လံာ်တၢ်ကဲထီၣ်အခီၣ်ထံး 30:2 - Sgaw Karen Common Bible

² ဒီးစီၤယၤကိာ်အသးထီၣ်နီၢ်ရၤဃ့လးဒီးစံးဝဲဒၣ်, “ယဟံးန့ၢ်ယွၤအလီၢ်တသ့ဘၣ်. ယွၤမ့ၢ်ပှၤတဂၤလၢအတြီ ဃာ်နၤလၢတၢ်အိၣ်ဒံၣ်အိၣ်ဖိတဖၣ်န့ၣ်လီၤ.”

လံာ်တၢ်ကဲထီၣ်အခီၣ်ထံး 30:2 Iomraidhean Croise

လံာ်တၢ်ကဲထီၣ်အခီၣ်ထံး 16:2

မၤသးဒ်န့ၣ်ဒီး, နီၢ်စၤရဲစံးဘၣ်စီၤအၤဘြၣ်, “ယွၤတြီယၤဒ်သိးယဖိသုတအိၣ်တဂ့ၤလီၤ. လဲၤမံဃုာ်ဒီးယကုၢ်ပိာ်မုၣ်ဖိန့ၣ်တက့ၢ်. ဘၣ်တဘၣ်အဝဲကဒိးန့ၢ်ဘၣ်ဖိတဂၤလၢယဂီၢ်ကန့ၢ်ကသ့ဝဲလီၤ.” စီၤအၤဘြၣ်အသးလီၤပလိာ်ဒီးတၢ်လၢနီၢ်စၤရဲစံးဝဲဒၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 25:21

ဒီးမ့ၢ်လၢနီၢ်ရံးဘကၤအဖိတအိၣ်ဘၣ်အဃိစီၤအံၤစဲးဘါထုကဖၣ် လၢအဂီၢ်န့ၣ်လီၤ. ဒီးယွၤစံးဆၢအတၢ်ထုကဖၣ်ဒီးနီၢ်ရံးဘကၤဒၢထီၣ်ဝဲဒၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 29:31

ဒီးတုၤယွၤထံၣ်ဝဲဒၣ်လၢနီၢ်လ့ၤအၤဘၣ်တၢ်အဲၣ်အီၤစှၤန့ၢ် နီၢ်ရၤဃ့လးန့ၣ်မၤဝဲဒ်သိးနီၢ်လ့ၤအၤအိၣ်ဒီးအဖိကသ့ဝဲ အဂီၢ်န့ၣ်လီၤ. မ့မ့ၢ်, နီၢ်ရၤဃ့လးအိၣ်ဒံးဝဲဒ်ပှၤတူာ်ဖိအသိးန့ၣ်လီၤ.

လံာ်တၢ်ကဲထီၣ်အခီၣ်ထံး 31:36

တုၤနုၤတစု, စီၤယၤကိာ်အသးထီၣ်ဒီးသံကွၢ်ဝဲလၢတၢ်သးဒိၣ် အပူၤ, “ယလုၣ်သ့ၣ်ခါပတာ်တ့ၢ်တၢ်သိၣ်တၢ်သီမနုၤလဲၣ်. ယမၤဟးဂီၤတၢ်သိၣ်တၢ်သီမနုၤလၢအဟ့ၣ်နၤတၢ်ခွဲးတၢ်ယာ်ဒ်သိး နကလူၤဖီၣ်ယၤန့ၣ်လဲၣ်.

လံာ်တၢ်ကဲထီၣ်အခီၣ်ထံး 50:19

ဘၣ်ဆၣ်ဒီး, စီၤယိၤသးစံးဘၣ်အဝဲသ့ၣ်, “ပျံၤတၢ်တဂ့ၤ. ယပာ်လီၤယသးလၢကစၢ်ယွၤအလီၢ်တသ့ဘၣ်.

လံာ်စီၤပၤခံဘ့ၣ်တဘ့ၣ် 5:7

တုၤကီၢ်အံၣ်စရ့လးအစီၤပၤဖးလံာ်ပရၢအံၤဝံၤန့ၣ်အဝဲဖှီယာ် အကူအသိးတဖၣ်လၢတၢ်ကမၢကမၣ်အပူၤဒီးစံးဝဲဒၣ်, “ကီၢ်စူၤရံအစီၤပၤဆၢဝဲလၢယကမၤဘျါက့ၤပှၤတဂၤအံၤကသ့ ဝဲဒ်လဲၣ်. မ့ၢ်အဝဲဆိကမိၣ်ဝဲလၢယမ့ၢ်ကစၢ်ယွၤ, လၢအအိၣ်ဒီးတၢ်မူဒီးတၢ်သံအတၢ်စိတၢ်ကမီၤန့ၣ်ဧါ. တၢ်အံၤမ့ၢ်တၢ်လၢအဖျါဝဲလၢအဝဲစးထီၣ်ဃုတၢ်အ့ၣ်လိာ်အသးဒီး ယၤန့ၣ်လီၤ.”

စံးထီၣ်ပတြၢၤ 113:9

အဝဲမၤလၤကပီၤပိာ်မုၣ်တူာ်ဖိတဖၣ် လၢအဟံၣ်ပူၤ, ဒုးသးခုအဝဲသ့ၣ်ခီဖျိဟ့ၣ်အီၤဖိတဖၣ်န့ၣ်လီၤ. စံးထီၣ်ပတြၢၤယွၤတက့ၢ်.

