လံာ်တၢ်ကဲထီၣ်အခီၣ်ထံး 28:20 - Sgaw Karen Common Bible

²⁰ ဒီးစီၤယၤကိာ်မၤတၢ်ဆိၣ်တမံၤဒီးယွၤစံးဝဲ, “နမ့ၢ်အိၣ်ဒီးယၤဒီးဒီဒၣ်အိၣ်ပှိၤယၤလၢယတၢ်လဲၤတၢ်က့ၤ အပူၤဒီးဟ့ၣ်ယၤတၢ်အီၣ်တၢ်အီဒီးတၢ်ကူတၢ်သိး,

လံာ်တၢ်ကဲထီၣ်အခီၣ်ထံး 28:20 Iomraidhean Croise

လံာ်တၢ်ကဲထီၣ်အခီၣ်ထံး 28:15

ဒီးသ့ၣ်နီၣ်လၢယကအိၣ်ဒီးနၤဒီးဒီဒၣ်အိၣ်ပှိၤနၤဖဲနလဲၤတၢ် တပူၤလၢ်လၢ်, ဒီးယကဟဲက့ၤစိာ်နၤဆူကီၢ်အံၤတက့ၢ်. ကယဲၢ်တၢ်လၢယအၢၣ်လီၤနၤတဖၣ်န့ၣ်တချုးယမၤလၢထီၣ်ပှဲၤထီၣ်ဒံး ဘၣ်ဒီးယတလဲၤသဒၣ်ဘၣ်နၤဘၣ်.”

လံာ်တၢ်ကဲထီၣ်အခီၣ်ထံး 31:13

ယမ့ၢ်ကစၢ်ယွၤလၢအလီၣ်ဖျါထီၣ်အသးဒီးနၤလၢဘ့ၤသ့လးဖဲနပာ် စီဆှံလၢၢ်တဖျၢၣ်လၢတၢ်သ့ၣ်နီၣ်အဂီၢ်ခီဖျိနလူလီၤသိလၢနမၤ တၢ်အၢၣ်လီၤအီလီၤတမံၤဒီးယၤန့ၣ်လီၤ. ခဲကနံၣ်အံၤ, ကတဲာ်ကတီၤနသးဒီးက့ၤဆူကီၢ်လၢနအိၣ်ဖျဲၣ်ထီၣ် န့ၣ်တက့ၢ်.’ ”

လံာ်တၢ်ကဲထီၣ်အခီၣ်ထံး 35:3

ပကဘၣ်ဟးထီၣ်ကွံာ်ဖဲအံၤဒီးလဲၤဆူဝ့ၢ်ဘ့ၤသ့လးဖဲယကဘှီ ထီၣ်တၢ်လုၢ်လီၢ်တခါလၢကစၢ်ယွၤအဂီၢ်, လၢကစၢ်ယွၤလၢအမၤစၢၤတ့ၢ်ယၤဖဲယအိၣ်လၢတၢ်ကိၢ်တၢ်ဂီၤအကတီၢ် ဒီးအိၣ်တ့ၢ်ဒီးယၤဖဲယလဲၤတပူၤလၢ်လၢ်အဂီၢ်န့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 15:8

ဖဲယအိၣ်လၢကီၢ်စူၤရံအပူၤလၢဝ့ၢ်ကၡူၢ်အခါန့ၣ်, ယအၢၣ်လီၤတ့ၢ်ကစၢ်ယွၤလၢအဝဲမ့ၢ်ဆှၢကဒါက့ၤယၤဆူ ဝ့ၢ်ယရူၤၡလ့ၣ်ဒီးယကဘူၣ်ထီၣ်ဘါထီၣ်အီၤလၢဝ့ၢ်ဃ့ဘြိၣ်အပူၤန့ၣ်လီၤ.”

လံာ်ကွဲးနီၣ်တၢ်အခီၣ်ထံးတဘ့ၣ် 4:10

ဘၣ်ဆၣ်စီၤယၤဘ့းဘါထုကဖၣ်တၢ်ဆူအံၣ်စရ့လးအကစၢ် ယွၤဒီးစံးဝဲ, “ကစၢ်ယွၤဧၢ, ဆိၣ်ဂ့ၤယၤဒီးဟ့ၣ်လဲၢ်ထီၣ်ယအိၣ်ယဆိးအလီၢ်တ က့ၢ်. အိၣ်ဒီးယၤဒီးတြီဃာ်န့ၢ်ယၤလၢကယဲၢ်တၢ်အၢတၢ်သီ တမံၤလၢ်လၢ်လၢကမၤဆူးဆါယၤန့ၣ်တက့ၢ်.” ဒီးကစၢ်ယွၤဟ့ၣ်အီၤတၢ်လၢအဃ့ဝဲဒၣ်န့ၣ်လီၤ.

