လံာ်တၢ်ကဲထီၣ်အခီၣ်ထံး 29:32 - Sgaw Karen Common Bible

³² ဒီးနီၢ်လ့ၤအၤဒၢထီၣ်ဒီးဆံးစၢ်န့ၣ်အဖိခွါတဂၤလီၤ. ဒီးစံးဝဲ, “ယွၤထံၣ်တ့ၢ်လံယတၢ်ကီတၢ်ခဲလံ, ဒီးခဲကနံၣ်အံၤယဝၤကအဲၣ်ယၤလီၤ.” ဒီးယုၢ်န့ၢ်အမံၤလၢစီၤရူၤဘ့ၣ်လီၤ.

လံာ်တၢ်ကဲထီၣ်အခီၣ်ထံး 29:32 Iomraidhean Croise

လံာ်တၢ်ကဲထီၣ်အခီၣ်ထံး 16:11

နကအိၣ်ဒီးနဖိခွါတဂၤ, နကယုၢ်န့ၢ်အမံၤလၢစီၤယံးၡမၤဧ့လး လီၤ. အဂ့ၢ်ဒ်အံၤ, ယွၤနၢ်ဟူလံနတၢ်ဟီၣ်တၢ်ယၢၤလၢတၢ်ကိၢ်တၢ်ဂီၤ အပူၤအဃိလီၤ.

လံာ်တၢ်ကဲထီၣ်အခီၣ်ထံး 29:31

ဒီးတုၤယွၤထံၣ်ဝဲဒၣ်လၢနီၢ်လ့ၤအၤဘၣ်တၢ်အဲၣ်အီၤစှၤန့ၢ် နီၢ်ရၤဃ့လးန့ၣ်မၤဝဲဒ်သိးနီၢ်လ့ၤအၤအိၣ်ဒီးအဖိကသ့ဝဲ အဂီၢ်န့ၣ်လီၤ. မ့မ့ၢ်, နီၢ်ရၤဃ့လးအိၣ်ဒံးဝဲဒ်ပှၤတူာ်ဖိအသိးန့ၣ်လီၤ.

လံာ်တၢ်ကဲထီၣ်အခီၣ်ထံး 31:42

ယပၢ်တဖၣ်အကစၢ်ယွၤ, စီၤအၤဘြၤဟၣ်ဒီးစီၤအံၤစဲးအက စၢ်ယွၤမ့ၢ်တအိၣ်ဒီးယၤဘၣ်ဒီးနကဆှၢဖျိးကွံာ်ယၤစုယၢ်ခီ န့ၣ်လီၤ. ဘၣ်ဆၣ်ကစၢ်ယွၤထံၣ်တ့ၢ်လံယတၢ်ကိၢ်တၢ်ဂီၤဒီးတၢ်လၢ ယမၤတ့ၢ်ယဲလီၤ. ဒီးဖဲမုၢ်နၤကၢၣ်န့ၣ်အဝဲစံၣ်ညီၣ်တီလံတၢ်လံ.”

လံာ်တၢ်ကဲထီၣ်အခီၣ်ထံး 35:22

ဖဲစီၤယၤကိာ်အိၣ်ဝဲဆိးဝဲလၢကီၢ်န့ၣ်အခါ, စီၤရူၤဘ့ၣ်လဲၤမံဃုာ်ဒီးနီၢ်ဘံၤလဟၤ, လၢအမ့ၢ်အပၢ်အသံၣ်မါ ကျါတဂၤန့ၣ်လီၤ. စီၤယၤကိာ်နၢ်ဟူတၢ်န့ၣ်ဒီးအသးကဲၤထီၣ်ဝဲဒၣ်န့ၣ်လီၤ. စီၤယၤကိာ်အိၣ်ဒီးအဖိခွါတဆံခံဂၤန့ၣ်လီၤ.

လံာ်တၢ်ကဲထီၣ်အခီၣ်ထံး 35:23

နီၢ်လ့ၤအၤအဖိခွါတဖၣ်မ့ၢ်ဝဲ, စီၤရူၤဘ့ၣ် (စီၤယၤကိာ်အဖိ ဝဲၢ်ကိ) စီၤစူၤမ့းအိၣ်, စီၤလ့ၤဝံ, စီၤယူဒၤ, စီၤယံးစၣ်ကၢ်ဒီး စီၤစဘူလိၣ်လီၤ.

