လံာ်တၢ်ကဲထီၣ်အခီၣ်ထံး 28:3 - Sgaw Karen Common Bible

³ မ်သ့တၢ်လၢာ်ကစၢ်ယွၤဆိၣ်ဂ့ၤနတၢ်ဖျီဒီးဟ့ၣ်နၤလၢနဖိတဖၣ် အါအါဂီၢ်ဂီၢ်ဒ်သိးနကကဲထီၣ်ပှၤအါကလုာ်အပၢ်န့ၣ်တက့ၢ်.

လံာ်တၢ်ကဲထီၣ်အခီၣ်ထံး 28:3 Iomraidhean Croise

လံာ်တၢ်ကဲထီၣ်အခီၣ်ထံး 1:28

ဆိၣ်ဂ့ၤအဝဲသ့ၣ်, ဒီးစံးဝဲဒၣ်, “မ်သုထီၣ်ဖိအါအါဂီၢ်ဂီၢ်, ဒ်သိးသုစၢၤသုသွဲၣ်တဖၣ် ကအိၣ်မူလၢဟီၣ်ခိၣ်ဒီဖျၢၣ်ညါအချၢဒီး ပၢဘၣ်အီၤတက့ၢ်. ယပာ်သုဒ်ပှၤလၢအကပၢဘၣ်ဒ့ၣ်ဧိၤညၣ်ဧိၤ, ထိၣ်ဧိၤလံာ်ဧိၤဒီးဆၣ်ဖိကီၢ်ဖိအမံၤခဲလၢာ်န့ၣ်လီၤ.

လံာ်တၢ်ကဲထီၣ်အခီၣ်ထံး 13:16

ယကဟ့ၣ်လီၤနၤလၢနစၢၤနသွဲၣ်အါအါကလဲာ်တုၤပှၤဂံၢ်ထီၣ်အီၤ တန့ၢ်တသ့နီတဂၤဘၣ်န့ၣ်လီၤ. တၢ်မ့ၢ်ဘၣ်ဂံၢ်ကယဲၢ်ဟီၣ်ခိၣ်အကမူၣ်ခဲလၢာ်န့ၣ်ကညီဒိၣ်တက့ၢ်န့ၣ် လီၤ.

လံာ်တၢ်ကဲထီၣ်အခီၣ်ထံး 17:20

ယနၢ်ဟူတ့ၢ်လံလၢနဃ့တၢ်ဘၣ်ဃးဒီးစီၤယံးၡမၤဧ့လးအဂီၢ်န့ၣ် လီၤ. မၤသးဒ်န့ၣ်ဒီး, ယကဆိၣ်ဂ့ၤအီၤဒီးဟ့ၣ်အီၤလၢအဖိ တဖၣ်ဒီးအစၢၤအသွဲၣ်တဖၣ်အါအါဂီၢ်ဂီၢ်န့ၣ်လီၤ. အဝဲကမ့ၢ်ပဒိၣ်တဆံခံဂၤအပၢ်ဒီးယကဒုးကဲထီၣ်အစၢၤအသွဲၣ်တဖၣ် လၢပှၤကလုာ်ဖးဒိၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 24:60

ဒီးအဝဲသ့ၣ်ဆိၣ်ဂ့ၤနီၢ်ရံးဘကၤ လၢတၢ်ကတိၤတဖၣ်အံၤလီၤ. “နဲဒၣ်ပဒီပုၢ်ဝဲၢ်မုၣ်ဧၢ, မ်နကကဲထီၣ်ပှၤအကကွဲၢ်တဖၣ်အမိၢ်တက့ၢ်. မ်နစၢၤနသွဲၣ်တဖၣ်မၤန့ၢ်မၤနၢၤအဒုၣ်အဒါတဖၣ်အဝ့ၢ်န့ၣ်တက့ၢ်.”

လံာ်တၢ်ကဲထီၣ်အခီၣ်ထံး 26:24

ဒီးလၢမုၢ်နၤဝဲန့ၣ်ယွၤလီၣ်ဖျါထီၣ်အသးလၢအီၤဒီးစံးဝဲ, “ယမ့ၢ်နပၢ်စီၤအၤဘြၤဟၣ်အကစၢ်ယွၤလီၤ. ပျံၤတၢ်တဂ့ၤ. ယအိၣ်ဒီးနၤလီၤ. ယကဆိၣ်ဂ့ၤနၤဒီးဟ့ၣ်လီၤနၤ လၢနစၢၤနသွဲၣ်အါအါဂီၢ်ဂီၢ်လီၤ. အဂ့ၢ်ဒ်အံၤ, တၢ်န့ၣ်မ့ၢ်ယတၢ်အၢၣ်လီၤ, ဒီးယခ့ယပှၤစီၤအၤဘြၤဟၣ်အဃိန့ၣ်လီၤ.”

