လံာ်တၢ်ကဲထီၣ်အခီၣ်ထံး 29:3 - Sgaw Karen Common Bible

³ ဒီးဖဲလၢသိအဖုအဂီၢ်ခဲလၢာ်ဟဲတုၤဖှိၣ်ဖဲန့ၣ်တဘျီဂ့ၤ တဘျီဂ့ၤန့ၣ်ပှၤကွၢ်သိတဖၣ်တလ့ၣ်ကွံာ်လၢၢ်န့ၣ်ဒီးဒုးအီသိ တဖၣ်လၢထံန့ၣ်လီၤ. အန့ၣ်ဝံၤဒီး, တလ့ၣ်ကဒါက့ၤလၢၢ်လၢအလီၢ်ဒၣ်ဝဲ န့ၣ်လီၤ.

လံာ်တၢ်ကဲထီၣ်အခီၣ်ထံး 29:3 Iomraidhean Croise

လံာ်တၢ်ကဲထီၣ်အခီၣ်ထံး 29:2

သတူၢ်ကလာ်အဝဲဟဲတုၤဝဲဆူထံပူၤတပူၤလၢအအိၣ်လၢစံာ်ပျီတဖၣ် အပူၤ, အိၣ်ဒီးသိအဖုသၢဖုကိာ်လီၤဝးတရံးအီၤန့ၣ်လီၤ. ထံပူၤအံၤမ့ၢ်တၢ်လီၢ်လၢသိအဖုအဂီၢ်တဖၣ်ဘၣ်တၢ်ဒုးအီအီၤထံ အလီၢ်, ဒီးလၢၢ်ဖးဒိၣ်အိၣ်ဝဲတဖျၢၣ်လၢထံပူၤအံၤအခိၣ်ထိးန့ၣ်လီၤ.

လံာ်တၢ်ကဲထီၣ်အခီၣ်ထံး 29:4

စီၤယၤကိာ်သံကွၢ်ပှၤကွၢ်သိတဖၣ်, “ယတံၤသကိးသ့ၣ်ဧၢ, သုဟဲလၢလဲၣ်”. ဒီးအဝဲသ့ၣ်စံးဆၢဝဲ, “လၢဝ့ၢ်ဟၤရၣ်န့ၣ်လီၤ.”

လံာ်တၢ်ကဲထီၣ်အခီၣ်ထံး 29:8

ဒီးအဝဲသ့ၣ်စံးဆၢဝဲ, “တချုးလၢကယဲၢ်သိအဖုအဂီၢ်တဖၣ်ဟဲတုၤဖှိၣ် ဖဲအံၤဒီးတချုးပှၤတလ့ၣ်ကွံာ်လၢၢ်လၢထံပူၤအခိၣ်ထိး ဘၣ်န့ၣ်ပမၤတသ့ဘၣ်. သိအဖုအဂီၢ်မ့ၢ်ဟဲတုၤဖှိၣ်ဒီး, ပကဒုးအီအဝဲသ့ၣ်လၢထံလီၤ.”

လံာ်တၢ်ဟးထီၣ်ကွံာ် 2:17

ဘၣ်ဆၣ်ဒီးပှၤကွၢ်သိတနီၤဟဲဒီးဟီထီၣ်ကွံာ်အဝဲသ့ၣ်လီၤ. တုၤနုၤတစု, စီၤမိၤၡ့မၤစၢၤအဝဲသ့ၣ်ဒီးဒုးအီအဆၣ်ဖိ ကီၢ်ဖိတဖၣ်လၢထံန့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 4:12

ယတၢ်အဲၣ်ဒီးယတလးမူးပိာ်မုၣ်မ့ၢ်တၤသၣ်လီၢ်ခူသူၣ်တလီၢ်, တၤသၣ်လီၢ်လၢတၢ်ကရၢၢ်တံၢ်ဃာ်အီၤ, ဒီးထံမူထီၣ်ပၢၢ်တပူၤလၢအကစၢ်အိၣ်ဝဲ,

လံာ်ပှၤစံၣ်ညီၣ်ကွီၢ် 5:11

ဒိကနၣ်တက့ၢ်. ပှၤဂီၢ်မုၢ်လၢအသီၣ်အသဲဝးတရံးထံပူၤတဖၣ်န့ၣ် စံၣ်ဃဲၤတဲဃဲၤယွၤအတၢ်မၤနၢၤတဖၣ်, အံၣ်စရ့လးအပှၤဂီၢ်မုၢ်အတၢ်မၤနၢၤတဖၣ်န့ၣ်လီၤ. အန့ၣ်ဝံၤဒီးယွၤအပှၤဂီၢ်မုၢ်ဟးထီၣ်ဝဲလၢအဝ့ၢ်တဖၣ်ဒီးလဲၤတၢ်လီၤ.