လံာ်တၢ်ကဲထီၣ်အခီၣ်ထံး 3:23 - Sgaw Karen Common Bible

²³ ဒီးယွၤ, ကစၢ်ယွၤဒုးဟးထီၣ်ကွံာ်အီၤလၢဧ့ၤဒ့ၣ်တၤသၣ်အလီၢ် ဒီးဒုးသူၣ်လီၤဖျးလီၤအီၤတၢ်လၢဟီၣ်ခိၣ်လၢအဝဲဘၣ်တၢ်ဟံး န့ၢ်ဒီးတ့လီၤတ့ၢ်အီၤန့ၣ်လီၤ.

လံာ်တၢ်ကဲထီၣ်အခီၣ်ထံး 3:23 Iomraidhean Croise

လံာ်တၢ်ကဲထီၣ်အခီၣ်ထံး 2:5

ဖဲယွၤ, ကစၢ်ယွၤတ့လီၤပာ်လီၤမူခိၣ်ဟီၣ်ခိၣ်န့ၣ်, တၢ်မုၢ်တၢ်ဘိတအိၣ်ဘၣ်လၢဟီၣ်ခိၣ်အလိၤဒီးတၢ်ချံတဖၣ်တမဲထီၣ်ဘၣ်. အဂ့ၢ်ဒ်အံၤ, အဝဲတဟ့ၣ်လီၤဒံးတၢ်စူၤထံနီတစဲး, ဒီးပှၤလၢအကသူၣ်လီၤဖျးလီၤဟီၣ်ခိၣ်တအိၣ်ဘၣ်နီတဂၤဘၣ်.

လံာ်တၢ်ကဲထီၣ်အခီၣ်ထံး 2:7

ဒီးယွၤ, ကစၢ်ယွၤဟံးန့ၢ်ဟီၣ်ခိၣ်ကပံာ်တနီၤဒီး တ့လီၤပာ်လီၤပှၤကညီ လၢဟီၣ်ခိၣ်ကပံာ်အံၤန့ၣ်လီၤ. အဝဲအူသဖှိနုာ်တၢ်မူအသါဆူအနါဒ့တဖၣ်အပူၤဒီးပှၤကညီစးထီၣ်အိၣ်မူဝဲဒၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 2:8

ဒီးယွၤ, ကစၢ်ယွၤသူၣ်လီၤဖျးလီၤတၤသၣ်အလီၢ်တပူၤလၢဧ့ၤဒ့ၣ်, လၢမုၢ်ထီၣ်တခီဒီးပာ်လီၤပှၤကညီလၢအတ့လီၤပာ်လီၤဝဲဖဲန့ၣ်လီၤ.

လံာ်တၢ်ကဲထီၣ်အခီၣ်ထံး 3:19

လၢဟီၣ်ခိၣ်ကဒုးအိၣ်ထီၣ်တၢ်တမံၤလၢ်လၢ်အဂီၢ်နကဘၣ်မၤတၢ်ဆူၣ် ဆူၣ်ကိၢ်ကိၢ်ဒီးမၤတၢ်လၢနကပၢၤကနိတုၤနက့ၤကဒါက့ၤဆူဟီၣ်ခိၣ် ကမူၣ်လၢနဘၣ်တၢ်တ့လီၤတ့ၢ်နၤန့ၣ်လီၤ.” နဘၣ်တၢ်တ့နၤလၢဟီၣ်ခိၣ်အကမူၣ်ဒီးနကကဲထီၣ်ကဒါက့ၤဟီၣ်ခိၣ်အကမူၣ် န့ၣ်လီၤ.

လံာ်တၢ်ကဲထီၣ်အခီၣ်ထံး 3:22

ဒီးယွၤ, ကစၢ်ယွၤစံးဝဲဒၣ်, “ဒီးခဲကနံၣ်အံၤပှၤကညီလီၤဂာ် ဒီးပှၤတဂၤလၢပသိးပကျါ, ဒီးအိၣ်ဒီးတၢ်သ့ၣ်ညါတၢ်ဂ့ၤဒီးတၢ်လၢအတဂ့ၤန့ၣ်လီၤ. မ်အသုတဘၣ်တၢ်ပျဲအီၤဒ်သိးအကဟံးန့ၢ်သ့ၣ်သၣ်လၢသ့ၣ်တထံးလၢ အဟ့ၣ်တၢ်မူဒီးအီၣ်အီၤဒီးအိၣ်မူလီၤထူလီၤယိာ်န့ၣ်တဂ့ၤ.

လံာ်တၢ်ကဲထီၣ်အခီၣ်ထံး 3:24

ဒီးလၢတၤသၣ်အလီၢ်မုၢ်ထီၣ်န့ၣ်ပာ်လီၤဝဲခ့ရူာ်တဖၣ်ဒီးနးမ့ၣ်အူ လၢအတရံးအသးကိးကပၤဒဲးလီၤ. တၢ်အံၤမ့ၢ်ဒ်သိးအက တြီဃာ်ပှၤတဂၤလၢ်လၢ်လၢအကဟဲဘူးဒီးသ့ၣ်တထံးလၢအဟ့ၣ်တၢ်မူ န့ၣ်လီၤ.

လံာ်တၢ်ကဲထီၣ်အခီၣ်ထံး 4:12

နမ့ၢ်ဂုာ်ကျဲးစၢးသူၣ်လီၤတၢ်မုၢ်တၢ်ဘိတဖၣ်ဘၣ်ဆၣ်ဒီးဟီၣ်ခိၣ် တဟ့ၣ်ထီၣ်တၢ်နီတမံၤဘၣ်. နကကဲထီၣ်ပှၤဟးဝ့ၤဝီၤတဂၤလၢအဟံၣ်တအိၣ်လၢဟီၣ်ခိၣ်ချၢန့ၣ် လီၤ.”

လံာ်တၢ်ကဲထီၣ်အခီၣ်ထံး 4:2

လၢခံဆံးစၢ်န့ၢ်အဖိခွါအဂၤတဂၤလၢအမ့ၢ်စီၤဟ့းဘ့းလးလီၤ. စီၤဟ့းဘ့းလးကဲထီၣ်ပှၤကွၢ်သိတဂၤလီၤ. မ့မ့ၢ်စီၤကၤယံၣ်မ့ၢ်ပှၤထူစံာ်ဖိတဂၤလီၤ.

လံာ်တၢ်ကဲထီၣ်အခီၣ်ထံး 9:20

စီၤနိအၤလၢအမ့ၢ်ပှၤထူစံာ်ဖိတဂၤအံၤမ့ၢ်ဝဲပှၤအဆိကတၢၢ် တဂၤလၢအသူၣ်လီၤစပံးအလီၢ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 5:9

စီၤပၤတဂၤဒၣ်လဲာ်ဘၣ်သန့ၤအသးလၢဟီၣ်ခိၣ်အတၤသၣ်န့ၣ်လီၤ.