လံာ်တၢ်ကဲထီၣ်အခီၣ်ထံး 37:29

ဒီးဖဲစီၤရူၤဘ့ၣ်ဟဲက့ၤကဒါက့ၤဆူထံပူၤဒီးတထံၣ်ဘၣ်စီၤ ယိၤသးဖဲန့ၣ်ဘၣ်န့ၣ်အဝဲဖှီယာ်ကွံာ်အကူအသိးတဖၣ်လၢတၢ်သူၣ် အုးသးအုးအပူၤန့ၣ်လီၤ.

လံာ်တၢ်ကဲထီၣ်အခီၣ်ထံး 42:22

စီၤရူၤဘ့ၣ်စံးဝဲ, “ယတဲဘၣ်တ့ၢ်သုလၢ, မၤဘၣ်ဒိဆါပိာ်ခွါ ဖိသၣ်န့ၣ်တဂ့ၤ. ဘၣ်ဆၣ်, သုတဒိကနၣ်ဘၣ်. ဒီးခဲကနံၣ်အံၤပဘၣ်တၢ်ဟ့ၣ်ကၣ်ဆၢက့ၤပှၤလၢအတၢ်သံ အဃိလီၤ.”

လံာ်တၢ်ကဲထီၣ်အခီၣ်ထံး 42:27

ဖဲတၢ်လီၢ်လၢအဝဲသ့ၣ်ကမံဝဲန့ၣ်, အဝဲသ့ၣ်အကျါတဂၤအိးထီၣ် အထၢၣ်လၢကဒုးအီၣ်အကသ့ၣ်ယီၤအဆၣ်ဒီး, ထံၣ်န့ၢ်အစ့ဒၣ်ဝဲလၢအထၢၣ်အခိၣ်ထိးန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 16:12

ဘၣ်သ့ၣ်သ့ၣ်ယွၤကပာ်သူၣ်ပာ်သးလၢယတၢ်ကိၢ်တၢ်ဂီၤတဖၣ်ဒီးဟ့ၣ် လီၤယၤတၢ်ဆိၣ်ဂ့ၤတနီၤလၢကဟံးန့ၢ်ကွံာ်အဝဲအတၢ်ဆိၣ်အၢ အလီၢ်န့ၣ်လီၤ.”

လံာ်ကွဲးနီၣ်တၢ်အခီၣ်ထံးတဘ့ၣ် 5:1

အအံၤမ့ၢ်စီၤယၤကိာ်အဖိခွါဝဲၢ်ကိစီၤရူၤဘ့ၣ်အစၢၤအသွဲၣ် တဖၣ်န့ၣ်လီၤ. (မ့ၢ်လၢအဝဲအိၣ်ဃုာ်ဒီးအပၢ်အသံၣ်မါတဖၣ်အကျါတဂၤအဃိ, တၢ်ခွဲးတၢ်ယာ်တဖၣ်လၢအဘၣ်ဃးဒီးဖိဝဲၢ်ကိလီၤမၢ်ကွံာ်န့ၢ် အီၤ, ဒီးတၢ်ခွဲးတၢ်ယာ်တဖၣ်န့ၣ်ဘၣ်တၢ်ဟ့ၣ်လီၤကွံာ်အီၤဆူစီၤယိၤ သးန့ၣ်လီၤ.

စံးထီၣ်ပတြၢၤ 106:44

အန့ၣ်ဒၣ်လဲာ်, ဖဲအဝဲသ့ၣ်ကိးထီၣ်န့ၣ် ယွၤနၢ်ဟူအဝဲသ့ၣ်ဒီး အဝဲပာ်သူၣ်ပာ်သးလၢ အဝဲသ့ၣ်အတၢ်ကိၢ်တၢ်ဂီၤန့ၣ်လီၤ.

