လံာ်တၢ်ကဲထီၣ်အခီၣ်ထံး 3:18 - Sgaw Karen Common Bible

¹⁸ နီၣ်ဧိၤမံၤဧိၤဒီးတၤဆှုၣ်တၤမဲကမဲထီၣ်ဒီးနကဘၣ်အီၣ်တၢ်မုၢ် တၢ်ဘိလၢအမဲထီၣ်လၢတၢ်ပျီပူၤန့ၣ်လီၤ.

လံာ်တၢ်ကဲထီၣ်အခီၣ်ထံး 3:18 Iomraidhean Croise

လံာ်တၢ်ကဲထီၣ်အခီၣ်ထံး 3:17

ဒီးအဝဲစံးဘၣ်ပိာ်ခွါန့ၣ်, “နဒိကနၣ်နမါအကလုၢ်ဒီးအီၣ်သ့ၣ် သၣ်လၢယမၤလိာ်နၤအီၣ်အီၤတဂ့ၤန့ၣ်လီၤ. မ့ၢ်လၢနမၤတ့ၢ်တၢ်အံၤအဃိဟီၣ်ခိၣ်ကအိၣ်လၢတၢ်ဆိၣ်အၢတမံၤအဖီလာ်လီၤ. နကဘၣ်မၤတၢ်ဆူၣ်ဆူၣ်တစိၤနသးဒ်သိးနကမၤန့ၢ်တၢ်အီၣ်လၢလၢလီၣ်လီၣ်လၢအပူၤ, လၢနဂီၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 3:19

လၢဟီၣ်ခိၣ်ကဒုးအိၣ်ထီၣ်တၢ်တမံၤလၢ်လၢ်အဂီၢ်နကဘၣ်မၤတၢ်ဆူၣ် ဆူၣ်ကိၢ်ကိၢ်ဒီးမၤတၢ်လၢနကပၢၤကနိတုၤနက့ၤကဒါက့ၤဆူဟီၣ်ခိၣ် ကမူၣ်လၢနဘၣ်တၢ်တ့လီၤတ့ၢ်နၤန့ၣ်လီၤ.” နဘၣ်တၢ်တ့နၤလၢဟီၣ်ခိၣ်အကမူၣ်ဒီးနကကဲထီၣ်ကဒါက့ၤဟီၣ်ခိၣ်အကမူၣ် န့ၣ်လီၤ.

လံာ်စီၤယိၤဘး 1:21

ဒီးအဝဲစံးဝဲဒၣ်, “ယဟဲထီၣ်ဘ့ၣ်ဆ့လၢယမိၢ်အဒၢလီၢ်အပူၤ ဒီးယကက့ၤဘ့ၣ်ဆ့လီၤ. ယွၤဟ့ၣ်တၢ်ဒီးယွၤဟံးက့ၤတၢ်လံ မ်ယွၤအမံၤဘၣ်တၢ်စံးထီၣ်ပတြၢၤအီၤတက့ၢ်.”

လံာ်စီၤယိၤဘး 31:40

လၢဘုကၠူၣ်ဒီးဘုမုယီၤအလီၢ်န့ၣ်မ်တၤဆှုၣ်တၤမဲဒီးနီၣ် ဧိၤမံၤဧိၤမဲထီၣ်တက့ၢ်. စီၤယိၤဘးအတၢ်ကတိၤတဖၣ်လၢာ်လံ

လံာ်စီၤယိၤဘး 5:5

ပှၤသူၣ်ဝံၤသးစ့ၤတဖၣ်ကအီၣ်ကွံာ်ပှၤဟးဂီၤဖိအဘုဧိၤဟုဧိၤ, တုၤလၢဘုဧိၤဟုဧိၤလၢအမဲထီၣ်လၢတၤဆှုၣ်တၤမဲအကျါ ဒၣ်လဲာ်န့ၣ်လီၤ. ဒီးပှၤလၢတၢ်သူအသးသ့ၣ်တဖၣ်ကသူၣ်က့ၣ် သးကါအဝဲအတၢ်ထူးတၢ်တီၤန့ၣ်လီၤ.

