လံာ်တၢ်ကဲထီၣ်အခီၣ်ထံး 29:8 - Sgaw Karen Common Bible

⁸ ဒီးအဝဲသ့ၣ်စံးဆၢဝဲ, “တချုးလၢကယဲၢ်သိအဖုအဂီၢ်တဖၣ်ဟဲတုၤဖှိၣ် ဖဲအံၤဒီးတချုးပှၤတလ့ၣ်ကွံာ်လၢၢ်လၢထံပူၤအခိၣ်ထိး ဘၣ်န့ၣ်ပမၤတသ့ဘၣ်. သိအဖုအဂီၢ်မ့ၢ်ဟဲတုၤဖှိၣ်ဒီး, ပကဒုးအီအဝဲသ့ၣ်လၢထံလီၤ.”

လံာ်တၢ်ကဲထီၣ်အခီၣ်ထံး 29:8 Iomraidhean Croise

လံာ်တၢ်ကဲထီၣ်အခီၣ်ထံး 29:3

ဒီးဖဲလၢသိအဖုအဂီၢ်ခဲလၢာ်ဟဲတုၤဖှိၣ်ဖဲန့ၣ်တဘျီဂ့ၤ တဘျီဂ့ၤန့ၣ်ပှၤကွၢ်သိတဖၣ်တလ့ၣ်ကွံာ်လၢၢ်န့ၣ်ဒီးဒုးအီသိ တဖၣ်လၢထံန့ၣ်လီၤ. အန့ၣ်ဝံၤဒီး, တလ့ၣ်ကဒါက့ၤလၢၢ်လၢအလီၢ်ဒၣ်ဝဲ န့ၣ်လီၤ.

လံာ်တၢ်ကဲထီၣ်အခီၣ်ထံး 29:7

ဒီးစီၤယၤကိာ်စံးဝဲဒၣ်, “မုၢ်တၢ်ကပီၤအိၣ်ဒံးဝဲဖးထီ ဒီးတမ့ၢ်ဘၣ်အဆၢကတီၢ်လၢတၢ်ဝီနုာ်က့ၤသိအဖုအဂီၢ်တဖၣ်ဒံးဘၣ် န့ၣ်, ဘၣ်မနုၤလၢသုတဒုးအီအီၤလၢထံဒီးဆှၢကဒါက့ၤဆူတၢ်အီၣ် အဆၣ်အလီၢ်ဘၣ်န့ၣ်လဲၣ်.”

လံာ်တၢ်ကဲထီၣ်အခီၣ်ထံး 29:9

ဖဲစီၤယၤကိာ်ကတိၤဒံးတၢ်ဒီးအဝဲသ့ၣ်အဖၢမုၢ်န့ၣ်နီၢ်ရၤဃ့လး ဟဲတုၤဒီးအသိအဖုအဂီၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 34:14

အဝဲသ့ၣ်စံးဘၣ်အီၤ, “ပပျဲပဒီပုၢ်ဝဲၢ်မုၣ်ဒိးတ့ဒိးဖျီ အသးဒီးပှၤတဂၤလၢအတဒိးကူးတရံးအသးတသ့ဘၣ်. တၢ်န့ၣ်ကမ့ၢ်တၢ်လီၤမဲာ်ဆှးတမံၤလၢပဂီၢ်လီၤ.

လံာ်တၢ်ကဲထီၣ်အခီၣ်ထံး 43:32

စီၤယိၤသးဘၣ်တၢ်ကတဲာ်ကတီၤန့ၢ်အီၤတၢ်အီၣ်လၢစီၢ်နီၤခိၣ် တဖျၢၣ်ဒီးအဒီပုၢ်ဝဲၢ်ခွါတဖၣ်တခီလၢစီၢ်နီၤခိၣ်အဂၤတဖျၢၣ် န့ၣ်လီၤ. ဒီးပှၤအဲၤကူပတူးဖိတဖၣ်အီၣ်စ့ၢ်ကီးတၢ်လၢစီၢ်နီၤခိၣ်အဂၤ တဖျၢၣ်, မ့ၢ်လၢအဝဲသ့ၣ်ဆိကမိၣ်ဝဲလၢတၢ်အီၣ်သကိးတၢ်ဒီးပှၤဧ့ၤဘြံၤ ဖိတဖၣ်န့ၣ်မၤဆံးလီၤစှၤလီၤအဝဲသ့ၣ်အသူးအသ့ၣ်အဃိလီၤ.

လံာ်မၢ်ကူး 16:3

ဖဲအလဲၤတၢ်လၢကျဲအဖၢမုၢ်အဝဲသ့ၣ်စံးလိာ်အသးတဂၤဒီးတဂၤ, “မ့ၢ်မတၤကတလ့ၣ်ကွံာ်န့ၢ်ပှၤလၢၢ်တဖျၢၣ်လၢအအိၣ်လၢတၢ်သွၣ် ခိၣ်ပူၤအခိၣ်ထိးန့ၣ်လဲၣ်.” (လၢၢ်တဖျၢၣ်န့ၣ်မ့ၢ်အဒိၣ်နီၢ်မးလီၤ.)

လံာ်လူၤကၣ် 24:2

အဝဲသ့ၣ်ထံၣ်လၢလၢၢ်တဖျၢၣ်န့ၣ်ဘၣ်တၢ်တလ့ၣ်ကွံာ်အီၤလၢ ပှၤသွၣ်ခိၣ်အပူၤအခိၣ်ထိးလီၤ.

လံာ်စီၤၡမူၤအ့လးအခီၣ်ထံးတဘ့ၣ် 9:11

အဝဲသ့ၣ်သံကွၢ်ပိာ်မုၣ်ဖိတဖၣ်န့ၣ်, “မ့ၢ်ပှၤထံၣ်တၢ်တဂၤန့ၣ်အိၣ်လၢဝ့ၢ်ပူၤဧါ.” (အကတီၢ်ဖဲန့ၣ်တၢ်လၢဝံတဂၤန့ၣ်ဘၣ်တၢ်ကိးအီၤလၢပှၤထံၣ်တၢ်, ဒီးလၢတၢ်န့ၣ်အဃိဖဲပှၤတဂၤဂၤသးအိၣ်သံကွၢ်ကစၢ်ယွၤတၢ်သံ ကွၢ်တထံၣ်ဒီးအဝဲကစံးဝဲ, “မ်ပလဲၤဆူပှၤထံၣ်တၢ်အအိၣ်တက့ၢ်.” န့ၣ်လီၤ.)