လံာ်တၢ်ကဲထီၣ်အခီၣ်ထံး 3:12 - Sgaw Karen Common Bible

¹² ဒီးပိာ်ခွါန့ၣ်စံးဆၢအီၤ, “ပိာ်မုၣ်လၢနဒုးအိၣ်ဃုာ်ဒီးယၤ ဖဲအံၤဟ့ၣ်ယၤသ့ၣ်သၣ်ဒီးယအီၣ်ဘၣ်လီၤ.”

လံာ်တၢ်ကဲထီၣ်အခီၣ်ထံး 3:12 Iomraidhean Croise

လံာ်တၢ်ကဲထီၣ်အခီၣ်ထံး 2:18

ဒီးယွၤ, ကစၢ်ယွၤစံးဝဲဒၣ်, “ပှၤကညီကအိၣ်မူထဲတဂၤဧိၤန့ၣ်တဂ့ၤဘၣ်. ယကတ့န့ၢ်အီၤအတံၤသကိးလၢအကြၢးဒီးအီၤလၢကမၤစၢၤအီၤအဂီၢ်လီၤ.”

လံာ်တၢ်ကဲထီၣ်အခီၣ်ထံး 2:20

ဒီးပှၤကညီယုၢ်န့ၢ်ကယဲၢ်ထိၣ်ဧိၤလံာ်ဧိၤဒီးဆၣ်ဖိကီၢ်ဖိအမံၤတဖၣ်န့ၣ်လီၤ. ဘၣ်ဆၣ်လၢအဝဲသ့ၣ်အကျါန့ၣ်တံၤသကိးအကြၢးကတၢၢ်လၢကမၤစၢၤအီၤတအိၣ်နီတဂၤဘၣ်.

လံာ်တၢ်ကဲထီၣ်အခီၣ်ထံး 2:22

အဝဲတ့လီၤပာ်လီၤပိာ်မုၣ်တဂၤလၢဂုၢ်ဃံန့ၣ်ဒီးဟဲစိာ်အီၤဆူပိာ်ခွါအအိၣ်လီၤ.

လံာ်တၢ်ကဲထီၣ်အခီၣ်ထံး 3:11

ဒီးကစၢ်ယွၤသံကွၢ်အီၤ, “မ့ၢ်မတၤတဲနၤလၢနအိၣ်ဘ့ၣ်ဆ့န့ၣ်လဲၣ်. သ့ၣ်သၣ်လၢယတဲနၤလၢအီၣ်အီၤတဂ့ၤန့ၣ်မ့ၢ်နအီၣ်ဧါ.”

လံာ်စီၤယိၤဘး 31:33

ပှၤအဂၤကျဲးစၢးမၤဘၢအတၢ်ကမၣ်တဖၣ်ဘၣ်ဆၣ်ဒီးယတပာ် တဒၢတ့ၢ်ယတၢ်ကမၣ်နီတဘျီဘၣ်.

တၢ်ကတိၤဒိ. 19:3

ပှၤတနီၤနီၤမၤဟးဂီၤလီၤအသးဒၣ်ဝဲခီဖျိနီၢ်ကစၢ်ဒၣ်ဝဲအတၢ် မၤတဂိာ်တသီၣ်တဖၣ်ဝံၤဒီးပာ်တၢ်ကမၣ်လၢယွၤအလိၤလီၤ.

တၢ်ကတိၤဒိ. 28:13

နမ့ၢ်ကျဲးစၢးပာ်ခူသူၣ်နတၢ်ဒဲးဘးတဖၣ်ဒီး, နတမၤန့ၢ်မၤနၢၤတၢ်လၢတၢ်အိၣ်မူအပူၤနီတစုဘၣ်. အၢၣ်လီၤဒီးညိကွံာ်အီၤတက့ၢ်. အန့ၣ်ဒီး, ကစၢ်ယွၤကဒုးနဲၣ်အတၢ်သးကညီၤလၢနၤလီၤ.

လံာ်လူၤကၣ် 10:29

ဘၣ်ဆၣ်ဒီး, ပှၤသ့တၢ်ဘူၣ်တၢ်ဘါအတၢ်သိၣ်တၢ်သီတဂၤအံၤသးအိၣ် ပာ်တီပာ်လိၤအသးသတးဒီးသံကွၢ်ယ့ၣ်ၡူး, “ပှၤလၢယဃၢၤမ့ၢ်မတၤတဂၤလဲၣ်.”

ရိမ့ၤ 10:3

အဝဲသ့ၣ်တသ့ၣ်ညါကစၢ်ယွၤအတၢ်ပာ်တီပာ်လိၤပှၤ အကျဲဘၣ်ဒီးကျဲးစၢးဒုးအိၣ်ထီၣ်အကျဲဒၣ်ဝဲ, သတးဒီးအဝဲသ့ၣ်တဟ့ၣ်လီၤအသးဆူကစၢ်ယွၤအကျဲလၢ အပာ်တီပာ်လိၤတၢ်အပူၤန့ၣ်ဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 15:15

စီၤစီလူးစံးဆၢဝဲ, “ယပှၤတဖၣ်ဟံးန့ၢ်အီၤလၢပှၤဧမၤလ့း ဖိတဖၣ်အအိၣ်လီၤ. အဝဲသ့ၣ်ပာ်ဃးသိဒီးဂီၤဘုၣ်ဂီၤဖံးအဂ့ၤ ကတၢၢ်တဖၣ်ဒ်သိးကလုၢ်ထီၣ်အီၤဒ်တၢ်လုၢ်တၢ်ပာ်တမံၤဆူယွၤနကစၢ် ယွၤအအိၣ်ဒီးတၢ်အိၣ်လီၤတဲာ်အဂၤတဖၣ်န့ၣ်ပမၤဟးဂီၤတ့ၢ်ကွံာ် ခဲလၢာ်လီၤ.”