လံာ်တၢ်ကဲထီၣ်အခီၣ်ထံး 30:20 - Sgaw Karen Common Bible

²⁰ ဒီးနီၢ်လ့ၤအၤစံးဝဲ, “ကစၢ်ယွၤဟ့ၣ်ယၤတၢ်ဟ့ၣ်လၢအဂ့ၤလံ. ဒီးခဲကနံၣ်အံၤယဝၤကတူၢ်လိာ်ယၤမ့ၢ်လၢယဆံးစၢ်န့ၢ်အီၤဖိ ခွါဃုဂၤလၢအဂီၢ်အဃိလီၤ.” ဒီးယုၢ်ဝဲအမံၤလၢစီၤစဘူလိၣ်လီၤ.

လံာ်တၢ်ကဲထီၣ်အခီၣ်ထံး 30:20 Iomraidhean Croise

လံာ်တၢ်ကဲထီၣ်အခီၣ်ထံး 29:34

ဒီးဒၢထီၣ်ကဒီးဝဲဒီးဆံးစၢ်ထီၣ်အဖိခွါတဂၤန့ၣ်လီၤ. ဒီးစံးဝဲ, “ဒီးခဲကနံၣ်အံၤ, ယဝၤကဘျုးအသးအါထီၣ်ဒီးယၤ လီၤ. အဂ့ၢ်ဒ်အံၤ, ယဆံးစၢ်န့ၢ်အဖိခွါသၢဂၤအဃိလီၤ.” ဒီးယုၢ်အမံၤလၢစီၤလ့ၤဝံလီၤ.

လံာ်တၢ်ကဲထီၣ်အခီၣ်ထံး 30:15

ဒီးနီၢ်လ့ၤအၤစံးဆၢဝဲ, “နဟံးန့ၢ်ကွံာ်ယဝၤန့ၣ်မ့ၢ်တလၢ ဒံးဘၣ်ဧါ. ဒီးခဲကနံၣ်အံၤဒၣ်လဲာ်နဂုာ်ကျဲးစၢးဟံးန့ၢ်ကွံာ်ယဖိခွါ အဒူးဒးသၣ်န့ၣ်လီၤ.” ဒီးနီၢ်ရၤဃ့လးစံးဝဲဒၣ်, “နမ့ၢ်ဟ့ၣ်ယၤလၢနဖိခွါအဒူးဒးသၣ်န့ၣ်တနၤအံၤနမံလၢစီၤ ယၤကိာ်သ့လီၤ.”

လံာ်တၢ်ကဲထီၣ်အခီၣ်ထံး 30:19

ဒီးနီၢ်လ့ၤအၤဒၢထီၣ်ကဒီး, ဒီးဆံးစၢ်န့ၢ်အဖိခွါဃုဂၤ တဂၤလၢစီၤယၤကိာ်အဂီၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 30:21

ဒီးလၢခံက့ၤဆံးစၢ်န့ၢ်အဖိမုၣ်တဂၤဒီးယုၢ်ဝဲအမံၤလၢနီၢ်ဒံနၤလီၤ.

လံာ်တၢ်ကဲထီၣ်အခီၣ်ထံး 34:12

သုအဲၣ်ဒိးတၢ်ဟ့ၣ်ကနၢၤမနုၤတဖၣ်လဲၣ်န့ၣ်တဲဘၣ်ယၤတက့ၢ်. ပာ်တလးမူးပိာ်မုၣ်အပှ့ၤဖဲသုအဲၣ်ဒိးဃ့တက့ၢ်. ထဲသုမ့ၢ်ပျဲယဒိးတ့ဒိးဖျီယသးဒီးအီၤန့ၣ်, ယကဟ့ၣ်သုတၢ်တမံၤလၢ်လၢ်လၢသုဃ့န့ၣ်လီၤ.”

လံာ်တၢ်ကဲထီၣ်အခီၣ်ထံး 35:23

နီၢ်လ့ၤအၤအဖိခွါတဖၣ်မ့ၢ်ဝဲ, စီၤရူၤဘ့ၣ် (စီၤယၤကိာ်အဖိ ဝဲၢ်ကိ) စီၤစူၤမ့းအိၣ်, စီၤလ့ၤဝံ, စီၤယူဒၤ, စီၤယံးစၣ်ကၢ်ဒီး စီၤစဘူလိၣ်လီၤ.

လံာ်တၢ်ကဲထီၣ်အခီၣ်ထံး 46:14

စီၤစဘူလိၣ်အိၣ်ဒီးအဖိခွါတဖၣ်လၢအမ့ၢ်ဝဲ, စီၤစ့ရ့း, စီၤအ့လိၣ်ဒီးစီၤယၤလအ့လးလီၤ.

လံာ်တၢ်ကဲထီၣ်အခီၣ်ထံး 49:13

စီၤစဘူလိၣ်ကအိၣ်ကဆိးလၢပီၣ်လဲၣ်နံၤလီၤ. အထံကၢၢ်ခိၣ်ကမ့ၢ်သန့တခါလၢကဘီတဖၣ်အဂီၢ်လီၤ. အတၢ်န့ၢ်သါအကီၢ်န့ၣ်ကလဲၤဝဲယံၤတုၤလၢဝ့ၢ်စံဒိၣ်ဒၣ်လဲာ်လီၤ.

