လံာ်တၢ်ကဲထီၣ်အခီၣ်ထံး 3:13 - Sgaw Karen Common Bible

¹³ ဒီးယွၤ, ကစၢ်ယွၤသံကွၢ်ပိာ်မုၣ်, “ဘၣ်မနုၤလၢနမၤတၢ်အံၤ လဲၣ်.” ဒီးပိာ်မုၣ်န့ၣ်စံးဆၢဝဲ, “ဂုၢ်န့ၣ်ကူၣ်လီယၤဒ်သိးယကအီၣ် ဘၣ်တ့ၢ်အီၤလီၤ.”

လံာ်တၢ်ကဲထီၣ်အခီၣ်ထံး 3:13 Iomraidhean Croise

လံာ်တၢ်ကဲထီၣ်အခီၣ်ထံး 12:18

တုၤနုၤတစုစီၤပၤကိးန့ၢ်စီၤအၤဘြၣ်ဒီးသံကွၢ်အီၤ, “နမၤတ့ၢ်ယၤလၢတၢ်မနုၤတမံၤလဲၣ်. ဘၣ်မနုၤနတတဲယၤလၢအဝဲမ့ၢ်နမါန့ၣ်လဲၣ်.

လံာ်တၢ်ကဲထီၣ်အခီၣ်ထံး 44:15

ဒီးစီၤယိၤသးစံးဝဲ, “သုမၤတ့ၢ်တၢ်ဒ်လဲၣ်. မ့ၢ်သုတသ့ၣ်ညါဘၣ်လၢပှၤအိၣ်လၢတၢ်လီၢ်တၢ်လၤဒ်ယၤအံၤ, ကသ့ၣ်ညါတၢ်လၢသုမၤ, မ့ၢ်လၢအဖးတၢ်ခူသူၣ်သ့အဃိ န့ၣ်ဘၣ်ဧါ.”

လံာ်စီၤၡမူၤအ့လးခံဘ့ၣ်တဘ့ၣ် 3:24

မၤသးဒ်န့ၣ်ဒီး, စီၤယိၤအာ်လဲၤဆူစီၤပၤအအိၣ်ဒီးစံးဘၣ် အီၤ, “နမၤတ့ၢ်တၢ်မနုၤလဲၣ်. စီၤအဘံန့ၢ်ဟဲဆူနအိၣ်, ဒီးဘၣ်မနုၤနပျဲလဲၤကွံာ်အီၤဒ်န့ၣ်လဲၣ်.

လံာ်စီၤပၤအခီၣ်ထံးတဘ့ၣ် 13:18

အန့ၣ်ဒီးဝံသးပှၢ်လၢဝ့ၢ်ဘ့ၤသ့လးစံးဘၣ်အီၤ, “ယမ့ၢ်စ့ၢ်ကီးဝံတဂၤဒ်နၤအသိး, ဒီးဒ်ယွၤအတၢ်မၤလိာ်အ သိး, ကလူးတဂၤတဲဘၣ်ယၤလၢယကဘၣ်က့ၤကိးနၤဆူ ဟံၣ်ဒီးတူၢ်လိာ်ခီၣ်ဆၢနၤန့ၣ်လီၤ.” နီၢ်နီၢ်တခီဝံသးပှၢ်န့ၣ်လီတၢ်လီၤ.

လံာ်တၢ်ဘူၣ်ထီၣ်ဘါထီၣ် 12:5

ဘၣ်ဆၣ်ဒီးပိာ်မုၣ်အံၤမ့ၢ်ဆံးစၢ်အဖိမုၣ်ဝံၤအလီၢ်ခံတဆံလွံၢ်သီအတီၢ်ပူၤန့ၣ်အဝဲ ကဲထီၣ်တၢ်တကဆှီဒ်အအိၣ်လၢပိာ်မုၣ်အလုၢ်အလၢ်အသိးန့ၣ်လီၤ. အန့ၣ်ဝံၤ, ပိာ်မုၣ်အံၤကဘၣ်အိၣ်ဒံးဆူ ညါဃုဆံဃုသီတုၤလၢအဘၣ်တၢ်မၤကဆှီအီၤလၢအသွံၣ်အဃိန့ၣ်လီၤ.

