လံာ်တၢ်ကဲထီၣ်အခီၣ်ထံး 30:17 - Sgaw Karen Common Bible

¹⁷ ဒီးကစၢ်ယွၤဒိကနၣ်နီၢ်လ့ၤအၤအတၢ်ထုကဖၣ်, ဒီးအဝဲဒၣ်ဒၢထီၣ်ဝဲဒီးဆံးစၢ်န့ၢ်အဖိခွါယဲၢ်ဂၤတဂၤလၢ စီၤယၤကိာ်အဂီၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 30:17 Iomraidhean Croise

လံာ်တၢ်ကဲထီၣ်အခီၣ်ထံး 30:16

ဒီးတုၤမုၢ်ဟါလီၤန့ၣ်စီၤယၤကိာ်ဟဲက့ၤလၢစံာ်ပျီပူၤဒီး နီၢ်လ့ၤအၤလဲၤထီၣ်သဂၢၢ်အီၤဒီးစံးဝဲ, “တနၤအံၤနကဘၣ်မံလၢၤယၤမ့ၢ်လၢယဟ့ၣ်တ့ၢ်ယဖိခွါအဒူးဒးသၣ် လၢနဂီၢ်အဃိလီၤ.” ဒီးစီၤယၤကိာ်မံဃုာ်ဂဲၤဃုာ်ဒီးအီၤလၢမုၢ်တနၤန့ၣ်လီၤ.

လံာ်တၢ်ကဲထီၣ်အခီၣ်ထံး 30:18

ဒီးနီၢ်လ့ၤအၤစံးဝဲ, “ကစၢ်ယွၤဟ့ၣ်လီၤယၤလၢယတၢ်န့ၢ်ဘျုး လီၤ. အဂ့ၢ်ဒ်အံၤ, ယဟ့ၣ်ယကုၢ်ပိာ်မုၣ်လၢယဝၤအဃိန့ၣ်လီၤ.” ဒီးယုၢ်ဝဲအမံၤလၢစီၤယံးစၣ်ကၢ်လီၤ.

လံာ်တၢ်ကဲထီၣ်အခီၣ်ထံး 30:22

ဒီးကစၢ်ယွၤသ့ၣ်နီၣ်နီၢ်ရၤဃ့လး, ဒီးစံးဆၢအတၢ်ထုကဖၣ် လၢကအိၣ်ဒီးအဖိ အဂီၢ်လီၤ.

လံာ်တၢ်ကဲထီၣ်အခီၣ်ထံး 30:6

ဒီးနီၢ်ရၤဃ့လးစံးဝဲ, “ကစၢ်ယွၤစံၣ်ညီၣ်တီတၢ်လၢတၢ်ကွၢ် မဲာ်ယၤအပူၤလီၤ. အဝဲနၢ်ဟူတ့ၢ်လံယတၢ်ထုကဖၣ်ဒီးဟ့ၣ်ယၤလၢဖိခွါတဂၤလံ.” ဒီးယုၢ်ဝဲအမံၤလၢစီၤဒၣ်န့ၣ်လီၤ.

လံာ်တၢ်ဟးထီၣ်ကွံာ် 3:7

တုၤနုၤတစုယွၤစံးဝဲဒၣ်, “ယထံၣ်တ့ၢ်လံယပှၤဂီၢ်မုၢ်တဖၣ်ဘၣ် တၢ်မၤအၢမၤနးအီၤလၢကီၢ်အဲၤကူပတူးအပူၤန့ၣ်လီၤ. ယနၢ်ဟူတ့ၢ်အဝဲသ့ၣ်ကိးထီၣ်တၢ်မၤပူၤဖျဲးအီၤလၢကုၢ်ကစၢ်တဖၣ် အစုပူၤန့ၣ်လီၤ. ယသ့ၣ်ညါအဝဲသ့ၣ်အတၢ်တူၢ်ဘၣ်ခီၣ်ဘၣ်ခဲလၢာ်န့ၣ်လီၤ.

လံာ်လူၤကၣ် 1:13

ဘၣ်ဆၣ်ဒီးကလူးန့ၣ်စံးဘၣ်အီၤ, “ပျံၤတၢ်တဂ့ၤ စီၤစဃၤရံဧၢ, ကစၢ်ယွၤနၢ်ဟူလံနတၢ်ထုကဖၣ်လံ. ဒီးနမါနီၢ်အ့းလံၤစါဘ့းကဆံးစၢ်န့ၢ်နၤလၢဖိခွါတဂၤလီၤ. နကဘၣ်ယုၢ်န့ၢ်အမံၤလၢစီၤယိၤဟၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 1:20

မၤသးဒ်န့ၣ်ဒီး, တၢ်န့ၣ်မ့ၢ်နီၢ်ဃးနၤအိၣ်ထီၣ်ဒီးအဟုးအသး ဒီးဆံးစၢ်ထီၣ်အဖိခွါတဂၤအဂ့ၢ်လီၤ. ပိာ်မုၣ်န့ၣ်ယုၢ်န့ၢ်အမံၤလၢစီၤၡမူၤအ့လးဒီးတဲဖျါထီၣ်ဝဲ အခီပညီလၢ, “ယဃ့န့ၢ်အီၤလၢယွၤလီၤ.”