စံးထီၣ်ပတြၢၤ 68:27

ဒူၣ်အဆံးကတၢၢ်, ဘံၣ်ယၤမံၣ်ဟဲလၢညါ, ဝံၤဒီးယူဒၤအခိၣ်အနၢ်တဖၣ်ဒီး အဝဲသ့ၣ်အကရူၢ်လၢ စဘူလိၣ်ဒီးနးသၤလံ အပှၤခိၣ်ပှၤနၢ်တဖၣ် ပိာ်ထွဲထီၣ်အခံန့ၣ်လီၤ.

လံာ်တၢ်ဟးထီၣ်ကွံာ် 22:17

ဘၣ်ဆၣ်ဒီးလၢအဝဲကဖျီအသးဒီးပိာ်မုၣ်ဖိအဂီၢ်, ပိာ်မုၣ်ဖိအပၢ်မ့ၢ်ဂ့ၢ်လိာ်ဝဲန့ၣ်အဝဲကဘၣ်လိးက့ၤတိၢ်ထဲသိး ဒီးတလးမူးပိာ်မုၣ်တဂၤအပှ့ၤလၢမုၣ်လိၤဘိအဂီၢ်, ဆူအပၢ်အအိၣ်န့ၣ်လီၤ.

လံာ်မးသဲ 4:13

အဝဲတအိၣ်ဝဲဖဲဝ့ၢ်နစၤရ့းဘၣ်. မ့မ့ၢ်လဲၤအိၣ်ဝဲဆိးဝဲလၢဝ့ၢ်ကပ့းရနီၣ် လၢအသူၣ်လီၤအသးလၢပီၣ်လဲၣ်ကၤလံၤလါအနံၤလၢကီၢ်ဆၣ်စဘူလိၣ် ဒီးနးသၤလံအဃၢၤ,

လံာ်သိၣ်လီၤသီလီၤတၢ် 27:13

ဒီးပှၤအဒူၣ်လၢလာ်တဖၣ်အံၤကဆၢထၢၣ်ဝဲလၢကစၢၢ်ဧ့ၤဘါလးအဒီ ခိၣ်ဖဲတၢ်ဆိၣ်အၢတဖၣ်ဘၣ်တၢ်ယၢၤထီၣ်အီၤန့ၣ်လီၤ. ပှၤအဒူၣ်တဖၣ်န့ၣ်မ့ၢ်ဝဲရူၤဘ့ၣ်အဒူၣ်, ကးအဒူၣ်, အၤၡ့ၢ်အဒူၣ်, စဘူၤလိၣ်အဒူၣ်, ဒၣ်အဒူၣ်ဒီးနးသၤလံအဒူၣ်န့ၣ် လီၤ.

လံာ်ပှၤစံၣ်ညီၣ်ကွီၢ် 4:10

လၢတၢ်န့ၣ်အဃိစီၤဘါရးကိးန့ၢ်ပှၤစဘူလိၣ်အဒူၣ်, ဒီးပှၤနးသၤလံအဒူၣ်တဖၣ်ဆူက့ဒ့ၣ် ဒီးပှၤပိာ်ခွါအဂၤတကလးပိာ်ထီၣ်အခံလီၤ. ဒီးနီၢ်ဒဘိရၤလဲၤဃုာ်ဒီးအီၤန့ၣ်လီၤ.

လံာ်ပှၤစံၣ်ညီၣ်ကွီၢ် 5:14

အဝဲသ့ၣ်ဟဲဝဲလၢအ့ဖရဲၣ်, ပှၤတဖၣ်လၢအိၣ်ဆိးဝဲလၢကီၢ်ဧမၤလ့း, လၢဘံၣ်ယၤမံၣ်အဒူၣ်ဒီးအပှၤဂီၢ်မုၢ်အလီၢ်ခံလီၤ. သုးခိၣ်ဖးဒိၣ်တဖၣ်ဟဲဝဲလၢကီၢ်မၤကံၢ်, ဒီးသုးခိၣ်သုးနၢ်တဖၣ်ဟဲဝဲလၢကီၢ်စဘူလိၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 18:25

ဒီးစီၤစီလူးမၤလိာ်အဝဲသ့ၣ်လၢကတဲဘၣ်စီၤဒၤဝံး, “ကယဲၢ်တၢ်လၢစီၤပၤသးလီလၢနအိၣ်ဒ်တၢ်အပှ့ၤလၢတလးမူးပိာ် မုၣ်အဂီၢ်န့ၣ်မ့ၢ်ပှၤဖလ့ၡသးဖိအဂၤတကယၤလၢအသံဝဲအတၢ်အခိၣ် ဖံး, လၢတၢ်ဟ့ၣ်ကၣ်က့ၤအဒုၣ်အဒါတဖၣ်အဂီၢ်န့ၣ်လီၤ.” (တၢ်အံၤမ့ၢ်စီၤစီလူးအတၢ်ကူၣ်ကျဲၤလၢစီၤဒၤဝံးကဘၣ်တၢ်မၤ သံအီၤလၢပှၤဖလ့ၡသးဖိတဖၣ်ဒ်လဲၣ်အဂ့ၢ်န့ၣ်လီၤ.)