စံးထီၣ်ပတြၢၤ 116:14

ယကမၤဘူၣ်ယွၤလၢ တၢ်ဘၣ်ဃးဒီး ယဆိၣ်တၢ်လၢ အပှၤဂီၢ်မုၢ်ခဲလၢာ် အမဲာ်ညါခဲကနံၣ်အံၤလီၤ.

စံးထီၣ်ပတြၢၤ 116:18

ယကဟ့ၣ်ယတၢ်အၢၣ်လီၤအီလီၤတဖၣ် ဆူယွၤလၢအပှၤဂီၢ်မုၢ်ခဲလၢာ်အမဲာ်ညါ,

စံးထီၣ်ပတြၢၤ 119:106

ယမၤတၢ်ဆိၣ်တမံၤဒီး ပာ်ဂၢၢ်ပာ်ကျၢၤအီၤလၢယကပိာ်ထွဲနတၢ်သိၣ်တၢ် သီတဖၣ်လၢ အတီအလိၤန့ၣ်လီၤ.

စံးထီၣ်ပတြၢၤ 132:2

ယွၤဧၢ, သ့ၣ်နီၣ်ထီၣ်က့ၤတၢ်လၢအဝဲအၢၣ်လီၤတ့ၢ်ဝဲ, တၢ်ဆိၣ်လၢအမၤတ့ၢ်ဝဲဒီးနၤ, စီၤယၤကိာ်အကစၢ်ယွၤလၢအဂံၢ်ဆူၣ်ဘါဆူၣ်,

စံးထီၣ်ပတြၢၤ 22:25

ယကစံးထီၣ်ပတြၢၤနၤလၢတၢ်လၢနမၤတ့ၢ် သ့ၣ်တဖၣ်အဃိ လၢပှၤလၢအဘူၣ်ထီၣ်ဘါထီၣ်နၤသ့ၣ်တဖၣ် အမဲာ်ညါန့ၣ်လီၤ. ယကလုၢ်ထီၣ်တၢ်လုၢ်တဖၣ် ဒ်ယအၢၣ်လီၤတ့ၢ်အသိးန့ၣ်လီၤ.

စံးထီၣ်ပတြၢၤ 56:12

ကစၢ်ယွၤဧၢ, တၢ်လၢယဆိၣ်တၢ်လၢနဂီၢ်သ့ၣ်တဖၣ်န့ၣ်, ယကပာ်ဖျါထီၣ်အီၤ, ယကဟ့ၣ်ထီၣ်တၢ်စံးထီၣ်ပတြၢၤ အတၢ်မၤဘူၣ်သ့ၣ်တဖၣ်ဆူနၤလီၤ.

စံးထီၣ်ပတြၢၤ 61:5

ကစၢ်ယွၤဧၢ, အဂ့ၢ်ဒ်အံၤ နနၢ်ဟူတ့ၢ်လံယတၢ်ဆိၣ်တဖၣ်န့ၣ်လံ. နဟ့ၣ်တ့ၢ်လံယၤတၢ်န့ၢ်သါလၢအဘၣ်ဃးဒီး ပှၤလၢအပျံၤနမံၤလံ.

စံးထီၣ်ပတြၢၤ 61:8

မ့မ့ၢ်ဒ်န့ၣ်ဒီး ယကသးဝံၣ်စံးထီၣ်ပတြၢၤနမံၤလီၤစိၤလီၤထီ ဒ်ယဟ့ၣ်ယတၢ်အၢၣ်လီၤအတၢ်ဟ့ၣ် တနံၤဘၣ်တနံၤအသိးန့ၣ်လီၤ.

စံးထီၣ်ပတြၢၤ 66:13

ယကဟဲဆူနဟံၣ်ပူၤဒီးတၢ်လုၢ်မ့ၣ်အူတဖၣ်, ယကဟ့ၣ်ထီၣ်နၤလၢယတၢ်ဆိၣ်သ့ၣ်တဖၣ်,

စံးထီၣ်ပတြၢၤ 76:11

ဟ့ၣ်ယွၤသုကစၢ်ယွၤလၢတၢ်လၢသုအၢၣ်လီၤတ့ၢ်အီၤ, ပှၤကိးကလုာ်လၢအအိၣ်ဘူးဒီးအီၤသ့ၣ်ဧၢ, ဟဲစိာ်တၢ်ဟ့ၣ်တဖၣ်ဆူယွၤတဂၤ လၢအမ့ၢ်တၢ်ပျံၤအလီၢ်အအိၣ်န့ၣ်တက့ၢ်.

လံာ်ယၡါယၤ 19:21

ယွၤကလီၣ်ဖျါထီၣ်အသးလၢပှၤအဲၤကူပတူးဖိတဖၣ်ဒီးအဝဲသ့ၣ် ကသ့ၣ်ညါယွၤဒီးဘူၣ်ထီၣ်ဘါထီၣ်အီၤဒီးဟဲစိာ်န့ၢ်အီၤလၢတၢ် လုၢ်တဖၣ်ဒီးတၢ်မၤဘူၣ်တဖၣ်လီၤ. အဝဲသ့ၣ်ကမၤတၢ်အၢၣ် လီၤအီလီၤသညူးသပှၢ်ဒီးအီၤဒီးမၤတၢ်လၢအဝဲသ့ၣ်အၢၣ်လီၤ ဝဲန့ၣ်လီၤ.