စံးထီၣ်ပတြၢၤ 104:2

နမၤဘၢနသးလၢတၢ်ကပီၤဒ်ယၣ်အသိး, နသလၣ်ထီၣ်မူခိၣ်ဒ် ဒဲတဖျၢၣ်အသိး,

စံးထီၣ်ပတြၢၤ 90:3

နဒုးဃၣ်က့ၤပှၤကညီဆူဖၣ်ဆါ, ဒီးစံး, “ပှၤကညီဖိသ့ၣ်ဧၢ, က့ၤက့ၤဆူလီၢ်ခံန့ၣ်တက့ၢ်.”

တၢ်ကတိၤဒိ. 22:5

နမ့ၢ်အဲၣ်နသးသမူဒီး, အိၣ်ယံၤဒီးပျံၤသကွီၤတဖၣ်လၢအဖီၣ်န့ၢ် ပှၤတတီတလိၤလၢကျဲဒီဘိန့ၣ်တက့ၢ်.

တၢ်ကတိၤဒိ. 24:31

တၢ်ခဲလၢာ်ခဲဘၢအသးဒီးတၤဆှုၣ် သပှီာ်တဖၣ်, ဒီးနီၣ်ဧိၤမံၤဧိၤဒိၣ်ဘၢကွံာ်တၢ်ခဲလၢာ်, ဒီးကရၢၢ်လၢၢ်ဝးတရံးအီၤတဖၣ်လီၤပှီၢ်တ့ၢ်ဝဲန့ၣ်လီၤ.

လံာ်ယၡါယၤ 32:13

တၤဆှုၣ် တၤမဲအတပှီာ်တဖၣ်မဲထီၣ်ဝဲလၢယပှၤဂီၢ်မုၢ် အကီၢ်ပူၤလံ. ဟီၣ်တၢ်ယၢၤတၢ်လၢဟံၣ်ဃီခဲလၢာ်ဖဲ ပှၤဂီၢ်မုၢ်သူၣ်ဖှံသးညီတ့ၢ်ဝဲဒီးလၢဝ့ၢ်လၢအပှဲၤတ့ၢ်ဒီး တၢ်မူတၢ်ဂဲၤန့ၣ်အဂီၢ်တက့ၢ်.

လံာ်ယၡါယၤ 5:6

ယကပျဲနီၣ်ဧိၤမံၤဧိၤခဲဘၢအီၤလီၤ. ယတပဲာ်ဟိကဆှီစပံးမုၢ် တဖၣ်ဒီးဖျးကဖီထီၣ်ဟီၣ်ခိၣ်ဘၣ်. အခိၣ်တလိာ်ယကပျဲတၤဆှုၣ်တၤမဲကးဘၢအီၤလီၤ. ယကတြီဒၣ်လဲာ်တၢ်အၢၣ်တဖၣ် ဒ်သိးအသုတပျဲတၢ်စူၤလီၤလၢအဖီခိၣ်တဂ့ၤအဂီၢ်လီၤ.”

လံာ်ယၡါယၤ 7:23

ဖဲတၢ်ဆၢကတီၢ်န့ၣ်တုၤဃီၤဝဲဒီး, စပံးလီၢ်အဂ့ၤတဖၣ်, လၢတလီၢ်တလီၢ်အိၣ်ဒီးစပံးမုၢ်လၢအကထိစုာ်စုာ်, ဒီးတလီၢ်တလီၢ်လၢအကၢကီၣ်စ့တကထိစုာ်စုာ်န့ၣ်, ကဘၣ်တၢ်ခဲဘၢအီၤလၢတၤဆှုၣ်တပှီာ်တဖၣ်ဒီးတၤဆှုၣ်တၤမဲတဖၣ်လီၤ.

လံာ်ယၡါယၤ 7:24

ပှၤကလဲၤလူၤခးတၢ်ဖဲန့ၣ်လၢချံၣ်တဖၣ်ဒီးပျၢ်တဖၣ်လီၤ. သပှၢ်တၢၢ်န့ၣ်, ထံကီၢ်ဒီဘ့ၣ်ကပှဲၤဝဲဒီးတၤဆှုၣ် တၤမဲတဖၣ်ဒီးတၤဆှုၣ်တပှီာ်တဖၣ်လီၤ.