စံးထီၣ်ပတြၢၤ 25:18

ကွၢ်ဆိကမိၣ်ယတၢ်ကီတၢ်ခဲဒီးယတၢ်နးတၢ်ဖှီၣ် ဒီးပျၢ်လၢ်ဘၣ်ယတၢ်ဒဲးဘးခဲလၢာ်န့ၣ်တက့ၢ်.

လံာ်တၢ်ဟးထီၣ်ကွံာ် 3:7

တုၤနုၤတစုယွၤစံးဝဲဒၣ်, “ယထံၣ်တ့ၢ်လံယပှၤဂီၢ်မုၢ်တဖၣ်ဘၣ် တၢ်မၤအၢမၤနးအီၤလၢကီၢ်အဲၤကူပတူးအပူၤန့ၣ်လီၤ. ယနၢ်ဟူတ့ၢ်အဝဲသ့ၣ်ကိးထီၣ်တၢ်မၤပူၤဖျဲးအီၤလၢကုၢ်ကစၢ်တဖၣ် အစုပူၤန့ၣ်လီၤ. ယသ့ၣ်ညါအဝဲသ့ၣ်အတၢ်တူၢ်ဘၣ်ခီၣ်ဘၣ်ခဲလၢာ်န့ၣ်လီၤ.

လံာ်တၢ်ဟးထီၣ်ကွံာ် 4:31

ဒီးပှၤဂီၢ်မုၢ်နာ်ဝဲဒီးဖဲအဝဲသ့ၣ်နၢ်ဟူဝဲဒၣ်လၢကစၢ်ယွၤဟဲဆူ အဝဲသ့ၣ်အအိၣ်ဒီးထံၣ်အတၢ်နးတၢ်ဖှီၣ်န့ၣ်အဝဲသ့ၣ်ဆုးလီၤအခိၣ် ဒီးဘူၣ်ထီၣ်ဘါထီၣ်ယွၤလီၤ.

လံာ်ယဃ့းစက့လး 48:6

ရူၤဘ့ၣ်အဒူၣ်ကမၤန့ၢ်တၢ်နီၤဖးတတီၤန့ၣ်လီၤ. တၢ်နီၤဖးန့ၣ်ကမ့ၢ်ဖဲအ့ဖရဲၣ်အဒူၣ်အလီၢ် အဃၢၤစးထီၣ်လၢမုၢ်ထီၣ်တုၤဆူမုၢ်နုာ်န့ၣ်လီၤ.

လံာ်တၢ်ဂံၢ် 1:5

ဒီးအအံၤမ့ၢ်ပိာ်ခွါတဖၣ်, ခိၣ်နၢ်တဖၣ်လၢပှၤအဒူၣ်တဖၣ်အပူၤ, လၢအဘၣ်တၢ်ဃုထၢအီၤလၢကမျၢၢ်ဒူၣ်ထၢအကျါလၢတၢ်မၤအံၤ အဂီၢ်လီၤ. ပှၤအဒူၣ် ပှၤအဒူၣ်အခိၣ် ရူၤဘ့ၣ် စီၤၡဒ့အူၢ်အဖိခွါစီၤအလံစူၢ် စူၤမ့းအိၣ် စီၤစူၤရံၡးဒံၤအဖိခွါစီၤၡ လူမံၤအ့လး ယူဒၤ စီၤဧမံၤနဒးအဖိခွါစီၤနၤဃၡိၣ် ယံးစၣ်ကၢ် စီၤစူဧၢ်အဖိခွါစီၤနၤသန့လး စဘူလိၣ် စီၤဃ့လူၣ်အဖိခွါစီၤအလံအာ် အ့ဖရဲၣ် စီၤဧးမံၤဟူးအဖိခွါစီၤအလံၡမၤ မနၤၡ့ၤ စီၤပဒၤစူၢ်အဖိခွါစီၤကမၤလ့လး ဘံၣ်ယၤမံၣ် စီၤကံးဒဧိနံၤအဖိခွါစီၤအဘံဒၣ် ဒၣ် စီၤဧးမံၤၡးဒံၤအဖိခွါစီၤအဃံၤဧ့စ့ၢ် အၤၡ့ၢ် စီၤဧးကရၣ်အဖိခွါစီၤပးကံၤအ့လး ကး စီၤဒဧူၤအ့လးအဖိခွါစီၤအ့လယၤစာ် နးသၤလံ စီၤဧ့နၣ်အဖိခွါစီၤအဃံရၤ

