လံာ်တၢ်ကဲထီၣ်အခီၣ်ထံး 28:22 - Sgaw Karen Common Bible

²² တၢ်သ့ၣ်နီၣ်ထီၣ်အလၢၢ်လၢယပာ်လီၤအီၤအံၤကမ့ၢ်တၢ်လီၢ်လၢနဘၣ်တၢ်ဘူၣ်ထီၣ်ဘါထီၣ်နၤဒီးယကဟ့ၣ်နၤကယဲၢ်တၢ်လၢနဟ့ၣ်ယၤအကျါဆံဆဲၣ်ပူတပူန့ၣ်လီၤ.”

လံာ်တၢ်ကဲထီၣ်အခီၣ်ထံး 28:22 Iomraidhean Croise

လံာ်တၢ်ကဲထီၣ်အခီၣ်ထံး 12:8

အန့ၣ်ဝံၤဒီး, အဝဲသုးအလီၢ်ဆူကလံၤထံးခိခိၣ်ကစၢၢ်ကလိ လၢဝ့ၢ်ဘ့ၤသ့လးအမုၢ်ထီၣ်န့ၣ်လီၤ. ဒီးသူၣ်လီၤအဒဲလၢတၢ်ဘၢၣ်စၢၤဖဲမုၢ်နုာ်တခီဝ့ၢ်ဘ့ၤသ့လး အိၣ်ဝဲဒီးမုၢ်ထီၣ်တခီဝ့ၢ်ဂဲအိၣ်ဝဲဒၣ်န့ၣ်လီၤ. ဖဲန့ၣ်စ့ၢ်ကီးအဝဲသူၣ်ထီၣ်တၢ်လုၢ်လီၢ်တတီၤဒီးဘူၣ်ထီၣ်ဘါထီၣ်ယွၤန့ၣ်လီၤ.

လံာ်တၢ်ကဲထီၣ်အခီၣ်ထံး 14:20

မ်တၢ်ထီကတၢၢ်ကစၢ်ယွၤတဂၤလၢအဟ့ၣ်နၤတၢ်မၤနၢၤလၢနဒုၣ်နဒါ အဖီခိၣ်န့ၣ်ဘၣ်တၢ်စံးထီၣ်ပတြၢၤအီၤတက့ၢ်.” ဒီးစီၤအၤဘြၣ်ဟ့ၣ်ဝဲစီၤမးလကံစဒ့းလၢကယဲၢ်တၢ်ဂုာ်န့ၢ်လၢ အဘၣ်တၢ်မၤန့ၢ်ကဒါက့ၤအီၤအကျါဆံဆဲၣ်ပူတပူန့ၣ်လီၤ.

လံာ်တၢ်ကဲထီၣ်အခီၣ်ထံး 21:33

အန့ၣ်ဒီးစီၤအၤဘြၤဟၣ်သူၣ်သ့ၣ်တဖုဖဲဘ့ၢ်ၡဘၤဒီးဘူၣ်ထီၣ်ဘါ ထီၣ်ယွၤ, ကစၢ်ယွၤလီၤထူလီၤယိာ်န့ၣ်လီၤ.

လံာ်တၢ်ကဲထီၣ်အခီၣ်ထံး 28:17

ဒီးစီၤယၤကိာ်ပျံၤတၢ်ဒီးစံးဝဲ, “တၢ်လီၢ်တပူၤအံၤမ့ၢ်တၢ် လီၤပျံၤအလီၢ်ဆံးဒိၣ်လဲၣ်. တၢ်လီၢ်အံၤကဘၣ်မ့ၢ်ဝဲကစၢ်ယွၤအဟံၣ်လီၤ. ကဘၣ်မ့ၢ်ကျဲစၢၤအိၣ် အိးထီၣ်အသးဆူမူခိၣ်န့ၣ်လီၤ.”

လံာ်တၢ်ကဲထီၣ်အခီၣ်ထံး 33:20

ဒီးဖဲန့ၣ်မၤထီၣ်ဝဲတၢ်လုၢ်လီၢ်တခါဒီးကိးဝဲအမံၤလၢ “အ့ၤလံ,” ဒ်ပစံးတၢ်အသိး, “အံၣ်စရ့လးအကစၢ်ယွၤ” န့ၣ်လီၤ.