လံာ်ယံးရမံယၤ 12:13

ယပှၤဂီၢ်မုၢ်သူၣ်လီၤတ့ၢ်ဘုကၠူၣ်ဘၣ်ဆၣ်ကူး က့ၤနီၣ်ဧိၤမံၤဧိၤလီၤ. အဝဲသ့ၣ်မၤတၢ်ဆူၣ်မးဘၣ်ဆၣ်တမၤန့ၢ် တၢ်နီတမံၤဘၣ်. လၢယတၢ်သးကဲၤထီၣ်အဃိ, အဝဲသ့ၣ်အတၤသူတၤသၣ် တကဲထီၣ်လိၣ်ထီၣ်ဝဲဘၣ်.”

လံာ်ယံးရမံယၤ 4:3

ယွၤစံးဘၣ်ကီၢ်ယူဒၤဒီးဝ့ၢ်ယရူၤၡလ့ၣ်အပှၤဂီၢ်မုၢ်, “ထဲၣ်ထီၣ်သုစံာ်ဧိၤပျီဧိၤတဖၣ်လၢအတဘၣ်တၢ်ထဲၣ်တ့ၢ် အီၤန့ၣ်တက့ၢ်. ဖှံလီၤသုတၢ်ချံတဖၣ်လၢတၤဆှုၣ် တၤမဲတဖၣ်အကျါတဂ့ၤ.

လံာ်မးသဲ 13:7

တၢ်ချံအဂၤတနီၤလီၤဘၣ်လၢတၤဆှုၣ်တၤမဲအကျါဒီးတၤဆှုၣ် တၤမဲတဖၣ်ဒိၣ်ထီၣ်ဒီးခဲဘၢကွံာ်တၢ်မုၢ်ဖိတဖၣ်န့ၣ်လီၤ.

ရိမ့ၤ 14:2

ပှၤတဂၤအတၢ်နာ်ဟ့ၣ်အီၤအခွဲးလၢကအီၣ်တၢ်ကိးမံၤဒဲးဘၣ်ဆၣ်, ပှၤတဂၤလၢအတၢ်နာ်စၢ်ဝဲန့ၣ်အီၣ်ဒၣ်ထဲတၢ်ဒိးတၢ်လၣ်ဧိၤလီၤ.

ဧ့ၤဘြံၤ 6:8

ဘၣ်ဆၣ်ဒီးဟီၣ်ခိၣ်မ့ၢ်ဒုးမဲထီၣ်တၤဆှုၣ်တၤမဲ, တပှီာ်တပှာ်ဒီးအဘျုးတအိၣ်ဘၣ်သတးဒီးအိၣ်ဘူးထီၣ်ဒီးတၢ်ဘၣ် ဆိၣ်အၢဒီးလၢခံကတၢၢ်န့ၣ်, ကဘၣ်တၢ်ဆူးထီၣ်ကွံာ်အီၤလၢမ့ၣ် အူန့ၣ်လီၤ.

လံာ်စီၤယိၤၡူ 23:13

သ့ၣ်ညါသပှၢ်ကတၢၢ်လၢယွၤသုကစၢ်ယွၤတနီၣ်ထီၣ်ဟီထီၣ် ပှၤကလုာ်တဖၣ်အံၤလၢသုမဲာ်ညါလၢၤဘၣ်. မ့မ့ၢ်, အဝဲသ့ၣ်ကကဲ ထီၣ်ပျံၤသကွီၤဒီးထုလၢသုဂီၢ်, နီၣ်ဖျ့လၢသုချၢအဂီၢ်ဒီး တၤဆှုၣ်တၤမဲလၢသုမဲာ်ချံအပူၤန့ၣ်လီၤ. တၢ်အံၤကမၤအသးတုၤလၢသုဟးဂီၤကွံာ်ခဲလၢာ်လၢကီၢ်လၢအဂ့ၤ လၢယွၤသုကစၢ်ယွၤဟ့ၣ်လီၤသုတဘ့ၣ်အံၤအပူၤန့ၣ်လီၤ.