၤအံၤ လၢၤတဂ့ၤန့ၣ်တက့ၢ်.”

မၤတၢ် 7:10

ဒီးမၤပူၤမၤဖျဲးအီၤတဘျီလၢ်လၢ်ဖဲအဘၣ်တၢ်ကီတၢ်ခဲ အကတီၢ်န့ၣ်လီၤ. တုၤအလဲၤထီၣ်ဘၣ်လၢကီၢ်အဲၤကူပတူးအစီၤပၤဖၤရိၤအမဲာ် ညါဒီး, ကစၢ်ယွၤဟ့ၣ်အီၤတၢ်ပာ်သူၣ်ပာ်သးဒီးတၢ်ကူၣ်သ့ကူၣ် ဘၣ်လၢအထုးန့ၢ်စီၤပၤဖၤရိၤအသးသတးဒီး, စီၤပၤန့ၣ်ဒုးကဲထီၣ်အီၤလၢပဒိၣ်ပၢတၢ်လၢကီၢ်အဲၤကူပတူး အဖီခိၣ်, ဒီးလၢအနူၢ်အစီၤအဖီခိၣ်န့ၣ်လီၤ.

လံာ်နီၢ်ရူၤသး 2:13

တုၤနုၤတစု, နီၢ်ရူၤသးစံးဆၢဝဲဒၣ်, “ယကစၢ်ဧၢ, နမ့ၢ်ပှၤလၢအမၤဘျုးမၤဖှိၣ်ယၤဒိၣ်မးလီၤ. အဂ့ၢ်ဒ်အံၤ, ယမ့တမ့ၢ်ဘၣ်ဒ်ပှၤဒ်သိးဒီးနကုၢ်ပိာ်မုၣ်အကျါတဂၤ ဘၣ်ဆၣ်နမၤသးမုာ်ယၤလၢနတၢ်ကတိၤတၢ်မုာ်မုာ်ခုၣ်ခုၣ် တဖၣ်န့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 16:22

အန့ၣ်ဝံၤဒီးစီၤစီလူးဆှၢလီၤတၢ်ကစီၣ်တမံၤဆူစီၤယံးၡဲအအိၣ်, “ယဘၣ်သူၣ်ဘၣ်သးလၢစီၤဒၤဝံးလီၤ. ပျဲအအိၣ်ဖဲအံၤလၢယတၢ်ဖံးတၢ်မၤအပူၤတက့ၢ်.”