လံာ်တၢ်ကဲထီၣ်အခီၣ်ထံး 3:7 - Sgaw Karen Common Bible

⁷ တဘျီဃီဖဲအီၣ်ဝဲဝံၤန့ၣ်ဒိးန့ၢ်ဘၣ်တၢ်သ့ၣ်ညါနၢ်ပၢၢ်ဒီး သ့ၣ်ညါထံလီၤက့ၤအသးလၢအဝဲသ့ၣ်အိၣ်ဘ့ၣ်ဆ့န့ၣ်လီၤ. လၢတၢ်န့ၣ်အဃိအဝဲသ့ၣ်ဆးပကိာ်ထီၣ်ချၢၣ်ဒၢအလၣ်ဒီးမၤဘံၣ်မၤဘၢအသးန့ၣ်လီၤ.

လံာ်တၢ်ကဲထီၣ်အခီၣ်ထံး 3:7 Iomraidhean Croise

လံာ်တၢ်ကဲထီၣ်အခီၣ်ထံး 2:25

ပိာ်ခွါဒီးပိာ်မုၣ်ခံဂၤလိာ်အိၣ်ဘ့ၣ်ဆ့ဘၣ်ဆၣ်တမဲာ်ဆှးလိာ်အသးဘၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 3:5

ကစၢ်ယွၤစံးတၢ်ဒ်န့ၣ်မ့ၢ်လၢအဝဲသ့ၣ်ညါလၢ, တုၤသုအီၣ်တၤသၣ်န့ၣ်ဒီးသုကလီၤဂာ်ဒီးကစၢ်ယွၤဒီးသုကသ့ၣ် ညါတၢ်ဂ့ၤဒီးတၢ်အတဂ့ၤအဃိန့ၣ်လီၤ.”

လံာ်စီၤပၤခံဘ့ၣ်တဘ့ၣ် 6:20

တစုဃီဖဲအဝဲသ့ၣ်လဲၤနုာ်လီၤဆူဝ့ၢ်အပူၤန့ၣ်, စီၤအလံၤၡါဘါထုကဖၣ်တၢ်အံၤ, “ယွၤဧၢ, အိးထီၣ်အဝဲသ့ၣ်အမဲာ်ချံတဖၣ်ဒီးပျဲအထံၣ်ထီၣ်တၢ်တက့ၢ်.” ယွၤစံးဆၢအဝဲအတၢ်ထုကဖၣ်ဒီးဒုးထံၣ်ထီၣ်က့ၤအဝဲသ့ၣ်အတၢ် ဒီးအဝဲသ့ၣ်ထံၣ်ဝဲဒၣ်လၢအအိၣ်လၢဝ့ၢ်ၡၤမရံအပူၤန့ၣ်လီၤ.

လံာ်ယၡါယၤ 28:20

သုကလီၤဂာ်ဒီးပှၤလၢတၢ်ကတိၤဒိအပူၤ, လၢအကျဲးစၢးမံ လီၤလၢလီၢ်မံခးလၢအဖုၣ်ကဲၣ်ဆိးအပူၤဒ်သိးကစူၣ်လီၤအခီၣ် အဂီၢ်, အိၣ်ဒီးယၣ်လုးလၢအအံၣ်ကဲၣ်ဆိးလၢကလုးဘၢအသး အဂီၢ်လီၤ.

လံာ်ယၡါယၤ 47:3

ပှၤကထံၣ်လၢနအိၣ်ဘ့ၣ်ဆ့လီၤ. အဝဲသ့ၣ်ကထံၣ်နဘၣ်တၢ်ဆီၣ်လီၤနၤဒီး တၢ်မၤမဲာ်ဆှးနၤလီၤ. ယကဟ့ၣ်ကၣ်တၢ်ဒီးပှၤကဆိကတီၢ်ယၤ တအိၣ်နီတဂၤဘၣ်.”

လံာ်ယၡါယၤ 59:6

ဘၣ်ဆၣ်ဒီးသုတၢ်ကူၣ်အၢကူၣ်သီတဖၣ်န့ၣ်, တမၤဂ့ၤသုနီတမံၤ ဘၣ်. အဝဲသ့ၣ်န့ၣ်အသူတဂိာ်ဘၣ်, ဒ်သိးဒၣ်တၢ်ကူတၢ်ကၤလၢအဘၣ်တၢ်ထါအီၤဒီးကပီၤလုၤတဖၣ်န့ၣ်လီၤ.

လံာ်သးသယုၢ်တၢ် 1:8

အလၤကပီၤလီၤမၢ်ကွံာ်, အိၣ်ဘ့ၣ်ဆ့ဒၢဒီးလီၤသးဘၣ်အၢလံ. ကအုကစွါဝဲဒီးပာ်သဒၢအမဲာ်လၢတၢ်မဲာ်ဆှးအပူၤလီၤ. ဝ့ၢ်ယရူၤၡလ့ၣ်မၤဘၣ်အၢဘၣ်သီတ့ၢ်အသးဒီး တၢ်ဒဲးဘးအအၢအသီန့ၣ်လီၤ.

လံာ်လူၤကၣ် 16:23

လၢပျုၤပူၤဖဲအဝဲဒၣ်ဘၣ်တူၢ်တၢ်နးမးန့ၣ်, အဝဲကွၢ်ထီၣ်တၢ်ဒီးထံၣ်စီၤအၤဘြၤဟၣ်လၢအယံၤ, အိၣ်ဒီးစီၤလါစရူးလၢအကပၤလီၤ.

1 ကရံၣ်သူး 12:23

ဒီးက့ၢ်ဂီၤလၢပဆိကမိၣ်အလုၢ်အပှ့ၤတအိၣ်ကဲၣ်ဆိးတဖၣ်န့ၣ်, မ့ၢ်က့ၢ်ဂီၤတဖၣ်လၢပကတဲာ်ကတီၤဒီးမၤဘၣ်အီၤလၢတၢ်ပလီၢ် ပဒီဒိၣ်ဒၣ်တၢ်တက့ၢ်, ဖဲအက့ၢ်အဂီၤတဖၣ်လၢအတအိၣ်ဖျါဂ့ၤကဲၣ်ဆိး တဖၣ်န့ၣ်ပကတဲာ်ကတီၤဒီးမၤဘၣ်အီၤလၢတၢ်လီၤတံၢ်လီၤ ဆဲးလီၤဆီဒၣ်တၢ်အပူၤလီၤ.

လံာ်သိၣ်လီၤသီလီၤတၢ် 28:34

သုတၢ်တူၢ်ဘၣ်ခီၣ်ဘၣ်တဖၣ်ကမၤလီၤမၢ်ကွံာ်သုသးလၢအသ့ၣ်ညါတၢ် သ့န့ၣ်လီၤ.

လံာ်ပှၤစံၣ်ညီၣ်ကွီၢ် 3:2

အဝဲမၤတၢ်အံၤမ့ၢ်ဒ်သိးကသိၣ်လိပှၤအံၣ်စရ့လးဖိတစိၤဘၣ်တစိၤလၢတၢ်ဒုးတၢ်ယၤအဂ့ၢ်, လီၤဆီဒၣ်တၢ်ပှၤလၢအတလဲၤခီဖျိ ဘၣ်ဒံးတၢ်ဒုးတၢ်ယၤနီတဘျီဘၣ်တဖၣ်န့ၣ်လီၤ.