လံာ်တၢ်ကဲထီၣ်အခီၣ်ထံး 28:7 - Sgaw Karen Common Bible

⁷ ဒီးအဝဲထံၣ်ဝဲဒၣ်လၢစီၤယၤကိာ်စူၢ်အမိၢ်ဒီးအပၢ်ဒီးလဲၤဝဲ ဆူကီၢ်မ့းစပတၤမံလံန့ၣ်လီၤ.

လံာ်တၢ်ကဲထီၣ်အခီၣ်ထံး 28:7 Iomraidhean Croise

လံာ်တၢ်ကဲထီၣ်အခီၣ်ထံး 25:20

ဒီးဖဲစီၤအံၤစဲးန့ၢ်မါလၢနီၢ်ရံးဘကၤ, လၢအမ့ၢ်ပှၤစူၤရံဖိ စီၤဘသူၤအ့လးအိၣ်လၢပၤဒနါရၣ်အပျီပူၤ (ပှၤအမံနယၣ်ဖိလၢ ကီၢ်မ့းစပံတၤမ, အဖိမုၣ်), ပှၤစူၤရံဖိစီၤလၤဘၣ်အဒီပုၢ်ဝဲၢ်မုၣ်န့ၣ်, အသးအိၣ်လံဝဲအနံၣ်လွံၢ်ဆံန့ၣ်လီၤ.

လံာ်တၢ်ကဲထီၣ်အခီၣ်ထံး 27:43

ခဲကနံၣ်အံၤ, ဖိခွါဧၢ, မၤဒ်ယစံးဘၣ်နၤအသိးန့ၣ်တက့ၢ်. လဲၤတဘျီဃီဆူယဒီပုၢ်ဝဲၢ်ခွါစီၤလၤဘၣ်အအိၣ်လၢဝ့ၢ်ဟၤရၣ် အပူၤန့ၣ်တက့ၢ်.

လံာ်တၢ်ကဲထီၣ်အခီၣ်ထံး 28:6

စီၤဧ့ၡီၤသ့ၣ်ညါဝဲလၢစီၤအံၤစဲးဆိၣ်ဂ့ၤတ့ၢ်လံစီၤယၤ ကိာ်ဒီးဆှၢအီၤဆူကီၢ်မ့းစပတၤဒ်သိးကထံၣ်န့ၢ်အမါတဂၤအဂီၢ် လီၤ. အဝဲသ့ၣ်ညါစ့ၢ်ကီးဝဲဒၣ်လၢဖဲစီၤအံၤစဲးဆိၣ်ဂ့ၤအီၤန့ၣ် မၤလိာ်တ့ၢ်အီၤလၢအသုတဟံးန့ၢ်ပှၤကနၤဧၣ်မုၣ်တဂၤတဂ့ၤန့ၣ် လီၤ.

လံာ်တၢ်ကဲထီၣ်အခီၣ်ထံး 28:8

တုၤနုၤတစု, စီၤဧ့ၡီၤနၢ်ပၢၢ်ဝဲဒၣ်လၢအပၢ်စီၤအံၤစဲးတဘၣ် ဘၣ်အသးလၢပှၤကနၤဧၣ်မုၣ်ဖိတဖၣ်ဘၣ်န့ၣ်လီၤ.

လံာ်တၢ်ဟးထီၣ်ကွံာ် 20:12

ယူးယီၣ်ပာ်ကဲသုပၢ်ဒီးသုမိၢ်, ဒ်သိးသုကအိၣ်ကၢအိၣ်ခိးလၢ ကီၢ်တဘ့ၣ်လၢကယဟ့ၣ်လီၤသုအပူၤန့ၣ်တက့ၢ်.

တၢ်ကတိၤဒိ. 1:8

ယဖိခွါဧၢ, ကနၣ်နပၢ်အတၢ်သိၣ်တၢ်သီနၤဒီးလဲၤသဒၣ်နမိၢ် အတၢ်သိၣ်လိနဲၣ်လိတဂ့ၤ.

တၢ်ကတိၤဒိ. 30:17

ပှၤတဂၤလၢ်လၢ်လၢအမၤကလိာ်ကလာ်အပၢ်ဒီးသးဘၣ်အၢ အမိၢ်ဖဲအသးပှၢ်ထီၣ်အဆၢကတီၢ်န့ၣ်, ကြၢးလီတာ်တဖၣ်အီၣ်အီၤမ့ၢ်ဂ့ၤ, ကြၢးလၢအမဲာ်ချံတဖၣ်ဘၣ်တၢ် အူခွဲးထီၣ်အီၤလၢစိးဝၣ်ဃးအမံၤတဖၣ်မ့ၢ်ဂ့ၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 19:3

ပှၤကိးဂၤဒဲးကဘၣ်ယူးယီၣ်အမိၢ်ဒီးအပၢ်လီၤ. ဒီးကဘၣ်ပာ်စီဆှံမုၢ်အိၣ်ဘှံးအနံၤဒ်ယမၤလိာ်တ့ၢ်အသိးန့ၣ်လီၤ. ယမ့ၢ်ယွၤ, သုကစၢ်ယွၤန့ၣ်လီၤ.

အ့းဖ့းစူး 6:1

ဖိသ့ၣ်ဧၢ, စူၢ်သုမိၢ်သုပၢ်လၢကစၢ်အပူၤတက့ၢ်. အဂ့ၢ်ဒ်အံၤတၢ်အံၤမ့ၢ်တၢ်အဂ့ၤအဘၣ်လၢသုကဘၣ်မၤအီၤန့ၣ်လီၤ.

အ့းဖ့းစူး 6:3

“လၢသုကဘီၣ်ထီၣ်ညီထီၣ်ဒီးသုကအိၣ်မူဘၣ်အါနံၣ်အါ လါလၢကီၢ်အပူၤန့ၣ်လီၤ.”

ကလီးစဲ 3:20

ဖိသ့ၣ်ဧၢ, စူၢ်သုမိၢ်သုပၢ်လၢတၢ်ကိးမံၤဒဲးအပူၤတက့ၢ်. အဂ့ၢ်ဒ်အံၤတၢ်န့ၣ်မ့ၢ်တၢ်လၢအဘၣ်ကစၢ်ယွၤအသးလီၤ.