လံာ်တၢ်ကဲထီၣ်အခီၣ်ထံး 35:1

ကစၢ်ယွၤစံးဘၣ်စီၤယၤကိာ်, “လဲၤဆူဝ့ၢ်ဘ့ၤသ့လးခဲအံၤ တဘျီဃီ, ဒီးအိၣ်ဆိးဖဲန့ၣ်တက့ၢ်. ဖဲန့ၣ်ဘှီထီၣ်တၢ်လုၢ်လီၢ်တခါလၢ ယၤ, ကစၢ်ယွၤလၢအလီၣ်ဖျါတ့ၢ်အသးလၢနၤအဂီၢ်ဖဲ နဃ့ၢ်ထီၣ်ကွံာ်တ့ၢ်လၢနဒီပုၢ်ဝဲၢ်ခွါစီၤဧ့ၡီၤအအိၣ်အခါ, န့ၣ်တက့ၢ်.”

လံာ်တၢ်ကဲထီၣ်အခီၣ်ထံး 35:7

အဝဲဘှီထီၣ်တၢ်လုၢ်လီၢ်တခါဖဲန့ၣ်ဒီးကိးထွဲတၢ်လီၢ်န့ၣ် အမံၤဒ်ဝ့ၢ်ဘ့ၤသ့လးအကစၢ်ယွၤ, မ့ၢ်လၢကစၢ်ယွၤလီၣ်ဖျါတ့ၢ်အသးဒီးအီၤဖဲန့ၣ်, ဖဲအဝဲဃ့ၢ်ထီၣ်ကွံာ်လၢအဝဲၢ်အအိၣ်အခါအဃိ န့ၣ်လီၤ.

လံာ်တၢ်ကဲထီၣ်အခီၣ်ထံး 47:24

ဖဲကူးတၢ်အကတီၢ်န့ၣ်, သုကဘၣ်ဟ့ၣ်စီၤပၤယဲၢ်ပူတပူ န့ၣ်လီၤ. တၢ်လၢအအိၣ်လီၤတဲာ်တဖၣ်န့ၣ်, သုသူအီၤလၢတၢ်ချံ အဂီၢ်ဒီးလၢတၢ်အီၣ်တၢ်အီလၢသုကစၢ်ဒၣ်သုဝဲဒီးသုဒူၣ်ဖိထၢ ဖိတဖၣ်အဂီၢ်သ့ဝဲန့ၣ်လီၤ.”

လံာ်တၢ်ကဲထီၣ်အခီၣ်ထံး 47:26

လၢတၢ်န့ၣ်အဃိ, စီၤယိၤသးဒုးအိၣ်ထီၣ်တၢ်သိၣ်တၢ်သီတမံၤဘၣ် ထွဲဒီးကီၢ်အဲၤကူပတူးအဟီၣ်ခိၣ်တဖၣ်လၢ, တၢ်ကူးက့ၤလၢအန့ၢ်ယဲၢ်ပူတပူန့ၣ်ကြၢးမ့ၢ်စီၤပၤအတၢ်လီၤ. တၢ်သိၣ်တၢ်သီအံၤအိၣ်ဂၢၢ်ဝဲကျၢၤဝဲတုၤလၢမုၢ်မဆါတနံၤအံၤ လီၤ. ထဲပှၤလုၢ်တၢ်အခိၣ်တဖၣ်အဟီၣ်ခိၣ်ဧိၤန့ၣ်တကဲထီၣ်စီၤပၤအတၢ်စု လီၢ်ခီၣ်ခိၣ်ဘၣ်.

လံာ်မၤလကံ 3:10

ဟဲစိာ်သုတၢ်ဆံဆဲၣ်ပူတပူပှဲၤထီၣ်ပှဲၤထီဆူတၢ်လုၢ်ဟံၣ်, ဒ်သိးတၢ်အီၣ်တၢ်အီကအိၣ်အါအါဂီၢ်ဂီၢ်ဖဲန့ၣ်တက့ၢ်. မၤကွၢ်ယၤဒီးသုကထံၣ်ဘၣ်လၢယကအိးထီၣ်မူခိၣ်အပဲတြီ တဖၣ်ဒီးလူလီၤကယဲၢ်တၢ်ဂ့ၤခဲလၢာ်လၢသုဖီခိၣ်တုၤအပှဲၤ လုၣ်ကွံာ်ဒၣ်လဲာ်န့ၣ်လီၤ.