လံာ်လူၤကၣ် 1:25

“ခဲကနံၣ်အံၤကစၢ်ယွၤမၤစၢၤလံယၤလံ,” အဝဲဒၣ်စံးဝဲ, “အဝဲဒၣ်စိာ်ကွံာ်လံတၢ်လၢအမၤမဲာ်ဆှးယၤလၢပှၤ ဂီၢ်မုၢ်ဂီၢ်ပၤအမဲာ်ညါတမံၤန့ၣ်လံ.”

လံာ်သိၣ်လီၤသီလီၤတၢ် 26:7

တုၤနုၤတစုပကိးထီၣ်တၢ်မၤစၢၤဆူယွၤ, ပမိၢ်ပၢ်ဖံဖုလၢပျၢၤတဖၣ်အကစၢ်ယွၤအအိၣ်န့ၣ်လီၤ. အဝဲနၢ်ဟူပှၤဒီးထံၣ်ပတၢ်တူၢ်ဘၣ်ခီၣ်ဘၣ်, တၢ်ကိၢ်တၢ်ဂီၤ, ဒီးတၢ်နးတၢ်ဖှီၣ်တဖၣ်န့ၣ်လီၤ.

လံာ်သိၣ်လီၤသီလီၤတၢ် 27:13

ဒီးပှၤအဒူၣ်လၢလာ်တဖၣ်အံၤကဆၢထၢၣ်ဝဲလၢကစၢၢ်ဧ့ၤဘါလးအဒီ ခိၣ်ဖဲတၢ်ဆိၣ်အၢတဖၣ်ဘၣ်တၢ်ယၢၤထီၣ်အီၤန့ၣ်လီၤ. ပှၤအဒူၣ်တဖၣ်န့ၣ်မ့ၢ်ဝဲရူၤဘ့ၣ်အဒူၣ်, ကးအဒူၣ်, အၤၡ့ၢ်အဒူၣ်, စဘူၤလိၣ်အဒူၣ်, ဒၣ်အဒူၣ်ဒီးနးသၤလံအဒူၣ်န့ၣ် လီၤ.

လံာ်စီၤၡမူၤအ့လးအခီၣ်ထံးတဘ့ၣ် 1:11

နီၢ်ဃးနၤမၤတၢ်အၢၣ်လီၤအီၤလီၤတၢ်သညူးသပှၢ်တမံၤန့ၣ်လီၤ. “ယွၤသ့တၢ်လၢာ်ဧၢ, ကွၢ်လီၤယၤနကုၢ်အံၤတက့ၢ်. ထံၣ်ယတၢ်ကိၢ်တၢ်ဂီၤဒီးသ့ၣ်နီၣ်ထီၣ်က့ၤယၤတက့ၢ်. သးပ့ၤနီၣ်ယၤတဂ့ၤ. နမ့ၢ်ဟ့ၣ်ယၤလၢဖိခွါတဂၤဒီးယအၢၣ်လီၤ နၤလၢယကပာ်စီဆှံအီၤဆူနအိၣ်လၢအသးသမူတစိၤဒီးအခိၣ်သူ တဘၣ်တၢ်ကူးတဲာ်အီၤနီတစုဘၣ်.”

လံာ်စီၤၡမူၤအ့လးအခီၣ်ထံးတဘ့ၣ် 1:20

မၤသးဒ်န့ၣ်ဒီး, တၢ်န့ၣ်မ့ၢ်နီၢ်ဃးနၤအိၣ်ထီၣ်ဒီးအဟုးအသး ဒီးဆံးစၢ်ထီၣ်အဖိခွါတဂၤအဂ့ၢ်လီၤ. ပိာ်မုၣ်န့ၣ်ယုၢ်န့ၢ်အမံၤလၢစီၤၡမူၤအ့လးဒီးတဲဖျါထီၣ်ဝဲ အခီပညီလၢ, “ယဃ့န့ၢ်အီၤလၢယွၤလီၤ.”