လံာ်ယိၤနါ 1:10

ဒီးပှၤတဖၣ်န့ၣ်ပျံၤတၢ်ဒိၣ်ထီၣ်ဝဲဒီးစံးဘၣ်အီၤ, “နမၤတၢ်အံၤမ့ၢ်မနုၤတမံၤန့ၣ်လဲၣ်.” အဂ့ၢ်ဒ်အံၤပှၤတဖၣ်န့ၣ်သ့ၣ်ညါဝဲလၢ အဝဲဃ့ၢ်ပူၤဖျဲးအသးလၢယွၤအမဲာ်ညါအဂ့ၢ်မ့ၢ်လၢအစံးဘၣ်တ့ၢ်လံ အဝဲသ့ၣ်အဃိန့ၣ်လီၤ.

လံာ်ယိၤဟၣ် 18:35

စီၤပံၤလးစံးဆၢတၢ်ဒီးစံးဝဲ, “နဆိကမိၣ်လၢယမ့ၢ်ပှၤယူဒၤ ဖိတဂၤဧါ. ပှၤလၢအဟ့ၣ်လီၤနၤဆူယစုပူၤန့ၣ်, မ့ၢ်ဒၣ်နပှၤ ကလုာ်ဒၣ်နဲဒီးပှၤလုၢ်တၢ်အခိၣ်အဒိၣ်သ့ၣ်တဖၣ်န့ၣ်လီၤ. မ့ၢ်နမၤတ့ၢ်မနုၤတမံၤလဲၣ်.”

ရိမ့ၤ 7:11

တၢ်ဒဲးဘးထံၣ်န့ၢ်ဆၢဂ့ၤကတီၢ်ဘၣ်ဒီးလီန့ၢ်ယၤခီဖျိ တၢ်မၤလိာ်န့ၣ်လီၤ. ခီဖျိတၢ်မၤလိာ်န့ၣ်, တၢ်ဒဲးဘးမၤ သံကွံာ်ယၤလီၤ.

၂ ကရံၣ်သူး 11:3

ယဘၣ်ယိၣ်ဘၣ်ဘီလၢသုသူၣ်သုသးကဘၣ်တၢ်မၤဟးဂီၤကွံာ် အီၤဒီးသုကညိကွံာ်သုတၢ်ဟ့ၣ်လီၤသးလၢာ်လၢာ်ဆ့ဆ့စီစီ ဆှံဆှံဆူခရံာ်အအိၣ်လၢကျဲတဘိဃီလၢနီၢ်အံၣ်အုဘၣ်တၢ် လီန့ၢ်အီၤခီဖျိဂုၢ်သ့ၣ်အတၢ်ကတိၤကဘျံးကဘျၣ်တၢ်သ့သ့ ဘၣ်ဘၣ်တဖၣ်န့ၣ်လီၤ.

၁ တံၤမသ့း 2:14

ဒီးစီၤအၤဒၣ်တမ့ၢ်ပှၤလၢအဘၣ်တၢ်လီန့ၢ်အီၤဘၣ်. မ့မ့ၢ်ပှၤလၢအဘၣ်တၢ်လီန့ၢ်အီၤဒီးမၤကမၣ်ကစၢ်ယွၤ အတၢ်သိၣ်တၢ်သီန့ၣ်မ့ၢ်ပိာ်မုၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 13:11

ဘၣ်ဆၣ်ဒီးစီၤၡမူၤအ့လးစံးဝဲ, “နမၤတ့ၢ်တၢ်မနုၤလဲၣ်.” စီၤစီလူးစံးဆၢဝဲဒၣ်, “ပှၤဂီၢ်မုၢ်စးထီၣ်ဟးသဒၣ်ယၤဒီး ဒ်နစံးတ့ၢ်လၢနကဟဲန့ၣ်နတဟဲပၢၢ်ထီၣ်ဘၣ်. လၢန့ၣ်အမဲာ်ညါပှၤဖလ့ၡသးဖိတဖၣ်ပာ်ဖှိၣ်ထီၣ်အသးလၢဝ့ၢ်မံး ကမၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 15:15

စီၤစီလူးစံးဆၢဝဲ, “ယပှၤတဖၣ်ဟံးန့ၢ်အီၤလၢပှၤဧမၤလ့း ဖိတဖၣ်အအိၣ်လီၤ. အဝဲသ့ၣ်ပာ်ဃးသိဒီးဂီၤဘုၣ်ဂီၤဖံးအဂ့ၤ ကတၢၢ်တဖၣ်ဒ်သိးကလုၢ်ထီၣ်အီၤဒ်တၢ်လုၢ်တၢ်ပာ်တမံၤဆူယွၤနကစၢ် ယွၤအအိၣ်ဒီးတၢ်အိၣ်လီၤတဲာ်အဂၤတဖၣ်န့ၣ်ပမၤဟးဂီၤတ့ၢ်ကွံာ် ခဲလၢာ်လီၤ.”