လံာ်တၢ်ကဲထီၣ်အခီၣ်ထံး 29:13 - Sgaw Karen Common Bible

¹³ ဒီးတုၤစီၤလၤဘၣ်နၢ်ဟူအဖိဒိၣ်ခွါစီၤယၤကိာ်အကစီၣ်န့ၣ်လဲၤ ဃ့ၢ်ဝဲလၢကထံၣ်လိာ်အီၤဒီးဖိးဃုဃာ်အီၤဒီးနၢမူအီၤ, ဒီးဟဲက့ၤကိးအီၤဆူအဟံၣ်ပူၤန့ၣ်လီၤ. တုၤစီၤယၤကိာ်တဲစီၤလၤဘၣ်လၢကယဲၢ်တၢ်ခဲလၢာ်လၢအမၤတ့ၢ်အသး ဝံၤဒီး,

လံာ်တၢ်ကဲထီၣ်အခီၣ်ထံး 29:13 Iomraidhean Croise

လံာ်တၢ်ကဲထီၣ်အခီၣ်ထံး 24:29

နီၢ်ရံးဘကၤန့ၣ်အိၣ်ဒီးအဒီပုၢ်ဝဲၢ်ခွါတဂၤလၢအမံၤမ့ၢ်ဝဲ စီၤလၤဘၣ်န့ၣ်လီၤ. ဒီးစီၤလၤဘၣ်လဲၤဃ့ၢ်ထီၣ်ဆူတၢ်ချၢဒ်သိးအကလဲၤဆူထံပူၤဖဲ စီၤအၤဘြၤဟၣ်အခ့အပှၤအိၣ်ဝဲအလီၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 24:31

ဒီးစံးဝဲ, “ဟဲဆူဟံၣ်ဒီးယၤတက့ၢ်. နမ့ၢ်ပှၤတဂၤလၢယွၤ ဆိၣ်ဂ့ၤတ့ၢ်အီၤန့ၣ်လီၤ. ဘၣ်မနုၤလၢနဆၢထၢၣ်ဖဲတၢ်ချၢအံၤန့ၣ်လဲၣ်. ယအိၣ်ဒီးဒၢးတဖျၢၣ်ကတဲာ်ကတီၤအသးလၢနဂီၢ်လၢယဟံၣ်ပူၤဒီးတၢ် လီၢ်တတီၤလၢနကီၤလၤအူးသ့ၣ်တဖၣ်အဂီၢ်စ့ၢ်ကီးလီၤ.”

လံာ်တၢ်ကဲထီၣ်အခီၣ်ထံး 24:32

မၤသးဒ်န့ၣ်ဒီးပှၤတဂၤန့ၣ်လဲၤနုာ်ဆူဟံၣ်ပူၤဒီးစီၤလၤဘၣ် ပာ်လီၤတၢ်ဘိၣ်တၢ်စှၢၤလၢကီၤလၤအူးအလိၤဒီးဟ့ၣ်အီၣ်ဝဲလၢ ဘုလီၢ်ဒီးဆၣ်ဖိကီၢ်ဖိအဆၣ်န့ၣ်လီၤ. ဒီးဟဲစိာ်ဝဲထံလၢစီၤအၤဘြၤဟၣ်အခ့အပှၤဒီးအပှၤတဖၣ်ကသ့ အခီၣ်အဂီၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 33:4

မ့မ့ၢ်စီၤဧ့ၡီၤဃ့ၢ်သဂၢၢ်အီၤ, ဖိးဟုအီၤဒီးနၢမူအီၤန့ၣ် လီၤ. အဝဲသ့ၣ်ခံဂၤလိာ်ဟီၣ်ဝဲဒၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 45:15

ဝံၤဒီး, ဖဲအဟီၣ်ဒံးအဖၢမုၢ်န့ၣ်, အဝဲဖိးဟုအဒီပုၢ်ဝဲၢ်ခွါ တဖၣ်ဒီးနၢမူအီၤတဂၤဘၣ်တဂၤလီၤ. ဝံၤဒီးအဒီပုၢ်ဝဲၢ်ခွါတဖၣ်စးထီၣ်ကတိၤတၢ်ဒီးအီၤလီၤ.

