လံာ်တၢ်ကဲထီၣ်အခီၣ်ထံး 30:26 - Sgaw Karen Common Bible

²⁶ ဟ့ၣ်ယၤယမါတဖၣ်ဒီးယဖိတဖၣ်လၢယမၤန့ၢ်အီၤခီဖျိလၢယမၤနတၢ် လၢအဃိ, ဒီးယကဟးထီၣ်လီၤ. ယမၤတ့ၢ်တၢ်လၢနဂီၢ်ဂ့ၤဝဲအါဝဲဆံးဒိၣ်လဲၣ်န့ၣ်နသ့ၣ်ညါလီၤ.”

လံာ်တၢ်ကဲထီၣ်အခီၣ်ထံး 30:26 Iomraidhean Croise

လံာ်တၢ်ကဲထီၣ်အခီၣ်ထံး 29:18

စီၤယၤကိာ်အဲၣ်ဝဲနီၢ်ရၤဃ့လးအဃိဒီးစံးဝဲ, “နမ့ၢ်ပျဲယဖျီဃုာ်ယသးဒီးနီၢ်ရၤဃ့လၤန့ၣ်ယကမၤတၢ်လၢနဂီၢ် နွံနံၣ်လီၤ.”

လံာ်တၢ်ကဲထီၣ်အခီၣ်ထံး 29:30

ဒီးစီၤယၤကိာ်မံဃုာ်ဂဲၤဃုာ်စ့ၢ်ကီးဒီးနီၢ်ရၤဃ့လး, ဒီးအဲၣ်ဝဲနီၢ်ရၤဃ့လးအါန့ၢ်နီၢ်လ့ၤအၤန့ၣ်လီၤ. ဒီးမၤကဒီးတၢ်လၢစီၤလၤဘၣ်အဂီၢ်ဆူညါနွံနံၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 31:26

ဒီးစီၤလၤဘၣ်စံးဘၣ်စီၤယၤကိာ်, “ဘၣ်မနုၤလၢနလီန့ၢ်ယၤ ဒီးစိာ်ထီၣ်ကွံာ်ယဖိမုၣ်တဖၣ်ဒ်ပိာ်မုၣ်တဖၣ်လၢတၢ်ဖီၣ်န့ၢ်အီၤ လၢတၢ်ဒုးတၢ်ယၤအပူၤအသိးန့ၣ်လဲၣ်.

လံာ်တၢ်ကဲထီၣ်အခီၣ်ထံး 31:31

စီၤယၤကိာ်စံးဆၢဝဲ, “ယဘၣ်ယိၣ်လၢနကဟံးန့ၢ်က့ၤနဖိမုၣ် တဖၣ်လၢယအိၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 31:6

ဒီးသုခံဂၤလိာ်သုသ့ၣ်ညါလၢယမၤတ့ၢ်လံတၢ်လၢသုပၢ်အဂီၢ် လၢာ်ဂံၢ်လၢာ်ဘါလီၤ.

လံာ်ဟိၤၡ့ 12:12

ပပၢ်ဖးဒိၣ်လၢပျၢၤစီၤယၤကိာ်ဘၣ်ဃ့ၢ်ကွံာ်ဆူကီၢ်မ့းစပတၤမံ, တၢ်လီၢ်ဖဲကမၤန့ၢ်အမါတဂၤအဂီၢ်, အဝဲမၤတၢ်လၢပှၤအဂၤတဂၤအဂီၢ်ဒီးကွၢ်ထွဲန့ၢ်အဝဲအသိတဖၣ်န့ၣ်လီၤ.