လံာ်တၢ်ကဲထီၣ်အခီၣ်ထံး 27:33 - Sgaw Karen Common Bible

³³ စီၤအံၤစဲးဖုးသံပျီၢ်ဂီၤဒီးကနိးကစုာ်ထီၣ်ဒီဂၤညါဒီး သံကွၢ်ဝဲ, “ပှၤလၢအမၤသံဆၣ်ဖိကီၢ်ဖိဒီးဟဲစိာ်ဆူယအိၣ်န့ၣ်မ့ၢ်မတၤ တဂၤလဲၣ်. ယအီၣ်တ့ၢ်လံတချုးနဟဲန့ၣ်လီၤ. ယဟ့ၣ်လံအီၤယတၢ်ဆိၣ်ဂ့ၤလၢခံကတၢၢ်ဒီးမ့ၢ်အတၢ်လီၤစိၤလီၤ ထီန့ၣ်လီၤ.”

လံာ်တၢ်ကဲထီၣ်အခီၣ်ထံး 27:33 Iomraidhean Croise

လံာ်တၢ်ကဲထီၣ်အခီၣ်ထံး 25:23

ဒီးယွၤစံးဘၣ်အီၤ, “ပှၤကလုာ်ခံကလုာ်အိၣ်ဝဲလၢနပူၤလီၤ. နကဆံးစၢ်ထီၣ်, ပှၤဂီၢ်မုၢ်ထီဒါလိာ်သးခံဖုန့ၣ်လီၤ. ပှၤတကလုာ်ကဆူၣ်န့ၢ်အဂၤတကလုာ်လီၤ. ပှၤအဒိၣ်ကဘၣ်မၤတၢ်ခ့တၢ်ပှၤ အတၢ်မၤလၢပှၤအဆံးအဂီၢ်န့ၣ်လီၤ.”

လံာ်တၢ်ကဲထီၣ်အခီၣ်ထံး 27:35

စီၤအံၤစဲးစံးဝဲ, “နပုၢ်ဟဲဒီးလီန့ၢ်ယၤလံ. အဝဲဟံးန့ၢ်ကွံာ်နတၢ်ဆိၣ်ဂ့ၤလံ.”

လံာ်တၢ်ကဲထီၣ်အခီၣ်ထံး 28:1

စီၤအံၤစဲးကိးဝဲစီၤယၤကိာ်ဒီးဆၢဂ့ၤဆၢဝါအီၤဒီးတဲဘၣ် အီၤ, “ဟံးန့ၢ်နမါလၢပှၤကနၤဧၣ်မုၣ်ဖိတဂၤတဂ့ၤ.

လံာ်စီၤယိၤဘး 21:6

တုၤယဆိကမိၣ်ထီၣ်ယဲတၢ်မၤတ့ၢ်လံအသးဒီးယၤန့ၣ်ယသး လီၤကတုၤ, ဒီးယကနိးကစုာ်ဒီးဟူးဝးယဲဒၣ်န့ၣ်လီၤ.

လံာ်စီၤယိၤဘး 37:1

ကလံၤမုၢ်မၤစံၣ်ယသးတုၤယသူၣ်ကနိးသးကနိးန့ၣ်လီၤ.

စံးထီၣ်ပတြၢၤ 55:5

တၢ်ပျံၤဒီးတၢ်ကနိးလီၤဘၣ်ယၤ, ဒီးတၢ်လီၤပျံၤလီၤဖုးလုၣ်ဘၢယၤလီၤ.

လံာ်တၢ်ဂံၢ် 23:20

ယဘၣ်တၢ်သိၣ်လိနဲၣ်ယုၤတ့ၢ်ယၤလၢယကဆိၣ်ဂ့ၤတၢ်အဂီၢ်လီၤ. ဒီးဖဲကစၢ်ယွၤဆိၣ်ဂ့ၤတၢ်အခါန့ၣ်ယထုးက့ၤအီၤတန့ၢ်ဘၣ်.

လံာ်ယိၤဟၣ် 10:10

တၢ်ဟုၣ်တၢ်ဘျၣ်န့ၣ်ဟဲဝဲဒ်သိးအကဟုၣ်တၢ်, မၤသံတၢ်ဒီးမၤဟးဂီၤတၢ်အဂီၢ်လီၤ. မ့မ့ၢ်ယဲဒၣ်အံၤယဟဲယဲဒ်သိးသုကန့ၢ်ဘၣ်တၢ်မူ ဒီးန့ၢ်ဘၣ်အီၤအါအါကလဲာ်အဂီၢ်လီၤ.

ရိမ့ၤ 11:29

အဂ့ၢ်ဒ်လဲၣ်န့ၣ်, ကစၢ်ယွၤတလဲလိာ်အတၢ်ပာ်သူၣ်ပာ်သးဘၣ် ထွဲဒီးပှၤလၢအဃုထၢဝဲဒီးဆိၣ်ဂ့ၤဝဲန့ၣ်ဘၣ်.

အ့းဖ့းစူး 1:3

မ်ပစံးထီၣ်ပတြၢၤကစၢ်ယွၤပကစၢ်ယ့ၣ်ၡူးခရံာ်အပၢ်တက့ၢ်. အဂ့ၢ်ဒ်အံၤ, လၢခရံာ်အပူၤန့ၣ်အဝဲဒၣ်ဟ့ၣ်လီၤပှၤလၢတၢ်ဆိၣ်ဂ့ၤဘၣ်ဃးဒီး သူၣ်ဒီးသးတဖၣ်လၢအအိၣ်ဝဲလၢမူခိၣ်န့ၣ်လီၤ.

ဧ့ၤဘြံၤ 11:20

လၢတၢ်စူၢ်တၢ်နာ်န့ၣ်, စီၤအံၤစဲးဆိၣ်ဂ့ၤဆိၣ်ဝါစီၤယၤကိာ်ဒီး စီၤဧ့ၡီၤလၢခါဆူညါအတၢ်ဆိၣ်ဂ့ၤတဖၣ်လီၤ.