လံာ်စီၤၡမူၤအ့လးခံဘ့ၣ်တဘ့ၣ် 19:39

အန့ၣ်ဝံၤဒီး, စီၤဒၤဝံးဒီးကယဲၢ်အပှၤခဲလၢာ်ခီဂာ် ထံကျိယၢ်ဒ့ၣ်န့ၣ်လီၤ. အဝဲနၢမူစီၤဘၢ်စံးလဲဒီးဟ့ၣ်လီၤအီၤလၢအတၢ်ဆိၣ်ဂ့ၤဆိၣ်ဝါ ဒီးစီၤဘၢ်စံးလဲက့ၤကဒါက့ၤဆူအဟံၣ်န့ၣ်လီၤ.

လံာ်တၢ်ဟးထီၣ်ကွံာ် 18:7

လၢတၢ်န့ၣ်အဃိစီၤမိၤၡ့လဲၤထီၣ်ဒ်သိးကသဂၢၢ်အီၤဒီးဆုးလီၤ အခိၣ်လၢအမဲာ်ညါဒီးနၢမူအီၤန့ၣ်လီၤ. အဝဲသ့ၣ်သံကွၢ်လိာ်သကိးအသးတဂၤဒီးတဂၤလၢအတၢ်အိၣ်ဆူၣ်အိၣ် ချ့အဂ့ၢ်ဝံၤဒီးလဲၤနုာ်ဝဲဆူစီၤမိၤၡ့အဒဲပူၤန့ၣ်လီၤ.

လံာ်တၢ်ဟးထီၣ်ကွံာ် 4:27

အခါဖဲန့ၣ်ယွၤစံးဘၣ်စီၤအၤဟရိၣ်, “လဲၤထံၣ်လိာ်စီၤမိၤၡ့လၢပှၢ်မုၢ်ကနၢတက့ၢ်.” ဒီးအဝဲလဲၤထံၣ်လိာ်စီၤမိၤၡ့လၢကစၢၢ်စီဆှံဒီးနၢမူအီၤလီၤ.

လံာ်လူၤကၣ် 7:45

နတတူၢ်လိာ်ခီၣ်ဆၢယၤလၢတၢ်နၢမူနီတဘီဘၣ်. မ့မ့ၢ်အဝဲဒၣ်န့ၣ်, စးထီၣ်လၢယဟဲနုာ်လီၤလံၤလံၤ တဆိကတီၢ်အတၢ်နၢမူယခီၣ်ဘၣ်.

မၤတၢ် 20:37

အဝဲသ့ၣ်ကိးဂၤဒဲးဟီၣ်ဝဲဖဲအဖိးဃာ်အီၤဒီးနၢမူအီၤ ဒီးဆၢဂ့ၤဆၢဝါအီၤအခါန့ၣ်လီၤ.

ရိမ့ၤ 16:16

ဆၢဂ့ၤဆၢဝါလိာ်သုသးလၢတၢ်နၢမူစီဆှံတက့ၢ်. ခရံာ်အတၢ်အိၣ်ဖှိၣ်ခဲလၢာ်ဆၢဂ့ၤဆၢဝါသုလီၤ.

ကလီးစဲ 4:5

လၢသုတၢ်ဘၣ်ထွဲဒီးပှၤတစူၢ်တနာ်တၢ်တဖၣ်အပူၤန့ၣ်, အိၣ်ဒီးတၢ်ကူၣ်သ့တက့ၢ်. တၢ်ဆၢကတီၢ်ဒီးတၢ်ခွဲးတၢ်ယာ်လၢသုဒိးန့ၢ်ကိးကတီၢ်ဒဲးန့ၣ်, သူအီၤအဂ့ၤကတၢၢ်တက့ၢ်.