လံာ်တၢ်ကဲထီၣ်အခီၣ်ထံး 30:23 - Sgaw Karen Common Bible

²³ ဒီးနီၢ်ရၤဃ့လးဒၢထီၣ်ဒီးဆံးစၢ်န့ၢ်အဖိခွါတဂၤလီၤ. ဒီးစံးဝဲ, “ကစၢ်ယွၤထုးထီၣ်ကွံာ်ယတၢ်ဘၣ်ဒုၣ်ဒွဲၣ်ခီဖျိ တၢ်ဟ့ၣ်ယၤဖိခွါတဂၤန့ၣ်လီၤ.

လံာ်တၢ်ကဲထီၣ်အခီၣ်ထံး 30:23 Iomraidhean Croise

လံာ်တၢ်ကဲထီၣ်အခီၣ်ထံး 29:31

ဒီးတုၤယွၤထံၣ်ဝဲဒၣ်လၢနီၢ်လ့ၤအၤဘၣ်တၢ်အဲၣ်အီၤစှၤန့ၢ် နီၢ်ရၤဃ့လးန့ၣ်မၤဝဲဒ်သိးနီၢ်လ့ၤအၤအိၣ်ဒီးအဖိကသ့ဝဲ အဂီၢ်န့ၣ်လီၤ. မ့မ့ၢ်, နီၢ်ရၤဃ့လးအိၣ်ဒံးဝဲဒ်ပှၤတူာ်ဖိအသိးန့ၣ်လီၤ.

လံာ်ယၡါယၤ 4:1

ဖဲတၢ်ဆၢကတီၢ်အဝဲန့ၣ်ဟဲတုၤဝဲဒီး, ပိာ်မုၣ်နွံဂၤကစှီၤဃာ် ပိာ်ခွါတဂၤဒီးစံး, “ပလုၢ်အီၣ်လုၢ်အီ ပသးဒီးမၤကူမၤကၤဒၣ်ပဝဲသ့လီၤ. ဘၣ်ဆၣ်ပျဲပစံးလၢနမ့ၢ် ပဝၤဒ်သိးပသုတတူၢ်ဘၣ်တၢ်မဲာ်ဆှးလၢပဝၤတအိၣ်ဘၣ် အဃိတဂ့ၤန့ၣ်တက့ၢ်.”

လံာ်လူၤကၣ် 1:21

ဖဲအဆၢကတီၢ်ဝဲန့ၣ်ပှၤဂီၢ်မုၢ်တဖၣ်အိၣ်ခိးစီၤစဃၤရံလၢတၢ်ချၢဒီး ကမၢကမၣ်ဝဲလၢအဝဲဒၣ်အိၣ်လၢတၢ်လုၢ်ဟံၣ်အပူၤယံာ်တ့ၢ် ဃဲးဃဲးအဃိန့ၣ်လီၤ.

လံာ်လူၤကၣ် 1:25

“ခဲကနံၣ်အံၤကစၢ်ယွၤမၤစၢၤလံယၤလံ,” အဝဲဒၣ်စံးဝဲ, “အဝဲဒၣ်စိာ်ကွံာ်လံတၢ်လၢအမၤမဲာ်ဆှးယၤလၢပှၤ ဂီၢ်မုၢ်ဂီၢ်ပၤအမဲာ်ညါတမံၤန့ၣ်လံ.”

လံာ်လူၤကၣ် 1:27

အဝဲဒၣ်အိၣ်ဒီးတၢ်ကစီၣ်တမံၤလၢပှၤမုၣ်ကနီၤတဂၤလၢ အဘၣ်တၢ်အၢၣ်လီၤပာ်အီၤလၢအကကဲထီၣ်ပှၤတဂၤလၢ အမံၤမ့ၢ်စီၤယိၤသးအမါအဂီၢ်န့ၣ်လီၤ. စီၤယိၤသးမ့ၢ်ဝဲပှၤဟဲလီၤစၢၤလီၤသွဲၣ်လၢစီၤပၤဒၤဝံး အဒူၣ်ဖိထၢဖိဒီးမုၣ်ကနီၤအမံၤမ့ၢ်နီၢ်မၤရံလီၤ.

လံာ်ပှၤစံၣ်ညီၣ်ကွီၢ် 11:37

ဘၣ်ဆၣ်ဒီးအဝဲဃ့တၢ်လၢအပၢ်, “မၤတၢ်တမံၤအံၤလၢယဂီၢ်တက့ၢ်. ပျဲယၤခံလါဒ်သိးယကလဲၤဟးဆူကစၢၢ်ကလိဃုာ်ဒီး ယတံၤသကိးတဖၣ်ဒီးသူၣ်အုးသးအုးမ့ၢ်လၢယကဘၣ်သံဒ်မုၣ်လိၤဘိတဂၤအသိးအဃိန့ၣ်တက့ၢ်.”