လံာ်တၢ်ကဲထီၣ်အခီၣ်ထံး 26:4

ယကဟ့ၣ်နၤနစၢၤနသွဲၣ်တဖၣ်အါဝဲဒ်ဆၣ်ဧိၤဖီဧိၤလၢမူခိၣ်အသိး ဒီးယကဟ့ၣ်အဝဲသ့ၣ်လၢတၢ်လီၢ်ခဲလၢာ်အံၤန့ၣ်လီၤ. ကယဲၢ်ပှၤကလုာ်ခဲလၢာ်ကဃ့ယၤလၢယကဆိၣ်ဂ့ၤအဝဲသ့ၣ်ဒ်ယဆိၣ်ဂ့ၤ တ့ၢ်နစၢၤနသွဲၣ်အသိးန့ၣ်လီၤ.

လံာ်တၢ်ကဲထီၣ်အခီၣ်ထံး 27:33

စီၤအံၤစဲးဖုးသံပျီၢ်ဂီၤဒီးကနိးကစုာ်ထီၣ်ဒီဂၤညါဒီး သံကွၢ်ဝဲ, “ပှၤလၢအမၤသံဆၣ်ဖိကီၢ်ဖိဒီးဟဲစိာ်ဆူယအိၣ်န့ၣ်မ့ၢ်မတၤ တဂၤလဲၣ်. ယအီၣ်တ့ၢ်လံတချုးနဟဲန့ၣ်လီၤ. ယဟ့ၣ်လံအီၤယတၢ်ဆိၣ်ဂ့ၤလၢခံကတၢၢ်ဒီးမ့ၢ်အတၢ်လီၤစိၤလီၤ ထီန့ၣ်လီၤ.”

လံာ်တၢ်ကဲထီၣ်အခီၣ်ထံး 35:11

ဒီးကစၢ်ယွၤစံးဘၣ်အီၤ, “ယမ့ၢ်သ့တၢ်လၢာ်ကစၢ်ယွၤလီၤ. ထီၣ်ဖိအါအါဂီၢ်ဂီၢ်တက့ၢ်. ပှၤကလုာ်တဖၣ်ကလီၤစၢၤလီၤသွဲၣ် လၢနၤဒီးနကမ့ၢ်ပှၤလၢစီၤပၤတဖၣ်ဟဲလီၤစၢၤလီၤသွဲၣ်လၢအီၤ န့ၣ်လီၤ.

လံာ်တၢ်ကဲထီၣ်အခီၣ်ထံး 41:52

အဝဲစံးစ့ၢ်ကီးဝဲ, “ကစၢ်ယွၤဟ့ၣ်လံယၤလၢဖိတဖၣ်လၢယတၢ်ဘၣ် ကိၢ်ဘၣ်ဂီၤအကီၢ်ပူၤလံ.” လၢတၢ်န့ၣ်အဃိအဝဲယုၢ်န့ၢ်အဖိခွါခံဂၤတဂၤအမံၤလၢစီၤအ့ ဖရဲၣ်လီၤ.

လံာ်တၢ်ကဲထီၣ်အခီၣ်ထံး 43:14

မ်သ့တၢ်လၢာ်ကစၢ်ယွၤထိးဘၣ်ပှၤတဂၤန့ၣ်အသးဒ်သိးကသးကညီၤသု တုၤလၢကဟ့ၣ်ကဒါက့ၤစီၤဘံၣ်ယၤမံၣ်ဒီးသုဒီပုၢ်ဝဲၢ်ခွါအဂၤ တဂၤဆူသုအိၣ်န့ၣ်တက့ၢ်. မ့မ့ၢ်လၢယဂီၢ်တခီယမ့ၢ်ဘၣ်ခီၣ်ဆူကွံာ်ယဖိတဖၣ်ဒီးယကဘၣ်ခီၣ် ဆူကွံာ်လီၤ.”

လံာ်တၢ်ကဲထီၣ်အခီၣ်ထံး 48:3

စီၤယၤကိာ်စံးဘၣ်စီၤယိၤသး, “သ့တၢ်လၢာ်ကစၢ်ယွၤလီၣ်ဖျါ ထီၣ်အသးလၢယၤဖဲဝ့ၢ်လူးစလၢကီၢ်ကနၤဧၣ်အပူၤဒီးဆိၣ်ဂ့ၤ ယၤလီၤ.

လံာ်တၢ်ကဲထီၣ်အခီၣ်ထံး 48:4

အဝဲစံးဘၣ်ယၤ, ‘ယကဟ့ၣ်နၤလၢနဖိအါအါဂီၢ်ဂီၢ်, ဒ်သိးနစၢၤနသွဲၣ်တဖၣ်ကကဲထီၣ်ပှၤအါကလုာ်န့ၣ်လီၤ. ယကဟ့ၣ်လီၤနစၢၤနသွဲၣ်တဖၣ်လၢကီၢ်အံၤဒ်အဝဲသ့ၣ်အတၢ်န့ၢ်သါ အစိၤစိၤအဃၣ်ဃၣ်န့ၣ်လီၤ.”