လံာ်ယိၤဟၣ် 1:16

လၢအဝဲဒၣ်အတၢ်ဘျုးတၢ်ဖှိၣ်အတၢ်လၢတၢ်ပှဲၤအပူၤန့ၣ်, ပဝဲခဲလၢာ်ပဒိးန့ၢ်တၢ်ဘျုးတၢ်ဖှိၣ်တမံၤဝံၤတမံၤန့ၣ်လီၤ.

မၤတၢ် 18:18

စီၤပီလူးအိၣ်ဒံးဝဲဖဲဝ့ၢ်ကရံၣ်သူးဒီးအပျဲၢ်အဘီၣ်တဖၣ် အါနံၤအါသီဝံၤအလီၢ်ခံ, အဝဲဒၣ်ဟးထီၣ်ကွံာ်လၢအဝဲသ့ၣ်အအိၣ်ဒီးဒိးထီၣ်ကဘီလၢ အလဲၤဆူကီၢ်စူၤရံဃုာ်ဒီးနီၢ်ပြံစကံးလၤဒီးစီၤအကူလၤန့ၣ်လီၤ. တချုးအဒိးထီၣ်ကဘီန့ၣ်, အဝဲဒၣ်အိၣ်ဒီးတၢ်ဆိၣ်လီၤ အသးဖဲဝ့ၢ်က့ၣ်ဃရ့းဒီးလူၤကျိကွံာ်အခိၣ်လီၤ.

၁ တံၤမသ့း 6:8

မ့မ့ၢ်ဒ်န့ၣ်ဒီး, ပမ့ၢ်အိၣ်ဒီးတၢ်အီၣ်တၢ်အီဒီးတၢ်ကူတၢ်ကၤတဖၣ် ဒီးပကြၢးသူၣ်မံသးမံလံလီၤ.

လံာ်စီၤၡမူၤအ့လးအခီၣ်ထံးတဘ့ၣ် 1:11

နီၢ်ဃးနၤမၤတၢ်အၢၣ်လီၤအီၤလီၤတၢ်သညူးသပှၢ်တမံၤန့ၣ်လီၤ. “ယွၤသ့တၢ်လၢာ်ဧၢ, ကွၢ်လီၤယၤနကုၢ်အံၤတက့ၢ်. ထံၣ်ယတၢ်ကိၢ်တၢ်ဂီၤဒီးသ့ၣ်နီၣ်ထီၣ်က့ၤယၤတက့ၢ်. သးပ့ၤနီၣ်ယၤတဂ့ၤ. နမ့ၢ်ဟ့ၣ်ယၤလၢဖိခွါတဂၤဒီးယအၢၣ်လီၤ နၤလၢယကပာ်စီဆှံအီၤဆူနအိၣ်လၢအသးသမူတစိၤဒီးအခိၣ်သူ တဘၣ်တၢ်ကူးတဲာ်အီၤနီတစုဘၣ်.”

လံာ်စီၤၡမူၤအ့လးအခီၣ်ထံးတဘ့ၣ် 1:28

မၤသးဒ်န့ၣ်ဒီး, ယပာ်စီဆှံအီၤဆူယွၤအအိၣ်လီၤ. အသးသမူတစိၤဒၣ်အီၤန့ၣ်ကဘၣ်ဃးဒီးယွၤလီၤ.” အန့ၣ်ဝံၤဒီးအဝဲသ့ၣ်ဘူၣ်ထီၣ်ဘါထီၣ်ယွၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 14:24

ပှၤအံၣ်စရ့လးဖိတဖၣ်အဂံၢ်အဘါစၢ်လၢမုၢ်နံၤအဝဲန့ၣ်မ့ၢ်လၢ တၢ်သၣ်ဝံၤအသးအဃိလီၤ. အဂ့ၢ်ဒ်အံၤ, စီၤစီလူးမၤတၢ်ဆိၣ်သမှံၤသပှၢ်တမံၤဒီးဟ့ၣ်လီၤ အကလုၢ်လၢ, “တချုးလၢယဟ့ၣ်ကၣ်ဒံးဘၣ်ယဒုၣ်ယဒါတဖၣ်အမုၢ်တနံၤန့ၣ်ပှၤတဂၤ လၢ်လၢ်လၢအအီၣ်တၢ်အီၣ်တမံၤမံၤန့ၣ်တၢ်ဆိၣ်အၢတမံၤကအိၣ်လၢ အလိၤလီၤ.” မၤသးဒ်န့ၣ်ဒီးလၢမုၢ်နံၤအဝဲန့ၣ်ဒီနံၤညါန့ၣ်, ပှၤတအီၣ်တၢ်နီတမံၤနီတဂၤဘၣ်.