လံာ်တၢ်ကဲထီၣ်အခီၣ်ထံး 29:16 - Sgaw Karen Common Bible

¹⁶ စီၤလၤဘၣ်အိၣ်ဒီးအဖိမုၣ်ခံဂၤန့ၣ်လီၤ. အဒိၣ်တဂၤန့ၣ်အမံၤမ့ၢ်ဝဲနီၢ်လ့ၤအၤဒီးအဆံးတဂၤမ့ၢ်ဝဲ နီၢ်ရၤဃ့လးန့ၣ်လီၤ.

လံာ်တၢ်ကဲထီၣ်အခီၣ်ထံး 29:16 Iomraidhean Croise

လံာ်တၢ်ကဲထီၣ်အခီၣ်ထံး 29:15

ဒီးစီၤလၤဘၣ်စံးဘၣ်စီၤယၤကိာ်, “မ့ၢ်လၢနမ့ၢ်ယဘူးယတံၢ်အ ဃိနတကြၢးမၤတၢ်လၢယဂီၢ်ကလီကလီဘၣ်. နသးလီတၢ်အဘူးအလဲဆံးအါလဲၣ်.”

လံာ်တၢ်ကဲထီၣ်အခီၣ်ထံး 29:17

ဒီးနီၢ်လ့ၤအၤန့ၣ်အမဲာ်ချံတဖၣ်ဘံယုၤဝဲဒီးနီၢ်ရၤဃ့လး န့ၣ်အက့ၢ်အဂီၤဂ့ၤဝဲဒီးဃံလၤဝဲလီၤ.

လံာ်တၢ်ကဲထီၣ်အခီၣ်ထံး 30:19

ဒီးနီၢ်လ့ၤအၤဒၢထီၣ်ကဒီး, ဒီးဆံးစၢ်န့ၢ်အဖိခွါဃုဂၤ တဂၤလၢစီၤယၤကိာ်အဂီၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 31:4

မၤသးဒ်န့ၣ်ဒီးစီၤယၤကိာ်မၤလိာ်ဝဲလၢနီၢ်ရၤဃ့လးဒီးနီၢ် လ့ၤအၤကဟဲထံၣ်အီၤလၢပျီပူၤဖဲအဆၣ်ဖိကီၢ်ဖိတဖၣ်အိၣ်ဝဲ အလီၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 33:2

အဝဲပာ်လီၤအသံၣ်မါခံဂၤဒီးအဖိတဖၣ်လၢတၢ်မဲာ်ညါကတၢၢ်, ဝံၤနီၢ်လ့ၤအၤဒီးအဖိတဖၣ်, ဒီးလၢခံကတၢၢ်နီၢ်ရၤဃ့လးဒီး စီၤယိၤသးအိၣ်ဝဲလၢတၢ်လီၢ်ခံကတၢၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 35:23

နီၢ်လ့ၤအၤအဖိခွါတဖၣ်မ့ၢ်ဝဲ, စီၤရူၤဘ့ၣ် (စီၤယၤကိာ်အဖိ ဝဲၢ်ကိ) စီၤစူၤမ့းအိၣ်, စီၤလ့ၤဝံ, စီၤယူဒၤ, စီၤယံးစၣ်ကၢ်ဒီး စီၤစဘူလိၣ်လီၤ.

လံာ်တၢ်ကဲထီၣ်အခီၣ်ထံး 46:15

လၢအဖိမုၣ်နီၢ်ဒံနၤအမဲာ်ညါန့ၣ်, ပှၤသ့ၣ်တဖၣ်အံၤ, မ့ၢ်ဖိခွါတဖၣ်လၢနီၢ်လ့ၤအၤဆံးစၢ်န့ၢ်လၢစီၤယၤကိာ်အဂီၢ် လၢကီၢ်မ့းစပတၤမံအပူၤန့ၣ်လီၤ. အစၢၤအသွဲၣ်တဖၣ်လၢနီၢ်လ့ၤအၤအတၢ်ဂံၢ်မ့ၢ်ဝဲခဲလၢာ်သၢဆံသၢ ဂၤန့ၣ်လီၤ.

လံာ်တၢ်ကဲထီၣ်အခီၣ်ထံး 49:31

တၢ်န့ၣ်မ့ၢ်တၢ်လီၢ်ဖဲအဝဲသ့ၣ်ခူၣ်လီၤကွံာ်စီၤအၤဘြၤဟၣ်ဒီး အမါနီၢ်စၤရါ, စီၤအံၤစဲးဒီးအမါနီၢ်ရံးဘကၤ, ဒီးတၢ်န့ၣ်မ့ၢ်တၢ်လီၢ်ဖဲယခူၣ်လီၤကွံာ်နီၢ်လ့ၤအၤန့ၣ်လီၤ.

လံာ်နီၢ်ရူၤသး 4:11

တုၤနုၤတစု, ပှၤအခိၣ်အနၢ်တဖၣ်ဒီးပှၤအဂၤလၢအအိၣ်ဖဲ ဝ့ၢ်အပဲတရီခဲလၢာ်န့ၣ်စံးဝဲ, “ပမ့ၢ်ပှၤအုၣ်အသးတဖၣ်လီၤ. မ်ယွၤဒုးကဲထီၣ်ပိာ်မုၣ်လၢအကဟဲနုာ်လၢနဟံၣ်ပူၤတဂၤအံၤဒ် သိးအကလီၤဂာ်ဒီးနီၢ်ရၤဃ့လးဒီးနီၢ်လ့အၤခံဂၤလၢအဆံးစၢ် န့ၢ်ဖိလံၤအါဂၤလၢစီၤယၤကိာ်အဂီၢ်န့ၣ်တက့ၢ်. မ်နကဘီၣ်ထီၣ်ညီထီၣ်လၢအ့ဖရးသးအဒူၣ်အထၢပူၤဒီးနမံၤဟူ ထီၣ်သါလီၤလၢဝ့ၢ်ဘ့ၤသလ့ဃ့ၣ်အပူၤန့ၣ်တက့ၢ်.