လံာ်တၢ်ကဲထီၣ်အခီၣ်ထံး 30:15 - Sgaw Karen Common Bible

¹⁵ ဒီးနီၢ်လ့ၤအၤစံးဆၢဝဲ, “နဟံးန့ၢ်ကွံာ်ယဝၤန့ၣ်မ့ၢ်တလၢ ဒံးဘၣ်ဧါ. ဒီးခဲကနံၣ်အံၤဒၣ်လဲာ်နဂုာ်ကျဲးစၢးဟံးန့ၢ်ကွံာ်ယဖိခွါ အဒူးဒးသၣ်န့ၣ်လီၤ.” ဒီးနီၢ်ရၤဃ့လးစံးဝဲဒၣ်, “နမ့ၢ်ဟ့ၣ်ယၤလၢနဖိခွါအဒူးဒးသၣ်န့ၣ်တနၤအံၤနမံလၢစီၤ ယၤကိာ်သ့လီၤ.”

လံာ်တၢ်ကဲထီၣ်အခီၣ်ထံး 30:15 Iomraidhean Croise

လံာ်တၢ်ကဲထီၣ်အခီၣ်ထံး 30:14

ဒီးလၢတၢ်ကူးဘုကၠူၣ်အကတီၢ်န့ၣ်စီၤရူၤဘ့ၣ်လဲၤတၢ်လၢစံာ် ပျီပူၤဒီးထံၣ်န့ၢ်ဒူးဒးသၣ်ဒီးဟဲက့ၤစိာ်ဝဲဆူအမိၢ်နီၢ် လ့ၤအၤအအိၣ်န့ၣ်လီၤ. ဒီးနီၢ်ရၤဃ့လးစံးဘၣ်နီၢ်လ့ၤအၤ, “ဝံသးစူၤဟ့ၣ်ယၤလၢ နဖိခွါအဒူးဒးသၣ်တနီၤတက့ၢ်.”

လံာ်တၢ်ကဲထီၣ်အခီၣ်ထံး 30:16

ဒီးတုၤမုၢ်ဟါလီၤန့ၣ်စီၤယၤကိာ်ဟဲက့ၤလၢစံာ်ပျီပူၤဒီး နီၢ်လ့ၤအၤလဲၤထီၣ်သဂၢၢ်အီၤဒီးစံးဝဲ, “တနၤအံၤနကဘၣ်မံလၢၤယၤမ့ၢ်လၢယဟ့ၣ်တ့ၢ်ယဖိခွါအဒူးဒးသၣ် လၢနဂီၢ်အဃိလီၤ.” ဒီးစီၤယၤကိာ်မံဃုာ်ဂဲၤဃုာ်ဒီးအီၤလၢမုၢ်တနၤန့ၣ်လီၤ.

လံာ်ယၡါယၤ 7:13

ဘၣ်ဃးတၢ်အံၤန့ၣ်ဝံယၡါယၤစံးဆၢတၢ်ဒီးစံးဝဲ, “အခဲအံၤ, ဒိကနၣ်တက့ၢ်, စီၤပၤစီၤဒၤဝံးအစၢၤအသွဲၣ်သ့ၣ် ဧၢ, သုမၤလၢာ်ကွံာ်ပှၤကညီအတၢ်သးစူၤန့ၣ်အၢတ့ၢ်မးလံ. မ့ၢ်သုကမၤလၢာ်ကွံာ်ကစၢ်ယွၤအတၢ်သးစူၤစ့ၢ်ကီးဧါ.

လံာ်ယဃ့းစက့လး 16:47

မ့ၢ်နသးမံတ့ၢ်လၢနကပိာ်အဝဲသ့ၣ်အခီၣ်လီၢ်တဖၣ်ဒီးမၤဒီး အဝဲသ့ၣ်အတၢ်မၤတဖၣ်လၢအလီၤသးဘၣ်အၢန့ၣ်ဧါ. တမ့ၢ်ဘၣ်လၢတစိၢ်ဖိအတီၢ်ပူၤဒၣ်လဲာ်န့ၣ်, နအိၣ်မူအၢန့ၢ်ဒံးအဝဲသ့ၣ်လၢတၢ်ခဲလၢာ်လၢနမၤတ့ၢ်အီၤ အပူၤန့ၣ်လီၤ.

လံာ်တၢ်ဂံၢ် 16:13

နထုးထီၣ်ကွံာ်ပှၤလၢကီၢ်အဲၤကူပတူးလၢအပှဲၤဒီးဟီၣ်ခိၣ်ညၣ် ထ့ၣ်တဘ့ၣ်အပူၤဒ်သိးနကမၤသံကွံာ်ပှၤဖဲအံၤလၢပှၢ်မုၢ်ကနၢ အပူၤန့ၣ်တဘၣ်ဒံးဘၣ်ဧါ. မ့ၢ်နအဲၣ်ဒိးလိာ်ကစၢ်နသးလၢပဖီခိၣ်ဒံးဧါ.

1 ကရံၣ်သူး 4:3

ဘၣ်ဆၣ်ဒီး, ဘၣ်ဃးယဘၣ်တၢ်စံၣ်ညီၣ်ထိၣ်ကွၢ်တဲာ်ကွၢ်ယၤလၢ သုဝဲ, မ့တမ့ၢ်လၢပှၤဟီၣ်ခိၣ်ဖိအနီၢ်ထိၣ်တမံၤမံၤန့ၣ်, တမ့ၢ်တၢ်အကါဒိၣ်လၢယဂီၢ်ဘၣ်. ယနီၢ်ကစၢ်ဒၣ်လဲာ်, ယတစံၣ်ညီၣ်ထိၣ်ကွၢ်တဲာ်ကွၢ်လီၤက့ၤယသးဒၣ်ယဲဘၣ်.