စံးထီၣ်ပတြၢၤ 127:3

ကွၢ်ကွၢ်, ပဖိပလံၤန့ၣ်မ့ၢ်တၢ်န့ၢ်သါဟဲလၢယွၤလီၤ. ဒီးပှၤဒၢလီၢ်အတၤသၣ်န့ၣ် မ့ၢ်တၢ်အဘူးအလဲလီၤ.

လံာ်တၢ်ဟးထီၣ်ကွံာ် 32:19

ဖဲစီၤမိၤၡ့ဟဲဘူးထီၣ်ဆူသူၣ်ဒဲအလီၢ်တုၤအထံၣ်ဃီၤဂီၤဖံး ဖါဖိဒီးပှၤဂီၢ်မုၢ်ဂဲၤကလံာ်ဝဲန့ၣ်, အသးကဲၤထီၣ်ဝဲဒၣ်လီၤ. ဖဲန့ၣ်လၢကစၢၢ်ခီၣ်ထံးန့ၣ်, အဝဲကွံာ်လီၤတဲာ်လၢၢ်ဘ့ၣ်ဘၣ်တဖၣ်လၢအစိာ်ဝဲဒီးမၤကၢ်ကွံာ်ဝဲန့ၣ်လီၤ.

လံာ်မးသဲ 5:22

မ့မ့ၢ်ခဲအံၤယစံးဘၣ်သုလၢပှၤတဂၤလၢ်လၢ်လၢအသူၣ်ဒိၣ်သး ဖျိးအဒီပုၢ်ဝဲၢ်ပှၤစူၢ်က့ၤနာ်က့ၤတၢ်န့ၣ်, ကဘၣ်တၢ်ဆှၢထီၣ်အီၤလၢစံၣ်ညီၣ်ကွီၢ်အတၢ်သမံသမိးအဂီၢ်, ဒီးပှၤတဂၤလၢ်လၢ်လၢအကတိၤဒုၣ်ဒွဲၣ်အဒီပုၢ်ဝဲၢ်ပှၤစူၢ်က့ၤ နာ်က့ၤတၢ်န့ၣ်, ကဘၣ်တၢ်ဆှၢထီၣ်အီၤဆူပှၤယူဒၤဖိအပှၤဒိၣ်ပှၤပှၢ်တဖၣ်အကီၣ် ကးလီၤ. ပှၤတဂၤလၢ်လၢ်လၢအကိးအဒီပုၢ်ဝဲၢ်ပှၤစူၢ်က့ၤနာ်က့ၤတၢ်လၢ ပှၤဟးဂီၤဖိန့ၣ်, ဂ့ၤဘၣ်တၢ်ဆှၢအီၤဆူလရာ်မ့ၣ်အူအပူၤလီၤ.

လံာ်မၢ်ကူး 3:5

ယ့ၣ်ၡူးကွၢ်ဃီၤပှၤတဖၣ်လၢအအိၣ်ဝးတရံးအီၤဒီး အသးဒိၣ်ဘၣ်အဝဲသ့ၣ်လီၤ. ဘၣ်ဆၣ်ဒီးတဘျီဃီဖဲန့ၣ်အသးအုးဝဲလၢအဝဲသ့ၣ်တဖၣ်ပာ်ကိၤ အသးဒိၣ်ဒိၣ်ကလဲာ်ဒီးအတၢ်ပာ်သးကမၣ်အဃိလီၤ. အန့ၣ်ဝံၤစံးဘၣ်ပှၤတဂၤန့ၣ်, “ယူာ်ထီၣ်နစုတက့ၢ်.” အဝဲဒၣ်ယူာ်ထီၣ်အစုဒီးအစုန့ၣ်ဂ့ၤထီၣ်က့ၤဝဲဒၣ်လီၤ.

လံာ်လူၤကၣ် 1:42

ဒီးကတိၤထီၣ်တၢ်လၢအကလုၢ်ဖးဒိၣ်ဒီးစံးဝဲ, “လၢပိာ်မုၣ်တဖၣ်ခဲလၢာ်အကျါန့ၣ်, နမ့ၢ်ပှၤဘၣ်ဆိၣ်ဂ့ၤကတၢၢ်ဒီးဖိသၣ်လၢနကဒၢထီၣ်အီၤ တဂၤန့ၣ်ဘၣ်ဆိၣ်ဂ့ၤဝဲဒၣ်လီၤ.

အ့းဖ့းစူး 4:26

သုမ့ၢ်သးဒိၣ်ထီၣ်န့ၣ်, တဘၣ်ပျဲသုတၢ်သးဒိၣ်ဒုးမၤသုလၢတၢ် ဒဲးဘးတဂ့ၤ. တဘၣ်သးဒိၣ်တုၤမုၢ်လီၤနုာ်တဂ့ၤ.

လံာ်စီၤၡမူၤအ့လးအခီၣ်ထံးတဘ့ၣ် 1:5

ဒီးအဝဲမ့ၢ်အဲၣ်ဝဲနီၢ်ဃးနၤဒိၣ်မးဒၣ်လဲာ်န့ၣ်ဟ့ၣ်ဒၣ်ဝဲထဲတပူဧိၤလီၤ. အဂ့ၢ်ဒ်အံၤ, ယွၤတြီဃာ်အီၤဒ်သိးအသုတအိၣ်ဒံၣ်အိၣ်ဖိတဂ့ၤအဂီၢ်လီၤ.