လံာ်တၢ်ကဲထီၣ်အခီၣ်ထံး 49:25

အအံၤမ့ၢ်နပၢ်အကစၢ်ယွၤလၢအမၤစၢၤနၤ, သ့တၢ်လၢာ်ကစၢ်ယွၤလၢအဆိၣ်ဂ့ၤနၤ, လၢတၢ်ဆိၣ်ဂ့ၤတဖၣ်အတၢ်စူၤ ထံလၢအဟဲလၢထး, လၢတၢ်ယိာ်ပူၤအထံတဖၣ်လၢအဟဲထီၣ်လၢဟီၣ်ခိၣ်လာ်, တၢ်ဆိၣ်ဂ့ၤတဖၣ်လၢဂီၤဘုၣ်ဂီၤဖံးဒီးဖိတဖၣ်အါအါဂီၢ်ဂီၢ်,

လံာ်တၢ်ကဲထီၣ်အခီၣ်ထံး 9:1

ကစၢ်ယွၤဆိၣ်ဂ့ၤစီၤနိအၤဒီးအဖိခွါတဖၣ်ဒီးစံးဝဲ, “အိၣ်ဒီးသုဖိသုလံၤအါဂၤဒ်သိးသုစၢၤသုသွဲၣ်တဖၣ်ကအိၣ် မူအိၣ်ဂဲၤလၢဟီၣ်ခိၣ်ဒီဘ့ၣ်ညါန့ၣ်တက့ၢ်.

စံးထီၣ်ပတြၢၤ 127:1

ယွၤမ့ၢ်တမၤဟံၣ်ဘၣ်ဒီး, ပှၤလၢအမၤဝဲတဖၣ်န့ၣ်မၤဝဲကလီကလီလီၤ. ယွၤမ့ၢ်တကွၢ်ဝ့ၢ်ဘၣ်ဒီး, ပှၤပၢၤတၢ်တဖၣ်န့ၣ်ဆိးသီဝဲကလီကလီလီၤ.

စံးထီၣ်ပတြၢၤ 127:3

ကွၢ်ကွၢ်, ပဖိပလံၤန့ၣ်မ့ၢ်တၢ်န့ၢ်သါဟဲလၢယွၤလီၤ. ဒီးပှၤဒၢလီၢ်အတၤသၣ်န့ၣ် မ့ၢ်တၢ်အဘူးအလဲလီၤ.

လံာ်တၢ်ဟးထီၣ်ကွံာ် 1:7

မ့မ့ၢ်အဝဲသ့ၣ်အစၢၤအသွဲၣ်လၢအမ့ၢ်ဝဲပှၤအံၣ်စရ့လးဖိတဖၣ် န့ၣ်, အိၣ်ဒီးအဖိအလံၤအါဂၤ, ဒီးအါထီၣ်ဂီၢ်ထီၣ်ဝဲဒီးဆူၣ်ထီၣ်ဝဲ တုၤကီၢ်အဲၤကူပတူးအိၣ်ပှဲၤဒီးအဝဲသ့ၣ်တဖၣ်န့ၣ်လီၤ.

လံာ်တၢ်ဟးထီၣ်ကွံာ် 6:3

ယလီၣ်ဖျါထီၣ်တ့ၢ်ယသးဆူစီၤအၤဘြၤဟၣ်, စီၤအံၤစဲးဒီး စီၤယၤကိာ်ဒ်သ့တၢ်လၢာ်ကစၢ်ယွၤအသိးန့ၣ်လီၤ. ဘၣ်ဆၣ်ဒီးယတဒုးသ့ၣ်ညါယသးလၢအဝဲသ့ၣ်ခီဖျိယမံၤစီဆှံ, ယွၤန့ၣ်ဘၣ်.

၂ ကရံၣ်သူး 6:18

ယကမ့ၢ်ပၢ်တဂၤလၢသုဂီၢ် ဒီးသုကမ့ၢ်ယဖိခွါဒီးယဖိမုၣ်တဖၣ်လီၤ. သ့တၢ်လၢာ်ကစၢ်စံးဝဲဒၣ်”

လံာ်လီၣ်ဖျါ 21:22

လၢဝ့ၢ်ပူၤန့ၣ်ယတထံၣ်တၢ်လုၢ်ဟံၣ်နီတဖျၢၣ်ဘၣ်. အဂ့ၢ်ဒ်အံၤ, အတၢ်လုၢ်ဟံၣ်မ့ၢ်ဝဲသ့တၢ်လၢာ်ကစၢ်ယွၤ ဒီးသိဖိတဒုန့ၣ်လီၤ.

လံာ်နီၢ်ရူၤသး 2:4

တယံာ်ဘၣ်ဒီး, စီၤဘိၤဧးအနီၢ်ကစၢ်ဒၣ်ဝဲဟဲတုၤဝဲ, လၢဝ့ၢ်ဘ့ၤသလ့ဃ့ၣ်ဒီးကတိၤဆၢဂ့ၤဆၢဝါပှၤကူးဘုဖိတဖၣ် ဒီးစံးဝဲ, “မ်ယွၤအိၣ်ဒီးသုတက့ၢ်.” ဒီးအဝဲသ့ၣ်စံးဆၢဝဲ, “မ်ယွၤဆိၣ်ဂ့ၤနၤတက့ၢ်.”