လံာ်တၢ်ကဲထီၣ်အခီၣ်ထံး 28:21 - Sgaw Karen Common Bible

²¹ ဒီးယမ့ၢ်ဟဲက့ၤတုၤပူၤဒုၣ်ပူၤဒါဆူယပၢ်အဟံၣ်န့ၣ်ဒီးနကမ့ၢ် ယကစၢ်ယွၤန့ၣ်လီၤ.

လံာ်တၢ်ကဲထီၣ်အခီၣ်ထံး 28:21 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 15:8

ဖဲယအိၣ်လၢကီၢ်စူၤရံအပူၤလၢဝ့ၢ်ကၡူၢ်အခါန့ၣ်, ယအၢၣ်လီၤတ့ၢ်ကစၢ်ယွၤလၢအဝဲမ့ၢ်ဆှၢကဒါက့ၤယၤဆူ ဝ့ၢ်ယရူၤၡလ့ၣ်ဒီးယကဘူၣ်ထီၣ်ဘါထီၣ်အီၤလၢဝ့ၢ်ဃ့ဘြိၣ်အပူၤန့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 19:24

ဒီးစီၤစီလူးအလံၤခွါစီၤမဖံဘိၤၡ့း ဟဲလီၤဝဲဒ်သိးကသဂၢၢ်စီၤပၤန့ၣ်လီၤ. အဝဲတသ့ဘၣ်အခီၣ်, တတံာ်ဃူဘၣ်အခၣ်ဆူၣ်ဒီးတဆှူၣ်ဘၣ်အကူအသိးတဖၣ် စးထီၣ်လၢစီၤပၤဟးထီၣ်လၢဝ့ၢ်ယရူၤၡလ့ၣ်အမုၢ်တနံၤန့ၣ် တုၤအဟဲက့ၤတုၤအိၣ်ဒီးတၢ်မၤနၢၤတစုန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 19:30

စီၤမဖံဘိၤၡ့းစံးဆၢဝဲဒၣ်, “ပျဲစီၤစံဘၤဟံးန့ၢ်တၢ်န့ၣ်ခဲလၢာ်တက့ၢ်. လၢယဂီၢ်န့ၣ်နဲဒၣ်တၢ်ဒိၣ်ကစၢ်စီၤပၤဟဲက့ၤတုၤ ပူၤပူၤဖျဲးဖျဲးန့ၣ်လၢပှဲၤဝဲဒၣ်လံ.”

လံာ်စီၤပၤခံဘ့ၣ်တဘ့ၣ် 5:17

လၢတၢ်န့ၣ်အဃိစီၤနဧၤမၣ်စံးဝဲဒၣ်, “နမ့ၢ်တတူၢ်လိာ်ဘၣ်ယတၢ် ဟ့ၣ်အံၤန့ၣ်, ပျဲယမၤန့ၢ်ဟီၣ်ခိၣ်လၢယကက့ၤစိာ်အီၤဆူဟံၣ်ဒီးယၤ, ဘျဲးစိာ်ကသ့ၣ်လၤခံဒုတက့ၢ်. အဂ့ၢ်ဒ်အံၤ, စးထီၣ်ခဲအံၤဒီးဆူညါန့ၣ်, ယတလုၢ်လၢၤဘၣ်တၢ်လုၢ်တၢ်ပာ်မ့ၢ် ဂ့ၤ, တၢ်လုၢ်မ့ၣ်အူမ့ၢ်ဂ့ၤဆူကစၢ်အဂၤတဖၣ်လၢၤဘၣ်. ယကလုၢ်တၢ်ထဲဆူယွၤတဂၤဧိၤအအိၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 4:10

ဘၣ်ဆၣ်စီၤယၤဘ့းဘါထုကဖၣ်တၢ်ဆူအံၣ်စရ့လးအကစၢ် ယွၤဒီးစံးဝဲ, “ကစၢ်ယွၤဧၢ, ဆိၣ်ဂ့ၤယၤဒီးဟ့ၣ်လဲၢ်ထီၣ်ယအိၣ်ယဆိးအလီၢ်တ က့ၢ်. အိၣ်ဒီးယၤဒီးတြီဃာ်န့ၢ်ယၤလၢကယဲၢ်တၢ်အၢတၢ်သီ တမံၤလၢ်လၢ်လၢကမၤဆူးဆါယၤန့ၣ်တက့ၢ်.” ဒီးကစၢ်ယွၤဟ့ၣ်အီၤတၢ်လၢအဃ့ဝဲဒၣ်န့ၣ်လီၤ.

လံာ်တၢ်ဟးထီၣ်ကွံာ် 15:2

ယွၤမ့ၢ်ပှၤအိၣ်ပှိၤယၤလၢအဂံၢ်အဘါဆူၣ်လီၤ. အဝဲမ့ၢ်ပှၤတဂၤလၢအအုၣ်က့ၤခီၣ်က့ၤယၤလီၤ. အဝဲမ့ၢ်ယကစၢ်ယွၤဒီးယကစံးထီၣ်ပတြၢၤအီၤ, မ့ၢ်ယပၢ်အကစၢ်ယွၤဒီးယကသးဝံၣ်ထီၣ်အတၢ်ဒိၣ်တၢ်ထီအဂ့ၢ်လီၤ.

လံာ်သိၣ်လီၤသီလီၤတၢ် 26:17

မုၢ်မဆါတနံၤအံၤသုအၢၣ်လီၤသ့ၣ်ညါတ့ၢ်ယွၤ, ဒ်သုကစၢ်ယွၤအသိး, သုအၢၣ်လီၤတ့ၢ်လၢသုကစူၢ်အီၤ, ကတိၢ်န့ၢ်ဖံးဃာ်အဝဲအတၢ်ဘူၣ်တၢ်ဘါအတၢ်သိၣ်တၢ်သီတဖၣ်, ဒီးကမၤတၢ်ခဲလၢာ်ဒ်အဝဲမၤလိာ်ဝဲအသိးန့ၣ်လီၤ.

လံာ်ပှၤစံၣ်ညီၣ်ကွီၢ် 11:31

ယကလုၢ်ထီၣ်ပှၤအဆိကတၢၢ်တဂၤလၢအဟဲထီၣ်လၢယဟံၣ်ပူၤဒ်သိး အကသဂၢၢ်ယၤဖဲယဟဲက့ၤလၢတၢ်မၤနၢၤအကတီၢ်န့ၣ်လီၤ. ယကလုၢ်ထီၣ်ပှၤတဂၤန့ၣ်ဆူနအိၣ်ဒ်တၢ်လုၢ်တၢ်ပာ်အသိးန့ၣ်လီၤ.”